Hi Read7 ,囡囡睇左醫生未呀? 頸嘅摺位仲有冇皮膚紅? BB皮膚幼嫩,尤其是摺位位置容易藏污、天氣乾燥/流口水/嘔奶/出汗醃住,都可能令皮膚紅/甩皮/有異味,沖涼時要留意BB摺位清潔(唔好過度揉/擦),保持清潔乾爽再搽返天然冇香料嘅潤膚膏(薄薄凡士林/橄欖油/椰子油,形成皮膚屏障作用,一般會自然好返,媽媽唔需要太擔心。濕疹較多見於面、手、膝頭等位置,皮膚會又紅又""鞋"",主要成因仍然不明,家族成員有敏感,BB有濕疹機會就大D。
美國皮膚病學會(American Academy of Dermatology)於2014年進行了一個綜合研究,翻查過幾個最大型的醫學文獻資料庫後,發現在1946年至2014年間,總共有34篇英語醫學期刊文章內容提及至少一個「類固醇戒斷」個案,34篇文章共涵蓋 1206 個病人個案。研究綜合多個研究結果發現,大部分類固醇戒斷個案,都是與病人曾長期及經常使用中、高效類固醇有關。