自由講場

跳至

首頁

尾頁
   101


複式洋房

積分: 385


發表於 18-11-14 01:00 |顯示全部帖子
本帖最後由 JY1106 於 18-11-14 01:08 編輯

作為一個DSE有番咁上下成績,做左呢行三年既私補老師,靠佢食飯搵錢去旅行之餘又當係滿足一下自己想做老師呢個諗法,畢竟畢業後既專業完全唔關教育事,好想知你地點樣睇私人補習呢回事。
教左三年,北至上水,南至尖沙咀我都有教過,九成學生都係高中,全部都係數理科四科都補得,唔係想打廣告,但遇到幾種人。

第一種係家長不斷問我有冇卷比佢做,有冇方法比佢幫佢,我每次都強調我已經比左一個雲端既"database"比佢,裡面唔好講話數理科,連中英文都有少量資源可用,不嬲我既宗旨係環保,盡可能都唔印,反正高中既學生一定有用電腦/電話,資源上已經比得充足,一個正常能力既學生我相信唔番學連續做二個月左右先清得哂,二十幾年卷,仲有其他模擬卷同小測,點解成日都要問呢,其實家長都有少許責任見仔女主動少少做練習,我唔係教緊小學生,已經十六七歲人,少少自律自主都做唔到咩?

第二種犀利少少,可以唔太擔心自己個仔,明明就黎考DSE,成績都未有太大進展,我儘量維持番一星期一堂比佢,就成日失堂,唔係有比賽就屋企成家有約,一個月上得一堂半兩堂,卷唔做又唔係識哂,但係又想考個靚仔少少既分,又要威又要帶頭盔,你想我點幫到你呢?罵你心肝寶貝你地會覺得唔尊重,已經係好留力罵,唔會人身攻擊,只會就住事實同對佢地既期望罵,衰少少講應該係苦口婆心咁「勸緊學」,換黎家長一係就繼續愛理不理,一係就維護佢地,你地想佢有進步,而佢懶散我又唔話得,啫係要我做黑心教完你就算?我又做唔出,問心教完你你都係满江红,我都頹啦

第三種仲慘,將責任完完全全交比你,個學生一個月四堂三堂都要求改時間,你話係我就唔到時間;個學生我教極都唔識,終於識既時候考試又答唔番,你就話係我教唔好冇進步;個學生冇心機讀,就係我引發唔到佢興趣。我唔係走上黎話收你地錢就走人,一分責任都冇,但教育從來唔會係將責任比哂老師就完,學生同家長都有份,我為咩要落堂又或者出面做完實習生都要走入黎同你補兩個鐘,教到夜一夜十點十點半再搭番大半個鐘番去,第朝再八點半準時繼續番學番實習,為既唔係真係淨係呢四百蚊,都為左想學生第朝考試會表現好少少,教完會有心機讀番,但唔係收你呢舊錢就要食哂所有罪名,學生讀得辛苦我地儘力幫佢,唔代表我地有責任去負埋佢讀書既責任。說到底就係,有心教你你都要有心收。

有時上堂比野你做,我順便停一停個口唔出聲休息,或者做下自己notes 同回覆番d message,唔係我想兜走你寶貴既時間,我做三年黎,馬不停蹄講夠三個鐘都試過,一日踩四單夾埋講七個鐘都有,點解要停,係教完新野我唔去比題目佢,佢吸收得幾多先?好,你做緊既時候,我望實你做,將心比己,你有冇壓力?有冇唔自在既感覺?我一路望實你做,唔係令你更難集中思考咩?講真,一堂一定係要「剛柔並濟」,「剛」指上堂時不斷提點同指正你既錯,教你點樣理解;「柔」則指你自己點樣吸收消化,內化完寫成你既答案,家長你點都唔應該認為我兩個鐘都唔停口就係好老師啦,你唔信我,你自己帶個仔出去補都唔會係120分鐘馬拉松式唔停口。呢刻你會話我自相矛盾,點解明明上面提過話試過三小時不停口?呢點只限於個學生自律自發到完成左唔少既題目,再抽取唔明既地方不斷問,問到落堂,同埋當時係一個家姐一個細妹各自補一個半鐘,我先會唔停口咁解釋。

最後,想帶出既係,家長你地唔係請緊一個機械人番黎,我地做老師有自己既感受同期望,我遇過好既家長對老師真係有禮貌同明白我地既難處,但始終比較多既都係背後話我地點樣唔好,有時亦見過壓價,我唔敢話所有老師都係咁樣既心態,但最少我個人相信,立足得響呢行,我既初心都係想教好學生,就算受過幾多次前半日一日先失堂,臨時先一句sorry sir 我唔補喇你教得差我出去補,家長唔理解問你點解要話我個仔,我既出發點都係想佢地進步,唔只成績上,心靈上都係。我曾經有一個學生,佢係單親家庭,同我一樣,我知佢讀得唔開心,又成日一個人對住工人響屋企,日日就係番學補課補習,我見到佢真正既需要唔在於我點樣比paper 訓練佢,而係要番少少陪伴同埋關懷,我堂堂都會抽番兩三個字,什至overrun去到夜晚十點幾,都係想佢呢少少時間可以傾幾句,同佢分享自己單親 (實情無親) 既經驗同聽下佢近況。補習呢行,唔係賣知識比你,我地老師真係想比埋心理上既支援,唔想多一個人睇唔開做傻事。
今天晚上多言了,希望家長請我地前,諗清楚仔女既需要,你地既期望同埋我地既角色定位。


翡翠宮

積分: 75718

2019新春慶豚圓


發表於 18-11-14 01:03 |顯示全部帖子

回覆樓主:

我喜歡你


複式洋房

積分: 385


發表於 18-11-14 01:09 |顯示全部帖子
本帖最後由 JY1106 於 18-11-14 01:09 編輯

回覆 mini1204 的帖子

多謝

希望更多人明白我地,呢排做得有少少灰
愈來愈多人唔珍惜

點評

wcpcelia    發表於 18-11-14 10:41


公爵府

積分: 26283

2019新春慶豚圓 2019勳章


發表於 18-11-14 01:10 |顯示全部帖子

回覆樓主:

好老師


公爵府

積分: 25448

2019新春慶豚圓


發表於 18-11-14 01:10 |顯示全部帖子
JY1106 發表於 18-11-14 01:00
作為一個DSE有番咁上下成績,做左呢行三年既私補老師,靠佢食飯搵錢去旅行之餘又當係滿足一下自己想做老師 ...

其實,你嘅學生已經主要係高中生,就算同家長交代太多都未必明白、亦冇需要。
不過,將來無論做教育、或其他,你眼前嘅某d家長就好似某d麻煩客一樣,乜人都有,所以你呢刻喺度講幾多,係明嘅本來已經明,唔明嘅睇完都唔明,即係總有阿媽重會反對一個讀緊大學嘅女拍拖咁!


珍珠宮

積分: 33923

2019新春慶豚圓 2019勳章 熱血勳章 好媽媽勳章 hashtag影視迷勳章


發表於 18-11-14 01:12 |顯示全部帖子

回覆樓主:

我掉轉,個老師成日改時間!改到我都唔知佢係咪想我提出話唔補


水晶宮

積分: 54360

2019新春慶豚圓 2019勳章 2018父親節勳章 2018復活節勳章 開心吸收勳章 認識瑞士牛牛第二回 hashtag影視迷勳章 好媽媽勳章 醒目開學勳章 畀面勳章 環保接龍勳章 BK Milk勳章


發表於 18-11-14 01:13 |顯示全部帖子
加油架年輕人,真心好明白你心情.
<br><br>


複式洋房

積分: 385


發表於 18-11-14 01:15 |顯示全部帖子
fupigpig 發表於 18-11-14 01:10
其實,你嘅學生已經主要係高中生,就算同家長交代太多都未必明白、亦冇需要。
不過,將來無論做教育、或其他,你眼前嘅某d家長就好似某d麻煩客一樣,乜人都有,所以你呢刻喺度講幾多,係明嘅本來已經明,唔明嘅睇完都唔明,即係總有阿媽重會反對一個讀緊大學嘅女拍拖咁!

無錯,但係現實黎講,錢都係家長出
同埋家長好影響學生既態度同表現,點都要調整一下一D唔岩既心態


複式洋房

積分: 385


發表於 18-11-14 01:17 |顯示全部帖子
Onlok 發表於 18-11-14 01:12
我掉轉,個老師成日改時間!改到我都唔知佢係咪想我提出話唔補

我依家多數都叫佢地記得提早兩至三日講,雙方都肯咁做就好少少啦
我都會改,不過唔太多,補左三年好似得一次定兩次完全唔記得要上


大宅

積分: 2616

2019新春慶豚圓 2019勳章


發表於 18-11-14 01:21 |顯示全部帖子

回覆樓主:

努力加油


公爵府

積分: 25448

2019新春慶豚圓


發表於 18-11-14 01:54 |顯示全部帖子
JY1106 發表於 18-11-14 01:15
無錯,但係現實黎講,錢都係家長出
同埋家長好影響學生既態度同表現,點都要調整一下一D唔岩既心態
...

係㗎,錢係家長出,所以我用個比喻當佢地客,咁如果你當係一份工作,顧客永遠是對的,事前同客傾啱協議先合作、之後盡本份對個客交代,已完成工作,實在冇太多需要去調整個客心態,因為有d媽媽已經湊慣左呢個高中BB咁多年,你期望用每星期一堂去調整到幾多?你期望用一千幾百字去影響到幾多?
做補習已經比較簡單,不合則散,你盡足本份,佢都有權認為你唔識教好佢BB,總之有俾足補習費,大家相處都有基本禮貌,已經非常好
再講,喺香港嘅教育方式下,如果真係要做老師,遇到問題就複雜多了,或者你嘅做法係最妥善,但被調整心態的是你。


公爵府

積分: 25448

2019新春慶豚圓


發表於 18-11-14 01:58 |顯示全部帖子
Onlok 發表於 18-11-14 01:12
我掉轉,個老師成日改時間!改到我都唔知佢係咪想我提出話唔補

我女小學時,發覺搵大學生的確難夾時間,因為小學都有固定活動,時間難改,當時就決定轉搵高中生。
到中學就由得個女自己同補習夾時間,我只負責俾錢,佢覺得ok就繼續補,佢想轉第二個就自己搵同學介紹。


別墅

積分: 765


發表於 18-11-14 02:04 |顯示全部帖子
回覆 JY1106 的帖子

多謝你出哩個po話定俾我聽第日應該點樣督促同配合補習老師
ps.我以前係你講既第三種類型學生 ,而家睇返真係覺得自己好差勁


男爵府

積分: 6111

2019新春慶豚圓 2019勳章


發表於 18-11-14 02:04 |顯示全部帖子
JY1106 發表於 18-11-14 01:00
作為一個DSE有番咁上下成績,做左呢行三年既私補老師,靠佢食飯搵錢去旅行之餘又當係滿足一下自己想做老師 ...


謝謝分享!


珍珠宮

積分: 40841

2019新春慶豚圓 2019勳章


發表於 18-11-14 02:09 |顯示全部帖子
我女兒都有一段時間同人補習,後期同你出現一樣問題,心灰意冷,從此就冇再做


男爵府

積分: 6264


發表於 18-11-14 02:13 |顯示全部帖子
jojojojom 發表於 18-11-14 02:09
我女兒都有一段時間同人補習,後期同你出現一樣問題,心灰意冷,從此就冇再做
...
我都係


子爵府

積分: 12266

HiPP勳章(1)


發表於 18-11-14 08:38 |顯示全部帖子

回覆樓主:

Thx for sharing!

我覺得好老師難求!

我慶幸都遇到個好的英文補習老師,佢明明幫阿仔補英文,但會打電話同我講阿仔中文字唔得,仲問我可唔可以每日補多15分鐘(唔收錢)幫阿仔練中文字!

佢都講過,佢係有要求的補習老師,如果學生或家長唔合作,佢會索性唔補。


公爵府

積分: 26787

2019新春慶豚圓 2019勳章 醒目開學勳章 畀面勳章


發表於 18-11-14 09:01 |顯示全部帖子


大宅

積分: 2991

2019勳章 2018復活節勳章


發表於 18-11-14 09:20 |顯示全部帖子



男爵府

積分: 6567

2019新春慶豚圓


發表於 18-11-14 09:21 |顯示全部帖子
嗯....睇得出你好用心, 係一個好老師, 希望你唔好俾現實磨滅....

努力.....

首頁

尾頁

跳至
你需要登錄後才可以回帖 登入 | 註冊