吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 香港18區媽媽會› 真光 & 光明

香港18區媽媽會今日: 2|主題: 156864

收藏本版

發帖

返回列表

跳至頁

查看: 1983 | 回覆: 8

[元朗區] 真光 & 光明

ingrid000

大宅

積分: 1014

發表於 18-11-21 14:28 |顯示全部帖子

昨日大約下午4:30我同媽咪在大馬路橫過馬路時, 見到有一位小學生一邊過馬路一邊拿著本數學功課揸住支筆喺度寫, 身邊無大人陪伴。我媽咪就同果位小朋友講, 叫佢返屋企先做功課啦, 喺馬路做功課好危險架......。個小朋友就話 "唔得呀, 好多功課做呀, 要一路行一路要諗點做呀......" 媽咪就同佢講D功課應該唔難做既, 跟住就好奇問佢"係邊間學校讀書呀?" 個小朋友就話讀真光既, 佢仲話讀光明嗰D仲慘呀.......有成十幾樣功課!!!
想請問真光/光明的家長, 小朋友是否真係多功課做到甘誇張?

私人傳訊

ingrid000

大宅

積分: 1014

發表於 18-11-21 15:17 |顯示全部帖子

ingrid000 發表於 18-11-21 14:28
昨日大約下午4:30我同媽咪在大馬路橫過馬路時, 見到有一位小學生一邊過馬路一邊拿著本數學功課揸住支筆喺度 ...

利申: 本人係光明舊校生, 幾十年前已覺得學校好谷, 老師叫學生成本(中文、社會、科學)作業及補充背答案......成本成語手冊背哂.......仲有臨近測驗考試前全班輪住問書(問哂成本作業及補充/成語手冊), 問到唔識就罰企, 再問第二輪都唔識就罰留堂, 留堂問到識先可以放學。另外測驗考試如果攞唔到97分以上要罰留堂........學能測驗练習又係成本背答案........問書........罰企罰留堂......某科功課如果唔合格......就會滕條打手板侍候........不過可能個別幾個老師既做法, 其他班可能唔係甘。

睇返呢度D家長之前分享, 依家光明已改變左教育方法, 希望依家無好似以前甘谷啦, 但我都要多謝呢間學校令我當年上到Band 1中學既。

不過呢間學校實在俾我太大陰影, 唔會俾小朋友讀呢間了, 而且距離屋企較遠。

私人傳訊

kamkam528

伯爵府

積分: 19039

畀面勳章 BK Milk勳章

發表於 18-11-21 17:32 |顯示全部帖子

ingrid000 發表於 18-11-21 15:17
利申: 本人係光明舊校生, 幾十年前已覺得學校好谷, 老師叫學生成本(中文、社會、科學)作業及補充背答案.. ...

本帖最後由 kamkam528 於 18-11-21 22:27 編輯

我都係光明舊校生，都係好多年前，個陣仲係上下午校，touchwood又冇經歷過你講個d

私人傳訊

芝芝

子爵府

積分: 14514

發表於 18-11-21 20:42 |顯示全部帖子

回覆樓主:

呢段係我上年回覆姊妹有關光明學校的。

學校唔算谷學生，最少呢兩年幾感覺唔到。功課1，2年級時約6，7樣，今年3年級明顯多左9樣10樣咁啦！但其實如果，係如果小朋友肯用心專心做都唔需要做好耐。我小朋友為例合作的話可以1個鐘完成3，4樣要抄寫同作句的功課，亦可以1個鐘寫唔到6個生字。其他填充，運算都係可快可慢。

私人傳訊

芝芝

子爵府

積分: 14514

發表於 18-11-21 20:42 |顯示全部帖子

回覆樓主:

人夾人，位位家長要求唔同，好難講。
我係唔介意老師罰我仔無小息的，因我小朋友較hea,功課一般，錯漏百出的，老師有時會要求小息時補做，本人認為好合理。但有家長就覺得老師唔啱不人道

。
任何學校的家長群中總有催谷形的爸媽存在，但自己仔女自己決定，如果你在意佢名次，你自然會被影響，谷去補習谷去讀專科。
我自己要求佢上堂認真，有用心溫習，知佢識就可以，考試實有失手時(我家少爺162人，可以考四十幾五十名，亦可考跌出100)，老師長期叫家長們要放鬆，學習是長遠的事。
暫時來說我喜歡呢間學校的。:)

私人傳訊

芝芝

子爵府

積分: 14514

發表於 18-11-21 20:43 |顯示全部帖子

回覆樓主:

今年亞仔已經4年級，功課大約1日6，7樣。可能大個左，手開始爽d，做得快少少。而且校長今年講明，學校慢慢轉，因社會亦唔只止要求成績，應該多元化，家長亦要學識唔好過份重視成績。希望大家唔好人云亦云，可能從前的光明係好催谷，但依家係點應該自己再去了解，學校好歡迎大家的。

私人傳訊

南天白雲

男爵府

積分: 5199

發表於 18-11-22 12:14 |顯示全部帖子

我有兩個小朋友現在讀緊光明學校,我覺得我兩位小朋友暫時都讀得好開心有滿足感,小一和小二的功課量其實唔多的,如果小朋友肯做係可以好快做哂或者係學校已經做完所有功課,小三開始會多啲功課,但我覺得都係合理範圍內,唔會做好耐,其實現在的校長對教育好有熱誠,希望學生唔會一味死讀書,現在的光明是有很多活動的希望學生能多元發展。不是坊間傳聞的多功課學校