吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› T18愛德華氏綜合症，抽絨，人工流產，記念我13+bb女 ...

懷孕前後今日: 1|主題: 329675

收藏本版

發帖

返回列表

跳至頁

查看: 28328 | 回覆: 66

T18愛德華氏綜合症，抽絨，人工流產，記念我13+bb女

[複製鏈接]

12 3 4

naobabee

複式洋房

積分: 226

1^#

發表於 18-11-21 17:14 |只看該作者 |倒序瀏覽 |打印

本帖最後由 naobabee 於 18-11-24 13:18 編輯

bb係11周多時候，我係元朗私+做左T21抽血，一週多後，診所打來叫我返去睇報告，仲話最好帶埋老公，我就開始擔心了。老公安慰我話無事概。點知見完醫生，就話我唐氏同陶氏都低，偏偏愛德華氏高好多，仲話呢個症係除左bb會智商唔好之餘仲有心臟病同出生一年之內去世。真係好嚴重！跟住寫轉介信我再去做多次絨毛球穿刺檢查再決定。如果真係有問題就要引產了。

醫生話T21會包一次檢查費，做抽絨時就卑個醫生費就得了。但我打去轉介概診所有話無包，所以要7k+診金1k。仲話到時如果要再做其他檢查又要多錢。於是又重新轉介到尖沙嘴一間診所femina healthcare四維超聲波產前診斷中心做。

0 0 0

私人傳訊

GracieChiu

複式洋房

積分: 236

2^#

發表於 18-11-21 17:17 |只看該作者

naobabee 發表於 18-11-21 17:14
bb係11周多時候，我係元朗私+做左T21抽血，一週多後，診所打來叫我返去睇報告，仲話最好帶埋老公，我就開始 ...

不如直接抽絨毛會最清楚

私人傳訊

naobabee

複式洋房

積分: 226

3^#

發表於 18-11-21 17:35 |只看該作者

GracieChiu 發表於 18-11-21 17:17
不如直接抽絨毛會最清楚

已經決定天日九點係尖沙嘴香港婦健診所做，希望呢舖可以翻盤！
琴日同老公返到黎，我話我想依靠上帝，等捱到一月份去照結構先，老公唔信主，堅決叫我快d去驗埋，唔想第時拖到bb好大再引產會對我唔好。我話可能無事呢？老公又話呢個無創dna已經係準確度到99.9%啦！果一刻我終於忍唔住爆喊，做咩佢要下下打擊我唔卑d好野我聽。點知平日好大男人概老公都抽泣不止，心痛我同bb。

琴日喊完就頭痛眼痛八點幾就上床訓左。唉

私人傳訊

yuyutsang

別墅

積分: 699

4^#

發表於 18-11-21 18:24 |只看該作者

唔好咁啦。。。。我知你一定好難受。。。但始終早D搞清楚好過遲。。。。萬一係真，都好過生出黎先知吖。。。

私人傳訊

Nicole1209

民房

積分: 12

5^#

發表於 18-11-21 18:39 |只看該作者

回覆樓主:

每個媽媽都唔想呢的事發生系自已身上，要堅強面對，相信神會卑你好大祝福

私人傳訊

Cacameister

複式洋房

積分: 182

6^#

發表於 18-11-21 19:01 |只看該作者

我都係中左T18, 當時心情好崩潰。之後去QE抽絨毛，然加$拎快報告去私家醫院做流產。
有時唔係你想唔想留個bb, 係bb適合繼續出長。我抽完絨毛confirm左到做安排手術前都希望可以救到bb, 有其他更好選擇，但唔知係巧合定天意，bb係我做手術前一天自己冇左心跳。

私人傳訊

ryo8292003

複式洋房

積分: 124

7^#

發表於 18-11-21 19:13 |只看該作者

我果陣做完nifty 點知T13高危，即刻拎份報告去威爾斯搵醫生，即時排左個快期俾我去照結構同抽絨毛，當時14週，政府嘅醫生好好，都好緊張，幫我照左成一個鐘結構，都睇唔到有異常，建議我俾信心等多一個月抽羊水再驗，咁當然係驚足一個月，到抽羊水果日，抽之前都再照多一個鐘結構，都話大機會冇事，安全起見都有抽羊水，免費俾埋快速測試我3日有報告，結果係冇事，所以唔好太擔心，同埋建議你去番政府醫院果邊跟，跟得都幾好

私人傳訊

mtcat

別墅

積分: 578

8^#

發表於 18-11-21 19:13 |只看該作者

naobabee 發表於 18-11-21 17:35
已經決定天日九點係尖沙嘴香港婦健診所做，希望呢舖可以翻盤！
琴日同老公返到黎，我話我想依靠上帝，等捱 ...

佢都係擔心你身體啫，快啲抽羊水驗咗先知下一步點做，如果真係有問題就要快啲處理好啲，拖多幾個月結果都唔會變⋯ 自己身體係最緊要，否則一切都係空談

私人傳訊

bchuma

男爵府

積分: 9375

9^#

發表於 18-11-21 20:13 |只看該作者

無事嘠，你要相信bb一定會好好嘠。

私人傳訊

mochimama

複式洋房

積分: 221

10^#

發表於 18-11-21 20:17 |只看該作者

樓主，祝福你同BB平安無事。見到你咁，作為準媽媽都為你好心痛。

私人傳訊

naobabee

複式洋房

積分: 226

11^#

發表於 18-11-22 16:59 |只看該作者

Cacameister 發表於 18-11-21 19:01
我都係中左T18, 當時心情好崩潰。之後去QE抽絨毛，然加$拎快報告去私家醫院做流產。
有時唔係你想唔想留個b ...

約左今早9點半做，住得遠要好早起身，但實際上我成晚無點訓，懷孕後經常感到頸渴，所以成晚不斷起身飲水，跟住又小便，所以令我似夢似醒咁腦海中全部都係T21檢查，去第二間診所重cheek、去醫院做抽絨毛啦！好似唸緊呢d，又好似我真系出左街去做緊。可能係我日頭上網查資料太多所導致。於是早上六點乾脆玩手機遊戲。一到八點半就出發了。老公渣車陪我去概，成段路我地都無講嘢。直至到左診所，填資料，等見醫生。
半個鐘後就叫我名入去醫生房，先睇下我T21報告概，佢話我果條「INCREASE in chromosome 18 DNA detected Quantitative aberration in DNA from chromosomes 21 and 13 not detected」已經9成確診

私人傳訊

naobabee

複式洋房

積分: 226

12^#

發表於 18-11-22 17:13 |只看該作者

仲話做抽絨係再次確認真係bb有事唔留得先能夠合法人工流產

肯定之後醫生叫我上手術台，其實係可以變形概b超台，我係成個人平躺在台上，姑娘叫先生入黎做我左手邊，幫我墊了一塊白布在褲頭位，醫生就ji左d gel係我腹部照bb個樣，我覺得耐過平時產檢，我都覺得有d安慰，卑我見多一陣bb。不過醫生開始講嘢令我情緒唔穩定了。「bb好似有兔唇喔！」、「bb心臟好似有個窿喔！」本來我望著天花板一灘死水咁，突然有液體溢出來！
之後開始做手術了。醫生係我小腹上大面積搽消毒水。三次左右。佢會同我報告下一步將要做咩，用b超探頭照好個位，就打左一隻麻醉針，當時就痛到我嗌出黎

私人傳訊

naobabee

複式洋房

積分: 226

13^#

發表於 18-11-22 17:25 |只看該作者

表情痛苦到扭曲，豆大概眼淚係咁流淌，聽到醫生話「唔好郁，唔好擺只手落黎。」我老公抓住我概手，我都緊緊握實用黎借力。跟住就係第二針比較粗概針頭再度「吉」落去，穿過表皮、脂肪層、再到子宮，肯定都有感覺，我只能講係好痛但唔係特別痛。可能係我唸到bb，唸到老公，我先喊到咁犀利。抽泣咁滯。我儘量深呼吸，驚帶動身體。之後醫生會按下我腹部，抽d嘢上黎，又按下按下，過程其實很短，幾分鐘咁。完左可以落床，但即刻有谷M概痛感。出到去等叫名，我十分狼狽、痛苦咁行出去大廳，好多患者都望著我，我搵個位坐低，攬住老公，將頭埋進佢小腹開始放肆咁低聲抽泣！

私人傳訊

naobabee

複式洋房

積分: 226

14^#

發表於 18-11-22 17:42 |只看該作者

我感覺到隔離及對面都有人向我投黎好奇概眼光。果一刻我終於明白左呢個滋味。呢個bb係我做ivf得黎概，當我懷上孕後以後去醫院開獎、再到六週去照bb心跳、再到七週睇bb發育情況，都有遇到好似我咁係醫院爆喊概媽媽！我同旁人一樣好好奇望住佢，好想知道發生咩事。是否無中，是否無左心跳。然後果陣時竟然會暗暗慶幸自己好好彩，bb好叻叻。依家唸起真係自己好愚昧。
我真係好難過！如果自然受孕咁就無得講，但我都歷盡艱難走試管呢條路，都已經揀左最好概胚胎放，都要中招⋯⋯叫我該如何做落去？
之後醫生問我血型係A+定A-，我答唔到，於是又同我抽血，我入房坐低時，

私人傳訊

naobabee

複式洋房

積分: 226

15^#

發表於 18-11-22 17:54 |只看該作者

老公企住係門口望住我，佢安慰我唔洗驚，我對佢笑笑說「抽血我抽得多了，早就唔怕了」。怎知我老公反而眼濕濕，即刻轉身⋯⋯
呢個男人，大男人，平時都係佢最兇最惡，最橫不講理，但陪我經歷過抽卵手術、腹腔鏡手術、每次我都痛緊喊緊時，佢係我隔離好鎮定咁陪伴我，安慰我，依家已經見佢喊過兩次了。（知道T21報告時），返去時我話，我覺得自己好無用！生唔到bb卑你！佢話點解你同我想講概一樣，話自己平時工作忙無時間陪我，仲話自己好愧疚，話自己何德何能讓我咁受苦為佢生個bb⋯⋯
最後都係加錢羅快報告，睇到bb有張b超單，我第一次睇到咁清楚概輪廓，真心祈禱佢係健康概

私人傳訊

LittleSesame715

大宅

積分: 1461

16^#

發表於 18-11-22 18:13 |只看該作者

睇到我都哭左
祝福樓主&你老公

私人傳訊

Viviluby

男爵府

積分: 6618

17^#

發表於 18-11-22 18:30 |只看該作者

naobabee 發表於 18-11-22 17:54
老公企住係門口望住我，佢安慰我唔洗驚，我對佢笑笑說「抽血我抽得多了，早就唔怕了」。怎知我老公反而眼濕 ...

我琴日睇你個post已經喊住打俾老公，不過唔敢同佢講咩事，如果唔係佢實唔俾我再睇bk。
今日睇埋更加喊得仲勁，你同你老公真係好堅強。
我都係IVF嘅，不過放胎前已經做埋PGS check哂冇問題先放，但我放二中一醫生都想我做多次T21穏陣啲，依家等報告中。
真心希望你BB可以順利過關，最緊要兩公婆努力互相扶持，一定可以戰勝一切！無論結果如何都衷心祝福你哋一家。
上帝會喺最適當時候安排最好嘅俾你，要有信心。加油！

私人傳訊