Hi chloebe , BB皮膚幼嫩, 輕輕咁捽/磨擦都可能面紅,有時佢流口水嘔奶後刺激到皮膚,面上可能會出現紅色一撻撻,甚至有粒粒。建議媽媽用棉花濕暖水幫BB清潔面仔,再用乾毛巾印乾就OK。 BB幾大? 平時媽媽有冇同BB做保濕?
明白媽媽見到BB面上有一撻撻會有唔放心 濕疹較多見於面、手、膝頭等位置,皮膚除左紅亦會"鞋"手,通常係接觸到致敏源引起(常見致敏源包括高蛋白食物、新嘅衣料、昆蟲、化學物、塵蟎、花粉等)。如果BB面上粒粒上面有白點,摸落唔"鞋"手,有機會係新生兒痤瘡(BB暗瘡),(懷孕期間媽媽嘅荷爾蒙經由胎盤傳至BB體內而引起),通常出現係額頭同面頰等部位,媽媽只要保持BB皮膚清潔乾爽,無需要擠壓或塗抹任何藥膏,每3-4小時幫BB搽無色無味嘅潤膚膏或者薄薄椰子油/橄欖油做保就OK,BB暗瘡一般係3個月左右會自然消失架。