1-3歲 今日: 3 | 主題: 19353

積分: 1858

發表於 18-12-6 14:59 |顯示全部帖子

今朝帶佢落樓下食早餐，餐廳好好，借左盒立筆同張紙比佢油顏色，佢枝枝筆都拎哂出來，我話唔好，唔用擺返去杯杯度（立筆用杯裝住）。佢唔肯，我唔理佢擺返落去，佢就痴左，一手掃哂台面嘅立筆同杯，係度樓計！我好嬲，打左佢手，又打埋佢面（嬲到控制唔到）。佢係咁喊著話唔敢，我勁嬲，勁大聲喝佢（同我收聲），我感覺到周圍嘅眼光望過來，可能我比人笑緊！有個癲婆係度鬧仔！喊左一陣。佢話唔敢再掉野。轉頭又來想掉。只好拎手機比佢睇。起碼我兩母子無咁比人指點。我當時都嬲到喊左出來(emoji)

私人傳訊

sakurawings85

積分: 2355

發表於 18-12-6 18:14 |顯示全部帖子

回覆樓主

我個仔就㴝21個月，又係成日掉野，每次去餐廳都要掉到成為所有人既焦點

唔俾野玩又嘈，又唔可以不停咁俾餅仔佢食，我都想知點搞

私人傳訊

積分: 1858

發表於 18-12-6 18:42 |顯示全部帖子

sakurawings85 發表於 18-12-6 18:14
我個仔就㴝21個月，又係成日掉野，每次去餐廳都要掉到成為所有人既焦點唔俾野玩又嘈，又唔可以不停 ...

平時會比電話佢睇youtube,但見餐廳好好。拎野比個仔玩，點知佢會咁！

返到屋企換片。佢自己除襪。然後奶手掉左去。我真是餘怒未消。我好嬲話我唔要你。你唔好嗌我媽媽。我冇你啲咁嘅仔，佢一聽見唔要佢。又爆喊。喊左差不多十分鐘。眼淚鼻涕成面都係。我先問佢仲敢唔敢掉野。佢當然答我唔敢。我先呵返佢。但唔知佢可以忍到幾耐

私人傳訊

積分: 1663

發表於 18-12-6 18:46 |顯示全部帖子

askachu 發表於 18-12-6 14:59
今朝帶佢落樓下食早餐，餐廳好好，借左盒立筆同張紙比佢油顏色，佢枝枝筆都拎哂出來，我話唔好，唔用擺返去 ...

可能係因為你唔比佢拎晒出來，所以發脾氣故意掉落地。但我唔會打佢，亦唔建議喺街打佢，保持番佢&你互相喺公眾地方既尊重。加油，我明好嬲既係

私人傳訊

積分: 1663

發表於 18-12-6 18:49 |顯示全部帖子

askachu 發表於 18-12-6 18:42
平時會比電話佢睇youtube,但見餐廳好好。拎野比個仔玩，點知佢會咁！

返到屋企換片。佢自己除襪。然後奶 ...

你可以講：

“做乜唔開心發脾氣呀？”

“媽咪錫番你好唔好？錫番就要自己執返對襪架啦,你做唔做到先？”

私人傳訊

積分: 1858

發表於 18-12-6 19:05 |顯示全部帖子

mrs.3845 發表於 18-12-6 18:49
你可以講：

“做乜唔開心發脾氣呀？”

佢唔係發脾氣。佢係鍾意掉野。

私人傳訊

積分: 1663

發表於 18-12-6 19:07 |顯示全部帖子

askachu 發表於 18-12-6 19:05
佢唔係發脾氣。佢係鍾意掉野。

同佢落街踢波掟下波等佢知道除咗波，其他野唔可以掟

私人傳訊

積分: 1858

發表於 18-12-6 19:10 |顯示全部帖子

mrs.3845 發表於 18-12-6 19:07
同佢落街踢波掟下波等佢知道除咗波，其他野唔可以掟

佢知唔掉得。佢挑戰我呀！

私人傳訊

積分: 1663

發表於 18-12-6 19:34 |顯示全部帖子

askachu 發表於 18-12-6 19:10
佢知唔掉得。佢挑戰我呀！

咁佢 trouble two 緊

私人傳訊

Nbs

水晶宮

積分: 55622

發表於 18-12-6 20:09 |顯示全部帖子

回覆樓主：

本帖最後由 Nbs 於 18-12-6 20:11 編輯

兩歲係中意挑戰大人，測試你底線。呢個係正常架喎。甘即係佢有思考，唔係一舊飯。
但係點嬲都唔可以 "打面", "大喝收聲", "講mama 唔要你" 等說話。
我女都會掟野同唔聽話，佢好有自己主見的。通常我係嚴厲地講"唔甘甘甘就唔比去playground (其他佢喜歡既野）" so far 我無試過喺街到發癲。

私人傳訊

Kapo1021

積分: 3567

發表於 18-12-6 20:48 |顯示全部帖子

唔好覺得小朋友突登咁做，我女1歲3個月時就開始慣性掉野，因為小朋友係無要放返好既概念既，我女掉野我唔會打唔會鬧亦唔會發脾氣，我會笑住咁同我女講唔可以掉野，跟住教佢張掉落地既野執返好，我示範張啲嘢放返好跟住鼓勵佢跟住做，或者捉住佢手仔教佢做，做好就拍手掌讚佢，到1歲9個月就好好多啦，宜家2歲基本上無掉野啦，但有時太順手都會掉既，但掉咗會自己執返好.

私人傳訊

sakurawings85

積分: 2355

發表於 18-12-7 18:11 |顯示全部帖子

Kapo1021 發表於 18-12-6 20:48
唔好覺得小朋友突登咁做，我女1歲3個月時就開始慣性掉野，因為小朋友係無要放返好既概念既，我女掉野我唔會 ...

咩都試過，每次都叫佢執返，每次都問佢唔要應該要點做，但係淨係講嗰次睇住佢先做，一唔為意佢又開始掉野，已經比佢哋咬爛左好多玩具，都唔知點搞

私人傳訊

Kapo1021

積分: 3567

發表於 18-12-7 18:42 |顯示全部帖子

sakurawings85 發表於 18-12-7 18:11
咩都試過，每次都叫佢執返，每次都問佢唔要應該要點做，但係淨係講嗰次睇住佢先做，一唔為意佢又開始掉野 ...

我女初初都係咁㗎，不過我會成日睇住佢，一見到就即時教佢執返，每日係要教好多次，真係教咗幾個月佢先開始無乜掉野，小朋友唔係突登掉野，係因為順手，唔要就掉，所以每一次每一次就算幾煩都好，都要教佢執返，等小朋友慢慢習慣掉完要執返，唔想執就唔會再掉啦.

私人傳訊

Littlegrey

別墅

積分: 855

發表於 18-12-8 12:03 |顯示全部帖子

呢位媽媽，你睇黎要學習控制一下自己情緒先，其實打面真係好差嘅教仔方法，好吾尊重人！小朋友都有尊嚴，你尊重佢佢先會聽你講。
呢個時期小朋友係鍾意掉野，就算係故意都好正常，佢覺得好玩嘛，但你當眾打罵佢，肉酸係自己咋。我女都好百厭，但我吾會當眾鬧，會黑面堅持要佢執返，迫佢面對，佢通常企係度吾出聲望住地下知衰，吾肯去執就話佢執返媽媽就吾嬲，媽媽同你一齊執，試多幾次就會肯執。呢樣真係要比心機耐性慢慢教。

私人傳訊

sillyoldman

複式洋房

積分: 337

發表於 18-12-8 14:08 |顯示全部帖子

我覺得教細路其實反而是訓練自己控制情緒的最佳方法。最初我也用打駡，但發現原來是沒有用的，反而令他更容易暴躁；你發癲時他也會發癲。有一天當你能控制到自己的時候，你就會發現原來你也能控制到小孩。其實大家是同步成長的。不要灰心。慢慢來。慢即是快。
不過我絕對不贊同用手機來哄細路。

私人傳訊

ks1201

積分: 2732

發表於 18-12-8 15:14 |顯示全部帖子

askachu 發表於 18-12-6 14:59
今朝帶佢落樓下食早餐，餐廳好好，借左盒立筆同張紙比佢油顏色，佢枝枝筆都拎哂出來，我話唔好，唔用擺返去 ...

你細個時有比父母打過嗎？覺得有冇效果？我細個成日被打，冇錯當下會認錯，但長遠只會親子關係疏離，反其道而行。希望你除左教育小朋友，亦反省下自己既教養行為。

私人傳訊

秋天與楓葉

珍珠宮

積分: 32599

發表於 18-12-8 15:14 |顯示全部帖子

回覆樓主：

本帖最後由秋天與楓葉於 18-12-8 20:55 編輯

你知唔知點解仔仔脾氣咁暴躁同控制唔到情緒？
因為媽咪都係暴躁同控制唔到情緒
你自己都做唔到但要求兩歲仔要做到，你覺得合理嗎？
小朋友行為係大人一面鏡，小朋友情緒同行為係模仿照顧者
加上研究指出電子奶咀亦會到幼兒情緒不穩，電子產品影片過度刺激幼兒大腦誘發情緒同行為問題
平日出街帶件小玩具/故事書已經可以，根本唔應該用電子奶咀

幼兒掉野真係好普遍，有時小朋友係覺得好玩係同緊你玩、有時係故意挑戰大人.....我女兩歲半仲掉緊，掉完叫佢自己執返，有時我執先再請佢一齊幫手，佢願意執我會講聲唔該晒～或者讚佢做得好

其實兩歲開始想自主係正常，佢唔想擺顏色筆落杯其實好小事，唔一定要強迫佢擺

掉顏色筆你可以話：
顏色筆係餐廳姨姨借比你用，你掉落地下會整爛，姨姨會唔開心

仔仔除襪周圍掉都好小事，你可以讚佢返到屋企識自己除襪好好，但要擺返好，對襪著完平時擺邊架？我地一齊擺返好

同幼兒溝通、指令要清晰同易明
唔應該問仲敢唔敢掉野

應該講：
掉野係唔啱，掉落地下會整爛
自己用完嘅野要擺返整齊，好似爸爸媽媽咁先乖

平日多同仔仔睇圖畫故事書，借故事書教仔仔點樣係好行為，仔仔有好行為多d讚佢
教仔仔分辨點樣係唔好嘅行為會令周圍嘅人唔開心

唔好再打仔仔同講唔要佢，實在太傷害仔仔
慢慢教～切勿動手同動粗

私人傳訊