家庭理財

跳至

首頁

尾頁
   0


複式洋房

積分: 194


發表於 18-12-16 02:55 |顯示全部帖子
回覆 steven1110 的帖子

點解咁多陰謀論?
教課書都將銀行、保險、證券、期貨、金業歸類為金融服務業,咁為何你要單獨將保險公司由金融類分離出來呢?

數字係唔會呃人,我已經share左我知道的3間公司基礎醫療保險未成年人費率,樓主只係考慮想幫1歲同5歲的小朋友買保險,我只係回應樓主問題,相信對佢亦有一定幫助,如果我從頭到尾未係呢個post出現過,樓主可能已經用多左錢買左另一位C兄大力推薦的同級但貴D的醫療險。

根據保監局資料,香港共有161間獲授權保險公司,其中94間經營一般業務,48間經營長期業務,其餘19間則經營綜合業務。如果你有興趣想知道其他保險公司醫療險咩價錢,可以另外開post叫人報價,我個人能力有限,無可能亦都唔會因為你一句話而搵晒所有資料俾你。

樓主想問下人意見啫,如果分享完意見要俾人話偏幫某間公司,被扣上AA帽子,有邊個媽咪敢上來share先?

你又唔駛低估上呢個forum讀者的能力,香港人好精架,日日出入銀行、百貨公司、街市,見慣sales,收集曬情報後至決定買乜唔買野。唔係我個人喺呢個post出來話乜野抵,讀者就會信。佢地會思考,會過慮一D無用資訊。呢個forum有版主又有版規,我諗唔需要一D人自己升呢做網絡警察,判斷是非黑白的權力應該交番俾讀者。

資料的真實性相較提供者背後目的更為重要,最緊要係有多D資料,先可以做對比。


珊瑚宮

積分: 124042

2019新春慶豚圓 2019勳章 醒目開學勳章 大廚勳章


發表於 18-12-16 07:55 |顯示全部帖子
天道酬勤 發表於 18-12-16 00:44
好鐘意睇到你恥笑別人,越係咁做就顯得你越無知。
你可以討厭AA,但你唔可以睇到一D同你意見唔同的人就扣 ...

自已入去睇,9成用家評價正面~


保柏祗專做醫保,沒AGENT(少左成本)但有24小時CS服務,亦有熟悉醫療專業職員,可以立刻比到醫療意見~

唔似其他保險公司,掛羊頭賣狗肉,因醫保無肉食而佣金超低,AGENT ㄧ定狂Sell 妳公司其他高利潤產品,唔等洗野如....(儲蓄保/教育基金),煩死~

保柏互通保額」計劃 
http://www.baby-kingdom.com/forum.php?mod=viewthread&tid=14562281
大力理財篇 之 子女理財!

http://www.baby-kingdom.com/forum.php?mod=viewthread&tid=3868590&extra=page%3D1
買基金真係好傷
http://www.baby-kingdom.com/forum.php?mod=viewthread&tid=3294843&extra=page%3D1


複式洋房

積分: 194


發表於 18-12-16 13:14 |顯示全部帖子
本帖最後由 天道酬勤 於 19-4-21 11:57 編輯

90%好評又點,只要有一次claim唔足就即刻變成差評,每間保險公司都有投訴case,我提及過的幾間公司喺呢個forum都出現過差評。

保X醫療超無良
https://www.baby-kingdom.com/forum.php?mod=viewthread&tid=6680236

Cigna 醫療保險手術後追收差價
https://www.baby-kingdom.com/for ... thread&tid=22033463

好嬲呀!買了AIA保險,賠償不合理
https://www.baby-kingdom.com/for ... thread&tid=20368202

我並無話過保柏唔好,不過保費唔算平係事實。
其實依家好多公司都有24小時CS,以下圖片全部來自佢地官網。







CS有分工,可以喺突發醫療事故提供緊急協助、有醫學知識的CS就需要24小時oncall,呢D服務對受保人最重要。一般更改地址、更改每月扣款信用卡呢D簡單野揾日頭文書CS就可以。唔好期望呢類CS會俾到專業醫護資訊俾你,揾呢類CS 24小時oncall作用亦唔大。

至於某C兄一直話沒agent少左成本呢個根本唔成立,大型保險公司(有AA嗰種)係無底薪俾佢地,有單番至拆佣,佢地請10個AA定係請10萬個AA都唔會增加工資成本。至於無AA的保險公司,除左網上,仲會揾銀行、經紀公司賣單,保險公司一樣會拆佣俾佢地,同一款產品,經任何渠道投保費率都一樣,又唔會俾discount經網上投保的人,以免得失合作夥伴。

X柏在香港有2間公司,X柏亞洲同X柏環球,X柏亞洲專做中低端醫療險,X柏環球賣高端野,佢地的產品真係正,仔女出世後可以免費入保到10歲,已經存在的疾病都受保,至於保費就當然high啦。

每種產品都有佢的市場定位同目標客戶,但要合理,茶餐廳產品賣酒店價,我就覺得唔值籮。
同樣係基礎醫療險,同樣存在以後賠唔足風險,點解唔揾間有信譽D、保費平D的計劃?

唔想呢個post變成嗌交post,再攻擊我亦唔會回應,希望回歸理性討論,每個人都可以發表意見最重要,亦唔好當AA唔係人,佢地一樣可以出聲,有違版規可以即刻舉報。


子爵府

積分: 10878

2019新春慶豚圓


發表於 18-12-16 14:46 |顯示全部帖子
其實大力呢類會員,係BK都叫有些少影響力,希望分享睇法之前都了解一下產品內容,睇返大力論點,主要原因都係話保栢只做醫療,唔似其他保險公司,掛羊頭賣狗肉,因醫保無肉食而佣金超低,AGENT ㄧ定狂Sell 妳公司其他高利潤產品,唔等洗野!

但前排2個引起全城關注的小朋友個案,所需要接受的免疫、質子治療,睇返保單條款,以上治療都不包括在內,希望大力唔好好心做壞事,好多c9仔信你架⋯⋯


珊瑚宮

積分: 124042

2019新春慶豚圓 2019勳章 醒目開學勳章 大廚勳章


發表於 18-12-16 16:17 |顯示全部帖子
新人物 發表於 18-12-16 14:46
其實大力呢類會員,係BK都叫有些少影響力,希望分享睇法之前都了解一下產品內容,睇返大力論點,主要原因都 ...

本帖最後由 大力大力 於 18-12-16 22:19 編輯

我更主張小朋友連醫療也不用買,由於小朋友不懂表達,所以政府醫院好緊張看護/照顧小朋友,小小懷疑便立刻收入院~

最好就係两夫婦努力儲蓄,如20年前把買保險的錢去月供個車位(约20多萬),現在升值到2百萬以上,每月收租$4000,現在醫什麼也可以吧~

事實上,在香港保險是消費品,而不是必需品~


阿女星期六深夜入左急証室.....留院...出左院了~ http://www.baby-kingdom.com/forum.php?mod=viewthread&tid=4618703


子爵府

積分: 10878

2019新春慶豚圓


發表於 18-12-16 21:50 |顯示全部帖子
大力大力 發表於 18-12-16 16:17
本帖最後由 大力大力 於 18-12-16 16:18 編輯

我更主張小朋友連醫療也不用買,由於小朋友不懂表達,所 ...

睇返轉頭既事,咩都可以如果的


珊瑚宮

積分: 124042

2019新春慶豚圓 2019勳章 醒目開學勳章 大廚勳章


發表於 18-12-16 22:13 |顯示全部帖子
新人物 發表於 18-12-16 21:50
睇返轉頭既事,咩都可以如果的

本帖最後由 大力大力 於 18-12-16 22:18 編輯

我俩夫婦可以比一般人早十多二十年財務自由,最大原因是慳家外,便是從沒有供咩供物,祗有全心全意供樓~



年輕人及小家庭唔買基金保險,儲錢買樓哪!http://www.baby-kingdom.com/forum.php?mod=viewthread&tid=5105478


禁止訪問

積分: 311


發表於 18-12-16 22:23 |顯示全部帖子
提示: 作者被禁止或刪除 內容自動屏蔽


複式洋房

積分: 194


發表於 18-12-17 16:02 |顯示全部帖子
本帖最後由 天道酬勤 於 18-12-17 16:03 編輯
新人物 發表於 18-12-16 14:46
其實大力呢類會員,係BK都叫有些少影響力,希望分享睇法之前都了解一下產品內容,睇返大力論點,主要原因都 ...

你係咪指呢個Case?


患罕見病可仁BB 籌200萬治療費

【本報訊】十七個月大BB仔張可仁患上兒童罕見病,飽受病魔煎熬。出生第四天已確診罕有心臟主動脈狹窄,需做手術治療的可仁BB,最近禍不單行地確診患有「第四期神經母腫瘤」,癌細胞已擴散至頭骨、腰椎、盆骨,脊髓神經線亦被癌細胞壓住,小身體既要承受痛楚,更或有癱瘓危機。現正接受化療的可仁日後需要做骨髓移植,以免疫療法延長壽命,惟免疫治療費用高達二百萬元,可仁父親張俊傑是中大校友,其所屬的同學會正發起籌款,望助可仁BB得到適切醫治。

爸爸為醫科畢業生 中大籲捐助
可仁現時留醫沙田威爾斯親王醫院兒童癌症中心隔離病房,極容易受到感染。他已開始接受化療,治療方案將包括化療、手術、放射治療、骨髓移植、免疫治療,需時約一年至一年半。完成化療、手術和放射治療後,還要進行骨髓移植,之後需要免疫療法,這可令存活率由原本的兩成大大提高至五成。

可仁爸爸張俊傑是中大醫科畢業生,其畢業同學會近日發起籌款,並期望藉此提升公眾對兒童罕見癌症的關注。中文大學副校長霍泰輝、中大醫學院前院長鍾尚志等人亦支持今次的籌款活動。

二○○○年自中大醫學院畢業的張俊傑,除要負擔可仁的醫治費用外,另一名兒子亦患有自閉症,故原本擔任小學主任的太太需辭職照顧兩名小朋友,加上照顧父母親,經濟壓力更大。中大醫學院二○○○年畢業同學會發起籌款,為可仁眾籌免疫治療費用,中大醫學院昨亦於社交網站專頁作緊急呼籲。市民可瀏覽中大醫學院社交網站專頁「Faculty of Medicine, The Chinese University of Hong Kong」了解捐款詳情。



佢爸爸有中大學生會幫手,兩個星期就籌夠錢去治療。其實好多藥政府仲係唔包,如果買錯保險自己都唔知,風險真係好大架。


複式洋房

積分: 333


發表於 18-12-17 19:13 |顯示全部帖子
我覺得醫療住院一定要幫仔女買,好似我仔咁,當年好在買左,每年入院一次,都claim 左大大話話6萬,坦白當時講邊有咁多錢俾佢住私家,但住私家安心好多,治療又快,陪佢我都舒服d。有能力再幫佢地買儲蓄第時讀書。


男爵府

積分: 5873

2019新春慶豚圓 2019勳章


發表於 18-12-18 11:43 |顯示全部帖子
醫療保險睇個人須要,有保險亦唔係保足,嚴重 case 私家醫院唔收要入政府醫院。我覺得醫療保險係分擔吓一般疾病嘅醫療開支,可以平衡靠自己儲蓄一筆比,定係買醫保,平日細額 d 長期比,同埋睇私家唔使喺政府排長龍,特別係唔係有即時危急嘅病。

利申:我全家有買醫療保險 (以前公司嗰份夠用,自己無獨立買)


別墅

積分: 566


發表於 18-12-18 13:15 |顯示全部帖子
新人物 發表於 18-12-11 12:32
其實你了唔了解保柏的保障範圍?

本帖最後由 DoubleMo 於 18-12-18 13:24 編輯

佢成日叫人睇政府醫生,佢話政府醫院等死都好過私家醫生,既然睇政府醫生保柏咩保障範圍都唔會cover

當你小朋友有病叫苦連天,叫足幾日都無人睇,你就會好後悔無買保險入私家睇醫生,每次我去醫院都見到唔少甘家長


大宅

積分: 3974

2019新春慶豚圓 2019勳章 畀面勳章


發表於 18-12-18 15:16 |顯示全部帖子
天道酬勤 發表於 18-12-16 02:55
回覆 steven1110 的帖子

點解咁多陰謀論?

入來這個討論區都係想格價攞意見同比較,雖然你只係比較左3間,但一定比日日copy and paste, 要買只可以買bupa 有建設性。


珊瑚宮

積分: 124042

2019新春慶豚圓 2019勳章 醒目開學勳章 大廚勳章


發表於 18-12-18 15:58 |顯示全部帖子
DoubleMo 發表於 18-12-18 13:15
本帖最後由 DoubleMo 於 18-12-18 13:24 編輯

佢成日叫人睇政府醫生,佢話政府醫院等死都好過私家醫生 ...

本帖最後由 大力大力 於 18-12-18 15:58 編輯

我三代都是睇政府醫院,我從出世便幫嚫,從未試過等到死無人理~


複式洋房

積分: 194


發表於 18-12-19 00:01 |顯示全部帖子
DoubleMo 發表於 18-12-18 13:15
本帖最後由 DoubleMo 於 18-12-18 13:24 編輯

佢成日叫人睇政府醫生,佢話政府醫院等死都好過私家醫生 ...

佢太覇道,一定要人認同佢的諗法,唔可以challenge佢,唔可以有自己諗法。

先係叫人唔好買保險,有病睇政府,佢都唔知依家專科新症排期見醫生要等幾耐。
後尾見到有D case政府醫院真係cover唔到,就叫人買佢經常 copy and paste 嗰份保險計劃。連條款都未清楚就推俾forum上其他人。


複式洋房

積分: 194


發表於 18-12-19 01:05 |顯示全部帖子
wallshar 發表於 18-12-18 15:16
入來這個討論區都係想格價攞意見同比較,雖然你只係比較左3間,但一定比日日copy and paste, 要買只可以 ...

多謝中肯評價,每個人的時間同知識都有限,樓主同其他追post的人都係想要多D資訊,希望有更多有料的人可以發表意見,唔好俾一D唔信保險,又從來唔買保險的人阻住吸收資訊。


珊瑚宮

積分: 124042

2019新春慶豚圓 2019勳章 醒目開學勳章 大廚勳章


發表於 18-12-19 06:30 |顯示全部帖子
天道酬勤 發表於 18-12-19 01:05
多謝中肯評價,每個人的時間同知識都有限,樓主同其他追post的人都係想要多D資訊,希望有更多有料的人可以 ...

两位都是做保險,當然會一同吹噓~



你仲未答我,如果客人問妳 :由初生BB買到80歲,80年保險費一共要付出多少錢呀?

我粗略估計,假設當世上没有通脹,也需要200~300萬吧~


老師,你唔識签或不敢答呢?
大力理財篇 之 子女理財!

http://www.baby-kingdom.com/forum.php?mod=viewthread&tid=3868590&extra=page%3D1
買基金真係好傷
http://www.baby-kingdom.com/forum.php?mod=viewthread&tid=3294843&extra=page%3D1


複式洋房

積分: 194


發表於 18-12-19 14:42 |顯示全部帖子
半條問題唔好兩頭問啦

每份醫療plan保障範圍都唔同,我講過的幾隻plan你問邊隻先?

你問的問題如果變成股市的問題,就係"股票幾多錢呀?如果由0歲開始月供到80歲,佢會升到幾錢?回報幾多?通漲高D定係樓價高D定係股票價值高D。"笑死。

冇明確標的,淨係問半條問題,仲係度一直追問答案。


複式洋房

積分: 194


發表於 18-12-19 14:53 |顯示全部帖子
大力大力 發表於 18-12-19 06:30
两位都是做保險,當然會一同吹噓~

你咁鍾意扣人帽子?你賣帽架?
同你唔同意見的全部都係AA?

要人讚同你的意見請用理說服人。
香港金融業咁發達,識野的人好多,但好似你咁霸道,無point都係要扮代表的人好少見。


大宅

積分: 3974

2019新春慶豚圓 2019勳章 畀面勳章


發表於 18-12-19 15:27 |顯示全部帖子
天道酬勤 發表於 18-12-19 14:53
你咁鍾意扣人帽子?你賣帽架?
同你唔同意見的全部都係AA?

偏離主題嘅討論,或盲測我唔會回應, 避免
呢個post變為嗌交post,跟住被删。

首頁

尾頁

跳至
你需要登錄後才可以回帖 登入 | 註冊