意見反饋
義工

少年成長 今日: 3|主題: 14715

查看: 6876 | 回覆: 8
愛錫還是過份保護


男爵府

國民生產總值:5971

2019勳章


發表於 18-12-23 13:05 |顯示全部帖子
本帖最後由 csir3290 於 18-12-23 13:05 編輯

琴日幫阿仔睇功課,阿仔其中一份功課係寫隨筆,佢寫咗呢有關我哋上星期去大嶼山宿營做題目。嗰次係佢人生第一次去宿營,當然去旅行佢就試過好多次啦。佢除咗寫得玩得好開心之外,但原來佢最深刻嘅感想就係體會到執嘢好辛苦,因為唔知道要執乜嘢總之就將好多好多嘅嘢都擺咗落個背囊度,第二日佢出發嘅時間佢先至發覺自己個背囊好重,但係全程爸爸媽媽都要佢自己咩返個背囊,所以佢其中一個嘅感想就係話下次要檢查清楚,淨係帶啲必需要帶嘅物品。
阿仔阿女自細開始,我哋兩公婆已經訓練佢哋自己要拎返自己嘅嘢,所以到宜家其實佢哋出街都好習慣自己拎番自己嘢,如果係買咗佢哋自己嘅嘢佢哋都會自己拎,有時甚至乎佢哋見到我同媽媽拎得啲嘢比較多佢哋都會主動幫手拎嘢。兩姊弟細細個開始跟我哋去旅行,佢哋從來都係自己拎自己嘅背囊,但係好多時都係將所有嘅嘢擺曬落行李喼度,而行李喼嘅嘅好多時候媽媽幫佢哋去執,所以佢哋都唔覺得執嘢好辛苦。佢哋通常都淨係執自己嘅背囊,都係啲個人物品,好似相機,外套同佢哋自己隻毛公仔等,所以佢哋背囊又唔係太重。但係今次就唔同,因為只係去宿營,會搭公共交通工具,所以唔會用喼,費事阻住人。我同我老婆都要佢哋自己執自己嘅嘢,自己要諗清楚要用啲乜嘢然之後全程自己孭。咁今次佢哋終於知道執嘢辛苦了。佢哋當然亦都有帶漏嘢,但係亦都帶咗好多無謂嘢,呀仔連平時自己夜晚鐘意畫畫用嘅木顏色都帶埋去宿營。由屋企去大嶼山宿營其實個路程都幾遠,見到佢兩個孭住個咁重嘅背囊,都有曾經諗過幫佢哋貝孭,尤其是上落巴士嘅時候,但係諗深一層既然佢哋自己孭到而呢個亦係佢哋嘅責任,要訓練佢哋懂得自己執拾同埋承擔自己嘅嘢,所以到最後都係忍住手唔幫佢哋。

我成日都話小朋友嘅適應能力係好強嘅,好多時都只係家長一廂情願咁擔心,驚佢哋攰,驚佢哋重,又驚佢哋帶漏嘢之類嘅擔心。我明白家長好多時都係愛錫自己嘅仔女,但係如果我哋唔畀適當嘅機會佢哋去學習去承擔去嘗試,樣樣嘢都係用愛錫嚟做理由去剝削佢哋試嘅機會,到頭來佢哋缺乏咗失敗嘅經歷同從錯誤中學習嘅機會,咁反而由愛錫佢哋反而變成影響咗佢哋。好似阿仔今次執行李嘅經驗,雖然帶漏嘢又帶多咗嘢,但係我諗佢哋下次一定會再諗得清清楚楚究竟有啲乜嘢要帶同埋有啲乜嘢唔使帶,點樣令到自己唔好拎到咁重。而且佢哋一定知道就係帶幾多嘅都係自己拎,爸爸媽媽未必會幫佢,所以佢更加會想得清清楚楚。我同老婆雖然唔會幫手孭,但係一定會教佢哋執嘢嘅方法。

王國熱話
招聘兼職Data Entry Clerk (西灣河)
請上午part time銷售助理
急聘 全職 客戶主任!!!!!!!!!
急聘車場助理!!!!!!!!!


複式洋房

國民生產總值:130


發表於 18-12-29 19:20 |顯示全部帖子
晤可以太過保護,以後的人生路佢要自己行


男爵府

國民生產總值:5971

2019勳章


發表於 18-12-29 19:31 |顯示全部帖子
回覆 Daisi 的帖子

同意!


男爵府

國民生產總值:6843

2019勳章


發表於 19-1-6 09:19 |顯示全部帖子

回覆樓主:

我一向都覺得-粗生粗養係最好,我兩個係女仔,我都係甘處理佢地。太保護就當佢地遇到困難時,好大問題會出現。


珍珠宮

國民生產總值:47590


發表於 19-1-6 14:24 |顯示全部帖子
我好早就叫仔自己做多d,高小就好獨立自己返學/去學野!上到中學直情有甩晒身嘅感覺!


男爵府

國民生產總值:5971

2019勳章


發表於 19-1-6 20:21 |顯示全部帖子
回覆 Kristytracy 的帖子



男爵府

國民生產總值:5971

2019勳章


發表於 19-1-6 20:22 |顯示全部帖子
本帖最後由 csir3290 於 19-1-6 20:24 編輯

回覆 csir3290 的帖子



男爵府

國民生產總值:5971

2019勳章


發表於 19-1-6 20:23 |顯示全部帖子
回覆 lojo11 的帖子



洋房

國民生產總值:36


發表於 19-1-7 04:18 |顯示全部帖子
真係過份保護喇

你需要登錄後才可以回帖 登錄 | 註冊

© Baby-Kingdom.com Limited. All rights reserved.