wyl 發表於 18-12-31 18:06
其實第11集學堂上就能看出為何最後是二叔贏得了明蘭的心。齊衡把六姑娘當成絲蘿,處處保護,相反二叔卻看出 ...
顧二郎心太軟,所以俾曼娘有機可乘,書入面佢對明蘭佢最初係冇好印象,因為明蘭多事令佢同余小姐婚事告吹,不過後來有D事令佢對明蘭上心而非卿不娶,佢嘅算計居然連盛老夫人都估唔到。劇改咗好多內容,又將情節同時間重新安排,早早安排明蘭同顧二相識於童年,而且將顧二嘅身世一早揭開,呢D都係劇同小說之不同,不過暫時咁改又可以接受,我稍為覺得盛紘過份忽視明蘭,書入面佢對於幾個仔女其實都係錫嘅,只係開初較為偏心墨蘭。
講番齊衡,明蘭臨結婚時遇見佢,佢唔死心問明蘭,明蘭當時話小公爺太似郡主,事事要完美好強,明明已經係天之驕子,偏要比任何人更優秀,明蘭話齊衡太好,佢要唔起,小公爺心太大,佢放不下。
反而顧二對明蘭表明心迹時點明佢明白明蘭過得委屈憋悶,佢就係太聰明,睇得太通透,知道所有規距,佢變得不事事裝傻,凡事退縮,但心入面卻意難平不甘心,偏偏又無可奈何,只能處處敷衍,時時賠小心,逼自己做一個無可挑剔嘅盛家六姑娘。明蘭所處正正同顧二以前嘅境況相同,不同處係一個係女一個係男,一個選擇戰戰競競,一個反抗。
花旗太太生活在花旗國,留意時差,你問我未必即時答到。