少年成長今日: 2|主題: 15845

收藏本版

發帖

返回列表

跳至頁

查看: 7274 | 回覆: 1

陪伴·黐身 [複製鏈接]

csir3290

子爵府

積分: 10912

1^#

發表於 19-1-6 11:08 |只看該作者 |倒序瀏覽 |打印

本帖最後由 csir3290 於 19-1-5 21:52 編輯

又放完個聖誕假阿女阿仔開始返學，每一個長假期都會呢諗好多唔同嘅活動同阿仔阿女呢度去嗰度去，總言之一放假就盡量陪住佢哋。多得facebook有個功能就係每一日嘅動態回顧，原來自阿仔阿女出世開始每一年嘅聖誕假，每一日我哋都安排咗唔同嘅節目，透過動態回顧可以睇返咁多年同阿仔阿女做過嘅嘢。阿仔阿女睇番都會知道原來自細爸爸媽媽一到放假就會陪佢哋去唔同地方玩，大家睇住啲相都會有好多回憶。
我成日都話我對仔女好黐身，我講嘅黐身唔係講佢哋好依賴我哋，而係佢哋好鍾意黐住我同老婆去邊度都一齊，就算喺屋企坐喺梳化度佢都鍾意黐住我哋坐。曾經聽過家長講話好怕啲仔女黐身。但係其實講真我都幾享受阿仔阿女痴住我嘅時間，細路仔會黐住爸爸媽媽嘅時間真係唔多，到佢哋十幾歲嘅時候可能你想佢哋黐住你佢哋都未必會成日黐住，唔係佢哋唔錫爸爸媽媽而係可能佢哋都有自己嘅生活，所以我都幾享受俾佢哋黐住嘅日子。

都聽過有啲家長講，尤其是係啲爸爸講話啲仔女唔黐佢哋淨係黐住阿媽。其實小朋友好簡單，只要你肯畀時間去陪住佢哋，佢自自然然就會黐住你。好多時啲爸爸都覺得自己要返工搵錢所以放喺仔女身上嘅時間就自然少咗。但係其實小朋友好清楚爸爸媽媽願唔願意擺時間喺自己身上，我都係返工我都要搵錢，但係除咗返工之外我覺得用時間喺仔女身上面更加重要。仔女黐身唔係話要縱佢哋，我有陣時都覺得自己對佢哋都幾嚴格，但係我對仔女都一樣係好黐住我哋兩公婆，所以我覺得小朋友黐唔黐住自己最重要嘅係你肯唔肯花時間去陪佢哋。我明白作為一個成年人當然有好多唔同嘅嘢要做，亦都有好多唔同嘅責任，但係我覺得每一樣嘢都係有優先次序，對於我嚟講陪伴自己嘅仔女絕對喺我嘅生活優先次序入面排在非常優先嘅位置。家長當你投訴自己嘅仔女唔黐自己嘅時候，又有冇檢討吓自己究竟花咗幾多時間陪伴仔女呢！