懷孕前後

跳至

首頁
1

尾頁
   4


複式洋房

積分: 160

2019勳章


發表於 19-1-2 03:09 |顯示全部帖子
本帖最後由 sandychuisw 於 19-1-2 03:16 編輯

由兩星期前响母胎學嘅私家診所度照結構開始,心情一直都好一般,醫生話BB個左右心室之間有窿,而又照唔到鼻骨,有可能係唐氏,但我已經有T21報告無唐氏問題,醫生話呢個情況建議抽羊水做基因晶片分析check下有無其他基因問題及做個唐氏嘅快速測試,同時佢都寫信俾我去威爾斯再check下,因為只有兩個半星期就到24週,而姑娘話報告需時7-14工作天,不過應該7個工作天都可以出到,所以我第二朝12月18日响私家抽羊水做咗先,之後下午再到威爾斯。


複式洋房

積分: 160

2019勳章


發表於 19-1-2 03:11 |顯示全部帖子
sandychuisw 發表於 19-1-2 03:09
由兩星期前响母胎學嘅私家診所度照結構開始,心情一直都好一般,醫生話BB個左右心室之間有窿,而又照唔到鼻 ...

去到威爾斯响醫院等咗個半鐘,就有個護士長見我,俾咗第二朝9點個期我抽羊水send去中大做基因晶片分析,但因為我已經响私家做咗,所以同返護士長講返個情況,佢就cancel咗個期再安排12月28日個期我俾醫生照結構,但同時都remind我要追到個晶片報告俾醫生睇,因為佢哋做4-5日都已經有,之後我日日都打去私家,佢哋話已經落咗urgent,不過28号都真係未必得,因為中間有聖誕節假,結果28号早上都係無報告。


複式洋房

積分: 160

2019勳章


發表於 19-1-2 03:12 |顯示全部帖子
sandychuisw 發表於 19-1-2 03:11
去到威爾斯响醫院等咗個半鐘,就有個護士長見我,俾咗第二朝9點個期我抽羊水send去中大做基因晶片分析,但 ...

28号當日我去威爾斯再照結構,醫生用咗一個鐘續part續part好仔細咁照,再同我哋用咗半個鐘解釋返BB宜家心臟上無結構問題,但多咗條左上腔靜脈,所以之前個醫生先會照到心臟有窿,醫生解釋正常人只有右上腔靜脈,大約300至500個人先有一個咁嘅情況,可能出世後會自動退化,又或者可能會引發動脈弓收窄或心臟病。鼻骨方面係有,但就未合成,宜家仲係左中右三塊,都係要睇遲d可唔可以自己癒合,所以overall個情況無响私家度check到咁嚴重,但都係要睇返個基因晶片報告有無特別問題,之後醫生話18号抽羊水,28号乜result都應該有啦,無可能會咁耐啊⋯⋯


複式洋房

積分: 160

2019勳章


發表於 19-1-2 03:14 |顯示全部帖子
sandychuisw 發表於 19-1-2 03:12
28号當日我去威爾斯再照結構,醫生用咗一個鐘續part續part好仔細咁照,再同我哋用咗半個鐘解釋返BB宜家心 ...

本帖最後由 sandychuisw 於 19-1-2 03:25 編輯

之後我就直接打去診所合作嘅醫院度問,佢話會叫同事覆返,3個鐘後無人覆,我又再打過去,醫院Lab話只能夠覆返診所,我又打返去診所問,姑娘答我要1月3日先有,我同佢講我1月4日剛剛24週,你哋1月3日先有報告返,萬一有問題我要唔到的話我得一日時間可以去邊度做?我係唔係要焗住生?佢哋只係答我佢哋都沒辦法,已經講咗urgent,但中間有公衆假期,我之後問可唔可以講倒到現時check到嘅嘢有無問題?姑娘又話一定要等check晒出正式報告先講倒。



複式洋房

積分: 160

2019勳章


發表於 19-1-2 03:15 |顯示全部帖子
sandychuisw 發表於 19-1-2 03:14
本帖最後由 sandychuisw 於 19-1-2 03:22 編輯

之後我就直接打去Lab度問,佢話會叫同事覆返,3個鐘後無 ...

本帖最後由 sandychuisw 於 19-1-2 03:23 編輯

我老公之後都忍唔住問姑娘,姑娘話T&C寫要14個工作天,我老公話如果真係要14個工作天出報告已經過24週,咁點解我哋仲要花$9800去做?我哋去威爾斯,佢哋立即俾第二朝個期我哋抽羊水做,4-5日有結果,仲要唔洗錢,唔洗自己打來追報告!結果姑娘話會揾醫生覆我哋。之後醫生打俾我,就話個報告大致上無問題,不過佢哋診所send去嘅sample都有十幾個出error要cross check,所以先會耐咗,正式報告先要1月3日有。


複式洋房

積分: 160

2019勳章


發表於 19-1-2 03:15 |顯示全部帖子
sandychuisw 發表於 19-1-2 03:15
本帖最後由 sandychuisw 於 19-1-2 03:23 編輯

我老公之後都忍唔住問姑娘,姑娘話T&C寫要14個工作天, ...

本帖最後由 sandychuisw 於 19-1-2 03:28 編輯

我之後fax返威爾斯嘅report再打俾自己睇開嘅醫生同佢講返宜家個情況,佢同我講幫我响威爾斯照結構嘅羅醫生係中大professor,佢嘅照結構好叻,尤其係照心臟,所以應該ok,如果個基因晶片報告都無問題就可以放心。

其實日日咁等result真係好痛苦,好似等判刑咁⋯⋯但短短嘅兩個星期真係令我覺得威爾斯嘅姑娘同醫生好專業,有耐心,好詳細咁去講解,護士長响我喊嘅時候會安慰我,真心感激。


大宅

積分: 4353

2019新春慶豚圓


發表於 19-1-2 03:51 |顯示全部帖子

回覆樓主:

我當時都係結構有問題,係關係bb單腎同無羊水,私家診所立即轉介番威院,羅醫生幫我照左勁耐詳細解釋我bb既問題,之後係23周6日做最後一次超聲波檢查決定留唔留個bb,醫生話真係唔要就當日會即時入院做手術,最後我個bb留得到仲健康出世,出世後威院一直有follow腎既問題
所以樓主你唔好咁擔心 ,我明白個種晴天霹靂,日日以淚洗面,好怕無左bb既感覺,我當初都做晒做壞打算
羅醫生係好細心好專業既醫生, 你一定可以順利生個健康bb,比d信心,你既心情會影響bb嫁~


複式洋房

積分: 160

2019勳章


發表於 19-1-2 03:56 |顯示全部帖子
kissapplegirl 發表於 19-1-2 03:51
我當時都係結構有問題,係關係bb單腎同無羊水,私家診所立即轉介番威院,羅醫生幫我照左勁耐詳細解釋我bb既 ...

多謝你


大宅

積分: 1297


發表於 19-1-2 05:16 |顯示全部帖子
祝福你!
期待你報喜


複式洋房

積分: 404

2019新春慶豚圓


發表於 19-1-2 07:36 |顯示全部帖子

回覆樓主:

本帖最後由 cherrylee1105 於 19-1-2 19:21 編輯

God bless you
祝一切順利如你所願


洋房

積分: 44


發表於 19-1-2 14:47 |顯示全部帖子
樓主的心情我很明白 因為我也是同樣bb有心臟及手指發育不良的問題 但是我和老公樂觀面對 B.B. 的來臨 到bb出世再睇睇問題的嚴重性 再安排做手術 也希望你要勇敢面對喔 不要給自己太大壓力 加油💪🏻


複式洋房

積分: 160

2019勳章


發表於 19-1-3 14:08 |顯示全部帖子
寶珠91583 發表於 19-1-2 14:47
樓主的心情我很明白 因為我也是同樣bb有心臟及手指發育不良的問題 但是我和老公樂觀面對 B.B. 的來臨 到bb ...

本帖最後由 sandychuisw 於 19-1-3 14:09 編輯

謝謝,祝福你,大家一齊加油!


複式洋房

積分: 160

2019勳章


發表於 19-1-3 14:09 |顯示全部帖子
cherrylee1105 發表於 19-1-2 07:36
God bless you
祝一切順利如你所願

Thanks so much


複式洋房

積分: 160

2019勳章


發表於 19-1-3 14:09 |顯示全部帖子
LittleSesame715 發表於 19-1-2 05:16
祝福你!
期待你報喜

Thanks so much


大宅

積分: 2245

2019新春慶豚圓 2019勳章


發表於 19-1-3 15:13 |顯示全部帖子
我都係照結構睇到bb心臟問題,我都好明白個種擔心,而我亦在威爾斯羅醫生跟進的。希望你bb無事!


珍珠宮

積分: 47031

2019新春慶豚圓 BB防敏心得分享勳章


發表於 19-1-3 15:21 |顯示全部帖子
希望你bb可以健健康康咁出世

首頁
1

尾頁

跳至
你需要登錄後才可以回帖 登入 | 註冊