吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 照結構後發現問題

懷孕前後今日: 24|主題: 329673

收藏本版

發帖

返回列表

跳至頁

查看: 12588 | 回覆: 15

照結構後發現問題

sandychuisw

複式洋房

積分: 170

發表於 19-1-2 03:09 |顯示全部帖子

本帖最後由 sandychuisw 於 19-1-2 03:16 編輯

由兩星期前响母胎學嘅私家診所度照結構開始，心情一直都好一般，醫生話BB個左右心室之間有窿，而又照唔到鼻骨，有可能係唐氏，但我已經有T21報告無唐氏問題，醫生話呢個情況建議抽羊水做基因晶片分析check下有無其他基因問題及做個唐氏嘅快速測試，同時佢都寫信俾我去威爾斯再check下，因為只有兩個半星期就到24週，而姑娘話報告需時7-14工作天，不過應該7個工作天都可以出到，所以我第二朝12月18日响私家抽羊水做咗先，之後下午再到威爾斯。

私人傳訊

sandychuisw

複式洋房

積分: 170

發表於 19-1-2 03:11 |顯示全部帖子

sandychuisw 發表於 19-1-2 03:09
由兩星期前响母胎學嘅私家診所度照結構開始，心情一直都好一般，醫生話BB個左右心室之間有窿，而又照唔到鼻 ...

去到威爾斯响醫院等咗個半鐘，就有個護士長見我，俾咗第二朝9點個期我抽羊水send去中大做基因晶片分析，但因為我已經响私家做咗，所以同返護士長講返個情況，佢就cancel咗個期再安排12月28日個期我俾醫生照結構，但同時都remind我要追到個晶片報告俾醫生睇，因為佢哋做4-5日都已經有，之後我日日都打去私家，佢哋話已經落咗urgent，不過28号都真係未必得，因為中間有聖誕節假，結果28号早上都係無報告。

私人傳訊

sandychuisw

複式洋房

積分: 170

發表於 19-1-2 03:12 |顯示全部帖子

sandychuisw 發表於 19-1-2 03:11
去到威爾斯响醫院等咗個半鐘，就有個護士長見我，俾咗第二朝9點個期我抽羊水send去中大做基因晶片分析，但 ...

28号當日我去威爾斯再照結構，醫生用咗一個鐘續part續part好仔細咁照，再同我哋用咗半個鐘解釋返BB宜家心臟上無結構問題，但多咗條左上腔靜脈，所以之前個醫生先會照到心臟有窿，醫生解釋正常人只有右上腔靜脈，大約300至500個人先有一個咁嘅情況，可能出世後會自動退化，又或者可能會引發動脈弓收窄或心臟病。鼻骨方面係有，但就未合成，宜家仲係左中右三塊，都係要睇遲d可唔可以自己癒合，所以overall個情況無响私家度check到咁嚴重，但都係要睇返個基因晶片報告有無特別問題，之後醫生話18号抽羊水，28号乜result都應該有啦，無可能會咁耐啊⋯⋯

私人傳訊

sandychuisw

複式洋房

積分: 170

發表於 19-1-2 03:14 |顯示全部帖子

sandychuisw 發表於 19-1-2 03:12
28号當日我去威爾斯再照結構，醫生用咗一個鐘續part續part好仔細咁照，再同我哋用咗半個鐘解釋返BB宜家心 ...

本帖最後由 sandychuisw 於 19-1-2 03:25 編輯

之後我就直接打去診所合作嘅醫院度問，佢話會叫同事覆返，3個鐘後無人覆，我又再打過去，醫院Lab話只能夠覆返診所，我又打返去診所問，姑娘答我要1月3日先有，我同佢講我1月4日剛剛24週，你哋1月3日先有報告返，萬一有問題我要唔到的話我得一日時間可以去邊度做？我係唔係要焗住生？佢哋只係答我佢哋都沒辦法，已經講咗urgent，但中間有公衆假期，我之後問可唔可以講倒到現時check到嘅嘢有無問題？姑娘又話一定要等check晒出正式報告先講倒。

私人傳訊

sandychuisw

複式洋房

積分: 170

發表於 19-1-2 03:15 |顯示全部帖子

sandychuisw 發表於 19-1-2 03:14
本帖最後由 sandychuisw 於 19-1-2 03:22 編輯

之後我就直接打去Lab度問，佢話會叫同事覆返，3個鐘後無 ...

本帖最後由 sandychuisw 於 19-1-2 03:23 編輯

我老公之後都忍唔住問姑娘，姑娘話T&C寫要14個工作天，我老公話如果真係要14個工作天出報告已經過24週，咁點解我哋仲要花$9800去做？我哋去威爾斯，佢哋立即俾第二朝個期我哋抽羊水做，4-5日有結果，仲要唔洗錢，唔洗自己打來追報告！結果姑娘話會揾醫生覆我哋。之後醫生打俾我，就話個報告大致上無問題，不過佢哋診所send去嘅sample都有十幾個出error要cross check，所以先會耐咗，正式報告先要1月3日有。

私人傳訊

sandychuisw

複式洋房

積分: 170

發表於 19-1-2 03:15 |顯示全部帖子

sandychuisw 發表於 19-1-2 03:15
本帖最後由 sandychuisw 於 19-1-2 03:23 編輯

我老公之後都忍唔住問姑娘，姑娘話T&C寫要14個工作天， ...

本帖最後由 sandychuisw 於 19-1-2 03:28 編輯

我之後fax返威爾斯嘅report再打俾自己睇開嘅醫生同佢講返宜家個情況，佢同我講幫我响威爾斯照結構嘅羅醫生係中大professor，佢嘅照結構好叻，尤其係照心臟，所以應該ok，如果個基因晶片報告都無問題就可以放心。

其實日日咁等result真係好痛苦，好似等判刑咁⋯⋯但短短嘅兩個星期真係令我覺得威爾斯嘅姑娘同醫生好專業，有耐心，好詳細咁去講解，護士長响我喊嘅時候會安慰我，真心感激。

私人傳訊

kissapplegirl

男爵府

積分: 7232

發表於 19-1-2 03:51 |顯示全部帖子

回覆樓主:

我當時都係結構有問題，係關係bb單腎同無羊水，私家診所立即轉介番威院，羅醫生幫我照左勁耐詳細解釋我bb既問題，之後係23周6日做最後一次超聲波檢查決定留唔留個bb，醫生話真係唔要就當日會即時入院做手術，最後我個bb留得到仲健康出世，出世後威院一直有follow腎既問題
所以樓主你唔好咁擔心，我明白個種晴天霹靂，日日以淚洗面，好怕無左bb既感覺，我當初都做晒做壞打算