Hello mrs.hippo! 睡眠通常係熟睡、淺睡等循環階段組成,當BB係淺睡狀態時,容易被周圍的聲音或光線驚醒。BB兩個月大開始建立瞓覺模式,如果媽媽想培養佢自行入睡,建議當BB半夜扎醒時,不要急著去哄佢瞓,無論係抱/搖/吸吮/食奶呢D方法只會令BB依賴大人陪同才肯入睡。日間有冇俾BB在墊上活動一下?
Hello haha748494,BB兩個月大開始建立瞓覺模式,可以俾佢自行入睡,細B宜家幾大? BB半夜喊醒,不用急著抱起佢,可以先檢查佢有冇唔舒服/尿濕/肚餓/太凍太熱,一邊檢查一邊同BB輕聲說話,媽媽聲音和氣味會令BB多D安全感,輕輕拍佢肩膊或溫柔撫摸佢,俾BB 感覺到媽媽係旁邊陪伴佢入睡, BB 瞓左媽媽先走開。BB 習慣左抱可能需要時間學習自行入睡,咁媽媽可能要堅持試多幾次先成功!
明白媽媽好想培養BB自行入睡,可以由日間開始做起,餵完奶後唔駛抱住氹到佢瞓著,放BB落床仔同佢玩、傾計、唱歌、按摩,吊一D會發聲玩具等佢去玩/聽住音樂自己瞓。有D媽媽會俾有BB味的被仔/公仔陪BB瞓,令BB 有多D 安全感,可以容易自己入睡。可能媽媽要忍心少少,扭抱時唔一定每次都回應佢,令佢慢慢唔依賴媽媽的關注都可以瞓著。加油呀媽媽!