意見反饋
義工

自由講場 今日: 6705|主題: 1018028

跳至
查看: 37061 | 回覆: 285
我家姐被前夫毀咗佢一生  


民房

國民生產總值:30

2019勳章


發表於 19-1-11 12:57 |顯示全部帖子
本帖最後由 celiayy 於 19-1-11 15:27 編輯

我家姐十年前生咗我姨甥之後,頭幾年係全職湊小朋友,佢老公就搞啲生意仔,一直都無聽到有咩問題。
直到我地有幾位家人相繼過身,我姐夫先透露個幾年我家姐有啲情緒問題,但我家姐未嫁未生之前,係屋企同我地一齊住都好相安無事,所以我地相信係產後抑鬱居多,當時見姐夫呻完都講到佢地處理得到,咁我地都相信佢地,同時都有關心佢地。

但如之前講我地有家人過身,我家姐情緒問題嚴重咗,但同時我姐夫亦因生意做得唔理想而轉做另一盤,導致我家姐要出去返工幫補,而佢老公係勁早出門凌晨先返屋企,所以基本上我家姐當時放工係要自己一個搞好曬家頭細務兼湊小朋友,極其量會叫婆婆嫲嫲幫手湊我姨甥放學,更遑論處理我家姐。
結果,我家姐一次情緒爆發失控,佢老公選擇咗報警填Form123成功強制我家姐入精神病院一個月,當時出院後叫做幸運地無影響到工作。

我地明白情緒有問題得到適當治療係正常不過,但問題係之後呢幾年,即使我家姐好返唔需要再覆診,佢地有咩拗撬時,就算好少事,佢老公不時會用"Form123"去滅我家姐聲,亦會周圍同人分享佢呢個“滅聲心得”。
而因為佢老公美其名係佛系管教,但事實係佢根本所有時間都用曬來處理生意,學校個邊出聲同我家姐講要關注下我姨甥功課問題,我家姐稍為督促下令到我姨甥唔開心,我姨甥就會搵佢爸爸申訴,咁佢老公又會覺得佢係怪獸家長,又會有拗撬。
同時間,我姨甥想學好多唔同興趣班,但有啲學學下又唔想學就會走堂,我家姐有時覺得試得就起碼要上埋個幾堂先放棄,如是者我姨甥又會搵佢爸爸申訴,咁佢老公又會覺得係佢迫我姨甥報咁多興趣班,又會覺得佢係怪獸家長,又會有拗撬。而佢老公更鍾意係社交平台撻曬呢啲野出來呻。

直到上年,佢老公生意又有挫折要搬去第二度做,我家姐要拎幾十萬私己出來幫手填數。之後生意叫做好咗,但同時佢老公更加少返屋企,我姨甥就更加埋怨想搵爸爸,好多時啲功課班或者興趣班都走曬堂要呀媽帶佢去搵爸爸,不過好多時佢地一見面頭幾句都會係到呻"媽咪又要帶我去補習/興趣班,我唔去呀",但如上面講,好多都係我姨甥自己話要報,欠交功課情況亦都無改善。

結果,佢地兩個都不堪壓力嗌大交,佢老公再一次選擇報警填Form123嘗試強制我家姐入精神病院,但呢次因為男家口供有好多矛盾,令醫生覺得佢地送我家姐入精神病院係別有用心,而且留係醫院觀察咗幾日之後醫生表示無需要入精神病院,所以結果係無入到去。
但呢次,佢奶奶似乎深深不忿,周圍同人講我家姐有精神病入過精神病院,連係個幾日幫手湊我姨甥放學時都要講埋畀所有家長知。結果,就算show埋出入院證明,公司都以“無理請假”為由即時解僱我家姐,同時佢地亦開始決定離婚。

而因為鬧離婚,我家姐靠朋友搵到份新工所以搬走咗,同時亦令到我姨甥好唔開心,再加上學校啲同學仔都標籤我家姐係“精神病”,我姨甥更加唔想返學。而呢段時間,因為佢爸爸生意忙,佢嫲嫲健康亦突然轉壞,所以我姨甥主要都係跟我家姐住。另外之前因為有社工跟進開,佢地亦建議我家姐搵專業治療師去輔導我姨甥,但問題係佢爸爸一直都以好忙為由,唔肯出現任何社工或者治療師嘅會面,就算個社工或者治療師親自打去佢都會cut線,所以一直亳無進展。加上,有時我姨甥去佢嫲嫲屋企食飯時,佢呀嫲不時會加鹽加醋令我姨甥覺得“有精神病先會睇治療師”,所以之後每次約咗治療師,我姨甥都會好抗拒不停嗌“我唔係你,我無病,我唔駛去睇”。

而最恐怖係,每當我姨甥唔肯返學而大吵大鬧時,我姨甥除咗事後會話畀爸爸知外,仲學識咗“報警”同話畀警察知我家姐有“精神病”,同埋係第一次入院個陣已經識得同社工或者警察不停講“我好驚”,就算你問佢驚乜,佢都只係會識答"我好驚",直到矛頭指返去我家姐到。結果我家姐經常被迫要停工留低係屋企睇住我姨甥,依家已經曠課到學校要通報教育局。
最近,係佢地正式搞離婚之前,佢老公亦不時無啦啦話要畀返我姨甥佢,如果唔係就報警填form123捉佢,但呢段時間我姨甥有畀過佢湊,結果佢自己又係無時間而塞畀呀嫲湊,呀嫲湊得唔開心最終又係要掉返去我家姐到。

睇住我前姐夫一方面不時係ig出Post係到講自己有咩管教心得,一方面又經常隱隱晦晦咁話家家有本難念的經去等人覺得自己係受害者,
一方面又拎曬我家姐啲錢去繼續玩生意養車,一方面又想盡辦法摧毀我家姐,
社工、治療師又只係識話畀空間同多啲理解我姨甥心情,但又無理解過佢地成家人榨乾我家姐之餘仲要郁啲就會話報警拉佢入精神病院,仲可以點解決?

我姨甥其實無話偏愛邊一方,有時去到佢爸到都係發脾氣,但佢唯一想嘅就係有父母唔離婚,除此以外其他選擇一樣會大吵大鬧,只係對住我家姐可以有樣學樣用報警來勒索,尤其我前姐夫經常強調送佢返入去精神病院係好簡單,而我姨甥對住我前姐夫個家就只能夠發脾氣。

P.S. 上文係有少少修飾,因為見大家因為我姨甥係仔/女就有少少用性別定型咗小朋友性格,所以現改返中性詞




男爵府

國民生產總值:7584


發表於 19-1-11 13:04 |顯示全部帖子
好慘


水晶宮

國民生產總值:63184

2019勳章


發表於 19-1-11 13:05 |顯示全部帖子

回覆樓主:

好慘呀你家姐,遇約兩個攞債嘅。
畀唔到啲乜嘢建議,不過有時個仔激到我好勞氣,我都會同自己講要錫自己多啲,
唔好乜嘢都畀曬佢。
<a href="http://lilypie.com/"><img src="http://lilypie.com/pic/2010/02/26/jFSJ.jpg" width="100" height="80" border="0" alt="Lilypie - Personal picture" /><img src="http://lb4f.lilypie.com/eb6op8.png" width="400" height="80" border="0" alt="Lilypie Fourth Birthday tickers" /></a>


大宅

國民生產總值:1201


發表於 19-1-11 13:06 |顯示全部帖子
好可憐

有病你姐姐都唔想
希望一切好起來


公爵府

國民生產總值:27103

2019勳章


發表於 19-1-11 13:07 |顯示全部帖子

回覆樓主:

返娘家囉
點解去到咁嚴重時先出黎幫?
第一次精神有問題時
家人都應該睇緊


象牙宮

國民生產總值:200918

2019勳章 親子達人勳章 BK猜猜猜慶中秋


發表於 19-1-11 13:08 |顯示全部帖子

回覆樓主:

咁多問題,仲拎幾十萬出黎?
你若盛開, 蝴蝶便來!


珍珠宮

國民生產總值:36653


發表於 19-1-11 13:08 |顯示全部帖子
celiayy 發表於 19-1-11 12:57
仲可以點解決?.



以你身份, 只能聽你家姐呻和實際地幫忙照顧姨甥仔(如果有時間)

無架! 幫唔到物架! 只有期望佢地快些搞妥手續咋!


侯爵府

國民生產總值:20560

畀面勳章


發表於 19-1-11 13:09 |顯示全部帖子
其實小朋友亦好慘,你家姐其實現在想點?不過情緒有問題真係要去處理,建議先醫治好自己情緒問題先。


男爵府

國民生產總值:8810

2019勳章


發表於 19-1-11 13:11 |顯示全部帖子
如果有精神病紀錄,離婚法庭可否判小朋友跟爸爸


伯爵府

國民生產總值:19683

2019勳章


發表於 19-1-11 13:13 |顯示全部帖子

回覆樓主:

做女人真慘,好在樓主您信佢同幫佢


珊瑚宮

國民生產總值:112735

2019勳章


發表於 19-1-11 13:14 |顯示全部帖子
celiayy 發表於 19-1-11 12:57
我家姐十年前生咗我姨甥仔之後,頭幾年係全職湊仔,佢老公就搞啲生意仔,一直都無聽到有咩問題。
直到我地 ...

你家姐自己都顧唔掂自己情緒,個仔亦唔聽佢教,勉強無幸福,不如放棄個月仔撫養權啦!

有健康,先有將來

點評

緣份的天空    發表於 19-1-12 10:31
loved    發表於 19-1-11 20:37
APIGMA    發表於 19-1-11 20:24
學會放下    發表於 19-1-11 14:47
Bbpig2014    發表於 19-1-11 14:01


男爵府

國民生產總值:5024

2019勳章


發表於 19-1-11 13:15 |顯示全部帖子
回覆 celiayy 的帖子

cut 開兩版易睇d

根本捉左佢入廠, 就知個老公對佢點, 唔應該用私己求個賤男

個仔主要想跟daddy 判撫養都判比賤男多, 你家姊有入廠記錄

個仔唔洗旨意爭取到, 生意堅忘唔得閒寫ig 四圍分享點捉老婆入廠

接返你家姊返娘家照顧, cap 圖留用, 有人想利用form123對付你家姊, 比精神科警員等睇


等醫院再質疑, 唔好亂lock 住你家姊

點評

學會放下    發表於 19-1-11 14:48


侯爵府

國民生產總值:23303

2019勳章


發表於 19-1-11 13:15 |顯示全部帖子

回覆樓主:

好慘!!!!!
祝福你家姐,重新振作。惟有咁樣!


水晶宮

國民生產總值:61579

2019勳章 HiPP勳章(2) HiPP勳章(1) 2018復活節勳章 育兒性格勳章 好媽媽勳章 畀面勳章 BK Milk勳章


發表於 19-1-11 13:15 |顯示全部帖子

回覆樓主:

嫁俾一個唔愛惜自己嘅男人,
女人真係斷送一生!

女家可以幫忙拯救姐姐嗎?
睇得出你家姐好無助!


別墅

國民生產總值:816


發表於 19-1-11 13:15 |顯示全部帖子
celiayy 發表於 19-1-11 12:57
我家姐十年前生咗我姨甥仔之後,頭幾年係全職湊仔,佢老公就搞啲生意仔,一直都無聽到有咩問題。
直到我地 ...

你姨甥幾大? 既然父母無能力管教,不如讀寄宿學校。

已到離婚階段,夫妻双方已變仇人,小心你姐夫用更差的方法對你家姐。

我朋友之前離婚,前夫專用激脹法,激我朋友,令佢爆粗,講殺死你的說話,再錄音,用來爭撫養权。

叫你家姐同前夫說話必須全部錄音。錢,離婚分返前夫身家。

點評

wcpcelia    發表於 19-1-11 19:31
學會放下    發表於 19-1-11 14:49


民房

國民生產總值:30

2019勳章


發表於 19-1-11 13:18 |顯示全部帖子
回覆 o_____o 的帖子

老實講,第一次入院已經處理好,醫生都話唔需要覆診。問題係,第二次鬧交報警,我前姐夫就係不停強調佢曾經入過精神病院,不停要求填Form123,結果醫生判斷我家姐根本唔需要入院,但事件都擾攘到咁。
話我地唔處理個啲,當時入院,佢老公一次都無入去探,個仔話想探都係掉畀我地帶去。


侯爵府

國民生產總值:20896

畀面勳章


發表於 19-1-11 13:19 |顯示全部帖子
放棄所有,包括個仔,才可重生,可唔可以做到?做唔到的話,只是一次又一次重複被摧毀。媽媽系一個身份,要先照顧好自己才可以做好其他身份。
好悲慘!!!


大宅

國民生產總值:1244


發表於 19-1-11 13:19 |顯示全部帖子
你家姐好慘!離婚係咪判個仔跟老豆?等個仔係老豆嗰邊生活耐D,佢先知邊個對佢好!

點評

學會放下    發表於 19-1-11 14:51


伯爵府

國民生產總值:17667

2019勳章 親子王國15週年勳章


發表於 19-1-11 13:20 |顯示全部帖子
你想付出幾多先? 家有冇家人幫手照顧小朋友? 請個好律師幫手搞離婚


大宅

國民生產總值:2141


發表於 19-1-11 13:22 |顯示全部帖子
祝福你姐姐

12345678910... 15
跳至
你需要登錄後才可以回帖 登錄 | 註冊

  • 搜 尋
  • APP
  • 網 站
© Baby-Kingdom.com Limited. All rights reserved.