你地其實好堅強，由媽媽一懷孕就發現左有子宮積血，不斷流血，你地都痴實媽媽。有幾次突然大量流鮮血，媽媽以為你地要離開我了，但好好彩去到醫院檢查，聽到你地既心跳，見到你地你我肚裡面郁來郁去，你地冇事，我就放心了。
可能媽媽懷的是孖寶bb，所以懷著你們的日子，媽媽的孕反應非常厲害。媽媽經常沒胃口，食乜飲乜嘔乜。流血、入醫院、沒胃口、嘔…就是媽媽懷孕前期的日子。
有一天，醫生在產檢時告訴我子宮積血已經消失，每天也在流的血也沒有了。
我非常高興! 因為你地同媽媽又闖了一關，而我的胃口開始返返黎，可以食多d野比營養你地。但同時檢查發現細佬的生長情況不太樂觀，我和爸爸都好擔心，醫生說只好觀察。
有一晚，媽媽突然穿了羊水! 我立即入院檢查，醫生說是哥哥穿了羊水。我聽到後接受唔到，哭了，點解今次哥哥都有事?係咪媽媽之前有野做得唔好保護唔到你地?係咪媽媽之前冇胃口搞到你地冇營養?係咪你地唔要媽媽了??媽媽好難得先有左你地，我點捨得唔要你地??
在醫院的2星期，婆婆每天都煲湯水給媽媽，希望羊水會多返，會有奇蹟出現。但…媽媽發現每天也不斷流胎水，後來醫生再照超聲波，話胎水不但沒有增加，反而減少到危險水平。好幾個醫生和爸爸媽媽討論了你們的情況，說羊水穿了會引申一連串的問題。爸爸媽媽想了很久，不想你們再痛苦下去，最後作出終止妊娠的沈重決定。
你們出生的那天，是2019年1月1日，是元旦孖寶。你們也很愛錫媽媽，也沒有讓媽媽痛得太久便出來了。由於剛好是探病時間，爸爸和婆婆也可入病房見到你地最後一面，抱下你地，同你地say goodbye。見到哥哥同細佬身體都有缺憾，媽媽知道可能你們都不想讓大家痛苦，所以自己選擇了告訴媽媽不要再繼續下去了…
回到家中，乳房漲痛又漏奶了，我立即大哭! BB不在了，點解仲要比人奶我?心很疼…
我的孖寶，將來在天家見。
發表於 
返回列表
