1-3歲

跳至

首頁
12

尾頁
   1


複式洋房

積分: 104

2019勳章


發表於 19-1-13 17:50 |顯示全部帖子
我仔岩岩一歲,佢由細到大,都係一個超級大喊十,咩都喊一餐,係又喊唔係又喊,仲要勁長氣,勁大聲,唔哄番佢,佢真係可以喊一,兩個鐘,除非喊到攰自己瞓咗,唔肯坐bb車,無時無刻都要痴住我要我抱,爸爸抱佢都唔得,一年過去,我開始覺得自己頂唔順啦,好大壓力,我好想喊,覺得好辛苦,有時真係會忍唔住啲情緒打個仔個嘴巴幾下,我仔一歲,但係咩都唔識,唔識飲水,唔識講野,咩野動作都唔識,去健康院佢唔識用兩隻手指拎野,唔合格,其實我覺得自己已經好努力去教佢野,但佢好似一啲都唔明,唔想理我咁,完全吸收唔到咁,我拎住佢手仔教佢拎野食,佢只會發顛發脾氣,教佢玩玩具亦一樣,咩野玩具,佢都只會拎黎掟,我好疑惑,我個仔到底係咪有問題?我係一個全職媽媽,老公好多時間都返工,要好夜,啊仔就黎訓覺先番黎,每日既大部分時間都係我一個人睇住個仔,亦無婆婆,奶奶可以幫助,我真係教到好累,唔知可以點做,好無助,好想問下大家既意見又或者有無人同我一樣,可以交換下心得


公爵府

積分: 27460

2019新春慶豚圓


發表於 19-1-13 18:18 |顯示全部帖子
Chingwai825 發表於 19-1-13 17:50
我仔岩岩一歲,佢由細到大,都係一個超級大喊十,咩都喊一餐,係又喊唔係又喊,仲要勁長氣,勁大聲,唔哄番 ...

做全職媽咪係好辛苦嘅,不過平時可以帶佢出街缸下,同其他小朋友一齊玩,咁樣對小朋友好啲,唔洗日日得對住一個人,加油喇!


別墅

積分: 665

2019新春慶豚圓 2019勳章


發表於 19-1-13 21:35 |顯示全部帖子
回覆 Chingwai825 的帖子

我細仔就黎1歲,佢都係好鐘意掉玩具,我自己覺得佢係未識點玩,掉都係佢玩既一種方法。佢有時仲特登唔掉係地墊度,掉係地板上,可能啲聲令佢好開心。我大仔細個都好鐘意掉玩具,大個啲就識架啦!
我大仔bb時唔係鐘意喊,係鐘意尖叫,都好煩,出去食飯超尷尬!不過過多陣,呢段時期就會過,加油!


大宅

積分: 2298

2019新春慶豚圓 2019勳章


發表於 19-1-13 21:52 |顯示全部帖子

回覆樓主:

加油啊媽媽。仔仔才1歲,還算是個小baby,當然喜歡黏著媽媽啊。過多排,就會好好多了,加油


男爵府

積分: 9375

2019新春慶豚圓


發表於 19-1-13 22:42 |顯示全部帖子
媽媽加油。大個就會好點啦。我都係咁經歷過來嘠


複式洋房

積分: 152

2019新春慶豚圓 2019勳章


發表於 19-1-13 23:14 |顯示全部帖子
你有無示範點樣飲水同拎嘢食?係要用好浮誇嘅動作表情先可以吸引到小朋友的目光同興趣,做得多就會想自己都試下做,要多啲鼓勵!1歲小朋友可以每日落公園放下電,接觸多啲小朋友,學習動機都會提高。


男爵府

積分: 5461

2019新春慶豚圓


發表於 19-1-14 01:22 |顯示全部帖子
Chingwai825 發表於 19-1-13 17:50
我仔岩岩一歲,佢由細到大,都係一個超級大喊十,咩都喊一餐,係又喊唔係又喊,仲要勁長氣,勁大聲,唔哄番 ...

我都係全職媽媽無長老工人幫手,仔仔仲有十幾日就1歲喇,我老公又係勁夜先收工,日日大部分時間係我對住屋企4面牆同個仔,我明白真係好攰。。。
我教左呀仔2,3個月拍手/bye/hello佢都唔識,我真係好氣餒,我更驚佢係自閉唔識模仿,我日日同老公一齊做拍手,開youtube一邊播歌一邊拍手,突然上個星期bb拍手喇,而家一聽到電視有歌聲就拍手,所以只要日日洗腦式咁教佢,佢某一日會做比你睇
另外飲水可以比紙包飲品佢飲,你輕輕力吱到d野飲到吸管口,bb一啜就飲到,佢好快學識,又可以買richxxx既學飲水杯,有一款係吸管嘴,大人用力禁會出水引道bb飲
我個仔都係咩野都咬一餐,又鐘意掟野


男爵府

積分: 5461

2019新春慶豚圓


發表於 19-1-14 01:34 |顯示全部帖子

回覆樓主:

同埋你試下買寶寶百味既波波米食呀,一粒圓形唔大唔小,bb容易學習用2隻手指拎起,一包有勁多粒又可以加奶當早餐比bb食
我發覺bb係鐘意玩d有趣既野先會入腦記實,例如我教bb用手指篤件玩具按鈕,篤完會發出聲,我比勁大反應bb,佢覺得好有趣就好快學識喇,bb唔反抗我捉佢隻手用食指篤唔同既野(但佢唔比我捉佢雙手教佢拍手 ),出街見到有咩都捉佢手仔,一齊用手指篤下唔同既野,又教佢唔同既語詞,佢呢一刻唔識但會有印象,見到狗仔就要誇張d,指住隻狗同bb講汪汪
見到有花花草草叫bb摸下
盡量小坐bb車多d向外孭住bb一齊行下街
係屋企都可以指唔同物件講比佢聽係咩泥


大宅

積分: 4119

2019新春慶豚圓 2019勳章


發表於 19-1-14 10:47 |顯示全部帖子
我bb2歲了,好多野都自己學,因為佢喊,佢一定有要求,唔係氹就可以,試下了解bb,佢想要乜。1歲bb,應該好多野都好八掛,記住佢唔係公仔,同理心


大宅

積分: 2283


發表於 19-1-14 18:22 |顯示全部帖子
Chingwai825 發表於 19-1-13 17:50
我仔岩岩一歲,佢由細到大,都係一個超級大喊十,咩都喊一餐,係又喊唔係又喊,仲要勁長氣,勁大聲,唔哄番 ...

唔好同人比,細心留意小朋友對邊樣有興趣,會唔會留意大人既動作,會既佢即係想學習啦,可以慢慢一步步教。飲水可以用Avent學習杯,唔用飲管果隻有Valve,要啜先會出水。有飲管果隻都有Valve,可以訓練吸力,我個仔好短時間就可以開始用杯飲,佢仲要學大人用水樽飲水。食嘢方面,既然出咗牙,可以開始俾佢啲硬少少佢咬,訓練牙力同條脷活動能力(啲牙仔都幾硬既。。。) 。大人食飯就最好放埋小朋友一齊上檯,等佢望得多就想試。

我個仔1歲左右,佢要抱時我哋會叫佢講抱,咁好快開始學講。佢唔謂放手自己行,發現佢想拎支奶,跟住就掛住拎奶就放咗手,然後第三日開始自己通屋走啦。


大宅

積分: 2283


發表於 19-1-14 18:26 |顯示全部帖子

回覆樓主:

另外玩玩具,可以唔駛較佢點玩,等佢自己去摸索,男孩子要自己摸索學習先成長既。如果佢發脾氣擲玩具,其實代表佢心急想學,你可以試吓拆開簡單既程序,一步一步俾佢試。


珍珠宮

積分: 45321

2019新春慶豚圓


發表於 19-1-14 19:48 |顯示全部帖子
hoganbaby 發表於 19-1-13 18:18
做全職媽咪係好辛苦嘅,不過平時可以帶佢出街缸下,同其他小朋友一齊玩,咁樣對小朋友好啲,唔洗日日得對 ...

同意亞,接觸多D人,對小朋友成長都好


大宅

積分: 2192


發表於 19-1-15 01:46 |顯示全部帖子
試下唔好捉住教,誇張示範比佢睇,有時要等佢地自己有興趣學先得。好似自己用餐具食野,我一開頭好驚佢整到周圍都係,諗住捉住佢隻手幫佢,點知佢勁抗拒,發脾氣掉餐具。自己食雖然會食到周圍都係,但睇得出佢係認真食唔係玩,再誇張啲咁拍手鼓勵,好快學識左


複式洋房

積分: 104

2019勳章


發表於 19-1-15 02:47 |顯示全部帖子
回覆 hoganbaby 的帖子

多謝🙏🏻


複式洋房

積分: 104

2019勳章


發表於 19-1-15 02:52 |顯示全部帖子
回覆 kissapplegirl 的帖子

同度人既鼓勵都係好重要,多謝你,我有買R字頭個個杯呀,不過佢多數都係啖幾下就發脾氣,按水出黎,佢會唔吞啲水,日日都教到成身濕晒,跟住同佢沖涼,飲水,我教左五個月喇😓佢係好抗拒成日都推開,不過我會再努力💪,搵番啲正能量再黎過


複式洋房

積分: 104

2019勳章


發表於 19-1-15 02:59 |顯示全部帖子
回覆 PL21 的帖子

我有😓其實我都有好多同學同我同期生b,所以大家成日都會交流意見,都試過好多方法,我亦有keep住日日教佢,不過我仔就係特別學得慢,正能量唔可以日日都keep住,所以有時會有啲灰心,想睇下有無同道中人可以交流下,都多謝大家既回覆,我今日又有番正能量,再努力過,希望有日佢會識


複式洋房

積分: 104

2019勳章


發表於 19-1-15 03:00 |顯示全部帖子
Ember 發表於 19-1-15 01:46
試下唔好捉住教,誇張示範比佢睇,有時要等佢地自己有興趣學先得。好似自己用餐具食野,我一開頭好驚佢整到 ...
好呀,我試下,多謝你


複式洋房

積分: 104

2019勳章


發表於 19-1-15 03:01 |顯示全部帖子
回覆 MonsterGary 的帖子

好呀,我試下,多謝你既意見


複式洋房

積分: 152

2019新春慶豚圓 2019勳章


發表於 19-1-15 03:01 |顯示全部帖子
Chingwai825 發表於 19-1-15 02:59
回覆 PL21 的帖子

我有😓其實我都有好多同學同我同期生b,所以大家成日都會交流意見,都試過好多方 ...

加油啊(emoji)(emoji)記住每個小朋友都有自己嘅成長時間表,小朋友ready好就會突飛猛進


複式洋房

積分: 104

2019勳章


發表於 19-1-15 03:01 |顯示全部帖子
回覆 kissapplegirl 的帖子

好呀,我買黎試下先,thank

首頁
12

尾頁

跳至
你需要登錄後才可以回帖 登入 | 註冊