1-3歲

跳至

首頁
12

尾頁
   1


複式洋房

積分: 104

2019勳章


發表於 19-1-15 03:08 |顯示全部帖子
回覆 kissapplegirl 的帖子

不過我揹住佢真係好辛苦,佢廿幾磅,可能我生得細粒,我隻腳又細,我34號鞋,所以每次揹完佢隻鞋同條腰同埋個膝頭哥都會好痛,所以好想佢坐番車,宜家多數出街我都帶晒兩樣野,希望佢會肯坐一陣bb車,咁就無咁辛苦


大宅

積分: 2265


發表於 19-1-15 07:49 |顯示全部帖子
Chingwai825 發表於 19-1-15 02:52
回覆 kissapplegirl 的帖子

同度人既鼓勵都係好重要,多謝你,我有買R字頭個個杯呀,不過佢多數都係啖幾下 ...

我個仔果陣有一輪都係咁,俾隻大人杯裝少少水(大約一啖) 俾佢,然後自己係佢面前飲完,跟住叫佢自又跟住飲,佢飲到又好開心。


別墅

積分: 802


發表於 19-1-15 09:58 |顯示全部帖子
Chingwai825 發表於 19-1-13 17:50
我仔岩岩一歲,佢由細到大,都係一個超級大喊十,咩都喊一餐,係又喊唔係又喊,仲要勁長氣,勁大聲,唔哄番 ...

我女14個月。都係一名大喊十。一喊就勁大聲,勁長氣,越來越麻煩,佢要一樣野就一定要得到先收聲。例如佢要拎玩具,佢心目中有個目標。你比其他佢,佢就掉。掉玩具其實係正常,因為掉落地下會有聲。
唔好介意我咁問,返健康院唔pass,有無要你再返去?我係擔心發展遲緩。當然,每個小朋友嘅學習快慢都唔一樣。無得比較。
坐BB車問題,小朋友好醒,佢知道佢一喊你就會揹你就會抱,佢就唔會肯坐。我會帶一兩件玩具比佢揸住,當然你預左佢會掉。你要不停執。我會帶少少零食,佢一扭想企起身我就比佢食。我自己推住佢,佢好少扭。但如果我老公係度,佢就會扭,因為佢知道我老公會抱。
飲水問題,之前我女都唔太肯飲水,就算啜都係一兩啖,轉過幾個牌子嘅學習飲水杯,鴨咀,飲管。而家用R字頭果隻飲管杯。我女可以飲好多。
我有留意過我女,鍾意飲暖暖地嘅水。
或你嘗試加啲蘋果雪梨煲水,有少少味,吸引佢飲。
你仔係咪埋身人奶B?所以唔太識啜奶樽或學習杯?
教佢拜拜,飛吻呢啲指令,真係要不停重複重複咁做。
我都係全職媽媽,我明白好辛苦。24小時對住真係好崩潰。加油丫。


別墅

積分: 530


發表於 19-1-15 11:41 |顯示全部帖子
Chingwai825 發表於 19-1-13 17:50
我仔岩岩一歲,佢由細到大,都係一個超級大喊十,咩都喊一餐,係又喊唔係又喊,仲要勁長氣,勁大聲,唔哄番 ...

加油呀,過渡期嚟㗎咋!我大仔3歳先肯用飲筒,我連買水壺都要買唔係飲筒個D(emoji)

宜家細仔一歲我無咁緊張,順期自然。你反而要照顧好自己情緒,心情,因為我覺得媽媽情緒小朋友係感覺到,我越忟小朋友都會忟忟憎憎。掟玩具好正常,你唔好幫佢執或比反應佢,一排佢覺得唔好玩就唔會掟。小朋友好多時觀察大人做野,係佢哋ready 時自然識做。所以唔洗特登捉佢手教佢拎野,你試範比佢睇,等佢自己摸索,好快就會識。一歳仲細,唔好比太大壓力自己,加油!


大宅

積分: 2807


發表於 19-1-15 11:51 |顯示全部帖子
你有冇帶佢上下playgroup呀,小朋友學野係好靠佢地嘅好奇心架。如果日日淨係對住你,對佢發展係唔好架,佢日日見住一樣嘅嘢,你又逼佢做一樣嘅嘢,俾你都唔鍾意啦。
上playgroup 同其他小朋友一齊做同一樣野,佢會由其他小朋友身上學到好多野架,而且老師都會幫手引發佢地嘅好奇心。就算唔上playgroup ,帶佢去下巿政d室內遊樂場,見下d哥哥姐姐點玩都好架,又唔使錢


複式洋房

積分: 231


發表於 19-1-16 00:36 |顯示全部帖子
回覆 Chingwai825 的帖子

母嬰健康院有很多研習班,對應不同階段的BB,裏面的内容很好,很有幫助。裏面的護士也很樂意幫忙。可以試試。

https://www.fhs.gov.hk/tc_chi/main_ser/workshop_timetable.html


公爵府

積分: 27460

2019新春慶豚圓


發表於 19-1-16 10:33 |顯示全部帖子
MonsterGary 發表於 19-1-14 18:26
另外玩玩具,可以唔駛較佢點玩,等佢自己去摸索,男孩子要自己摸索學習先成長既。如果佢發脾氣擲玩具,其實 ...

其實係,有時啲玩具唔需要教佢點玩,佢自己會慢慢摸索,咁都係一個認知嘅過程


大宅

積分: 1407

2019新春慶豚圓


發表於 19-1-16 10:56 |顯示全部帖子
全職媽媽好偉大,辛苦了,尤其沒有人幫忙情況下,不過相信小朋友越來越懂得表達,情況會有改善


別墅

積分: 799

2019勳章


發表於 19-1-16 23:21 |顯示全部帖子
明白媽媽你既感受,從字裡行間,你好想bb有進度,而且你亦好努力每日教bb學習新事物,但bb總係比唔到預期既成果比你睇,重發你脾氣,的確係身心皆疲累,其實會唔會媽媽你
都嘗試放鬆一點呢?如果你每次同bb一齊,都係抱住教佢野既心態,佢雖然係bb,但佢都會
感受到你既氣場係有壓力,佢覺得唔舒服,咪會發脾氣囉,不如大家都輕鬆一d,暫時拋開
咩1歲要識d乜歲半要識d乜既標準,同佢傾下計、隨心玩下,陪佢做下佢想做既野先啦,
我相信媽媽輕鬆快樂咁面對bb,bb先會輕鬆快樂咁學習新事物


複式洋房

積分: 104

2019勳章


發表於 19-1-17 05:12 |顯示全部帖子
柚子妹 發表於 19-1-15 09:58
我女14個月。都係一名大喊十。一喊就勁大聲,勁長氣,越來越麻煩,佢要一樣野就一定要得到先收聲。例如佢 ...
多謝你既回覆呀,二個月後要再番健康院呀,有呀,架車有玩具,最近都有買個新既,有音樂既,不過佢都無興趣,唔理啲玩具,零食都有俾,佢好為食架,但佢一上車就會大喊,一喊就咩都無用,放落佢口,佢都唔吞,要佢坐車就零食都無面比,只會大喊,大叫,佢又勁大聲,所以真係好無奈,我都有六個樽,咩都有😂但佢都一樣,佢蘋果雪梨水我煲過,如果用奶樽飲就會飲少少,唔係呀,佢奶樽B黎架,係呀,有時真係好崩潰,大家都加油呀💪個日係到講完,心情好好多喇,多謝大家


複式洋房

積分: 104

2019勳章


發表於 19-1-17 05:24 |顯示全部帖子
Mandc 發表於 19-1-15 11:51
你有冇帶佢上下playgroup呀,小朋友學野係好靠佢地嘅好奇心架。如果日日淨係對住你,對佢發展係唔好架,佢 ...
都有去過幾堂,不過佢都係要我抱住全堂,連放低佢係地一齊坐都唔得,真係勁痴身🙈同埋佢會勁啜個奶咀,啜到個奶咀震,我諗佢真係好驚,所以諗住都係等佢大多少少,新年後先再報,同埋身邊啲朋友,同學好多都差唔多時間生左,所以都好多時約埋一齊玩,會book啲場玩下,去下公園或者一齊約埋去市政啲遊樂場,不過佢陣係會企係一個位自己玩,一有人同佢接觸或者眼神交流就會大喊,樹熊上身,可能佢係嚴重既分離焦慮啦,希望佢大啲會好啲啦


複式洋房

積分: 104

2019勳章


發表於 19-1-17 05:28 |顯示全部帖子
yoannalui 發表於 19-1-16 23:21
明白媽媽你既感受,從字裡行間,你好想bb有進度,而且你亦好努力每日教bb學習新事物,但bb總係比唔到預期既 ...
係,前幾日負能量的確比較多,不過呢幾日我好好多喇,多謝你既回覆,其實我自己心態都唔係話想佢好叻,或者識啲咩,不過見佢好似連學習都唔想學咁,所以就有啲情緒,不過我好好多架喇,但繼續加油,希望有日佢會識


複式洋房

積分: 104

2019勳章


發表於 19-1-17 05:30 |顯示全部帖子
CCHINGC 發表於 19-1-16 10:56
全職媽媽好偉大,辛苦了,尤其沒有人幫忙情況下,不過相信小朋友越來越懂得表達,情況會有改善 ...
多謝你🤗呢句說話真係令我好感動好有能量


複式洋房

積分: 104

2019勳章


發表於 19-1-17 05:33 |顯示全部帖子
Jenjanjan 發表於 19-1-15 11:41
加油呀,過渡期嚟㗎咋!我大仔3歳先肯用飲筒,我連買水壺都要買唔係飲筒個D(emoji)

宜家細仔一歲我無咁緊 ...
多謝你🤗我會架喇,你地講得岩呀


複式洋房

積分: 104

2019勳章


發表於 19-1-17 05:36 |顯示全部帖子
多謝晒大家既回覆呀,
未能一一回覆,不過真係好多謝大家既意見,同埋鼓勵
我會加油架喇


複式洋房

積分: 492

2019新春慶豚圓 2019勳章


發表於 19-1-17 14:30 |顯示全部帖子
佢為食咁食唔食星星餅,佢鍾意食星星餅就可以用兩隻手指攞。
佢可能唔喜歡飲水?買啲吸引佢的飲管杯可能吸引到佢飲呢,我試過半年換一個杯,每次換新杯先肯飲吓。
我個仔都係由細到大都唔坐BB車要抱。宜家27個月30磅都係咁抱。

全職媽媽是好偉大同辛苦,加油,大家都支持你。


大宅

積分: 3067

2019新春慶豚圓


發表於 19-2-4 21:56 |顯示全部帖子
多D出街,小孩子會學野快好多,而出街有野睇,唔會扭,媽媽都輕鬆D架


複式洋房

積分: 358


發表於 19-2-6 07:48 |顯示全部帖子

回覆樓主

你仔仔先一歲,唔識都正常~~我仔十六個月先開始指野,到而家廿二個月仲係超鐘意掉野~~之前用combi 架bb車,又係喊到要生要死唔肯坐,後尾換左架輕d接得埋果款佢又肯坐了~~同佢返playgroup 開頭又係乜都唔肯試,但係每次喊住都俾佢試下,一過左歲半就越來越好,而家基本上咩都ok
最近開始帶佢自己返playgroup, 又要喊一輪好痴身唔肯自己入課室,不過呢d都係過渡期,習慣就會好


大宅

積分: 1153

2019勳章


發表於 19-2-6 15:46 |顯示全部帖子

回覆樓主:

明白做全職媽媽嘅辛苦,我其實好佩服你的,每一個小朋友學習進度都有不同,千萬不要與人相比,咁樣對你同小朋友都唔好,只會為你帶來更多負能量。你要不斷重覆教你想教佢嘅嘢,但不要同一時間教多種,那日子久了佢就會學識,當佢學識後你可教新嘢,但不時仍要提佢你之前教過的。加油呀媽媽,十卜十卜。

首頁
12

尾頁

跳至
熱門主題
你需要登錄後才可以回帖 登入 | 註冊