少年成長今日: 2|主題: 15845

收藏本版

發帖

返回列表

跳至頁

查看: 7416 | 回覆: 2

心甜 [複製鏈接]

csir3290

子爵府

積分: 10912

1^#

發表於 19-1-27 11:30 |只看該作者 |倒序瀏覽 |打印

本帖最後由 csir3290 於 19-1-27 11:30 編輯

感冒發燒咗幾日又驚傳染畀啲小朋友，所以喺屋企都要自我隔離。平時每一日都會攬吓同埋錫下自己啲小朋友，但係呢幾日冇得咁做嗰日突然間同阿仔阿女講，冇得攬你哋我覺得好慘好唔開心。因為請咗病假喺屋企休息，連送佢哋番學都唔得，嗰幾日阿仔阿女放學返到嚟就會同我講好掛住我。有一晚我又要去睇醫生，阿仔阿女都輪住打電話畀我，係咁問我點，當我嗰晚睇完醫生返到屋企，阿女同我講冇咗我同佢冚被佢瞓唔著，阿仔又話我未攬佢又瞓唔著，兩個都好似好緊張，聽到佢哋咁講雖然病緊但係個心都甜曬。
其實我哋一家人關係真係好密切，我哋習慣咗經常都會同阿仔阿女講我愛你或者好錫你哋，原來阿仔阿女自自然然都會學返我哋，每一晚都會同我哋講我愛你，我個仔仲會講我永遠愛你，然後先至瞓。我諗呢啲就係愛的教育。點樣去愛人其實學校未必教到亦都唔係睇書可以學到，教小朋友點樣去愛人其實喺自己嘅父母身上就最容易睇到，仔女好多嘢都係模仿父母，父母唔識得去愛人，小朋友就算睇幾多書喺學校學幾多，但係如果喺父母身上都睇唔到同感受唔到愛佢係點樣學到去愛人呢？

有啲家長以為提供好多物質畀細路仔就係愛佢哋踢佢哋，但係偏偏中國人嘅父母好多就係連用把口講我愛你都覺得好肉麻好尷尬。有啲家長寧願投資好多佢畀仔女學唔同嘅技能但係我覺得交識小朋友去愛懂得同理心其實更加重要。香港嘅小朋友普遍缺乏愛的教育，家長其實有不可推卸責任。我成日都講小朋友就好似白紙一樣，佢會學父母表達愛嘅方法去愛人。家長們，究竟有幾耐冇好好的擁抱吓自己嘅子女呢？