產前產後

跳至

首頁
1

尾頁
   2


男爵府

積分: 6778

2019勳章 畀面勳章


發表於 19-1-26 12:10 |顯示全部帖子
#大埔黃x敏Mandy40幾歲
第二胎太遲請陪月,問左好多陪月都冇期,最後系陪月x站請左佢,我諗住果度d陪月上過堂有証書,咁自己又第二胎,第一胎果陪月當時教左我好多有用正確既湊b知識,諗住ok冇問題,點知系個惡夢既開始。
#安全意識篇:


1️⃣:搭的士去覆診黃疸,陪月抱住bb,提佢要扣安全帶,佢吾扣,單手抱b, 仲要隻手都冇攬住bb,(下邊有相)我同佢講咁樣好危險,佢話好安全 因為佢另一隻手有揸住 扶手,我話咁樣只係保護左妳自己安全,如果特然間剎車既話,bb會成個飛出去。佢話佢之前做果d搭車都系咁,都冇事發生。算啦之後我自己抱返。


2️⃣:沖涼前bb會瞓系highchair度等,貪方便將d衫仔,2條沖涼紗巾,一條抹身大毛巾咁大堆嘢放系bb頭仔上邊。我食緊飯,聽到俾嘢冚住d嗚嗚聲,轉頭睇吓,就見到我bb塊面俾條大毛巾冚住,系70cm x140cm咁大條既抹身毛巾,吾系d紗巾仔呀😱,bb手腳系咁掙扎,我即刻沖過去拎開毛巾,我女成塊面焗到紅晒😨,即刻大喊,個陪月仲系廁所裝緊沖涼水,好耐先出來。一出來我即刻同陪月講,頭先阿女俾條毛巾冚住焗親。陪月淨系話:哦,咁拎開d嘢啦。跟住就帮bb沖涼,bb因為頭先焗親受左驚,所以系咁喊,佢吾安撫左bb先,反而一邊沖一邊話:妳今日做咩成舊懵薑咁呀,好彩妳阿媽系度,吾系仲以為我打妳。之後問返佢點解會將咁多嘢擺系bb頭果度,自己行開左,知吾知咁樣好危險,出左事會焗死bb架。陪月話:吾會架,妳系度呀嘛。我真係好嬲,佢完全冇當一回事。如果我聽吾到聲冇擰轉頭去睇呢?後果真系不堪設想😠


3️⃣:就咁將個燉盅放系飯檯最出邊燉嘢,我有個4歲大仔,星期六吾使返學系屋企。我出來見到,即刻 移返去中間,再同返陪月講,吾好擺咁出,陣間阿仔好奇走去打 翻左, 會俾d滾水淥親。


#陪月知識篇:
1️⃣:初生bb掃風唔逗住條頸,仲要拍到澎澎聲(叫佢要逗住條頸,佢話吾使話我女條頸夠硬)之後我盡量自己掃風。


2️⃣:用暖奶器暖人奶,成日㩒左加熱副食品個制,同佢講用返暖人奶制,太熱會破壞人奶抗體,佢話吾怕,有佢睇住。我自己去㩒返人奶制,佢就即刻黑面。話我吾信佢。


3️⃣:佢話bb便便多同稀,系因為人奶有菌,所以肚屙。我同佢講系因為人奶有輕瀉作用,所以人奶b系比較多便便同稀。佢又黑面。


4️⃣:同bb換片,成日吊太高bb2隻腳,得2個膊頭掂地,換完片bb都會回好多奶出來,提佢bb 啱啱飲完奶, 唔好吊太高隻腳, 陣間又回晒啲奶出嚟, 佢又黑面,話我唔信佢就自己換,咁之後我盡量自己換片。


5️⃣:因為bb黃疸未退,所以我日頭泵出來樽餵,夜晚先埋身,陪月用樽餵bb,冇耐心,bb飲緊奶,佢不停左右搖個奶樽,叫佢吾好系咁,會影響bb飲奶,佢話我驚佢瞓左呀嘛。所以佢餵,bb吾肯飲。咁就同我講bb吾肯用樽食,但我同老公樽餵bb就飲。之後我吾使佢餵。


#人品篇:


1️⃣:bb焗親件事同親戚朋友傾返,個個都覺得離晒譜😠,個陪月對於安全意識嚴重不足,邊有人會將咁多嘢擺系bb頭上方架?(2件衫仔,2條紗巾,一條70cm x140cm大毛巾,堆咁高點會吾跌落來冚住bb呀?)咁我第2日就再系電話度同佢講返吾好再系咁,因為好危險,個陪月即刻反口吾認,話冇証冇據吾好屈佢,仲話我欲加之罪何患無辭,激到產後荷爾蒙仲未回落既產婦紮紮跳,咁我話當日妳系廁所出來我即刻同妳講頭先bb俾毛巾冚住焗親,妳吾話我屈妳既?同埋我見到bb焗住左,唔即刻去救返bb難道要先影左相做證據咩? 你話我屈你, 我夠膽發誓話冇,你夠唔夠膽發誓吖?


陪月即刻轉口話: 總之我冇焗親你個女 我將啲嘢擺係佢頭附近啫 ,系你個女自己手多拉低d嘢冚住左佢自己 啫。最尾再火上加油一句: 你係咪有情緒病呀?妳有病就快d去睇醫生啦。😠


我真係俾佢激到堅系嬲😠,真係打橫來講😤,咁妳吾擺咁多嘢系bb頭仔上邊,佢點手多都冇嘢拉低來冚住自己啦系咪?


2️⃣:成日中午同bb沖完涼,話冇嘢做就開始玩電話,玩攰左就坐系梳化瞓覺。佢聲稱自己年紀大,坐得耐就恰着左
佢話自己系合理情況下玩電話瞓覺 你唔係咁都介意呀?


3️⃣:返工初期成日早走10幾廿分鐘,見到我老公一返來就即刻話換衫收工,有日仲要收4點,3點11分就去換衫收工。


4️⃣:堅持用抹爐頭既 污糟毛巾用嚟洗碗, 提佢用返洗碗布來洗碗即刻黑面, 話好大壓力話我用咩布洗碗都要管住曬。


5️⃣: 提佢生同熟嘅食物要分開處理,又黑面,話我太講究。


6️⃣: 問都吾問,就開咗我個新易潔鑊來用, 仲用鐵鑊鏟,個鑊花到甩皮都唔出聲,話唔知 易潔鑊唔用得鐵鑊鏟, 又話唔知易潔鑊花左要換。


7️⃣: 醃咗嘅 金針雲耳豬肉片擺咗兩日仲蒸 畀我食, 同佢講肉片已經有陣味,同埋 醃左既雲耳 唔好擺咁耐, 坐月要食新鮮食物。佢又黑面, 話我敏感, 佢屋企啲肉呀魚呀成日都洗完醃完擺兩三日先食,都冇味。


8️⃣:成日郁d就黑面,講嘢又串嘴,其實如果真系有料又吾怕妳串喎,可惜又吾系有料,好多common sense都冇。
另外煮嘢吾好食,咩都落糖,魚湯似洗鑊水,冇帮我補過身,成日帮bb沖涼整到bb飲沖涼水呢d小事都費事講。


就以上種種到底系我要求高覺得佢吾合格,定系佢系黑陪月,還請大家自行判斷。


我真係覺得要有耐性,有愛心,有heart先好出來做陪月。




洋房

積分: 74


發表於 19-3-8 14:36 |顯示全部帖子
樓主好可憐
呢D陪月炒得啦


別墅

積分: 910


發表於 19-3-9 12:33 |顯示全部帖子
本帖最後由 Doraa 於 19-3-9 12:41 編輯

上過堂有証書得張紙有乜嘢用。請人都係要有實踐經驗好。主不要太勞氣費事傷身。
屯門區陪月、家務助理


複式洋房

積分: 326


發表於 19-3-9 16:27 |顯示全部帖子
pbaby896 發表於 19-1-26 12:10
#大埔黃x敏Mandy40幾歲
第二胎太遲請陪月,問左好多陪月都冇期,最後系陪月x站請左佢,我諗住果度d陪月上 ...

好癲!有冇得向佢公司投訴佢?


男爵府

積分: 5404

2019新春慶豚圓


發表於 19-3-11 00:40 |顯示全部帖子
pbaby896 發表於 19-1-26 12:10
#大埔黃x敏Mandy40幾歲
第二胎太遲請陪月,問左好多陪月都冇期,最後系陪月x站請左佢,我諗住果度d陪月上 ...

咩都自己做返,仲要咁危險,炒咗佢無咁嬲啦


大宅

積分: 1232

2019勳章


發表於 19-3-15 18:38 |顯示全部帖子
太極品啦 如果係我應該爆佢九世!請陪月同請工人一樣 真係靠彩數


大宅

積分: 1176

2019新春慶豚圓


發表於 19-3-20 11:58 |顯示全部帖子
pbaby896 發表於 19-1-26 12:10
#大埔黃x敏Mandy40幾歲
第二胎太遲請陪月,問左好多陪月都冇期,最後系陪月x站請左佢,我諗住果度d陪月上 ...

炒得,兼且一定要投訴


別墅

積分: 612

2019新春慶豚圓


發表於 19-3-20 18:09 |顯示全部帖子
佢咁都得???投訴佢有冇用?


複式洋房

積分: 281


發表於 19-3-21 00:01 |顯示全部帖子
有冇得投訴 回水㗎?佢咁樣遲早出事


別墅

積分: 638

2019新春慶豚圓


發表於 19-3-21 07:52 |顯示全部帖子
樓主,黎緊我都打算做陪月,因為生左bb,經歷盡咩叫做人多幫倒忙的苦楚。
1,我第一次抱bb搭的士回家,係我阿媽叫我唔洗帶安全帶抱bb,話會整親bb,當時我一出院就激到爆。佢話佢两個孫出世都係唔帶安全帶坐的士,
不過個頭仔就要向車入面,阿嫂都沒意見。
2,吊咁高,又太過分,快手嗎?換片嘔奶我又覺得正常會發生,未必關佢事。
3,掃風,我講公道說話。係真係掃到啪啪聲,我係聯合醫院每個姑娘都真係教我掃到啪啪啪聲喎,仲好快手咁掃。我仲比幾個姑娘教掃風,我比較過網上的溫柔拍背,佢哋話網上的無效,掃一日都冇用。
係托住bb下巴,把bb坐在大脾,仲要令bb盡量直腰,啪啪啪掃一两分鐘。
姑娘係手把手教我好多次。
Bb冇頸⻣,冇腰力,所以啪一陣,就要橫抱一陣。太細未必er 到出黎。不過我就因為回家掃風比阿媽同奶奶話我拍死bb。我係真係醫院教的,佢哋次次見親我拍bb就閙我,激到我抱bb入房一路掃風一路喊。
後來帶左阿媽去健康院,比姑娘示範,又同埋老公去醫院一齊學掃風,見證我冇講大話,佢哋先冇出聲。
4生熟處理。呢個基本常識啦!因為我奶奶常日熱水沖沖當干淨,生熟撈埋,同佢講仲比佢話我要求高,我阿媽出面講仲衰,搞到我坐月日日以淚洗面,我情願佢地冇出現幫手,我食面包都好過食佢整的送。

我都有好多黑暗坐月辛酸史,所以希望自己日後做呢行可以幫到新手媽咪。
不過唔排除坐月期間媽咪或多或少受荷爾蒙影響,情緒波動大。
我都係,事後,我都檢討自己,我都講野大聲左,令老公,阿媽,奶奶難堪左。關係也裂左。因為係親近的人,我要包容同修補關係。
幸好而家大家都冇事,雖然幫唔到咩忙,都要懷著感激的心態,都幾無耐。

但陪月員就一定要幫到媽咪同bb忙先得,絕對唔可以令媽咪再添煩惱,照顧好bb,要細心,要溫柔,要講科學。


洋房

積分: 100


發表於 19-4-21 00:15 |顯示全部帖子
太極品,炒左佢啦!


洋房

積分: 100


發表於 19-4-21 00:29 |顯示全部帖子
番薯仔媽媽 發表於 19-3-21 07:52
樓主,黎緊我都打算做陪月,因為生左bb,經歷盡咩叫做人多幫倒忙的苦楚。
1,我第一次抱bb搭的士回家,係我 ...



複式洋房

積分: 128


發表於 19-4-21 02:22 |顯示全部帖子
樓主真係唔好彩,一定要投訴


別墅

積分: 951

2019新春慶豚圓 2019勳章


發表於 19-4-22 06:43 |顯示全部帖子
樓主個陪月係咪仲做緊?如果係,你快啲炒咗佢,反正你好多事都要自己做返,又要受佢氣,仲要俾錢佢?no way la!佢真係好趣緻,竟然話媽咪啲人奶有菌令bb痾,真係聞所未聞人奶不能受熱是好基本的常識,連這基本嘢都唔識,認真有問題!掃風都好離譜,請得佢即bb未滿月,又何來頸仔夠硬呀?冇heart已夠衰,冇常識才害死人


複式洋房

積分: 177


發表於 19-4-22 12:06 |顯示全部帖子
我之前第一胎都係陪月×站中過伏,他們的質素好鬼差,衛生程度超差,照顧BB手勢粗魯,烹調勁濃味,成日玩手機,仲話她有十幾年經驗(吹脹),搞到我好鬼燥底。不過唔知係好彩定唔好彩,她做左4日自己辭工。個下有D徬徨,好彩搭上搭遇到個超好的陪月,差天共地,經驗不多但超有愛心同耐性,哄BB有一手令我可以安心休息,烹調健康好味,衛生整齊。我今胎想找她,但她個期同我唔係好夾到,要真空幾十日,惆悵中。。。


別墅

積分: 543


發表於 19-4-24 06:38 |顯示全部帖子
樓主加油!

我都經歷左兩個激死人陪月,正到日日搞到我屋企家嘈屋閉,仲大話連連咩都有藉口抵賴...搞到身體同情緒都勁差...

如要陪月名,可pm


複式洋房

積分: 378


發表於 19-5-5 06:45 |顯示全部帖子

回覆樓主:

你應該同佢講我係你老闆跟住我方法做就可以。。唔洗理信唔信佢。。


複式洋房

積分: 378


發表於 19-5-5 06:52 |顯示全部帖子

回覆樓主:

不過咩到自己做。。。佢到係早走早著


大宅

積分: 1103

2019新春慶豚圓


發表於 19-5-7 14:08 |顯示全部帖子
呢d炒得

首頁
1

尾頁

跳至
你需要登錄後才可以回帖 登入 | 註冊