吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 第一胎・5小時・快速順產分享

懷孕前後今日: 14|主題: 329669

收藏本版

發帖

返回列表

跳至頁

樓主: gugibabe

第一胎・5小時・快速順產分享

1 234 5

KM1130

別墅

積分: 638

發表於 19-1-31 03:26 |顯示全部帖子

睇到你個post ，就唸起我生兩胎的經歷同你差不多，我又係凌晨一陣痛就3分鐘一次，去到醫院一check 已經四度，打完B鏈支豆定支針已經8度，要落產房，落到產房pork 一聲先穿水，開始痛到要痾，最終由入院到生半個鐘搞掂，今次第三胎，醫生都話一有不妥要即刻入院不好等，其實每次生仔都好驚，希望我今次都生得快(emoji)(emoji)
*冇乜做運動，但我行好多，就算返工都好少坐，A字型企多間中做下蹲下動作，每晚用熱水泡腳去水腫！昵D不知關不關生得快事，不過頭兩胎係咁做都生得快，所以今胎都照做

私人傳訊

Demihung

複式洋房

積分: 246

發表於 19-1-31 14:25 |顯示全部帖子

gugibabe 發表於 19-1-30 17:31
（唔開post都唔知道原來都有幾多孕媽媽第一胎都生得咁快～）

兜咗一個圈終於又嚟返產房門口，見到老公已經 ...

好精彩呀～我都好想好似你咁咁快生到
等你再出post呀～

私人傳訊

CLam:3

別墅

積分: 663

發表於 19-1-31 14:47 |顯示全部帖子

我都係第一胎. 見紅先.
跟住穿水. 出門口個陣已經5分中痛一次
6個中頭生左阿b.
啲姑娘都話我好快手.

私人傳訊

missbochu

別墅

積分: 615

發表於 19-1-31 14:51 |顯示全部帖子

回覆 gugibabe 的帖子

想問下你係邊間醫院生? THX

私人傳訊

RubyYu07

珍珠宮

積分: 39566

發表於 19-1-31 15:56 |顯示全部帖子

恭喜恭喜！bb錫住你，唔使痛咁耐。

私人傳訊

RubyYu07

珍珠宮

積分: 39566

發表於 19-1-31 16:01 |顯示全部帖子

Lcsl 發表於 19-1-28 04:36
我第一胎順產，
05:00am穿水，

咁你都好快生到出來喔

私人傳訊

wing103

大宅

積分: 2354

發表於 19-1-31 16:43 |顯示全部帖子

gugibabe 發表於 19-1-27 14:49
相信好多打算順產嘅孕媽媽去到孕後期，都會想象自己究竟會喺咩情況下作動，我都唔例外。成日都會諗：究竟會 ...

好叻呀你

仲形容得好好笑！我一路睇一路笑

私人傳訊

concitato

大宅

積分: 1539

發表於 19-1-31 16:48 |顯示全部帖子

好緊張丫！

私人傳訊

pokipoki

伯爵府

積分: 15463

開心吸收勳章

發表於 19-2-1 10:11 |顯示全部帖子

回覆樓主

追

私人傳訊

geminiyin

大宅

積分: 1245

發表於 19-2-1 12:58 |顯示全部帖子

期待！！

私人傳訊

Gloria22sen

男爵府

積分: 6237

發表於 19-2-1 15:55 |顯示全部帖子

追!

私人傳訊

jiffjiff

大宅

積分: 1010

發表於 19-2-1 16:03 |顯示全部帖子

haha, 你個Post緊張過西片

期待ing

私人傳訊

judy614chu

大宅

積分: 2069

發表於 19-2-2 01:07 |顯示全部帖子

勁丫

私人傳訊

WIN子

大宅

積分: 2489

開心吸收勳章

發表於 19-2-2 06:41 |顯示全部帖子

回覆樓主:

有冇媽媽陀緊嗰陣返企既工架？
每日企4-7個鐘會行下
有冇咁既效果？

私人傳訊

anperbaby

大宅

積分: 1771

發表於 19-2-2 19:33 |顯示全部帖子

期待續集！

私人傳訊

cavy0511

男爵府

積分: 9959

發表於 19-2-2 20:35 |顯示全部帖子

gugibabe 發表於 19-1-27 14:49
相信好多打算順產嘅孕媽媽去到孕後期，都會想象自己究竟會喺咩情況下作動，我都唔例外。成日都會諗：究竟會 ...

睇黎陣痛密係會生得快喎, 我都係一路2分鐘痛一次, 好快生左

私人傳訊

gugibabe

大宅

積分: 1927

發表於 19-2-7 21:57 |顯示全部帖子

上文提到助產士終於拉起腳踏扶手俾我試生，我亦都終於見到人生嘅曙光！
點知曙光嘅出現只係好短暫...我分唔清究竟係我真係唔夠氣定唔夠力；bb個位真係唔夠低；d腳踏於我而言唔太啱位，唔理係咩嘢原因，個結果就係...助產士真係只係俾我試push咗三嘢，就宣佈我試生唔成功，要我再等等。

仲要再等！？簡直令人晴天pig pig無法接受！本身鬥志高昂嘅我瞬間跌落萬丈深淵，未來得及反應助產士就又以閃電嘅速度收起曬d腳踏扶手，較暗返產房嘅燈光，剩低我同老公2個人喺產房入面。

唔知係幸運還是不幸，我一直以為生bb時會冇得戴眼鏡，但原來入產房時除咗只係要我熄電話之外，又冇要求我要除眼鏡。而喺我嘅正前方就係一個時鐘，我可以好清楚咁睇到時間，感受一分一秒嘅流逝，感受嗰份望唔到終點嘅無助，默默承受一波又一波嘅陣痛。

依個時候我已經放棄咗笑氣，因為佢除咗令到我覺得老公把聲好遠好遠之外，係毫無作用。望住牆上嘅鐘，每一分鐘都係煎熬。每一次陣痛來襲，我都不能自制地好想痾；每次陣痛稍退，個人有返d理智時，我又會問老公bb心跳點樣，有冇受我影響，而老公就全程握住我隻手，陪我深呼吸。如是者來回幾次，我就叫老公出去搵姑娘幫我睇下。姑娘入嚟望咗一眼，就話未得住，仲問我老公怕唔怕血。佢指住一個位話：「阿先生，太太依家未得住㗎。起碼要見到bb個頭仔嚟到依度，要喺依個位見到頭髮，先係落得夠低。」

之後，又係漫長(對於我而言)嘅等待。每隔5分鐘我就叫老公幫我望下bb落得夠低未，但每一次我都係得到一個令我好沮喪嘅答案。好幾次我甚至哀求我老公幫我出去搵姑娘，老公都話真係未得，依家出去只係會俾姑娘鬧。

如是者，跟住落嚟每次陣痛，我都忍唔住扯實老公嘅衫角，而老公亦將個身挨前少少，一邊握住我隻手，一邊扶實我膊頭，陪我一齊深呼吸。雖然我已經唔記得佢仲講咗d咩嘢說話同我打氣，亦都唔重要。我只知道，如果嗰一刻佢唔喺我身邊，我都唔知可以點樣捱過十級痛。

終於又過多一陣，我再一次求老公幫我出去搵姑娘，亦都終於再一次見到曙光，姑娘再一次拉起腳踏扶手，叫我準備吸一大啖氣，再次陣痛時，雙腳用力踩實，雙手用力向自己方向拉，忍住道氣盡力痾。同時亦問我如果可以唔剪會陰的話，我會唔會想試下唔剪。

望見產房內多咗數位嚴陣以待嘅助產士，睇見產房嘅燈都較返光，我同自己講今次終於要打大佬喇，一定要成功！
深深吸入一啖氣，死忍住，全力痾，一次陣痛夠我試push3次，但都係未得。俾姑娘話我道氣仲係未夠，啖氣唔夠長，叫我抖一抖，下一次陣痛再吸氣吸大啖d。

好快陣痛又再來襲，我同自己講要搏咗條老命都要忍住道氣。事後老公同我講返我嗰時谷到塊面好紅好紅，佢好擔心我會谷到爆血管。一、二、三、用力！再嚟！一、二、三、用力！

「見到頭仔喇！用力！！」
「頭仔出咗d喇，再用力！！」
「頭仔出咗嚟喇！！」

用盡全身所有力氣盡地一痾，終於bb出世了。響亮嘅喊聲橫空劃破深宵嘅產房。老公對住我大叫：bb出咗嚟喇！但我攰到連笑、連張開眼都冇力，只聽到幾位助產士報時，報重量。回一回氣後，核對完bb性別，姑娘就抱bb放喺我身上skin to skin 。

「Hello，我哋係爸爸媽媽呀。我哋終於見面喇。」

跟住落嚟嘅推肚、縫針，已然不是重點。經過人生中最漫長嘅黑夜，黎明經已來臨。

歷時不足5小時嘅初產分享到此為止，多謝收看。
祝願天下媽媽生產迅速、順利。

私人傳訊

gugibabe