吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 第一胎・5小時・快速順產分享

懷孕前後今日: 25|主題: 329684

收藏本版

發帖

返回列表

跳至頁

查看: 42078 | 回覆: 93

12 3 4 5

積分: 1927

1^#

發表於 19-1-27 14:49 |只看該作者 |倒序瀏覽 |打印

本帖最後由 gugibabe 於 19-1-27 21:09 編輯

相信好多打算順產嘅孕媽媽去到孕後期，都會想象自己究竟會喺咩情況下作動，我都唔例外。成日都會諗：究竟會係見紅先？陣痛先？定係穿水先？

而命運，往往就係鐘意唔按章出牌。

距離預產期仲有一個星期嘅某個晚上，沖沖下涼，忽然感覺到bb好大力郁咗幾下，緊接著有嘢流出嚟，拿拿臨搵紙巾抹下，又係分泌～仲諗緊：果然愈接近預產期就會愈多分泌～再沖多幾下，唔對路，點解仲有嘢keep住流出嚟嘅？搵紙巾再印一印...咦？水狀㗎喎...唔通係時候？

快快手洗埋個頭，行出廳同老公講：老公...我諗我可能穿咗水...

嚇到原先喺梳化㩒緊電話嘅老公成個彈起，手忙腳亂地double check 走佬袋d嘢係咪真係齊曬。我就拿拿臨吹埋個頭先～

準備落樓時開始覺得肚痛，心諗：咁快陣痛㗎喇咩？？由於冇戴錶又顧住快d 行去搭的士，所以都冇數到究竟每次陣痛相隔幾耐。上到的士望住個電子鐘：3分鐘一次？？一嚟就3分鐘一次㗎咩？？乜唔係會由15－30分鐘開始warm up㗎咩？？

帶住既疑惑又緊張嘅心情，我同老公終於到達產房門口。

（待續）

0 1 0

私人傳訊

mybbkit

大宅

積分: 3749

2^#

發表於 19-1-27 16:49 |只看該作者

好緊張吖，禁快既～我今胎第4胎真糸到時注意一下先

私人傳訊

jlht

別墅

積分: 795

3^#

發表於 19-1-27 16:56 |只看該作者

我就係驚呢種咁緊急既感覺，所以醫生一問我入唔入院催生我即刻話好

落車架的士有冇濕晒

私人傳訊

呠豬媽

複式洋房

積分: 205

4^#

發表於 19-1-27 17:46 |只看該作者

追

私人傳訊

Babypru168

別墅

積分: 988

5^#

發表於 19-1-27 18:22 |只看該作者

gugibabe 發表於 19-1-27 14:49
相信好多打算孕媽媽嘅孕媽媽去到孕後期，都會想象自己究竟會喺咩情況下作動，我都唔例外。成日都會諗：究竟 ...

我係用6小時就生左，開始計陣痛時都同你有同樣諗法，點解一開始陣痛就5分鐘一次

私人傳訊

chubama

大宅

積分: 3283

6^#

發表於 19-1-27 19:34 |只看該作者

mybbkit 發表於 19-1-27 16:49
好緊張吖，禁快既～我今胎第4胎真糸到時注意一下先

第4胎！
媽媽你好叻呀！

私人傳訊

naiyiubb

複式洋房

積分: 395

7^#

發表於 19-1-27 19:41 |只看該作者

回覆樓主:

跟住點啊？？

私人傳訊

我要做媽媽

珍珠宮

積分: 47558

BB防敏心得分享勳章

8^#

發表於 19-1-27 20:04 |只看該作者

真係咁快就3分鐘一次

私人傳訊

gugibabe

大宅

積分: 1927

9^#

發表於 19-1-27 21:07 |只看該作者

去到分流站，由於有過往懷疑穿水+肚痛嘅入院經驗，都知道流程係磅重、量血壓、聽bb心跳、etc訓上床時又流咗好多水出嚟，唔洗等姑娘答我自己都心裏有數應該係穿水了。

與此同時其實陣痛都去到大約2.5分鐘一次，我都痛到要等陣痛過咗至有力落床。姑娘話我宮頸成熟但就未開度數，叫我拎住個file去產前房報到。

去到產前房例牌又係先驗小便，忍住痛咁去廁所，一抹...見紅？？？咁快儲齊曬穿水陣痛見紅三寶？？拎住個杯仔出去同姑娘講返。姑娘話我可能都快，叫我穿定紫袍喺底再著粉紅色衫褲。其實果時已經都幾痛下，我以龜速著咗紫袍同件衫，褲都未著好就俾d 姐姐催我快d訓上床做胎心監察，我忍唔住話：可唔可以等我過咗依下陣痛先。佢見我著曬紫袍，叫我唔好整亂佢舖好嘅床，話另外幫我舖張野俾我訓上去就算...結果我連褲都未著就躝咗上床。

駁機前有位姑娘嚟幫我檢查，話我開咗2度，我心諗：2度是咪即係可以落產房喇？？但我真係痛到冇力問，阿姑娘又一陣風咁唔見咗人，轉頭姐姐就幫我駁機。依個時候其實已經痛到好唔舒服又典床典席又棟高隻腳，結果姑娘就衝出嚟鬧我：唔可以打側個人！唔準棟高腳！我心諗咁你不如一錘打暈我罷啦。

中途有位醫生嚟床邊同我講過d嘢，但我都痛到唔係好記得當時佢up乜。好記得隔離床位媽媽同我講加油，好感動但我實在冇咩氣力回應佢，想吹下水都冇力，只能夠簡單講句多謝。過咗唔知幾耐(冇睇鐘，但仲駁緊胎心機)，我開始痛到真係好想大便，眼尾望到姑娘經過，即刻用僅餘嘅力氣同佢講：姑娘...我...真係...痛到好想痾...可唔可以...幫我...睇下...開到幾多...度。好在姑娘都肯幫我睇下，一睇：8度。即時安排可以落產房！

中間嘅細節我又忘記咗，都唔記得我係點樣爬上／躝過去另一張床，印象中好似仲俾姐姐鬧我做咩d衫未放好、個袋做咩咁細(佢塞唔到d衫落去)、條底褲究竟仲要唔要、手抱住肚唔準伸出床外blablabla。訓喺走廊正中間勁狼狽之際，有位媽媽經過，仲問我點解可以咁快嘅，我唯有答「我都唔知」...姑娘就叫我快手打俾老公叫佢落產房，一打俾老公，佢話佢剛剛上的士，我淨係夠力喺陣痛同陣痛之間講一句說話：我開到8度喇，去產房等。收線前聽到老公：司機唔該返轉頭！

姑娘叫我熄電話，但，部電話新買嘅我唔知道點熄...我痛到亂Q咁㩒，機都hang埋都未熄到。姑娘又催：快d 熄機喇。我話：我唔識熄...我陣間俾老公幫我熄得唔得呀？姑娘話好啦好啦，仲話嘩你第一胎又會咁快嘅。

仲於要落產房喇！終於可以見到老公唔再係單打獨鬥喇！

（待續）

私人傳訊

mybbkit