潮流時尚今日: 2|主題: 104388

收藏本版

發帖

返回列表

跳至頁

查看: 3350 | 回覆: 9

[時裝] 意難平！分享一次極為差劣的購物體驗！ [複製鏈接]

ccmaniac

男爵府

積分: 7913

1^#

發表於 19-1-29 12:06 |只看該作者 |倒序瀏覽 |打印

本帖最後由 ccmaniac 於 19-1-29 13:55 編輯

代朋友post

剛剛有朋友提起金鐘lab concept 有間賣韓國衫嘅shop，令我諗起兩個月前係呢間叫做solitude femme 既shop買衫嘅經歷。嗰日我經過見到佢shop window啲衫幾靚就入去睇吓，睇中兩件褸最後二選一。點知返到屋企屋企人話另外一件比較靚，叫我拎返去換。咁我第日同屋企人去換嘅時候，佢同我講話冇得換，我話我琴日先買點解冇得換。佢話俾錢嗰陣已經講咗話冇得換因為係韓國衫，我話我完全冇收到呢個資訊，點知佢竟然話可能你當時同朋友傾緊計聽唔到，我當時超級愕然，我話點可以咁不負責任，店員唔係應該有責任傳達呢個重要訊息嘅咩？點可以將個責任就咁推比我。當時佢哋嘅態度非常惡劣，於是我問佢哋有冇客戶服務嘅電話，佢哋話單據嗰度就有。離開舖頭之後我好嬲，馬上打去，點知竟然係嗰個店員聽返，佢話佢哋冇客戶服務部，仲話有咩可以同佢講，佢會同公司反映番。問題係我要投訴佢，我唔信佢會同公司反映番囉。後來我上佢哋官網見到有Facebook page，我message返佢哋希望佢哋會回覆，但係事隔兩個月一啲反應都冇，已讀不回。屋企人同我講叫我買個教訓，以後唔再去就算啦。但我而家心裏面諗返都戚戚然。咁大個女買野都未受過咁樣嘅對待。真係好嬲！
朋友回覆：

我去開的shop 都可以換貨，去到佢話唔換得其實我係幾驚訝。但我嬲嘅最主要原因係佢哋店員嘅態度。非常之冇禮貌。我真係聽唔到佢提供呢個不能換貨嘅信息，但明白大家溝通上有機會有誤會。只係覺得根本唔需要用咁無禮嘅態度回應，令人非常有hard feelings. 之後想同佢哋公司溝通返亦都一啲回音都冇。我覺得customer Service對一個品牌來講非常重要，唔係話賣咗件衫就算。Anyway，呢個只係我個人感受，大家觀點與角度不同我亦理解。