吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 讚下印姐先！

論盡家傭今日: 0|主題: 133704

收藏本版

發帖

返回列表

跳至頁

樓主: 浚林

讚下印姐先！ [複製鏈接]

LeeCC

大宅

積分: 3891

21^#

發表於 09-4-25 21:54 |只看該作者

原帖由浚林於 09-4-24 10:19 發表
半夜大仔突然發燒(38.4) +嘔，今朝學校又要測驗，所以吵住要返學。咁我就帶埋印姐一齊送佢返學 (印姐第一次去，平時係我自已送)，然後留佢係學校門口等，一測完就帶返屋企。我返到公司個心都好亂，又擔心，因印姐只黎了一個星期，又 ...

跌左塊布者, 人冇跌就得啦, 我好驚我個印印抹窗, 佢好似唔識驚咁, 伸出半個身出窗外

私人傳訊

浚林

複式洋房

積分: 237

22^#

發表於 09-4-27 16:48 |只看該作者

都驚gar，所以窗花個密碼銷冇俾佢，情願佢抺少d。費事！

私人傳訊

janmama

大宅

積分: 2415

23^#

發表於 09-4-27 19:09 |只看該作者

我都想讚下我印姐, 佢好錫bb, 朝早5:30am聽到bb喊即刻起身幫手湊, 餵bb食粥粥有心機, bb之前6個月唔識坐佢朝朝教bb坐, 好有心機同佢玩等bb肯自己坐, 而家bb識坐la!!!bb太鍾意睇電視, 佢話唔好比bb睇咁多, 好有耐性咁同bb玩唔比bb睇tv!!!我其實都好感激佢, 雖然佢唔係好好笑容....

私人傳訊

佩兒

大宅

積分: 1240

24^#

發表於 09-4-27 22:09 |只看該作者

我個工人煮野比BB有一手, 我個仔都食多左飯, 佢以前食到一半就會吐返出黎, 而家就食晒成碗, 我成日話姐姐搞到BB變肥仔, HEHE
姐姐剛黎香港三個星期, 前兩日我同佢傾開佢覺得做得辛唔辛苦(因為我屋企BB, 又有四個大人, 都好多家務), 佢話做野係咁, 有得做已經好好, 我都好欣賞她這樣工作態度

私人傳訊

LOOLOO

大宅

積分: 3819

好媽媽勳章

25^#

發表於 09-4-30 18:34 |只看該作者

UP

希望多D BOSS 可以分享下印印抵讚的事情

維維:new born 7.38lbs;6/OCT/07 33lbs 哥哥 : 6/OCT 55lbs

私人傳訊

applebaby

複式洋房

積分: 399

26^#

發表於 09-4-30 18:43 |只看該作者

原帖由 LOOLOO 於 09-4-30 18:34 發表
UP

希望多D BOSS 可以分享下印印抵讚的事情

賓姐好肯訓練阿仔自立，在佢半哄半迫下，阿仔會自已著鞋，著襪，自已識去小便。

或者係訓練有數，今天姐姐忙於熨衫時，阿仔自已去洗手間，放低thomas 廁板，開完大大再叫姐姐，全程自已搞掂，姐姐都係入左廁所，才知佢開完大。唔夠三歲的小朋友，都算係咁了。我食晏時打返屋企，姐姐第一時間讚bb叻仔。

私人傳訊

tuenyima

大宅

積分: 3713

27^#

發表於 09-4-30 21:04 |只看該作者

我自己個菲傭用咗六年, 我在香港時請佢, 後來搬去新加坡都帶埋佢, 人工少咗好多佢都肯跟我地, 舊年我地又搬去馬來西亞, 又係帶埋佢, 人工好過新加坡少少, 但當然冇得同香港比, 一月份我個仔出世, 我見佢做得好辛苦, 於是加咗少少人工俾佢.

佢湊我對仔女都好好, 大女六歲當佢係親人, 細仔3個月大俾佢湊得肥肥白白作息有時, 睇得到佢係當正自己仔女咁湊, 好有耐性。有時仲好耐性過我呢個做媽咪o既.

除咗工仍範圍以內, 佢仲會同我仔女玩同睇書, 我大女未夠一歲就認得晒26個英文字母大小階, 所有顏色同形狀的英文。

現在我個仔得3個半月大,我有時都見佢拎住本圖畫書同我個仔一路睇一路講。

總之我好感激佢, 關係似家人多過賓主。佢唯一缺點係蠢咗d, 唔係醒目果隻, 交帶佢做野要長氣d囉. 但我覺得都唔緊要, 精過頭你仲驚。最緊要心地好同有愛心, 尤其係湊細路。

[img align=left]http://onfinite.com/libraries/487250/185.jpg[/img]

我愛小端宜 :-D

私人傳訊

applebaby

複式洋房

積分: 399

28^#

發表於 09-4-30 23:42 |只看該作者

原帖由 tuenyima 於 09-4-30 21:04 發表
我自己個菲傭用咗六年, 我在香港時請佢, 後來搬去新加坡都帶埋佢, 人工少咗好多佢都肯跟我地, 舊年我地又搬去馬來西亞, 又係帶埋佢, 人工好過新加坡少少, 但當然冇得同香港比, 一月份我個仔出世, 我見佢做得好辛苦, ...

咁你個女都好叻，我見賓姐閒時都有教下阿仔顏色及英文字母，但佢認呢D 野，學得唔快，但畫公仔就好叻。

私人傳訊

idy926

男爵府

積分: 7101

29^#

發表於 09-5-1 01:51 |只看該作者

我想知你地D工人咁好,你地係點對佢呢?有冇家規比佢?會吾會對佢地豪D?e.g.一般嘢任飲任食,or準用洗衣機洗自己衫or一齊食飯or準坐梳化呀咁,或者其他bonus?因為我個bun 6 7月會到,你地嘅奇案確係滄海奇芭,值得研究......可吾可以指點咪津?

私人傳訊

cmabby

大宅

積分: 2735

30^#

發表於 09-5-1 10:16 |只看該作者

我都覺得我工人唔錯架，我亦都好感恩第一次請工人就遇到個好O既！雖然唔係好醒果隻，但起碼聽教聽話唔會黑面囉！對BB又係超有耐性。

其實我都好少教佢做野，多數都係佢自動波，我覺得做咩都係要講有冇心囉，如果佢冇心做，根本連掃地都會掃得唔好。
初時係道睇到咁媽媽請到D唔好O既工人，我都好驚架，但冇計，一定都要請照顧BB。唯有見步行步...
我就冇SET家規俾工人，佢唔識睇中同英文，同埋我覺得好難樣樣講到咁白字黑字，正如公司俾我O既員工守則我都覺得好搞笑只係D基本野，我覺得係一個正常人都應該知道O既野，自己都覺得廢廢地‥所以就冇SET到喇！
我唔想佢偷野食，所以我係乜都俾佢食，但唔係任拎，都係我叫，不過‥而家佢乜都食過哂‥食到怕怕囉‥因為肥左好多‥而家俾都唔食！

我都有俾佢用洗衣機，一星期一次，只限床單、被單同出街衫，唔係佢要求架，係我自己主動叫佢用，果D好大件好難洗，所以咪俾佢用囉！
我係同佢一齊食飯O既，不過我會夾開D送俾佢囉，真係好難叫佢自己一個係廚房食，我覺得食飯時係一個溝通O既好機會，仲會一齊傾下計添！
我每個月都會買一本印尼雜誌俾佢解下悶，又會買下D簿仔俾佢寫下日記，佢已經好開心架喇！
其實我覺得佢地都係人，都要尊重佢地囉，雖然有時係蠢D，但我覺得唔緊要‥慢慢教囉‥你係好睇得出佢有冇心做，係真係唔記得定係玩野。所以都唔洗太擔心，同埋請工人都係一種緣份，都唔到你去諗咁多！

[

私人傳訊

tuenyima

大宅

積分: 3713

31^#

發表於 09-5-1 15:10 |只看該作者

原帖由 idy926 於 09-5-1 01:51 發表
我想知你地D工人咁好,你地係點對佢呢?有冇家規比佢?會吾會對佢地豪D?e.g.一般嘢任飲任食,or準用洗衣機洗自己衫or一齊食飯or準坐梳化呀咁,或者其他bonus?因為我個bun 6 7月會到,你地嘅奇案確係滄海奇芭,值得研究..... ...

家規一定要有, 尤其一開始時, 但執行要有彈性。

我工人初初來到時, 我都有俾家規同埋做野的TIMETABLE佢FOLLOW。但其實所謂TIMETABLE只係一個GUIDELINE, 俾佢知道要做D乜, 但係咪規定一定係幾點鐘做D乜, 就唔會太硬性, 例如一星期一次做D乜, 我唔會硬性規定係星期幾, 總之佢有做就得喇, 等佢自己安排自己o既功夫。

衫我地係一齊放落洗衣機洗的, BB衫除外。

食方面係我地食乜佢就食乜, 唔會限定數量, 總之食到佢夠(人心肉做, 工人食唔飽點湊BB同做家頭細務?)有時WEEKEND去SHOPPING我仲會問佢有冇乜野想食,我會買埋番黎。食飯係一齊同枱食, 如果咁o岩BB要食奶或BB喊,佢就會照顧BB先, 我地就留番飯菜俾佢。

佢生日會同佢出街食(問佢想食乜, 但佢通常都會話是但), 會同佢切蛋糕, 會俾封利是佢。

過年亦會俾利是。聖誕會買份聖誕禮物俾佢。

平時行街見到D平T-SHIRTo岩佢亦會買俾佢, 有時甚至會買少少野俾佢對在菲律賓的仔女。

Sofa我地都准佢坐, 但當然唔可以攤o係度啦。佢做掂晒D野, BB又瞓咗, 我就隨得佢鐘意, 佢鐘意休息又好,睇雜誌又好, 傾電話又好(當然係用佢自己的手機啦), 我都冇所謂。
不過我工人都好有分寸,唔會離譜到成日煲電話粥。

最緊要係要教D細路要尊重工人, 我都係咁教我大女, AUNTIE放低自己屋企同仔女黎幫我地手,我地要對佢有禮貌, 唔可以呼喝人地做野,要講唔該, SO FAR我大女對工人都好好,有時行街見到D野佢會叫我買俾AUNTIE, AUNTIE放假出去, 我地食PIZZA, 我大女又會叫我記住留番D俾AUNTIE返黎食。

[img align=left]http://onfinite.com/libraries/487250/185.jpg[/img]

我愛小端宜 :-D

私人傳訊

applebaby

複式洋房

積分: 399

32^#

發表於 09-5-1 15:59 |只看該作者

原帖由 idy926 於 09-5-1 01:51 發表
我想知你地D工人咁好,你地係點對佢呢?有冇家規比佢?會吾會對佢地豪D?e.g.一般嘢任飲任食,or準用洗衣機洗自己衫or一齊食飯or準坐梳化呀咁,或者其他bonus?因為我個bun 6 7月會到,你地嘅奇案確係滄海奇芭,值得研究..... ...

我地都好尊重個菲傭，都係好似其他媽咪講啦，大家都係人，大家都係打份工，總知交足功課，相處融洽，我想返到屋企，氣氛輕鬆和諧，自已才可以休息下。

洗衣機有俾佢用，佢同我地的衫係分開洗的。佢一周可用一次洗衣機，但其實我無特別理佢，就算洗多次我都無乜所謂，因為佢自已知分寸。

佢最初來，我俾左套家規佢睇，(係呢度學的) ，叫佢看完，簽名作實。佢都好認真睇，先小人後君子，呢D野一定要做，反正呢度大把SAMPLE ，我都係左抄右抄。

我亦SET 左個時間表俾佢，但發現運作起來有困難，特別係BB 及小朋友，唔會幫你跟時間表。又例如，你想工人訓練BB去廁所，但可能BB真係唔鐘意，咁我都唔會勉強，但只會溫馨提示工人可以再試下。

總知，講清楚你想要佢做那些家務，大約幾耐要做一次。呢D野，其實好睇你喜好，例如我對抹窗沒有特別要求，就會SET 幾個月先抹一次，但抽油煙機就要三周洗一次。佢可以自已安排邊日做。每個人手勢唔同，佢可以自已安排流程，但如果我有特別要求，會講清楚。

屋企野，基本上任佢食，無限制，但佢食好少。掉返轉，我食乜就係佢控制，因為佢買餸識慳錢，無打爷頭，所以我交哂俾佢做。總知每日一百元，四個大人，一個細路，每日兩餐開飯，加埋我會帶飯盒返工，通常起碼四餸一湯，有時仲有甜品，有時包早餐，阿仔有下午茶，屋企有D生果，都OK啦。

如果買家居用品，例如洗衣粉，洗潔精，佢會寫低話要買什麼，我地就會放低錢，佢自已搞掂。

坐SOFA，完全無限，香港地，間屋有幾大喎，佢抱住個BB ，唔通叫佢坐地下咩。

如果佢做好哂野，我都唔理佢做乜，佢有時會同阿仔玩，有時會自已睇書睇雜誌，或者睇碟(佢有部細細的DVD PLAYER)。

家規有寫明唔俾返工時講電話，但見佢有分寸，我都沒有嚴格執行。將心比己，如果你返工，老細唔俾講電話，都唔開心，但總知唔好過份，就OK。佢有時煮煮下餸，有野唔識整，會打電話問下D FRIEND，咁都好過問我丫，因為我唔得閒，係返工時間理佢。

我都同佢講明，大家唔係一家人，但住埋一間屋，都算係朋友，希望可以係好朋友啦。有野就攞出來傾下。咁佢都OK，我生細女時，唔得閒湊大仔，佢放假都帶埋個大仔出去，同佢去玩，阿仔都幾開心。

但，唔好期望完美，例如姐姐唔鐘意阿SIR 食飯食得好慢，呢個係事實，有時阿SIR夜返，食完已經十一點幾，姐姐已很累，試過大家為呢D事唔開心。咁折衷方法係，佢會將飯及餸，放埋一碟俾阿SIR，然後洗哂所有碗碟。咁阿SIR食到幾點都好，只係浸一隻碟及筷子，姐姐早上起身洗，就唔駛夜晚係度呆等，我老公食飯真係好慢，我食飽，佢先食到一半。

姐姐早過我起身，遲過我瞓，雖然我諗，佢工作壓力，肯定無我咁大，但咁長時間，又要陪細路仔玩，都係幾累，係合理範圍內，張就下，還可以接受。

有時見佢好多野做，我又唔太累的話，會主動幫下手。就算有工人，閒時都一定要做返少少家務，等佢知道，你係識做，同埋，做家務時，可以順便留意下家居狀況，有什麼損粍或壞左，又或睇下有無野要提下賓姐改善，當係間接抽查。

私人傳訊