Hi chengsy ,一般係接種流感疫苗後兩星期體內會產生抗體,減低感染流感/因為嚴重流感而需要入院機會,部分人接種疫苗後可能係6-12小時内出現發燒、疲倦等症狀,大約2日內會減退,BB連續2日發燒,溫度亦有升高趨勢,都建議儘快去睇醫生,醫生會按BB臨床身體評估黎處方藥物/是否需要做測試架。BB精神和胃口點呀?
醫生判斷囡囡唔係流感,媽媽唔駛太擔心普通感冒徵狀一般較流感輕微,如果囡囡體溫已經持續降低,代表正在康復緊,媽媽除左按醫生指示俾囡囡食退燒藥外,身體會用排汗調節體溫,多D幫佢抹身、沖暖水涼有助散熱架。 通常患病時身體機能/消化能力有機會受到影響,囡囡可能唔大願意咀嚼,媽媽以清淡易消化和高營養湯水,配合軟身容易進食嘅食物(粥/軟飯/粉麵), 多飲水可以改善血液循環、新陳代謝,將廢物或毒素從尿液中排出身體。祝囡囡快D好返