婆媳關係

收藏本版
發帖
返回列表
跳至頁

首頁
1

尾頁
   2
AppleBaby18


別墅

積分: 533


發表於 19-2-19 16:09 |顯示全部帖子
本帖最後由 AppleBaby18 於 19-2-19 16:16 編輯

令人心煩既新年終於完，嫁左對d大時大節真心痛苦。婚前4大長老關係已經唔好，婚後又要扮下樣邀請親家食新年飯，有時會諗，既然6299又要邀請人，邀請得人唔該就收起副不可一世既臭臉，對住c6妹妹既親家d咀臉明顯大不同，自己睇到都憫呀真係! 但c6個妹夫零貢獻，又要喺個家庭要佔一席位，又成日發脾氣搞到6299冇咩野都同佢和和氣氣。

今個新年我就感冒一路都未斷尾，年30晚99問我細個係咪有啲咩病痛，點解病咁耐都唔好，嘩點樣呀，阿99你都病左半個月醫生叫你留院都唔留啦，咩事要咁樣問人先? 新年果排流感咁勁你估我想病架!? 好 我忍

年初一99打俾我媽拜年，就投訴我一路都未好，喂大佬呀，新年流流唔好咁樣啦，c6之前夠試過幾個月都咳唔好，我父母有冇同你地投訴呀!? 好啦，到初8，62慣性每年新年都邀請親家食新年飯，成餐飯睇住99個咀臉就想車巴佢，好唔識尊重人，邀請人食飯仲要睇你不可一世既咀臉食飯，好老實講，我家人都唔多願意上黎同枱食飯，叫做俾面c6賞面上黎食個飯，你客氣時人地都識做，所以我平日都唔中意上6299度食飯係有原因，寧食開眉粥都不願食愁眉飯。咁好啦，正當我父母食完準備著鞋走人時，99走埋我媽又投訴話我病咁耐都唔好，何解阿99你係要咬住呢個問題唔放呢? 係出於關心定係厭棄呢? 我媽都已經好煩躁新年流流係咁講然後輕輕答佢，流感高峰天氣又凍病左冇人想，佢就收口。咁其實99你係究竟想要一個咩既答案?

有時唔係話黑心，99個女成日都好想要bb，佢緊張佢個女周圍帶佢睇中醫，若果有一日人地親家問你個女係咪有咩問題呀，點解一路都未生到bb既，咁你又會點呀? 將心比己，做人唔好咁過份囉!

有一日，62啲老友上去6299家拜年，講真結左婚一家一戶，你有你既生活圈子，我亦有我既朋友，得閒既咪上黎幫手招呼，唔中意既都冇原因幫手同你招呼，本身有約更加唔會放人飛機去為你招呼客人! 99打黎都好聲好氣叫我去食飯招呼下人，我拒絕左語氣態度即變，bye bye都冇句直接收線(以往佢一唔中意都係咁樣收我線)，好 我忍

年初3同c6一家去車公廟，我自己信仰係天主教，同c6兩人住既屋企唔俾擺放任何有十字架既物品，連我帶頸鍊既吊咀都唔俾我帶十字架，好 我忍
但我陪c6應酬下佢家人去廟，完左諗住坐車都番屋企，99問我一陣有冇野做，咁我都未答出黎，跟住佢就食住上，你冇野做都係跟我地去探阿邊個邊個(即係6299個朋友)，你唔同我地去你仲可以去邊呀，嘩 我果下真係黎唔切反應，好 我忍

其實仲有好多好多，我好多時唔出聲唔係我怕事，而係唔想同呢d咁既人講咁多，好side氣，但99就好似當我阿lu咁見我唔聲唔聲以為好恰，我都係俾面c6唔想大家咁薑，最多會黑面對99，有時會諗，唉算啦佢都長輩唔想同佢計較，自己又成日唔開心，諗住對佢態度好少少，佢就踩住食住上，我問c6，係咪要我有一日學你妹夫咁發癲發脾氣先會驚我，係咪要我咁樣做先安樂?

我有諗過唔係話想對付個99，但我覺得呢啲人係唔識將心比心，對6299最大既一個懲罰唔係令佢覺得冇左個仔，而係佢地好想湊孫，特登作對唔俾佢地湊，好少俾佢地同孫見面先係最大既痛苦。雖然係咁諗，但唔難保有一日咁樣做既時候都係你地一路以黎所做既好事。其實6299肯放下少少身，擺少啲姿態，其實個新袍係會識做，咁既然你地都咁唔識事務，就唔好怪個新袍點對你地
私人傳訊

美之選468


公爵府

積分: 26519


發表於 19-2-19 16:24 |顯示全部帖子

回覆樓主:

擺少的姿態咪無人知佢係99 Lo ? 下次你也故意問99 "你個女系咪有咩暗病呀? 周圍睇醫生都無蛋生ge ?"
私人傳訊

AppleBaby18


別墅

積分: 533


發表於 19-2-19 16:35 |顯示全部帖子
回覆 美之選468 的帖子

咁樣又辣慶埋個姑仔架喇唉
私人傳訊

yamaneko


侯爵府

積分: 20278


發表於 19-2-19 17:58 |顯示全部帖子
你咁多不滿，你C6知不知道？你99又知不知道？

私人傳訊

章魚妹妹


男爵府

積分: 8319


發表於 19-2-19 18:00 |顯示全部帖子
咁其實忍得咁辛苦係為左咩？有時你越忍佢地就越當你係死，人善被人欺你咁好蝦唔蝦你蝦邊個？你唔出聲，你老公又唔幫你擋，有個咁好人選可以踩邊個唔會踩！
私人傳訊

AppleBaby18


別墅

積分: 533


發表於 19-2-19 19:00 |顯示全部帖子
回覆 yamaneko 的帖子

C6係知，99就應該聞到味，都係想大家正正常常相處姐，我相信做99既都唔想搞到啲關係咁差，但佢都要識做先得
私人傳訊

AppleBaby18


別墅

積分: 533


發表於 19-2-19 19:02 |顯示全部帖子
回覆 章魚妹妹 的帖子

我唔想自己好似個潑婦咁，跟住俾男家班人背後數我，或者有話柄俾佢地講，最主要係咁樣
私人傳訊

s_for_samantha


大宅

積分: 4415


發表於 19-2-19 19:24 |顯示全部帖子
AppleBaby18 發表於 19-2-19 19:02
回覆 章魚妹妹 的帖子

我唔想自己好似個潑婦咁，跟住俾男家班人背後數我，或者有話柄俾佢地講，最主要係咁 ...

我已經睇開左 背後講咩都吾想理 比我知道左就反你枱
私人傳訊

美之選468


公爵府

積分: 26519


發表於 19-2-19 20:45 |顯示全部帖子
AppleBaby18 發表於 19-2-19 19:02
回覆 章魚妹妹 的帖子

我唔想自己好似個潑婦咁，跟住俾男家班人背後數我，或者有話柄俾佢地講，最主要係咁 ...

心抱點做都是錯，男家數心抱係必然。
私人傳訊

ozgal


複式洋房

積分: 466


發表於 19-2-19 20:58 |顯示全部帖子
你地自己住連你擺十字架都要管有無咁過份？信邪教咩！？我覺得真係唔好忍，你同佢地無血緣關係只係咁岩大家都愛同一個人就係你老公！你一開始太委屈自己俾佢地以為你好蝦，個仔都未出世就咁多gi gut,你一路唔表態到生埋仔仲會變本加厲
私人傳訊

Yeelim


公爵府

積分: 28566


發表於 19-2-19 23:16 |顯示全部帖子
我覺得樓主可以忍小一點. 忍得多, 對身體唔好.
你99可能係得寸進尺那種人.
有時要俾D顏色佢, 佢先識收. 下次你可以試下.
私人傳訊

cheechi


伯爵府

積分: 18574

畀面勳章


發表於 19-2-20 09:28 |顯示全部帖子

回覆樓主

比人踩到上心口都忍，難怪男家唔尊重你，要改變就要反抗啊JM。
私人傳訊

Chowying


翡翠宮

積分: 91280

2018復活節勳章 BK Milk勳章 hashtag影視迷勳章


發表於 19-2-20 19:43 |顯示全部帖子
AppleBaby18 發表於 19-2-19 19:02
回覆 章魚妹妹 的帖子

我唔想自己好似個潑婦咁，跟住俾男家班人背後數我，或者有話柄俾佢地講，最主要係咁 ...

但係底線唔可以要自己父母睇你 99 面色，我唔會比呢 d 事發生，我覺得 你 忍 得 over 左
總有離別的時候
私人傳訊

namnamnamlolo


珍珠宮

積分: 40879


發表於 19-2-20 20:08 |顯示全部帖子

回覆樓主:

忍到你生了b時應該忍唔到
因為到時佢會比而家煩10倍
私人傳訊

屠龍女皇


別墅

積分: 912


發表於 19-2-21 06:33 |顯示全部帖子

回覆樓主：

本帖最後由 屠龍女皇 於 19-2-21 06:44 編輯

老實講，你99係刻意為難你同試緊你底線，你入世未深(婚姻上)，所以先去忍.
你爸媽比面去食飯唔係因為你C6，係為你,怕唔去令佢既女受氣同難做.
其實做人既野~岩就岩唔岩就唔岩，你忍一次,佢唔會感激你，只會覺得原來自己可以再踏前一步踩多你一腳.如果佢個人無問題你就唔會唔想對住佢啦.依0的野相向既0者.
最緊要令自己老公明白,你他朝一日對佢呀媽不敬係因為佢呀媽一直拎住把刀對住你.
私人傳訊

屠龍女皇


別墅

積分: 912


發表於 19-2-21 06:43 |顯示全部帖子
AppleBaby18 發表於 19-2-19 19:02
回覆 章魚妹妹 的帖子

我唔想自己好似個潑婦咁，跟住俾男家班人背後數我，或者有話柄俾佢地講，最主要係咁 ...

本帖最後由 屠龍女皇 於 19-2-21 06:46 編輯

放心,係唔係都會講你,除左你c6家人，其他人都只會係講下，唔會對你上心.與其他朝一日你先醒覺做咁多受咁多都比人講7左，倒不如做返一個令自己舒服既自己.有必要用自己既生活同婚姻去換取一0的唔知情既人一兩句讚賞嗎?
反正如果你99真係咁衰，將來你忍唔到後決意唔見男家班人時,樣衰0個個唔你你，係你6299.你會唔會care唔洗再見既人講咩?
私人傳訊

豬吉


伯爵府

積分: 15954


發表於 19-2-21 08:29 |顯示全部帖子
有咩好忍無人叫你忍
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見