Hi akai1012 ，當BB6個月食左固體後，漸漸會分辨到天然嘅甜、咸、酸、苦味道，隨著BB長大，進食更多元化食物，加添加適量調味後，佢地味覺會愈來愈豐富架。媽媽有無俾唔同味道(咸、甜、苦、酸）食物BB試呀!
akai1012 發表於 19-2-20 22:22
有呀，咩都比，有時候會加小小鹽，bb仲有5日17個月
但突然只飲一餐奶，不過固體都算食得好
...
小朋友由多元化固體食物吸收全面營養係最好架 
1-2歲小朋友通常 3餐正餐同埋2次茶點，飲奶係均衡飲食嘅一部份，每日360-480ml 奶類，主要係提供每日鈣質需要，除左牛奶，加鈣豆奶、硬豆腐、芝麻、果仁、小魚乾、連骨魚(鯪魚肉)、深綠色蔬菜、全麥方包都有豐富鈣質，適量曬太陽有助身體製造維他命D，增進對鈣質嘅吸收。仲要建立飲清水習慣，BB飲唔飲水呀?
akai1012 發表於 19-2-24 20:42
飲水呀，但呢幾日開始會選擇物了
BB鍾意飲水好叻叻 媽媽繼續提供多元化食物俾佢選擇，俾佢同大人一齊食午、晚餐，可以分享家人飯菜，每餐都提供2種菜/瓜、肉蛋魚豆類食物，留意食物顏色和質感配搭，經常改變烹調和進食方式，重複俾少量佢唔鍾意食物小朋友嘗試，多D用天然香料做調味，洋蔥、檸檬、蔥、唐芹、蕃茄、南瓜、香茅都係唔錯選擇呀。自細建立健康飲食習慣係最好架，加油!
發表於 
返回列表
