Part 1
呢位工主只係做左3星期,完全冇心工作,有幾次教佢做野,佢就反問我mum, u don’t like me? Do U want to terminate me? 各位要返工既sis,你地有有試過同你老闆咁講?!最過份接阿仔放學竟然no show,好彩果刻同學仔媽咪幫手睇住阿仔,我仔只係小一。整日機不離手,試過帶佢出街,行左幾步就落雨,叫佢回家收衫,但過左好耐都冇影,原來躲在後樓梯玩手機,俾我發現左又跪又拜say sorry,但下一分鐘就入房繼續玩手機,最佳女主角!隔日就唔舒服,唔係頭痛就肚痛,成日問我攞藥!放完假返黎唔沖涼,直接去訓覺,衞生意識欠佳!衰野多到數之不盡,佢擺明想我炒佢!
Part 2
因真係需要工人,只好勸佢俾心機做,希望佢可以改善!但我真係太天真,有一晚返到屋企8點幾,佢已經上左床訓覺,佢話佢肚痛喎!但屋企人話佢食晚餐好開胃完全冇事,阿仔仲話剛才陪佢玩乒乓球!到大約9點左佢出廳話自己好痛,我地建議佢去下厠所,可能有幫助掛!佢話唔使喎,咁我地問佢要唔要去醫院,佢話要,咁睇醫生係佢既權利,我地冇理由唔俾丫,最後call左白車送佢去醫院,救護員問佢幾時痛,佢話中午開始,又話自己M痛,第一日黎已經話自己M到,雖然堅稱自己好痛、但全程都機不離手,無論係白車定急症等緊都要玩手機,當然佢被分流為非緊急啦
Part 3
幫佢搞完登記手續,臨走叫佢睇完call我黎接佢,我返到去差唔多12點!零晨5點幾WhatsApp問佢睇完未,佢話I can’t work anymore, plz send me back Philippine! 我叫佢睇左醫生先,佢話佢而家唔痛喇,叫我去接佢返屋企,6點幾接左工主返黎。既然玩到咁咁我都無謂挽留,叫佢寫封辭職信,即時係佢面前買埋機票,計埋糧俾佢,我唔要佢1個月代通知金,但當佢數錢時話我差佢1個月糧,佢話佢個fd話有,果刻我明白佢點解會主動辭職,原來佢唔清楚個遊戲規則,或者俾佢個fd誤導左!佢之後唔肯收錢,仲話要留多一個月,我當然唔同意,點敢放個計時炸彈係屋企,擾讓左一輪call埋保安,果位工主先肯攞錢離開