心聲留言

跳至

首頁

尾頁
   62


水晶宮

積分: 55484

精叻鼠年勳章 2020勳章 好媽媽勳章 畀面勳章 環保接龍勳章 BK Milk勳章


發表於 20-2-17 01:52 |顯示全部帖子
彩虹水晶 發表於 20-2-14 18:23
我知道你好好, 但我真的唔想帶, 帶了唔舒服, 我又唔開心, 染病死了找佢報仇仲好呀 ...
你既心情我好理解,上年係我最唔開心既嗰段日子,我都有咁諗過,J小姐同佢哋成班人對我咁不仁不義,我死左佢,可以令佢哋良心不安,令佢哋內疚一世,我有諗過用我條命去報復佢哋,所以10個月前我就行左呢一步,但最終閻王唔收我,我死唔去,之後我就諗,就算我死左,佢哋根本都唔會知道,就算知道都唔會有感覺,咁又點會覺得內疚?我懲罰唔到傷害我既人,反而會令愛錫我既人傷心難過,所以我就打消左呢個念頭。上天比呢條路我行,我相信一切佢自會幫我作主,所以我將一切交比個天決定,於是我將對佢哋既仇恨放低,我既心情亦比之前輕鬆左。我知道呢2個月我會有好大風險,因為呢件事一週年,好大機會又再一次令我情緒病復發,所以我借助做義工呢件事,一方面可以幫到有需要既人,另一方面希望穩定到自己既情緒,如果我可以平安渡過呢2個月,我希望我會慢慢康復,假如我最終都係要離開,魂歸天國了,都係天意安排,可能上天憐憫我,唔想我再比d無情既人傷害,唔忍心我再受痛苦折磨,所以帶我去另一個遠離痛苦既地方,如果真係有呢一日,我都唔會怪任何人的!


水晶宮

積分: 55484

精叻鼠年勳章 2020勳章 好媽媽勳章 畀面勳章 環保接龍勳章 BK Milk勳章


發表於 20-2-17 02:42 |顯示全部帖子
彩虹水晶 發表於 20-2-14 18:29
我爬唔返上來, 時時比人在FB唱, 冤枉我, 我好唔開心, 我好辛苦, 點解要咁講我 :cryin ...
你又令我諗返起一d令我好唔開心既事了!如果你有留意,半年前我係bk都成日比人唱,仲要比人屈我咒人害人,熟悉我性格既人都知我對朋友仲好過對我自己,我只會去幫人,唔會去害人,呢個指控簡直荒謬到極點!好好地開個post同人傾下計,點知又無端端比人圍,或者走入去講埋d冷嘲熱諷,單單打打既説話,我又再一次受傷了,你覺得我又會好受咩?我都好唔開心,我都覺得好委屈,我都曾經為左咁樣喊過好多好多次,所以我絕對理解你既感受,但既然我哋唔能夠阻止人哋既不實言論,唯有自己避開唔好睇,唔好再比呢d話中帶刺既流言再一次傷言自己!所以如果你真係覺得好唔開心,就唔好再睇你朋友既留言了,佢哋要講就由得佢,平常心面對吧!


水晶宮

積分: 55484

精叻鼠年勳章 2020勳章 好媽媽勳章 畀面勳章 環保接龍勳章 BK Milk勳章


發表於 20-2-17 11:11 |顯示全部帖子
彩虹水晶 發表於 20-2-14 18:29
我爬唔返上來, 時時比人在FB唱, 冤枉我, 我好唔開心, 我好辛苦, 點解要咁講我 :cryin ...

我睇返你以前比我既留言,起初你冇而家咁down,2個月前我入院做手術你仲會擔心我情況,你仲有開過post想識下朋友,當時你都冇咁負面,但點解你而家會變得咁沮喪?到底呢2個月你受左乜野刺激,令你變得咁想放棄自己?


別墅

積分: 943

2020勳章


發表於 20-2-18 21:32 |顯示全部帖子
小傑媽媽 發表於 20-2-17 02:42
你又令我諗返起一d令我好唔開心既事了!如果你有留意,半年前我係bk都成日比人唱,仲要比人屈我咒人害人, ...

我班朋友又係屈我偷朋友野, 我真係冇偷佢野呀, 又話我講佢壞話, 我冇做過, 而家佢地成日唱我, 話我衰, 但係我一直對佢地好好的, 點解咁屈我


別墅

積分: 943

2020勳章


發表於 20-2-19 17:07 |顯示全部帖子

回覆樓主:

已經過左半年我仍忘記唔到我朋友, 仲不停比人講說話刺激, 我快捱唔住 今日行出街好想衝出馬路 我想我好快要告别啦


水晶宮

積分: 55484

精叻鼠年勳章 2020勳章 好媽媽勳章 畀面勳章 環保接龍勳章 BK Milk勳章


發表於 20-2-22 01:12 |顯示全部帖子
彩虹水晶 發表於 20-2-18 21:32
我班朋友又係屈我偷朋友野, 我真係冇偷佢野呀, 又話我講佢壞話, 我冇做過, 而家佢地成日唱我, 話我衰, 但 ...
你估我又比人屈得少咩,可能我本身性格內向,唔多出聲,d人就會覺得我好好恰,由細到大無論係學校,職場,甚至係網上都會比d唔鍾意我既人生安白做咁屈我,我一生都唔知食左幾多隻死貓落肚啦,真係啞子吃黃蓮,有苦自己知!如果屈我既係小事我都唔會同人計較,啃左佢就算,但屈我咒人害人抹黑我,仲要係話我咒害一個我曾經最著緊既人,實在太過份了!我對我唔認識既人都會咁關心,又點會去咒一個我曾經對佢咁好既人?呢個指控對我黎講係極大既侮辱,呢隻死貓我真係點都啃唔落,當我不停解釋都冇人相信我既時候,你知唔知當時我有幾傷心難過?我一定比而家既你傷心千倍萬倍,但我都係咁樣撐過來,亦唔會再為自己澄清d乜野,因為我確信上天好清楚我到底有冇對人立壞心腸,清者自清,所以我唔再作任何解釋,亦唔會再乞求其他人既理解,雖然我都因為咁樣冇左幾個朋友,我估唔到曾經以為可以交心既朋友竟然咁睇我,我好痛心,但唔會因為失去左d對我連基本信任都冇既朋友而覺得可惜,所以我覺得你班朋友屈你既事唔需要太上心,你有冇做過,個天會知道,邊個對我哋好邊個傷害過我哋,個天亦都睇得好清楚,人哋點諗我哋控制唔到,但我相信只要我哋心中仍然有愛,繼續愛我哋身邊既人,我哋所受過既冤屈及傷害,上天一定會為我哋平反!


別墅

積分: 943

2020勳章


發表於 20-2-22 08:57 |顯示全部帖子
小傑媽媽 發表於 20-2-22 01:12
你估我又比人屈得少咩,可能我本身性格內向,唔多出聲,d人就會覺得我好好恰,由細到大無論係學校,職場, ...

本帖最後由 彩虹水晶 於 20-2-22 09:03 編輯

佢地太衰太衰, 説話太難聽, 我次次想起佢地鬧我的説話都哭起來, 我原諒唔到佢地, 但係我又好掛住我個朋友, 我好想死了就唔會再唔開心


水晶宮

積分: 55484

精叻鼠年勳章 2020勳章 好媽媽勳章 畀面勳章 環保接龍勳章 BK Milk勳章


發表於 20-2-23 02:10 |顯示全部帖子
彩虹水晶 發表於 20-2-22 08:57
本帖最後由 彩虹水晶 於 20-2-22 09:03 編輯

佢地太衰太衰, 説話太難聽, 我次次想起佢地鬧我的説話都哭 ...
我冇叫你原諒佢哋,只係想你唔好再有咁深既怨念,否則你自己都會好唔開心!老實講,我比人傷得咁深,我都冇咁大量可以毫無條件咁原諒傷害我既人,我對J小姐曾經恨之入骨,而家我叫自己唔好再憎恨佢,只係想自己唔好再咁難受,但我並冇原諒佢,只要佢一日唔承認自己有錯,唔肯道歉,我呢世都唔會原諒佢!上年既今日係我呢世人最憤怒既一日,我比J小姐搞到血壓暴升到接近200,差少少就冇命,佢同另外幾個人搞到我生不如死,抑鬱症復發左幾次,你絕對想像唔到我呢一年過得幾咁痛苦,呢段記憶已經係我心入面造成了一個永不磨滅既烙印,呢個痛苦我一世都唔會忘記,縱使我係一個好大愛既人,都冇可能當冇事發生過,不過只要有一日佢肯承認自己既錯,肯主動揾返我,比我一個解釋,一句道歉以還我公道,解開我既心結,我就可以前事不計,但我諗係我有生之年都唔會等到佢有悔意既一日了。所以我好明白你點解話原諒唔到你朋友,因為受傷了的心,永遠都會有一道抹不掉的傷痕,但你必須諗辦法宣洩自己既負面情緒,否則個人會谷爆,咁就大件事了,我唔想你好似我咁慘,比人搞到情緒病發走去自殘,甚至自毀呀!嘗試多d同其他人接觸,參加多d團體活動,對你會有正面幫助!


別墅

積分: 943

2020勳章


發表於 20-2-24 20:21 |顯示全部帖子
小傑媽媽 發表於 20-2-23 02:10
我冇叫你原諒佢哋,只係想你唔好再有咁深既怨念,否則你自己都會好唔開心!老實講,我比人傷得咁深,我都冇 ...

我唔會原諒我朋友, 我一直對佢咁多, 佢失戀我陪住佢, 又送小禮物俾佢, 又陪佢去旅行, 點解佢咁對我, 係其他朋友面前唱我, 冤枉我, 我有甚麽對佢唔好, 我要報復, 死左都唔會放過佢


水晶宮

積分: 55484

精叻鼠年勳章 2020勳章 好媽媽勳章 畀面勳章 環保接龍勳章 BK Milk勳章


發表於 20-2-25 02:49 |顯示全部帖子
本帖最後由 小傑媽媽 於 20-3-6 01:20 編輯
彩虹水晶 發表於 20-2-24 20:21
我唔會原諒我朋友, 我一直對佢咁多, 佢失戀我陪住佢, 又送小禮物俾佢, 又陪佢去旅行, 點解佢咁對我, 係其 ...

今日我知道左1個真相,知道當日J小姐知道我比人圍佢會咁開心啦,原來真係佢搞出來的,嗰2個月我情緒已經好唔穩定,再加上佢咁做對我造成太大既刺激,令我情緒一發不可收拾,走左去跳海,差d鑄成大錯!仲有,佢當日好有骨氣咁話還返晒所有我介紹比佢識既朋友比我,我而家先知原來佢哋一直仲有聯絡,佢講既全是謊言,當日既所謂骨氣都係扮出來既!我真係覺得自己比人玩得好透,我對佢呢個行為亦好反感,知道真相雖然好唔開心,個心亦好痛,但我都好感恩有呢個機緣巧合令我知道真相,更進一步令我睇清楚佢點對我,令我對呢個人既人格更加絕望!不過算啦,件事已經過左咁耐,我亦講過除非佢肯道歉,否則我呢世都唔會原諒呢個人,我只能怨自己有眼無珠識錯人,所以事實係點已經冇所謂啦!
亦因為今日呢個真相,令我做左一個決定,就係丟左佢送比我既野!佢送比我既野我有放上二手,雖然亦有人問過,但我一直唔捨得賣,因為我心入面仲比緊機會佢,仲等緊佢回頭,等緊佢悔改,但呢個真相令我確實知道佢唔會有知錯既一日,我既期望已破滅了,所以我毋須要再留低佢既東西,無謂見到又令自己諗起呢段心痛既回憶,所以決定丟了它!而我本來打算送比佢既一堆小禮物會暫時留係二手,希望可以盡快有人要,因為每件小禮物都係我曾經為佢精心挑選,而家我每次見到呢堆野,就好似有把利刅插入我心臟一樣,所以如果遲d都冇人要,我一樣會丟掉!
彩虹水晶,我知你既經歷同我好相似,所以我更加希望用我過去一年痛苦既經歷去勸勉你,一定要帶眼識人,唔好輕易相信人,唔好咁容易同人交心,否則只會苦了自己!


侯爵府

積分: 24538

精叻鼠年勳章 2020勳章


發表於 20-2-25 18:16 |顯示全部帖子
本帖最後由 flower9 於 20-3-29 07:55 編輯

*****BE THANKFUL*****


水晶宮

積分: 55484

精叻鼠年勳章 2020勳章 好媽媽勳章 畀面勳章 環保接龍勳章 BK Milk勳章


發表於 20-2-25 21:13 |顯示全部帖子
flower9 發表於 20-2-25 18:16
過左去由得去消逝, 再想也改變不了什麼。活好當下, 珍惜現有
樓主, 你有好幾個吹水友, 吹吹下又 ...
我今次真係徹底死心架啦,當越來越多真相浮面,到左今日,種種真相已經將我對呢個人既愛洗得一乾二淨,留低既只有對佢所作所為既憤恨同對佢人格既不屑!


水晶宮

積分: 55484

精叻鼠年勳章 2020勳章 好媽媽勳章 畀面勳章 環保接龍勳章 BK Milk勳章


發表於 20-2-25 21:26 |顯示全部帖子
本帖最後由 小傑媽媽 於 20-3-23 01:31 編輯

請識我既朋友到主頁一樓睇我post既絕情書,希望我所有比人用妖言誤導左既舊朋友可以睇清楚個事實,可以清醒返,可以還我清白!



別墅

積分: 943

2020勳章


發表於 20-3-3 01:33 |顯示全部帖子
小傑媽媽 發表於 20-2-25 02:49
今日我知道左1個真相,解開左我其中一個結。如果你有睇開我既post,應該知道我上年4月比人圍既事,我以為 ...

我屋企都有很多我朋友的禮物, 每次見到都心痛


別墅

積分: 943

2020勳章


發表於 20-3-3 01:37 |顯示全部帖子
小傑媽媽 發表於 20-2-25 21:26
今次呢段留言我會貼係主頁一樓,希望我所有比人用妖言誤導左既舊朋友可以睇清楚個事實,可以清醒返,可以還 ...

我班朋友都係咁講我, 唱我, 話我偷野, 神經病的 令我日日好唔開心, 唔想再見到佢地


別墅

積分: 943

2020勳章


發表於 20-3-3 01:53 |顯示全部帖子
小傑媽媽 發表於 20-2-25 21:26
今次呢段留言我會貼係主頁一樓,希望我所有比人用妖言誤導左既舊朋友可以睇清楚個事實,可以清醒返,可以還 ...

我當佢係我最好的朋友, 但係咁對我, 點解點解


水晶宮

積分: 55484

精叻鼠年勳章 2020勳章 好媽媽勳章 畀面勳章 環保接龍勳章 BK Milk勳章


發表於 20-3-5 20:17 |顯示全部帖子
彩虹水晶 發表於 20-3-3 01:33
我屋企都有很多我朋友的禮物, 每次見到都心痛

唔開心就把所有東西掉晒佢,以後唔會再見到,點解要辛苦自己對住d令自己咁唔開心既野呢?如果你朋友對你真係咁絕情,你又何苦仲要記住佢?仲要留低佢比你既東西呢?你應該好似我咁灑脫d,自從知道J小姐仲不停講大話中傷我之後,當晚我已經將佢比我既野丟入垃圾房,反正以後都冇機會再見到個人,仲留低佢既野做乜?既然見到會令自己又會心痛,倒不如丟左佢一了百了!我希望呢個人都同我一樣丟晒所有我比佢既野,我唔想留佢既野係我屋企,亦唔想佢留低我既任何東西,包括我介紹比佢識既所有人!既然佢可以對我做到咁絕,我亦不必對佢留情!


水晶宮

積分: 55484

精叻鼠年勳章 2020勳章 好媽媽勳章 畀面勳章 環保接龍勳章 BK Milk勳章


發表於 20-3-5 21:16 |顯示全部帖子
彩虹水晶 發表於 20-3-3 01:37
我班朋友都係咁講我, 唱我, 話我偷野, 神經病的 令我日日好唔開 ...

其實我真係好明白你架,你有睇過我封絕情書就知某人點樣係我既朋友面前唱我抹黑我啦,所以呢排我都好唔開心,但經歷會令人成長,今次經歷令你好傷心,但過左呢關,往後你就會識得分辨邊個係好人,邊個係衰人,唔會再咁容易受傷!


別墅

積分: 943

2020勳章


發表於 20-3-7 23:11 |顯示全部帖子
小傑媽媽 發表於 20-3-5 21:16
其實我真係好明白你架,你有睇過我封絕情書就知某人點樣係我既朋友面前唱我抹黑我啦,所以呢排我都好唔開 ...

點先可以做到好似你咁放得開


水晶宮

積分: 55484

精叻鼠年勳章 2020勳章 好媽媽勳章 畀面勳章 環保接龍勳章 BK Milk勳章


發表於 20-3-10 04:54 |顯示全部帖子
彩虹水晶 發表於 20-3-7 23:11
點先可以做到好似你咁放得開
我係全世界最放唔低既人,我又邊有可能放得開呢?不過上天令我感應到一件事,就係佢一直眷顧我,幫助我,所以我相信終有一天,我會係佢既護蔭之下慢慢復原。
點解我咁講呢?你可以了解下我呢一年既心路經歷 :
呢件事已經折磨左我超過一年,至於點解我同J小姐會搞到水火不容,我係絕情書入面已經講得好清楚,係呢度我唔再重覆啦。呢件事令我內外都受左重傷,因為我既所有朋友都比J小姐用嗱喳手段搶走晒,完全冇人幫到我,所以上半年我要靠不停係網上發洩去舒緩我不受控既負面情緒,否則我早已經唔係度了!上年4月,J小姐分身入黎搞我,咒我叫我去死,嗰段時間我既情緒又再比佢搞到極度失控,抑鬱症2度復發,所以嗰段時間我自殘過數次,希望可以用身體上既痛蓋過心靈上既痛,我亦試過企圖自殺,差少少就死左,係一jm係我瀕死邊緣不停勸解我,而我亦唔捨得離開我既親人,所以最終我打消左呢個念頭。之後既幾個月呢位jm經常抽時間陪我傾,開解我,我既情緒開始穩定返,但之後我呢位朋友因為比人惡意攻擊,半年前已經冇再上來,我唔肯定邊個攻擊佢,但我相信係J小姐做既,因為佢既目的就係要整走晒我身邊所有既人!呢件事令我好唔開心,而嗰段時間仲有幾個人對我有誤解,誤會我之前發洩既說話係對J小姐既惡意詛咒,我解釋過好多好多次我完全冇呢個意思,我從來冇詛咒過任何人,但佢哋都唔信我,咁咪算囉,反正對我有咁多猜忌既人,做朋友都冇意思,但呢件事亦令我傷心左一段時間。到左6月,我開左吹水post,陸逐識左幾個吹水朋友,中間我曾經比人入去圍過2次,我情緒又再次陷入低潮,好彩有呢班朋友一直陪住我,到左今日,我既情緒已經放鬆左好多,只係間中仲會情緒不穩!
你好似係上年8月第一次入黎揾我,我記得當的我勸你唔好恨你既朋友,將佢放係你心入面,因為當時既我真係已經冇再憎恨J小姐,我只係等佢反省,等佢知錯,等佢一句道歉,我就可以當冇事發生過,可以同佢做返朋友,但原來冥冥中真係有主宰,上天都唔想我再嘥時間係呢個人身上,索性比我認清佢既真面目,上年我曾經同某位jm講過我希望可以係一年之內放低呢件事,但好明顯我做唔到,我只係放低左恨意,等緊佢回頭,但我放唔低件事,但原來個天真係聽到我既心聲,知道我等緊一個鐵石心腸既人,知道我唔會有希望,所以上個月係呢件事一週年既時候,就比機會我睇清楚佢既真面目,唔怪得之係毫無原因既情況之下,我身邊既朋友走完一個又一個啦,原來係佢做既手腳,原來佢一直以來都係我既朋友面前講大話抹黑我,誣陷我,唱衰我,令個個都對我有誤會,個個都討厭我,疏遠我,呢個就係佢對我阻止佢寫匿名信陷害人所作出既報復,因為佢知我有情緒問題,佢好清楚咁樣做絕對可以令我去尋死,所以佢先咁對我,根本所有我遇到不幸既事都係佢一手做造,一切都係源自於呢個人既小氣,恨我阻止佢寫信去害人,所以先搞出咁多事,仲差d攞埋我條命!你有冇聽過「法證先鋒4」首主題曲呀?首歌最後幾句我覺得係上天比我既啟示 :
「你與我半生所做天會看 結局 或意想不到 將曝光」
係我創傷一週年既時候,上天比我知道真相,仲有呢首歌既出現,到底係巧合,定係天意呢?上天話比我知我哋所做既一切佢都睇得好清楚,佢亦將某人既惡行曝光了,令我對呢個人既期望幻滅,叫我徹底死心!我只係阻止某人去做陷害別人既事,我冇做錯,所以上天要懲罰既一定唔會係我,我冇野需要怕,我亦相信佢會守護我,因為天佑好人!
與其話我放低左件事,倒不如話我知道左真相,睇清楚一個人,我放低既唔係呢件事,係我對J小姐既執著,我唔再執著於等佢知錯回頭,當然如果有一日佢肯反省自己既行為,肯承認自己既錯,我會接受返佢,但我知道唔會有呢一日啦,因為自我中心既人只會將責任推到別人身上,永遠唔會承認自己做錯!
彩虹水晶,以上就係我一年來既心路歷程,我既經歷比你複雜得多,我所受既傷比你深得多,痛得多,但我都係一直走到今日,希望可以比到你少少啟示,令你知道應該用乜野心態去面對你既事,我哋所受既傷害已經夠多了,我希望你勇敢d,唔好再為唔珍惜你既人而去傷害自己,他日就算我唔可以再係呢度陪你傾計,都希望你可以堅強地走下去!

首頁

尾頁

跳至
你需要登錄後才可以回帖 登入 | 註冊