心聲留言

跳至

首頁

尾頁
   97


大宅

積分: 1416

2020勳章


發表於 20-8-28 23:28 |顯示全部帖子
小傑媽媽 發表於 20-8-26 03:14
我知道你好想contact返你朋友,不過好多野唔係我哋可以改變到,結果如何取決於好多因素,可能係時機未到, ...

我有試過叫自己不要想, 做很多工作令自己忘記, 但就是忘記不到, 越是叫自己不要想, 越是會控制不到地想, 為甚么我還是不停哭, 很辛苦


翡翠宮

積分: 90269

精叻鼠年勳章 2020勳章 好媽媽勳章 畀面勳章 環保接龍勳章 BK Milk勳章


發表於 20-8-31 02:23 |顯示全部帖子
本帖最後由 小傑媽媽 於 20-8-31 02:47 編輯
彩虹水晶 發表於 20-8-28 23:28
我有試過叫自己不要想, 做很多工作令自己忘記, 但就是忘記不到, 越是叫自己不要想, 越是會控制不到地想, ...

你呢種感覺我好明白,亦親身感受過!你問我點解你還是不停哭,我只可以話人到傷心處,哭係最自然流露既表現,但我真係希望你可以揾到方法止住你既眼淚,我之前應該有同你講過我因為上年喊得太多,令到眼晴損壞了,而家我既視力變得好弱,仲經常痛及流眼水,我諗我好快會睇唔到野啦,如果你唔想好似我咁,就唔好再喊啦,就算你真係喊到盲左,對方都唔會知道,點解仲要令自己受到無謂既傷害呢?
你有冇興趣架?不如你揾d工餘既時間去上興趣班,可以令你分散注意力,唔好成日諗住你朋友,又可以學下野,或者仲有機會識到新朋友,總好過你成日胡思亂想。你一定要嘗試令自己改變心態,將你既專注力轉移去其他方面,唔好再鑽牛角尖,我之前既諗法就好似你而家咁,所以差d出事!試下揾d啱你自己興趣既課程,我都係靠佢幫我分散注意力,令自己唔好有太多時間亂諗野!其實今日我好唔舒服,心情亦都好差,所以我將全副精神投入去做我既手工藝,連bk都少上來,盡量唔去諗其他野,希望可以令自己舒服d!


大宅

積分: 1416

2020勳章


發表於 20-8-31 10:53 |顯示全部帖子

回覆樓主:

我没有興趣, 返工也没心机工作, 他没再找我, 就什么都没有, 什么都不想做


翡翠宮

積分: 90269

精叻鼠年勳章 2020勳章 好媽媽勳章 畀面勳章 環保接龍勳章 BK Milk勳章


發表於 20-9-4 00:54 |顯示全部帖子
本帖最後由 小傑媽媽 於 20-9-4 03:16 編輯
彩虹水晶 發表於 20-8-31 10:53
我没有興趣, 返工也没心机工作, 他没再找我, 就什么都没有, 什么都不想做
...

興趣係可以培養出來既,起初我對串珠都完全冇認識,只因為我想揾d需要好專注既興趣,令我可以轉移視線,唔好有咁多時間諗唔開心既事,於是我揀左學串珠。因為我之前完全冇接觸過,加上我視力弱,手又傷殘,一開始真係雞手鴨腳,每次都要花半個鐘先穿到一支針,我係表現最差既一個學生,雖然我學得比其他同學慢好多,人哋穿一, 兩次就穿好既作品,我往往要穿十次八次先完成到,但我冇放棄,一有時間就不停練習,到左最後既課堂,導師都讚我比開始時進步左好多,而我對串珠亦開始培養出興趣,而家我有時間就跟住片段去學,一針一線咁穿,其實對於一個就快盲既人黎講,串珠真係一件好難既事,但每次經過好艱辛既過程之後,見到自己親手整既成果出現眼前,真係好有滿足感,而家我加加埋埋已經穿左幾十件飾物,部份完成品仲係我自己都好鍾意。
其實我有一個願望,就係希望每位我重視既朋友都可以擁有一件我親手穿製既飾物,因為我自己知自己事,我知道我剩餘既日子唔會太多,他日就算我真係離開左,都有一件帶有我摰誠祝福既紀念品留係佢哋身邊。我想送既新舊朋友大約有十幾個,J係其中一個,我好希望係我有生之年可以見到佢戴住我整既飾品,因為咁就表示佢終於諗得通,肯放低佢對我既仇恨同敵意,唔再敵視我,肯承認自己有做錯,有悔過之心,可以做返個好人!我好想有機會化解我同佢呢段咁無謂既仇恨,唔想帶住呢個遺憾離開人世!我希望係我有生之年可以有機會同佢平心靜氣咁傾一次,解左我呢個心結,因為由始至終我都當佢都係我好朋友,雖然佢係其他人面前唱衰我,話我係痴線婆,話我害佢,但事實上我係真心想佢好,天知地知,我從未害過佢,我好想見到佢變返一個善良既人!不過當然呢個只係我一廂情願既諗法,佢一日唔覺得自己有做錯,一日仲當我係仇人,唔肯主動揾我和解,咁呢個情景就永遠都唔會出現!其實我呢個願望都唔知有冇機會實現,或者呢個會變成我既遺願,因為我唔知佢會唔會有醒覺既一日,至於其他人好多都已經冇再聯絡,但其實我仍然關心佢哋每一個!我自問我對每一個朋友都好到無可挑剔,可惜佢哋個個都鍾意雞蛋裏挑骨頭,無視我既優點,放大我既缺點,唔珍貴我對佢哋既好,呢點真係令我好失望!
我同你講呢d,係想話比你知只要你有信心同堅持,肯踏出第一步,由零開始並非冇可能。你要忘記傷害過你既人,就要靠你自己,揾其他野去填補你傷心痛哭,自怨自艾既時間,揾另一樣野去取代你朋友係你心入面既位置,唔好同我講佢冇野可以代替,呢個世界冇話邊個冇左邊個唔得,只係在乎你點去調整自己心態既啫!
呢個就係幫助自己平復情緒既方法,希望你都可以試下揾自己既興趣,學語文又好,學烹飪又好,學插花都好,將你既注意力投放係其他地方,盡量唔好再諗令你傷心既人和事,讓時間慢慢撫平你心中既傷痕,只要你肯去做,我相信終有一日,你可以完全好返,唔會再比呢件事困擾住,亦唔會再在意傷害過你既人!


大宅

積分: 1416

2020勳章


發表於 20-9-8 01:03 |顯示全部帖子
小傑媽媽 發表於 20-9-4 00:54
興趣係可以培養出來既,起初我對串珠都完全冇認識,只因為我想揾d需要好專注既興趣,令我可以轉移視線,唔 ...

我試過學書法, 但没能集中到, 腦中一直想住他, 不停寫錯字, 没用呀 我有很多野想同他說, 一直没有機會, ws他又不覆, 我仍然没有一晚好睡, 心像比刀切開了一樣痛


翡翠宮

積分: 90269

精叻鼠年勳章 2020勳章 好媽媽勳章 畀面勳章 環保接龍勳章 BK Milk勳章


發表於 20-9-9 01:55 |顯示全部帖子
彩虹水晶 發表於 20-9-8 01:03
我試過學書法, 但没能集中到, 腦中一直想住他, 不停寫錯字, 没用呀 我有 ...
學書法幾好呀,可以平復情緒,亦可以洗滌心靈,更可以提升人既修養,不過提筆寫書法精神一定要好集中,咁先可以寫到一手好字,你專注唔到可能因為你心有雜念,你成日諗住d唔開心既事,又點會集中到精神?書法唔得,你可以試下其他興趣,例如烹飪或唱歌,慢慢培養你既興趣,將你既注意力轉移去其他方面,咁一定可以幫到你!
你話你有好多野想同佢講,但係既然佢都唔覆你,咁你就無謂再whatsapp佢啦,如果你真係有說話想講,你可以好似我咁係bk開個post,將你既說話寫晒出來,再唔係,我可以借個位比你,將你既說話post係呢度,雖然佢未必睇到,但至少你講左出來,個心會舒服d!就好似我咁,我將想同J講既說話post左係第一個留言,我知佢根本唔會睇到,但點解我仲要post出來呢?因為嗰d全部都係我既心底話,我接觸唔到佢,唯一既途徑就係post係呢度,雖然我知道佢根本唔會睇我呢個post,所以佢肯定唔會睇到我比佢最後既留言,但好多時我哋做事係要忠於自己,唔係要做比人睇,只要你想做既事唔犯法,唔係傷天害理,咁你想做咪去做囉,唔好理佢睇唔睇到,只要唔好令自己有遺憾!我想同J講既說話已經post左出來,如果我同佢仲有緣份,我相信佢一定會睇到,如果我同佢已經緣盡了,咁佢睇唔睇到都冇所謂啦,或者當佢有機會睇到既時候,可能我已經唔係度,咁咪當作係我比佢既遺言囉!如果你將你想講既說話都講左出來,心入面既負擔輕左,可能會幫到你舒緩情緒,減輕你唔開心既感覺,或者你同佢仲有緣,佢真係有機會睇到呢,如果你關心佢,我相信佢會收到!你只需要做左你想做既事,其他既事情,交比上天為你安排吧!


大宅

積分: 1416

2020勳章


發表於 20-9-10 22:19 |顯示全部帖子
小傑媽媽 發表於 20-9-9 01:55
學書法幾好呀,可以平復情緒,亦可以洗滌心靈,更可以提升人既修養,不過提筆寫書法精神一定要好集中,咁先 ...

我不想再學其他, 没有心情, 集中不到, 我返工都集中不到, 會做錯事, 很憎我自己這么没用


大宅

積分: 1416

2020勳章


發表於 20-9-12 00:28 |顯示全部帖子
小傑媽媽 發表於 20-9-9 01:55
學書法幾好呀,可以平復情緒,亦可以洗滌心靈,更可以提升人既修養,不過提筆寫書法精神一定要好集中,咁先 ...

我想同他說, 我很掛着很掛着他, 很想我地好似以前一樣


翡翠宮

積分: 90269

精叻鼠年勳章 2020勳章 好媽媽勳章 畀面勳章 環保接龍勳章 BK Milk勳章


發表於 20-9-13 23:36 |顯示全部帖子
彩虹水晶 發表於 20-9-10 22:19
我不想再學其他, 没有心情, 集中不到, 我返工都集中不到, 會做錯事, 很憎我自己這么没用 ...
其實呢個世界冇野淡化唔到,只係時間問題,但係如果你既壞情緒影響到工作及日常生活,咁就一定要正視啦!我係呢度同你傾左都超過一年了,但你仲停留左係極度傷痛既情緒入面,好似仲係起點原地踏步,冇向前行過,我已經同你分享晒我呢年半既心路歷程及如何走過呢段黑暗既日子,但對你好似完全冇幫助,如果你真係唔可以靠自己舒緩壞情緒,咁就唯有去睇醫生,靠藥物去幫你。情緒病係一個隨時會爆既炸彈,爆起上黎後果不堪設想,所以我真係好希望你可以盡快揾到方法拆走呢個炸彈!唔好再比自己停留係哀傷既情緒入面,一定要揾方法走出來,唔好再諗住對你唔好既人啦,你咁樣折磨自己,對方唔單止唔會內疚,可能仲會笑你儍,笑你蠢,點解要比機會人哋嘲笑你?我覺得做人應該要有廣闊既胸襟,唔好成日記住人哋對你做過既衰野,記恨他人只會傷到自己!J傷得我咁深,深可見骨,甚至影響埋我家人,我呢一生好多人都對我唔好,但從未試過有人可以令我既情緒爆發得咁犀利,仲要係佢三番四次對我咁衰,但無論佢對我幾衰都好,我都嬲佢唔耐,好快我就冇事架啦,好似今次咁,如果唔係半年前比我知道原來佢仲有不停唱衰我,仲周圍post我屋企人既相咁衰,其實我好耐之前已經冇再憎佢,甚至乎如果佢肯同我和解,我仲準備左d好有心思禮物送比佢,佢咁樣傷害我,我發洩完就冇事,心底裏仍然可以當佢係朋友,憎唔到佢好耐,所以我成日話我可能前世欠左佢,今世還返比佢!我自問對任何人都有包容之心,可惜偏偏我遇到既都係小氣到極點既人,為左雞毛蒜皮既事都可以憎人一世,唔係今次既事我都唔相信世上竟然有人可以心胸狹窄得咁緊要,真係令我大開眼界!
你要相信有緣千里能相會,無緣對面不相逢!所以你唔好再勉強,一切順其自然啦,而家首要既係搞返好自己既情緒,今次我咁嚴重都可以靠自己走出呢個黑洞,點解你唔可以呢?只要有信心,一定做得到!只要你肯去做,一定可以趕走呢個心魔!


翡翠宮

積分: 90269

精叻鼠年勳章 2020勳章 好媽媽勳章 畀面勳章 環保接龍勳章 BK Milk勳章


發表於 20-9-13 23:45 |顯示全部帖子
彩虹水晶 發表於 20-9-12 00:28
我想同他說, 我很掛着很掛着他, 很想我地好似以前一樣
...

我明白,我都係咁諗,但我哋唔記仇冇用架,人哋係要咁小氣,係要咁記仇,心胸係要咁狹窄,氣量小到連一句說話都容不下,咁我哋又有乜辦法呢?


大宅

積分: 1416

2020勳章


發表於 20-9-14 19:32 |顯示全部帖子
小傑媽媽 發表於 20-9-13 23:36
其實呢個世界冇野淡化唔到,只係時間問題,但係如果你既壞情緒影響到工作及日常生活,咁就一定要正視啦!我 ...

為什么這個世界這樣不公平, 我對他很好, 他都對我這么差, 我又忘記不到, 很多的回憶, 次次想起就很不開心想哭


大宅

積分: 1416

2020勳章


發表於 20-9-15 00:55 |顯示全部帖子
小傑媽媽 發表於 20-9-13 23:45
我明白,我都係咁諗,但我哋唔記仇冇用架,人哋係要咁小氣,係要咁記仇,心胸係要咁狹窄,氣量小到連一句 ...

他們仲有在唱我, 講我是非


翡翠宮

積分: 90269

精叻鼠年勳章 2020勳章 好媽媽勳章 畀面勳章 環保接龍勳章 BK Milk勳章


發表於 20-9-16 14:15 |顯示全部帖子
本帖最後由 小傑媽媽 於 20-9-16 15:45 編輯
彩虹水晶 發表於 20-9-15 00:55
他們仲有在唱我, 講我是非

你明知自己會好唔開心,就唔好再理佢哋啦,把口生係人哋度,人哋講乜野我哋控制唔到,但我哋可以選擇唔睇唔理架嘛!我之前咪同你講過有班人屈我係某個顏色,跟住係隔離詛咒我既,我知道自己會受唔住,所以我完全冇去睇佢哋up乜,只係人哋講返比我知話嗰班人把口好毒咁咒我,但我都好少理,亦唔會去睇,既然已經係我唔care既人,佢哋up乜根本唔關我事,咁點解我仲要去睇?仲要比機會呢d人再一次傷害我呢?
又正如我情緒最差既時候係上年4月,本來J咁對我已經搞到我極度低落,佢仲要驚我死唔去咁,分身入我呢個post搗亂,嗰時佢把口好賤,講既説話極度難聽,我睇左少少已經頂唔住冇再睇落去,我真係發夢都冇諗過佢會咁對我,令當時已經極度低落既我情緒崩潰,差少少就了結左自己!所以我哋要慎言,攻擊人既說話就好似一把無形既利刃,可以對人造成好大既傷害,甚至可以殺人於無形!
無論任何時候,我哋都要學識保護自己,既然你咁介懷人哋講你,咁你就好似我咁唔好去睇,不聞不問,話知d人亂up廿四都與我哋無關,反正我最相信一樣野,就係咒人者必會自己受返晒,作左口業係要還架,一定會自食惡果,只係睇下幾時會報返係缺口德既人身上架咋,所以我哋根本冇必要動氣,亦唔好咒返人哋,更加唔需要為左d咁既人而唔開心!


大宅

積分: 1416

2020勳章


發表於 20-9-17 12:23 |顯示全部帖子
小傑媽媽 發表於 20-9-16 14:15
你明知自己會好唔開心,就唔好再理佢哋啦,把口生係人哋度,人哋講乜野我哋控制唔到,但我哋可以選擇唔睇 ...

我也不想看, 但又抵不住, 我也日日心情很差, 什么也不想做, 很不開心, 不知做人為了什么


翡翠宮

積分: 90269

精叻鼠年勳章 2020勳章 好媽媽勳章 畀面勳章 環保接龍勳章 BK Milk勳章


發表於 20-9-21 01:03 |顯示全部帖子
本帖最後由 小傑媽媽 於 20-9-21 10:58 編輯
彩虹水晶 發表於 20-9-14 19:32
為什么這個世界這樣不公平, 我對他很好, 他都對我這么差, 我又忘記不到, 很多的回憶, 次次想起就很不開心 ...

老實講,呢個世界邊有公平可言?我對嗰班人唔好咩?(你應該知我講邊班人) 之前口罩荒時我第一件事就係擔心佢哋唔知夠唔夠口罩用,唔夠既我送比佢哋,又盡心盡力咁比意見,教佢地點幫個女揀中學,到頭來佢哋點對我呀?只因為我禮貌地同佢哋既敵人傾左幾句就夾硬將我歸邊,屈我同佢哋係敵對,然後詛咒我祖宗十八代,大佬,我從未害過佢哋,幾時有同佢哋敵對過呀?事前我根本就唔知佢哋同嗰個jm有牙齒印,而且我同邊個傾計有我既自由,我同邊個來往要唔要同佢哋申請?洗唔洗佢哋批准呀?咁都比人咒,你話我幾無辜?我對J唔好咩?我對佢好到甚至可以為佢做任何事,好到連我自己都唔相信,但到頭來佢又點對我呀?只因為我叫佢唔好寫匿名信去害人,佢就夾埋其他人詛咒我唱衰我!我對個個都咁好,但點解d人要咁對我?你覺得呢個世界對我公平咩?就算唔公平又如何?我哋可以點做?唔嬲就冇可能架啦,不過我相信人在做天在看,欠人野一定要還,嗰d人處心積慮做出咁多傷害我哋既事,因果報應,終有一日必定要還返比我哋!
呢d人令我明白到唔係你對人好,人哋就會同樣對你好,因為太多呢種自私自利既人,佢哋只顧自己開心,懶理別人死活,冷血到明知你差d比佢害死都可以無動於衷,所以我都已經睇化晒,而家既我唔會再咁儍,只會做好自己,對得住天地良心就算,其他人既事唔會再咁上心,免得再一次遇到呢d恩將仇報既人,再一次令自己傷得更深!不過我個人又衰在唔記仇,時間過左就唔會再記住人哋對我點衰,所以我留言比J,話佢知我已經冇再憎佢,我真係好希望佢知道自己做錯,會改,會揾返我,因為我真係唔想放棄任何一個朋友,好想佢可以做返個有良心既人!不過最重要都係要佢自己肯醒覺,如果佢永遠只記恨別人,唔去自我反省,死都覺得自己冇錯,咁就真係冇人可以幫到佢,心胸狹窄既人永遠都唔會得到真正既快樂!希望有朝一日佢諗得通,唔會再當我係仇人,因為我真心想佢好!不過佢呢個人咁硬頸,又自我中心,永遠只會覺得係自己啱晒人哋錯晒,我諗我有生之年都唔會等到佢知錯回頭既一日了!


大宅

積分: 1416

2020勳章


發表於 20-9-23 13:52 |顯示全部帖子
小傑媽媽 發表於 20-9-21 01:03
老實講,呢個世界邊有公平可言?我對嗰班人唔好咩?(你應該知我講邊班人) 之前口罩荒時我第一件事就係擔心 ...

你仲會不會揾你朋友? 我不想揾他們啦, 他們很衰, 我話我又話我妹, 很討厭 我只想我朋友揾我, 我同他很多徑歷忘記不到, 没有他我很心痛, 不習慣, 想好似以前一樣


翡翠宮

積分: 90269

精叻鼠年勳章 2020勳章 好媽媽勳章 畀面勳章 環保接龍勳章 BK Milk勳章


發表於 20-9-25 19:12 |顯示全部帖子
本帖最後由 小傑媽媽 於 20-9-25 19:14 編輯
彩虹水晶 發表於 20-9-23 13:52
你仲會不會揾你朋友? 我不想揾他們啦, 他們很衰, 我話我又話我妹, 很討厭 :na ...

你講我邊d朋友呀?
嗰班人?No la!佢哋對我太過份,我一直對佢哋咁好,處處為佢哋著想,點知單單為左我同一個唔同政見既人傾左幾句就咁對我,不分青紅皂白,自己斷估就以為係事實,問都唔問清楚我就屈我詛咒我,雖然我個人唔記仇,但士可殺不可辱,何況我唔單止從來冇得罪過佢哋,仲全心全意幫過佢哋,但佢哋竟然咁樣侮辱我,氣量幾大都冇可能忍得到,嗰4個人,我永遠都唔會原諒佢哋!
J?都唔會啦,我咪講過我上年有揾過佢囉,但到左而家超過一年佢都冇覆過我一個字,老實講,我感覺真係好hurt,雖然我已經冇再嬲佢,但我都有尊嚴架,比人無視既感覺真係令我好難受,所以我講過我唔會再揾佢,佢肯比d誠意主動揾我既話,我哋仲可以做返朋友,否則咪算囉!不過茫茫人海之中,要揾一個冇血緣關係但真心愛錫自己既人真係可遇不可求,佢幸運地遇到我,但唔去珍惜,仲恣意踐踏我對佢既感情,我可以好肯定咁講,如果今日佢為左咁少事放棄一個咁錫佢既人,將來佢一定會後悔!今日佢一定會覺得我講既說話係廢up,但十年八載之後,我肯定佢會知道我講既每一句都係事實,當佢而家當係寶既酒肉朋友唔再理佢既時侯,當佢身邊冇一個人真正關心佢既時候,我肯定佢會後悔曾經咁對我,我話既!


大宅

積分: 1416

2020勳章


發表於 20-9-28 10:02 |顯示全部帖子
小傑媽媽 發表於 20-9-25 19:12
你講我邊d朋友呀?
嗰班人?No la!佢哋對我太過份,我一直對佢哋咁好,處處為佢哋著想,點知單單為左我同 ...

我也忍不住, 比人這樣講好嬲, 不過又很想等到他找我, 我很矛盾 昨晚又發夢見到我們以前開開心心的時候, 我又哭醒了


翡翠宮

積分: 90269

精叻鼠年勳章 2020勳章 好媽媽勳章 畀面勳章 環保接龍勳章 BK Milk勳章


發表於 20-10-1 14:48 |顯示全部帖子
彩虹水晶 發表於 20-9-28 10:02
我也忍不住, 比人這樣講好嬲, 不過又很想等到他找我, 我很矛盾 昨晚又發夢見到我 ...

本帖最後由 小傑媽媽 於 20-10-1 14:51 編輯

過去既事就由得佢過去啦,我哋已經為左傷害過我哋既人流左太多眼淚,亦浪費左好多時間,係時候要醒架啦!就由今日開始,好好珍惜你身邊對你好既人,好好走你以後既人生路!

祝願彩虹水晶及所有睇我呢個post但冇留言既jm :

中秋節快樂!

jm們,無論我同你哋是否認識,無論你哋當我係朋友定係敵人,我都希望大家健康快樂!如果大家都有傷心往事,希望可以忘記過去,從新出發,不再受情緒困擾,重現笑容!

真正既愛唔係佔有,唔係嫉妒,唔係詛咒你唔鍾意既人,而係體諒,係包容,係互相扶持……包括你唔鍾意既人!
1601535089591_sign.JPEG


大宅

積分: 1416

2020勳章


發表於 20-10-3 11:21 |顯示全部帖子
小傑媽媽 發表於 20-10-1 14:48
本帖最後由 小傑媽媽 於 20-10-1 14:51 編輯

過去既事就由得佢過去啦,我哋已經為左傷害過我哋既人流左 ...

三年前的中秋我和他二人去左韓國旅行, 去了很多地方, 玩得好開心, 我再看旅行相片, 心很痛, 忍不住又在哭

首頁

尾頁

跳至
你需要登錄後才可以回帖 登入 | 註冊