心聲留言 今日: 34 | 主題: 16652

積分: 104849

2021勳章精叻鼠年勳章好媽媽勳章畀面勳章環保接龍勳章 BK Milk勳章

發表於 20-11-17 00:57 |顯示全部帖子

彩虹水晶發表於 20-11-6 03:18
对不起
我不想你擔心, 不想累了其他人, 提不到精神工作累了同事, 我不想 ...

彩虹水晶，今日我入黎更新首頁留比J既信，刪減左d內容，再過來望下你，原來你已經有10日冇上來，你還好嗎？我很擔心你，見到留言請入來覆下我，希望你一切安好

私人傳訊回覆引用

積分: 1548

2021勳章

發表於 20-11-22 03:47 |顯示全部帖子

小傑媽媽發表於 20-11-17 00:57
彩虹水晶，今日我入黎更新首頁留比J既信，刪減左d內容，再過來望下你，原來你已經有10日冇上來，你還好嗎 ...

谢谢, 但不要理我吧, 我不想再煩你, 是我不好

我同我朋友識很久, 我同家人関系不好, 没人理我, 只有他関心我, 我當他是親人, 現在連他也没了, 我不知怎生存, 这些天我想了又想, 都是放不下, 浪费了你的時間, 不想再煩你, 就不上来

我很没用, 過了很久還是忘不到, 還是忍不住偷偷去看那些人的貼文, 他們没講我和我妹了, 但看了還是傷心, 想回應, 想寫封信给他, 想再去找他, 又不敢, 連想死也没擔量, 我真的很没用, 你也不要再理我, 我很憎我自己

私人傳訊回覆引用

積分: 104849

2021勳章精叻鼠年勳章好媽媽勳章畀面勳章環保接龍勳章 BK Milk勳章

發表於 20-11-22 14:56 |顯示全部帖子

本帖最後由小傑媽媽於 20-11-22 18:35 編輯

彩虹水晶發表於 20-11-22 03:47
谢谢, 但不要理我吧, 我不想再煩你, 是我不好
我同我朋友識很久, 我同家 ...

你冇事就好啦，你冇出現咁耐我好擔心你有事呀！
你知唔知呀，我曾經有個識左好多年既網上知己，我哋間中會傾下計，唔開心既時候會互相支持，上年我比J搞到情緒崩潰到想死既時候，佢一有時間就上黎開解我，係佢陪我走過最艱難既嗰段路，但之後有d無事生非既人制造謠言屈我哋，佢受唔住呢d失實既流言，又見我不斷被某d想整死我既人攻擊我，搞到情緒好差，之後我就冇再見過佢上黎，呢件事令我唔開心左好耐，係我保護唔到佢，我都好自責，所以我好憎嗰班曾經胡言亂語侮辱過我哋既人！我已經年幾冇見佢出現啦，希望佢只係心情唔好唔想出來，而唔係出左咩事啦！
我都試過好多次比bk既人老屈，比人攻擊，我試過為左呢d失實及攻擊性既說話喊左好耐，亦唔開心左好耐，我知道網上無中生有咁講一句侮辱性既說話都可以殺人於無形，所以我哋發佈留言都要小心謹慎，要顧及人哋既感受，所以我明白點解你睇完你朋友既社交網站之後情緒會變得咁差！
雖然你口口聲聲叫我唔好理你，但只要入得黎呢度揾我傾計既jm都係我既朋友，我都唔會唔理佢，我唔會放棄任何一個心地善良既人，所以除非你放棄你自己，否則我唔會唔理你！對朋友，我從來唔會覺得麻煩或者嘥時間，只要幫到人，見到人開心就係我最大最大最大既希望，所以你有唔開心可以繼續上黎講，唔好再玩失蹤啦，至少比我知道你冇事，唔好再令我擔心啦！

私人傳訊回覆引用

積分: 1548

2021勳章

發表於 20-11-25 01:26 |顯示全部帖子

小傑媽媽發表於 20-11-22 14:56
你冇事就好啦，你冇出現咁耐我好擔心你有事呀！
你知唔知呀，我曾經有個識左好多年既網上知己，我哋間中會 ...

我也很想有知己, 我只有他一個知己, 但現在也没了

我很想像你这樣没恨没怨, 我很想同他和好, 但我想到他们又在鬧我和我妹, 我又很嬲, 很難不憎他们, 因他们傷害我妹, 我受不了, 又没机會見到他, 說不到話, 不能和好, 我只有日日心痛, 日日在哭, 我很難受, 想不去想也停不到, 過了一年这么辛苦的生活, 已經很夠, 很夠了

私人傳訊回覆引用

積分: 104849

2021勳章精叻鼠年勳章好媽媽勳章畀面勳章環保接龍勳章 BK Milk勳章

發表於 20-11-26 00:48 |顯示全部帖子

本帖最後由小傑媽媽於 20-11-26 01:21 編輯

彩虹水晶發表於 20-11-25 01:26
我也很想有知己, 我只有他一個知己, 但現在也没了我很想像你这樣没恨没怨, 我很 ...

莫講話知己，就算一個同自己傾得埋既朋友，都可遇不可求，你冇，我都一樣冇！
要對一個曾經傷你至深既人做到無怨無恨的確唔容易，要有一顆寬宏大量既心同無私既愛先做得到，我對J可以做到無怨無恨，原因係我由始至終都當佢係我朋友，只係佢被怨念蒙蔽了良心，當我係佢既大仇人啫！其實我個人好簡單，我唔記仇既，人誰無過？做錯唔緊要，我都會做錯，但最緊要肯認肯改，但我發覺冇乜人做錯事會肯認錯！「對唔住」呢3個字的確係好難開口，但係我好欣賞知錯肯認既人，所以無論人哋做錯乜野都好，只要肯真心誠意同我講一句對唔住，一切恩怨都可以一筆勾消。不過又咁講，係一件事上面唔一定係單方面做錯，可能雙方都有責任，就以我同J呢件事黎講，佢對我所做既一切當然係好大既錯，但係呢件事上我處理得唔好亦都要負返部份責任，所以公平d黎講，我同佢都有錯，所以如果有一日佢終於肯承認自己做錯，肯主動同我講一句對唔住，咁我亦都會同佢講返一句相同既說話，因為既然大家都有錯，咁就大家都應該向對方道歉，我對人對己都係一視同仁！我有一個願望，就係如果係我有生之年可以同J見一次面，大家心平氣和咁講清楚件事，化解到我同佢既仇恨，咁我就老懷安慰，要走亦走得無憾了！
呢個就係我點樣可以做到無怨無恨既原因，首先你要放低你對對方既成見，你單方面原諒左對方先，但好似你咁成日諗住佢哋點樣係FB唱你，你消除唔到對佢哋既恨意，咁你就永遠都釋放唔到自己出來？咁點會開心呢？
你對你朋友咁好，又咁掛住佢，其實你都可以做到呢點，唔好諗佢哋曾經係社交平台講過你同你妹妹d乜野，無論佢哋講過乜都好，都已經過左去啦，唔好再諗，亦無謂再嬲，我哋要向前看，將目光放係你前面，咁你個心就會「輕」左好多！試下啦，真係work架！

私人傳訊回覆引用

積分: 1548

2021勳章

發表於 20-12-2 01:09 |顯示全部帖子

回覆樓主:

我寫了一封信給他, 寫了很多很多, 想放上fb給他看, 想他知我想法可以找我, 但是又不敢, 怕他看見又鬧我, 或者不理我, 我會很傷心, 我要不要給他看, 我真不知道

私人傳訊回覆引用

積分: 104849

2021勳章精叻鼠年勳章好媽媽勳章畀面勳章環保接龍勳章 BK Milk勳章

發表於 20-12-3 21:28 |顯示全部帖子

彩虹水晶發表於 20-12-2 01:09
我寫了一封信給他, 寫了很多很多, 想放上fb給他看, 想他知我想法可以找我, 但是又不敢, 怕他看見又鬧我, 或 ...

咁你想點呢？永遠活係幻想之中？點解你唔勇敢d去爭取你想要既野呢？你嘗試爭取唔一定會成功，但你放棄爭取就一定會失敗！

私人傳訊回覆引用

積分: 1548

2021勳章

發表於 20-12-4 03:38 |顯示全部帖子

小傑媽媽發表於 20-12-3 21:28
咁你想點呢？永遠活係幻想之中？點解你唔勇敢d去爭取你想要既野呢？你嘗試爭取唔一定會成功，但你放棄爭取 ...

我也不想，但怕他睇不到，又怕比人笑柄所以不敢，他們會找机會傷我，拿出去公番，我也不知得罪他們什么，這么久都不放過我，不久前又上載我們以前去玩的相，但將我塗花了，晝了大X落我面，這算什么

私人傳訊回覆引用

積分: 104849

2021勳章精叻鼠年勳章好媽媽勳章畀面勳章環保接龍勳章 BK Milk勳章

發表於 20-12-5 01:47 |顯示全部帖子

本帖最後由小傑媽媽於 20-12-5 02:23 編輯

彩虹水晶發表於 20-12-4 03:38
我也不想，但怕他睇不到，又怕比人笑柄所以不敢，他們會找机會傷我，拿出去公番，我也不知得罪他們什么， ...

你話怕你朋友睇唔到封信，所以唔敢post，咁我將我比J既留言post係首頁，你覺得佢會唔會睇到？我同你講，我肯定佢99%唔會睇到，咁點解我仲要post出來呢？原因好簡單，因為我覺得啱既野我就會去做，唔會好似你咁多顧忌！我係真心想佢好，所以就算我肯定佢99%唔會睇到我既留言，但只要佢有1%機會睇到，我都想盡我最後一口氣，用我既文字勸戒佢唔好再錯落去，唔好再成日諗計去害佢唔鍾意既人，我對佢咁好，佢都可以因為我講左一句佢唔啱聽既說話就害得我咁慘，可想而知佢變得幾咁偏激，佢再咁落去只會越黎越錯，越陷越深，遲早闖出大禍，所以我唔會理咁多，我試過用好多方法揾佢，但佢block我手機，唔肯收我whatsapp，pm佢又唔覆，咁我唯有將我想同佢講既肺腑之言post係呢度，希望有朝一日佢會入黎睇到，又或者佢身邊既人睇到可以講返比佢知，我好希望終有一日佢會明白我對佢既苦心，知道我由始至終都想佢好，從來冇害過佢，更加絕對冇咒過佢半句，希望佢唔好再不停講大話誣衊我！如果佢肯主動揾返我當然最好啦，因為我一直等緊佢回頭，但就算佢唔再揾我，只要佢以後過得開開心心，唔好再行歪路，唔好再陷害人，咁我已經好開心！只要可以幫到佢行返條正路，要我做乜野我都願意，因為如果你真心對一個人好，你就會好不自覺咁願意為佢付出一切，你唔會計較佢曾經對你造成既傷害有幾大，無論受左幾多委屈都唔會有半句怨言！我就係一個咁既人！其實做人唔洗咁複雜，你覺得啱既咪去做囉，你有說話想同你朋友講，就直接話比佢知，既然你已經寫左封信比佢，咁就唔好猶豫咁多，唔好理佢睇唔睇到，更加唔好理其他人點諗，呢d全部都唔重要，重要既係做左你自己想做既事，就算佢真係收唔到，你都盡左力啦，總好過你而家日日長嗟短嘆，成日掛住佢，諗起佢又喊，何必呢！
你有冇睇過我座右銘個post呀？
https://www.baby-kingdom.com/forum.php?mod=viewthread&tid=23401172
入面其中一句係 :
「我失去的只是一個不懂珍惜我的人；他失去的卻是一個可以為他付出一切的人」
呢句完全係為我哋而寫架！

私人傳訊回覆引用

積分: 1548

2021勳章

發表於 20-12-8 04:21 |顯示全部帖子

回覆樓主:

我放不低, 因為我只他一個朋友, 我當他是姐妹, 但他這么對我, 還甲埋其他人笑我蠢, 又鬧我同我妹, 又話我偷佢野不還, 不信我, 我很痛很痛, 不能不去想, 但又很掛住

私人傳訊回覆引用

積分: 104849

2021勳章精叻鼠年勳章好媽媽勳章畀面勳章環保接龍勳章 BK Milk勳章

發表於 20-12-10 00:50 |顯示全部帖子

彩虹水晶發表於 20-12-8 04:21
我放不低, 因為我只他一個朋友, 我當他是姐妹, 但他這么對我, 還甲埋其他人笑我蠢, 又鬧我同我妹, 又話我偷 ...

姊妹？2年前既我曾經都以為呢個世界真係有金蘭姊妹，但經過呢件事之後，我先發覺我太天真！姊妹？算吧啦！「姊妹」呢2個字太空泛，就算姊妹相稱又點？空有姊妹之稱，卻無姊妹之情，我曾經遇過既所謂「姊妹」係完全不問事情真相，只聽某人抹黑我既說話就信以為真，就可以完全抹殺晒所有我對佢哋既好，衰人當神拜，好人當賊扮，好心著雷劈，呢d咁既「姊妹」……算吧啦！仲有，我一直當J係我妹妹咁，到頭來佢點對我？佢對我既所作所為有絲毫顧念姊妹之情咩？係半點情誼都不念呀！所以你唔好再咁輕易當任何人係姊妹，要知道人心難測，你當人地係everything，人哋當你係nothing，到頭來受傷既都只會係你自己，我就係一個人版！所以由而家開始，我唔會再好似以前咁儍，唔會再關心bk既人，反正無論我對人幾好都冇人會欣賞，d人唔會睇到我既優點，只會將我少少既缺點無限放大，哪怕只係講左一句佢唔啱聽既說話都好似殺左佢全家咁，我真係做左幾十年人都未見過一個人可以小氣得咁恐佈！對於d咁既人，點會唔心淡？不過而家呢d對我黎講都已經唔再重要，人年紀大左，好多野都唔再在乎，唔係唔介意，係已經死左心，我對呢d人既記憶，連同佢哋既contact早已一併被我剷走晒，就當從來冇認識過，我個人有時都可以好灑脫！
相信你都係一個重情既人，或者你要到左我而家呢個年紀，對乜野事都睇得淡既時候，先可以放得低你既傷心事，不過唔重要既，最緊要你唔好再咁容易被佢牽動到你既情緒就可以！
你有冇聽過夢隨心生呀？以前我間中會發夢見到J同另外幾個被佢洗左腦既人，夢入面既情節都係唔開心，互相謾駡打架攻擊，火藥味濃，因為當時我心中對佢哋充滿仇恨，恨之入骨既情緒從我既夢境中表露無遺。最近呢幾個月我都有好多次發夢見到J，但唔同既係最近既夢感覺好和平，最近一次係幾日前，夢入面我同佢仲好開心咁周圍去玩，好似親姊妹咁，現實中我都未試過同佢咁friend，我知道呢一切都係從我個心反映出來，係我心入面最期望出現既畫面！上天對我真係好好，現實中可能呢世都冇機會出現既情景，但都比我有機會從夢境中感受到，亦令我知道，我對佢曾經有過既恨之入骨已經真真正正放低左！我好感恩！我希望你好快都可以同我講返同一番說話，話比我知你都已經放低左你既傷心住事！
我而家周身病痛，遲下又要入手術室，面對一次又一次既挑戰，過完一關又一關，其實我唔係咁硬淨架咋，我仲可以捱幾耐？仲有幾多日子呢？而家我已經冇乜所求，但願我既家人平平安安，開開心心咁生活就係我最大既心願！不過我依然有個好大既心結未解開，就係我同J呢件事，佢欠我一個解釋，一個令我差d冇左條命既原因，而我哋大家都欠對方一句道歉，如果有一日佢肯主動揾我，肯同我坐低好好地咁講返清楚成件事，令呢件事可以劃上一個完滿既句號，解左我既心結，咁我就真係無憾啦！我真係好攰好攰啦，希望有機會可以解左呢個心結，之後一切都告終，唔再受世俗既是非黑暗所困擾，可以得到真真正正既休息，真真正正咁解脫！

私人傳訊回覆引用

積分: 1548

2021勳章

發表於 20-12-14 03:28 |顯示全部帖子

回覆樓主:

我也有發夢見到和他去玩, 去bbq, 上插花課, 這都是我和他有做過的事, 我們經歷很多, 以前也是這樣子, 現在沒有了, 只有發夢才見到, 有時會哭醒, 我真沒用

私人傳訊回覆引用

積分: 104849

2021勳章精叻鼠年勳章好媽媽勳章畀面勳章環保接龍勳章 BK Milk勳章

發表於 20-12-17 01:46 |顯示全部帖子

本帖最後由小傑媽媽於 20-12-17 07:48 編輯

彩虹水晶發表於 20-12-14 03:28
我也有發夢見到和他去玩, 去bbq, 上插花課, 這都是我和他有做過的事, 我們經歷很多, 以前也是這樣子, 現在 ...

咁其實你咪又係同我一模一樣囉，口硬心軟，口講好憎佢，個心掛住佢，其實一早已經原諒左佢，係唔係？你同我一樣，心入面好想出現既情景，現實中冇可能實現，所以藉住你既夢境反映出你真實既心情，因為你心入面有佢既存在，所以佢先會係你既夢境入面出現！不過始終係個夢，無論夢境多美好都總會有夢醒既時候，夢醒了就要面對現實，要放手既始終都要放手，唔好再糾纏落去，咁你先可以重新開始！無論一段幾刻骨銘心既感情，只要變左質，我哋就要懂得抽身，如果你一直浸沉係入面，最終只會將你吞噬！就好似我咁，雖然我都有掛住J，想知佢過得好唔好，但既然佢封鎖晒所有我可以接觸到佢既途徑，唔想我知佢近況，咁我咪唯有係個心入面祝福佢囉，對一個人好唔係擁有，係祝福，係成全！不過我都希望有一日當佢諗得通，知道我由始至終都係想佢好既時候，佢會主動揾我修補關係，只要佢肯承認自己有做錯，我同佢既誤會就可以冰釋，我希望係我有生之年可以等到呢一日啦！好多人窮盡一生都揾唔到一個真正關心自己既人，所以希望佢懂得珍惜，唔好為左啖氣而錯失左一個真心愛惜佢既人，因為我相信佢唔會再遇到第二個好似我咁願意對佢不離不棄既人！
過去既事已經過左去，你應該要向前望，有廣闊既胸襟去祝福曾經傷害過我哋既人，都係一種福氣！所以你聽我講，放手吧！你今日放手唔代表永遠見唔到，如果你哋緣份未盡，總會有再相遇既一日，相反，如果你哋已經緣盡，你又必何繼續折磨你自己呢？我都同你傾左差唔多一年半既時間，睇住你一直意志消沉，一蹶不振，但我唔知點先可以幫到你，其實我都唔開心架！

私人傳訊回覆引用

積分: 1548

2021勳章

發表於 20-12-22 00:49 |顯示全部帖子

回覆樓主:

我沒憎我朋友, 真的沒有, 我只憎其他人講我同我妹壞話, 又貼和畫花我們的相, 我冤枉我偷野, 仲同我朋友講我壞話令佢不理我, 所以我憎他們

以前冬至我和他會一同食飯興祝，因我地同家人關係差, 不和家人做節, 我們2個食飯, 很開心的，這兩年沒了他, 我很不開心, 也覺得做人沒意思, 太多回憶令我忘記不到, 過時過節都想起他, 很辛苦

私人傳訊回覆引用

積分: 104849

2021勳章精叻鼠年勳章好媽媽勳章畀面勳章環保接龍勳章 BK Milk勳章

發表於 20-12-25 02:35 |顯示全部帖子

彩虹水晶發表於 20-12-22 00:49
我沒憎我朋友, 真的沒有, 我只憎其他人講我同我妹壞話, 又貼和畫花我們的相, 我冤枉我偷野, 仲同我朋友講我 ...

可能因為你同家人關係唔太好，只有係你朋友身上先感受到愛，你哋經常係埋一齊，大時大節又一齊慶祝，以令你對佢造成過份依賴，一旦失去，就好似冇晒人生方向咁，無所適從。我覺得你應該開放自己，識多d朋友，擴闊自己既生活圈子，咁你就會發現世界好大，你既世界唔係只有佢一個，仲會有好多對你好，值得你去關心既人，佢呢d對你唔好既人其實亦唔值得你為佢傷心！
你都知道晒我既經歷架啦，2年前我被J徹底地背叛及傷害，我痛徹心肺！我傷過, 痛過, 想死過……最終悟出一個道理 : 唔珍惜你既人，唔值得你為佢傷心；會傷害你既人，唔配做你朋友！
坦白講，其實我都好多謝J曾經咁對我，冇佢對我咁徹底既傷害，冇佢令我感受到前所未有既痛，就唔會有今日呢個咁堅強既我，所以我成日都話凡事會有兩面，有失亦有得，我失去左一個唔珍惜我既朋友，但我得到既係我對自己既肯定！我更加肯定自己有一顆善良既心，我對朋友既愛亦都不容置疑，只不過我將我既愛錯付左係一個唔值得既人身上，所以先令我有咁大既創傷！不過經歷過今次既創傷之後，我改變左好多，今日既我已經唔再好似之前咁軟弱，唔會再任人欺負，更加休想再傷我分毫！
我都希望你可以好似我咁，要變得堅強！你要記住，任何人都唔會只為一個人而活，好好珍惜你既家人，佢哋先係你生活既重心！

私人傳訊回覆引用

積分: 1548

2021勳章

發表於 20-12-29 00:25 |顯示全部帖子

回覆樓主:

我和家人関係差, 爸媽不理我, 我只同細妹最好, 之後就是我朋友, 我和他個個聖誕也一齊過, 這兩年只我自己一個很不慣, 看以前的相也會哭

, 還有好多年的禮物我沒掉, 很多回憶不捨得掉

不想識新朋友, 只想他找我, 由頭開始

自己一個好痛, 點解我還忘不到

私人傳訊回覆引用

積分: 1548

2021勳章

發表於 20-12-29 02:08 |顯示全部帖子

回覆樓主:

怎么可以反去以前

私人傳訊回覆引用