心聲留言

跳至

首頁

尾頁
   105


大宅

積分: 1656

2021勳章


發表於 21-3-2 01:31 |顯示全部帖子

回覆樓主:

我不想他過得好, 因他這么對我, 但是如他有事我不知怎樣, 或者會難過, 他們駡我妹, 我憎他們 不會祝福, 除非道歉, 但是他不會, 我不開心因這樣, 憎他又想找他, 我又知怎么做, 又受不住


珊瑚宮

積分: 110595

2021勳章 精叻鼠年勳章 好媽媽勳章 畀面勳章 環保接龍勳章 BK Milk勳章


發表於 21-3-2 23:35 |顯示全部帖子
本帖最後由 小傑媽媽 於 21-3-3 01:17 編輯
彩虹水晶 發表於 21-3-2 01:19
從細個時就沒人錫我, 父母沒理我, 哥不理我, 我和妹最好, 我一直很孤單自己一個, 到識了他做好朋友, 開心了 ...

冇人錫你,你更加要愛錫自己!我由細到大都好孤單,只得一個親人最錫我,朋友同事呢d更加唔好講,講是講非,針鋒相對,爾虞我詐……我唔會同呢d人來往,所以我寧願自己一個人!到我結左婚先真真正正有個愛錫我既人係我身邊,之前我根本感受唔到何謂「愛」!到我係bk認識左J,起初同佢好啱傾,因為大家面對相同既問題,好多睇法好相近,漸漸佢就走左入我既內心深處,就算係我同佢未見過面之前,我都已經當左佢係我好朋友,就算我哋冇聯絡既幾年,我個心都一直記掛住佢,我以為我終於揾到一個可以相扶到老既好姊妹,點知十幾年之後既今日佢會咁對我,我好痛心,我既感覺真係好似由天堂跌左落地獄一樣!咁我又可以點呢?除左等佢覺悟自己既錯,肯回頭既一日之外,咪做好我自己,想辦法為自己撫平佢帶比我既傷痕,令自己過得開心d囉!你話冇左佢就好似冇左生命咁,咁係因為你睇得佢太重要,但有d野冇左就係冇左,幾唔捨得都要放手,世界唔會因為你而停下來,所以你都必須要擦乾眼淚,抖擻精神,繼續行你既人生路,因為當所有人向前行既時候,你卻原地踏步,你同佢既距離就只會越來越遠!人生最重要既一課就係學習如果去愛自己及愛別人,呢個課題非常深奧,我都仲學習緊,我希望自己可以做到愛自己,愛家人,愛朋友,甚至愛對我唔好既人,呢個係一份好高尚既情操,但願我有咁既氣量可以做得到!


大宅

積分: 1656

2021勳章


發表於 21-3-4 22:52 |顯示全部帖子

回覆樓主:

我是不是都前世欠他, 也在還債, 怎么知道, 我覺我也是 你怎么知欠你朋友, 是不是有師父說你知, 我也想找師父, 可介紹嗎, 我想知欠他甚么, 忽然這么對我 想看三世書, 找到方法完這事, 時間很長想結束


珊瑚宮

積分: 110595

2021勳章 精叻鼠年勳章 好媽媽勳章 畀面勳章 環保接龍勳章 BK Milk勳章


發表於 21-3-5 14:56 |顯示全部帖子
彩虹水晶 發表於 21-3-4 22:52
我是不是都前世欠他, 也在還債, 怎么知道, 我覺我也是 你怎么知欠你朋友, ...

咁我又唔知你同你朋友係咪上世有關連呀,因為我根本唔清楚你哋既情況,但如果你哋真係有宿世缘份,我相信你哋2個,或者是但一個會有感應,至少我既親身經歷係咁!我冇揾師傅算過,亦冇查過三世書,但我都幾肯定我同J有隔世恩怨,我相信我同佢既瓜葛冇咁簡單,因為我第一眼見到佢張相就有種好特别及好不安既感覺,呢d如果你有興趣知道我先再同你講啦。你對你朋友有冇呢種難以解釋既感應呢?


大宅

積分: 1656

2021勳章


發表於 21-3-9 00:48 |顯示全部帖子

回覆樓主:

我沒你說的感覺, 只跟他一起會開心, 分開了很傷心, 不知這是不是上世欠他, 他令我很難過 你怎么認得你朋友和你上世識得, 可不可說


珊瑚宮

積分: 110595

2021勳章 精叻鼠年勳章 好媽媽勳章 畀面勳章 環保接龍勳章 BK Milk勳章


發表於 21-3-9 11:29 |顯示全部帖子
本帖最後由 小傑媽媽 於 21-3-16 10:00 編輯
彩虹水晶 發表於 21-3-9 00:48
我沒你說的感覺, 只跟他一起會開心, 分開了很傷心, 不知這是不是上世欠他, 他令我很難過 : ...

緣來緣去,緣聚緣散,一切早有天定,每一段感情,無論男同女既愛情,男人之間既兄弟情,女人之間之姊妹情……有邊個可以保證任何一個人可以同你相伴到老呢?走左既人不必可惜,留底既先係對你真心,值得你去珍惜既人!今日走左既,他日會有另一個補上,問題係你肯唔肯打開你個心去接納其他人!始終都係物以類聚,鍾意講是非既人,無論我對佢幾咁好都冇用,佢一樣會雞蛋裏挑骨頭,會覺得我一無是處,因為我根本唔係佢既同類,我好討厭周圍講人是非,將人哋既相周圍post出去呢d咁冇品既人,咁就由得佢去同其他是非精做朋友吧,我根本唔鍾意呢種人,亦唔想再勉強自己投其所好去討好任何人,雖然我呢個心結只有J先可以解得開,但佢唔幫我解我都冇辦法,我都預左呢個心結及遺憾會伴我終老!希望你都可以同我一樣,放低嗰d個心已經腐爛左既人,重新去認識其他可以帶比你正能量既新朋友,人生怱怱幾十年轉眼就過,何必要同自己過唔去,為左d如斯無情既人去蹉跎歲月呢?


大宅

積分: 1656

2021勳章


發表於 21-3-10 00:13 |顯示全部帖子

回覆樓主:

想知是什么感應, 真的有這些嗎, 想知我和朋友有沒有


珊瑚宮

積分: 110595

2021勳章 精叻鼠年勳章 好媽媽勳章 畀面勳章 環保接龍勳章 BK Milk勳章


發表於 21-3-11 02:10 |顯示全部帖子
彩虹水晶 發表於 21-3-10 00:13
想知是什么感應, 真的有這些嗎, 想知我和朋友有沒有
...
我好相信有前世今生同因果報應架,前世因今世果,上世種咩因,今世就修咩果,我估計上一世既我唔係個好人,所以今世我身邊既小人一個接住一個咁出現黎害我,成世人都冇乜真正開心既日子,亦因為咁,所以我今世就盡我能力去幫人,真心真意對人好,亦唔會向傷害過我既人報復,盡量做好今世既自己,為上世既自己贖罪,亦為來世既自己積福。
當然,我同J上世已結怨呢件事只係我根據我既感覺去猜測,冇實質證據支持,所以亦未必係真有其事,但我嗰種奇怪既感覺又真係解釋唔到!其實由我2008年識佢開始,唔知點解我就不自覺咁好關心佢,就算中間冇同佢聯絡既7年入面,我個心都一直記掛住佢,呢種感覺已經解釋唔到啦!到左2018年9月18日,當時我仲未見過佢既真人,只係第一眼見到佢whatsapp頭像嗰張相,唔知點解感覺就好奇怪,個心直情係震一震,我冇誇張到,係真架,我唔識得點形容,我肯定我以前從未見過佢架,但唔知點解見到佢第一眼會有咁既反應,總之嗰種感覺好奇怪,我從未試過對任何人有呢種反應,當時我以為自己唔舒服,所以冇理到,之後我同佢見過幾次面,但我唔知點解每次都唔想正眼望佢,就算同佢講野都會盡量移開視線,想同佢保持距離,因我本身性格內向,所以當時我對自己呢種反應都不以為意,直至發生左佢無端端發顛同我反枱呢件事之後,我不斷係度問點解點解點解……點解佢變得咁可怕?經過左最難捱既幾個月之後,到左8月,我冷靜落黎,諗返成件事,我覺得好怪,究竟有咩原因會令到佢一夜之間好似變左另一個人咁,對我既態度180度轉變?佢明知我有情緒問題唔受得太大刺激,就故意對我做咁多傷害性咁大既事,目的係想置我於死地,當時我真係感覺到佢想攞我命架,呢種感覺仲要係好真實,我同佢從未結怨,之前一直都仲係相處融洽,有咩理由一夜之間佢會無端端憎我憎到想整死我呢?唔係今世結怨,咁唯一既解釋就可能係我同佢上世有積怨,今世佢黎揾我討債,可能就因為我潛意識要還返比佢,所以今世無論佢點對我,我都逆來順受,無論佢對我做出幾過份既事都好,我都義無反顧咁幫佢,對佢不離不棄,甚至連自己條命都可以比埋佢,我對其他人絕對唔會咁,唯獨是對佢一個先係咁,點解我會咁既呢?呢點又係我解釋唔到既事!佢幾次搞到我情緒病復發生不如死,起初我真係憎到佢入心入肺入骨入血架,但之後我諗通左,既然佢係黎向我討債,咁爭人野一定要還既,於是對佢既憎恨亦開始減少,我冇之前咁憎佢,只係好想同佢解決左呢件事,之後大家就再冇拖冇欠,各行各路,雖然當時我同佢已經係互不相干,但始終佢都仲係嚴重咁影响緊我既情緒,我估計我同佢可能仲有恩怨未解,所以我一直冇辦法放低呢件事,於是我嘗試揾佢和解,佢唔肯收我whatsapp,我就pm佢,希望大家可以平心靜氣咁詳談一次,可惜佢心胸太狹窄,一直都唔肯覆我,我多次情緒不穩都係拜佢所賜,有機會我真係好想查下三世書,睇下我同佢前世到底有咩咁大仇口,今世佢要咁黎害我?佢向我報復唔緊要,但佢搞埋我家人就絕對唔可以接受,其實我只係希望大家有機會平心靜氣咁傾下,共同揾個方法斬斷呢筆孽債,解左我既心結啫,好聚好散,咁對大家都好!我哋已經係成年人,亦已為人母,點解仲要好似小學雞鬧交咁幼稚?佢係whatsapp數臭我,我就係呢度反擊,隔空對駡,咁我同佢既仇恨只會越來越深,件事亦只會没完没了,我真係唔想搞成咁,就算做唔成朋友,都冇必要做仇人,互相攻擊對方呀,但佢堅決唔覆我,簡單到只係覆一個pm咁少既事佢都唔肯幫我,想要我成世人都屈住唔開心,直至我睇唔開去尋死為止,呢個人真係好冇人性!所以一個人既心地係好定壞,真係可以從好細微既地方就可以睇得好清楚!不過算啦,我都唔再怨唔再恨,雖然佢令我受左好多苦,但我自己受晒就算,唔會做任何野去報復,如果真係我上世欠佢既,我心甘情願還返比佢,如果上世我冇欠佢,但今世佢咁害我,種下孽債,就係佢欠我,下世佢就要還返比我,就係咁簡單!不過我依然等緊佢覆返我年半前個pm,佢害到我咁惨我都可以唔同佢計較,我只係希望佢有返d良知,念在我一直對佢咁好,佢有咩事我都出心出力咁幫佢,希望佢有一日會良心發現,放我一條生路,幫返我一次,唯一既一次,亦係最後既一次,就係主動揾我一次,同我講返成件事既前因後果及佢欠我既3個字,咁大家就真係再冇拖冇欠,我個心結亦得以解開,我以後唔會再記掛住佢,亦唔會再在乎佢啦!其實我最希望見到佢有所改變,唔好再成日諗住點去整死佢唔鍾意既人,因為咒人害人最終一定會受返自己種下既惡果,雖然佢從來冇珍惜過我,但我都唔想見到佢痛苦,無論佢點對我都好,我始終都係想佢好,我亦已經係首頁我比佢既留言入面講過,無論何時,只要佢覺得唔開心又冇人肯聽佢傾訴既時候,只要佢肯主動黎揾我,我永遠都會係佢身邊支持佢,咁我對佢都算係有情有義,亦總算仁至義盡啦!就係因為我對佢竟然會有呢種不離不棄既心態,令我覺得我同佢係上世有恩仇未了,所以今世既我先會咁保護佢!坦白講,經此一疫,我個心真係已經好攰好攰啦,我從來冇求過佢任何事,而家我只求佢幫我一個忙,就係係我臨终之前佢可以send個訊息比我,解釋返成件事既始末及講返佢欠我既3個字,解左我呢個心結,幫我達成呢個最後既心願,咁我同佢既恩怨就得以圓滿解決,我就終於可以放低呢個包袱啦!


大宅

積分: 1656

2021勳章


發表於 21-3-14 02:08 |顯示全部帖子

回覆樓主:

那些人有時還會駡我, 説我壞話, 叫朋友梳遠我, 全部是小人, 我也很多小人 驚直那日我很想去打小人, 要打死他們, 他們害我很慘, 不想要見到他們, 全部衰人衰人衰人 很憎很憎他們


珊瑚宮

積分: 110595

2021勳章 精叻鼠年勳章 好媽媽勳章 畀面勳章 環保接龍勳章 BK Milk勳章


發表於 21-3-15 19:20 |顯示全部帖子
本帖最後由 小傑媽媽 於 21-3-15 19:31 編輯
彩虹水晶 發表於 21-3-14 02:08
那些人有時還會駡我, 説我壞話, 叫朋友梳遠我, 全部是小人, 我也很多小人 ...

千祈唔好!
千祈千祈唔好!
打小人係好惡毒咁詛咒人,係作業,此做法不可取!
無錯!你去打小人,見到寫住你仇人個名既纸公仔係一連串惡毒既詛咒之下比人打到甩皮甩骨,斷手斷腳,嗰一刻你會好開心,你會好心涼,你可以暫時宣洩到你心中既忿恨,但你咁係將你既快樂建築係别人既痛苦之上呀!你詛咒他人以得到一時既快樂,但就自己作左業,將來要受返未知既孽報,只係為左報復你唔鍾意既人,值得嗎?諗返真係搞笑,我之前比J害得咁慘,只係係呢度up幾句發洩下情緒啫,嗰d偽判官就屈我詛咒佢,個個走黎聲討我,真係痴痴地,打小人呢d有心有行動既先真係詛咒呀嘛,我根本唔會詛咒人,佢哋硬係要屈我,真係每次諗返起我就好憎嗰d偽判官!
其實如果有人對你唔好,可能係你欠左佢,佢要向你討債,你受左,大家就再無拖無欠,但你打佢小人,等同於向佢宣戰,咁大家既孽債就會越積越多,没完没了,而且詛咒人始終都係作業,對你自己都唔好呀!如果你冇欠佢,佢害你就係佢欠左你,他日佢會還返比你,所以唔需要用打小人既方式去報復!再者,你去打小人,萬一你既詛咒真係應驗左係對方身上,令到對方生不如死,你於心何忍?有乜野咁大仇口要搞到人哋咁樣?雖然你可能好憎呢個人,但見到人哋應驗左你打小人既口訣,受盡折磨,你真係會開心嗎?如果係既話,咁你同嗰d冷血既小人又有咩分别呢?有好多野做左係返唔到轉頭架,所以你要三思,千祈唔好衝動,為左一時既心涼,害左人哋之餘,更害埋自己呀!
其實係J搞到我好嬲既時候,我都有講過會去打小人,但呢d只不過係我發洩情緒既晦氣說話,我當然唔會咁做啦,因為我唔認同呢種報復方式,而且我由始至終都對佢咁好,真心當佢係我妹妹,本來仲以為大家可以做一世朋友,第時老左都可以互相照顧,相伴到老,咁我又點會做害佢既事?點會忍心見到佢受苦呢?我就一定唔會咁做!但係我朋友同我講,話佢講過會去打我小人,如果佢真係憎我憎到要咁黎咒我,咁咪隨便佢囉,反正我從來冇做過任何對佢唔住既事,更加諗都冇諗過要害佢,對佢,我絕對問心無愧,所以我真係驚都未驚過!正如我之前咁講,佢今世對我唔好,就當係我前世欠佢,今世還返比佢,我甘願受晒所有佢帶比我既痛苦,唔會做任何野去報復,但如果我根本冇欠佢,而佢一次又一次以不同方式去害我,咁就係佢欠我,他日佢定必要還返比我!不過如果有得比我揀,我唔會追究,亦唔需要佢還,只希望佢以後好好做人,對佢其他朋友好d,唔好再好似對我咁冷血,開開心心咁過以後既日子就得啦!
其實我覺得總算相識一場,就算最後大家因為性格不合而做唔成朋友,亦可以好聚好散,唔需要搞到互相憎恨,互相傷害既地步!所以我選擇唔記仇,過左去就算,唔會好似人哋咁小氣,憎人憎一世!雖然我同佢可能呢世都冇機會再見架啦,但呢段我真心付出過既友情,會永遠留係我心入面!所以我希望你都唔好再記住,放過你朋友,放過你自己,唔好再諗住點去報復啦!你地以前咁好,有過咁多美好既回憶,何不將呢d珍貴既回憶好好咁留係你心入面,就算你哋真係無緣再見,往後亦可以好好細味當中既甜,反而要讓仇恨掩蓋左美好既回憶,讓甜味變得苦澀呢?
我冇權阻止你任何決定,但佢哋畢竟都曾經係你既朋友呀,你係咪真係咁想見到佢哋受苦呢?希望你諗清楚,過得到你既良心,承擔得起後果先好去做!無論你做任何事之前,希望你記住我既一句說話……
「助人之事不可推,害人之事不可為!」


珊瑚宮

積分: 110595

2021勳章 精叻鼠年勳章 好媽媽勳章 畀面勳章 環保接龍勳章 BK Milk勳章


發表於 21-3-16 00:25 |顯示全部帖子
彩虹水晶 發表於 21-3-14 02:08
那些人有時還會駡我, 説我壞話, 叫朋友梳遠我, 全部是小人, 我也很多小人 ...

臨瞓前,同你分享一首開心既歌,呢首歌充滿我既回憶,希望你聽完之後,帶著愉悦既心,好好咁瞓一覺,瞓醒之後,又係新既一天啦。
https://youtu.be/2vUh_17_iaQ


大宅

積分: 1656

2021勳章


發表於 21-3-24 01:16 |顯示全部帖子

回覆樓主:

很過份, 他們說我賊仔偷野, 又說我弄爛他們東西, 又說我和妹妹又肥又醜, 白痴樣, 又說我和朋友好是同性戀, 還很多很多 他們的口很衰, 我接受不到, 很想很想打小人, 打死他們,我很憎很憎他們叫我朋友不要理我, 衰人衰人全部衰人


珊瑚宮

積分: 110595

2021勳章 精叻鼠年勳章 好媽媽勳章 畀面勳章 環保接龍勳章 BK Milk勳章


發表於 21-3-27 02:23 |顯示全部帖子
彩虹水晶 發表於 21-3-24 01:16
很過份, 他們說我賊仔偷野, 又說我弄爛他們東西, 又說我和妹妹又肥又醜, 白痴樣, 又說我和朋友好是同性戀, ...
其實如果你真係覺得佢哋冇證據而不斷誣衊你,影響你既聲譽及令你情緒受到好大困擾,你可以報警告佢哋誹謗你,用法律途徑去為你申訴,但唔好用打小人呢d手段去詛咒人哋,因為無論佢哋有冇應咒都好,但你有害人既心,已經種下孽債,要自己承受返惡果,係好痛苦架,所以真係唔好咁做,有問題應該要用正當既方法去解決!
我好明白比人誣衊既憤怒,因為我承受過唔止一次,J係我班朋友面前誣衊我既野多不勝數,令我聲譽嚴重受損,令所有人都誤解我;偽判官唔了解事實真相就誣衊我發洩情緒既說話係咒J,仲公開數落我,令其他唔識我既人都比佢誤導埋,搞到我成日無啦啦比唔識既人針對及單打;小學雞不分青紅皂白就誣衊我同佢哋既對頭人夾埋,然後就係山寨網好惡毒咁詛咒我……呢一切一切,你覺我接受到咩?呢班人嚴重咁毁我聲譽,我係咪又要去打佢哋呢?我同你講,我一定唔會咁做,一來我唔會捨得傷害曾經同我做過朋友既人,二來我相信報應不爽,一個人如果做過衰野害過人,一定會得到佢應有既懲罰,每個人都一樣,包括我自己,冇人會例外,所以就算人哋做左對我唔住既事,我都唔會報復,我會選擇原諒,因為有寬懷包容既心,你就會少好多仇恨同怨懟,咁做人都會開心好多!
彩虹水晶,冤冤相報何時了?唔好比仇恨污衊你善良既心,唔好再諗住報復啦,好唔好?你冇左呢班朋友,可以識過第二班,但如果你為左報復去做出傷害别人既事,你會受到良心既譴責,一切就冇得返轉頭架啦!
我係首頁加左一段說話比J,同佢講我預備左一件小禮物比佢,入面包含住好大既祝福,呢個物件只有我家人先會有,我希望佢可以睇到我呢段留言,待佢真正有悔過之心既時候會識得黎揾我,讓我可以將呢份祝福親手交比佢,保佢以後既日子都平安快樂,咁我就走都走得安心啦,不過呢個只不過係我一廂情願既諗法,如果佢一直都唔肯認錯,咁我就呢世都冇機會將呢份祝福交到佢手上,不過我已經做左我想做既事,至於人哋會否接受,我就控制唔到啦!我就係一個咁既人,人哋激到我好嬲既時候,我需要將心中既怒火發洩出來,否則後果會不堪設想,但發洩完之後,我就真係可以不計前嫌,我都唔知我呢個性格到底係好定唔好,我只知道將仇恨一直埋藏係心入面會好痛苦,能夠適時將怨氣釋放出來,咁先可以真正釋放到負面情緒,令自己從黑暗中走返出來!
你又幾時先可以釋放你既怨氣,忘記佢哋,重新出發呢?


珊瑚宮

積分: 110595

2021勳章 精叻鼠年勳章 好媽媽勳章 畀面勳章 環保接龍勳章 BK Milk勳章


發表於 21-3-28 14:35 |顯示全部帖子
彩虹水晶 發表於 21-3-24 01:16
很過份, 他們說我賊仔偷野, 又說我弄爛他們東西, 又說我和妹妹又肥又醜, 白痴樣, 又說我和朋友好是同性戀, ...

呢段影片入面既語句講得好有意思,so touching,同你分享下,希望你思考下入面既說話,畢竟人生既時間好有限,你係咪應該放低執著,重新起步,唔好再浪費時間係一個已經淡出左你生命既人身上呢?入面有一句講得好好,「結怨」不如「結緣」,與其花時間去同你既無緣人「結怨」,倒不如比多d機會自己去認識其他人,同其他有緣人「結緣」,咁唔係更實際,更有希望咩?

https://youtu.be/gX6MgF4hzx4


大宅

積分: 1656

2021勳章


發表於 21-3-30 03:39 |顯示全部帖子

回覆樓主:

我又睡不到, 不打我洩不到恨, 他們很可惡, 我很憎很憎很憎他們 但是我不打我朋友, 我跟你一般也是捨不得
我對他們最好, 怎么他們這么衰對我, 我不金心, 我也是要他們道歉才不難過, 我又知他們不會這么, 我不打發淺不到, 很辛苦 做人很辛苦


珊瑚宮

積分: 110595

2021勳章 精叻鼠年勳章 好媽媽勳章 畀面勳章 環保接龍勳章 BK Milk勳章


發表於 21-3-31 03:20 |顯示全部帖子
彩虹水晶 發表於 21-3-30 03:39
我又睡不到, 不打我洩不到恨, 他們很可惡, 我很憎很憎很憎他們 :naughty ...
如果你想去打小人既心態係純為發洩,冇害人之心的話,或者咁啦,你可以去打小人既,但就唔好刻意諗住打邊個,你個心只係諗住想打走你身邊對你唔好既小人就算啦,咁我估應該唔算係詛咒人吧?不過都係嗰句啦,我唔建議你咁做,因為心存惡念對自己都會有負面既影响,人哋對你唔好,甚至害過你,佢自會得到應有既懲罰,你犯不著為左呢d人去增加自己既罪孽,而如果你既朋友真係因為咁有唔好既遭遇,他日你一定會後悔,所以一定要三思呀!
記住三好格言……
「做好事,說好話,存好心」
仲有我既三不格言……
「不記仇,不報復,不放棄」
我既「三不」,意思即係人哋對我唔好,傷害左我既感情,令我好嬲好心痛,我發洩完心中既怒氣之後就唔會再記係心,亦唔會向對方做出報復性既行為,若然對方知錯,有悔意,肯承擔,肯道歉,我就絕對唔會輕易放棄呢個人,對佢亦唔會再心存芥蒂,會依舊真心真意咁對佢!
不過,畢意我哋都係人,係人就會有情緒,面對曾經傷害過我哋既人,如何放低成見呢?所以「三好」同「三不」都好難做架,盡力而為啦!
我哋係應該要對人好,關心别人,但我哋對人好完全係出於自願性質,不能有所要求!如果人哋同樣對我哋好,表示佢係一個善良又懂得感恩既人,我哋要更加善待佢,相反,如果呢個人反轉豬肚對我哋唔好,只代表佢係個自私自利既人,對關心佢既人予取予求,只求接收,不願付出,呢種人係衰,但我哋唔可以因為咁就遷怒於佢,甚至報復佢既不感恩,因為佢冇要求你對佢好,一切都係你自願,所以佢亦唔需要報答你既恩惠!你話你班朋友咁對你,你好唔甘心,要去打佢哋小人發洩,咁我想問你,你覺得我對你好唔好呀?我由前年到而家一直係呢度陪住你,扶持你,每次回覆都寫一段好似論文咁長既留言去開解你,絞盡腦汁咁幫你諗辦法揾出路,我甚至冒住再一次情緒崩潰既風險,將我心中最痛最痛既經歷重新感受一次,同你分享我走過呢條路既經驗,目的只為幫你擺脱呢件事對你造成既陰影,希望你可以重新振作,過返開心既日子,試問當今世上會有幾多個素未謀面既人肯為你咁做?我做左啦,但我有冇要求你為我做任何野去報答我?我為你做左咁多野,全心全意去幫你,但你依然不為所動,仲匿係個黑洞入面唔肯出來,我做既一切似乎已經白費心機,咁你覺得你對我又好唔好呀?對我,你有冇感恩之心?如果你話你對你朋友好,但佢哋對你唔好,你就要去打小人詛咒佢哋黎報復,咁我對你咁好,你完令唔領情,嘥我心機嘥我時間嘥我感情,咁我係咪又要向你報復呀?
唔好再諗呢d啦,諗都冇意思,只會令自己越來越唔開心,你一直將自己困係呢段孽緣入面糾纏不清,咁你就永遠都活在過去,走唔返出黎架啦!
你自己思考下我今日講既說話,再諗下自己應該點做啦!


翡翠宮

積分: 75469

牛年勳章 2021勳章 2018復活節勳章 開心吸收勳章


發表於 21-4-1 17:50 |顯示全部帖子
小傑媽媽 發表於 19-2-23 13:10
給J的留言 :
25/3/2021 更新 : 我預備左一件東西比你, 呢個係好大既祝福, 只有我個仔先有, 其他人唔會有, ...
好的嗎?


珊瑚宮

積分: 110595

2021勳章 精叻鼠年勳章 好媽媽勳章 畀面勳章 環保接龍勳章 BK Milk勳章


發表於 21-4-1 22:35 |顯示全部帖子
20150618bb 發表於 21-4-1 17:50
好的嗎?

吓?


大宅

積分: 1656

2021勳章


發表於 5 天前 |顯示全部帖子

回覆樓主:

有人說小人一定要打走, 不打一世沒好運, 我也真很多衰運, 都是他們害我, 影響了我, 沒了我朋友, 我生病, 沒開心過, 心情差, 很多不好事發生, 所以我要打走這么小人, 想自己過得好點, 那些小人令我們不能一起, 我十分十分討厭他們, 小人死了最好


大宅

積分: 1656

2021勳章


發表於 4 天前 |顯示全部帖子

回覆樓主:

三好三不我不會做, 我很紀仇的, 我要小人受報應, 他們一直害我, 做很多壞事害我, 怎么沒報應, 是不是天沒看到

首頁

尾頁

跳至
你需要登錄後才可以回帖 登入 | 註冊