嬰兒醫護 今日: 0|主題: 79092

Hi S1uk1u ，BB幾大? 肚仔有冇漲漲實實咁? 放唔放到屁? 如果BB有肚風排唔到出黎，都會比較扭計/瞓得唔好，媽媽可以係食奶前/兩餐中間，5隻手指靠攏掌心微曲，用陰力順時針方向按摩肚仔，先從5分鐘開始，然後延長到10-15分鐘，促進腸道蠕動同放屁，皮膚觸摸亦有安撫BB情緒作用。

初生BB腸道未成熟容易有肚風， 排除左唔舒服因素，肚風係比較常見令BB經常哭鬧嘅原因，食奶前用飛機抱/順時針按摩肚仔/掃一陣風/BB平躺左右腳輪流提高(好似踩單車咁)，刺激腸道蠕動和放屁，清左d 風先餵奶，食飽奶後將BB抱高少少伏係您膊頭，肚仔貼住您心口黎掃風(背脊深長咁掃上去)， 媽媽睇下有冇幫助。