Hello bb19770101,每個小朋友的性格和發展步伐都不一樣,最重要係爸媽及照顧者對小朋友有耐性,提供一個適當鼓勵及學習機會的語言環境,增加佢溝通的意欲。小朋友鍾意模仿爸媽講說話,媽媽可以多D時間同佢相處和互動,用誇張口型示範佢睇點樣發音。多D描述眼前事物及日常活動,將小朋友會講的單字/詞和動作連結,例如當媽媽洗手時講: 「媽媽洗手」,當小朋友玩緊波時講: 「(小朋友名) 玩波波」,平時可以利用不同問句,例如「(小朋友名) 做緊咩」或「(小朋友名) 想要咩」 ,可以提高小朋友的理解與表達能力。媽媽有冇試過?