本帖最後由 858D 於 19-3-8 13:31 編輯
PTMCYS 發表於 19-3-7 23:19
我次次跟太太吵架完都會反省, 點解會又吵..... 一般我地吵架都係因為仔仔教導和其他觀點的問題, 而不是討 ...
你太太係懂揀男人做老公。因為她知她「食」得住你。如果她當年揀個醫生,她知她唔會「食」得住個醫生。(而且嫁唔嫁得成都未知)我就唔可以好似你太太咁「食」得住我前夫。
我前夫鬧女時,我一定唔會好似你太太咁禁住老公。佢連我都鬧埋。
講到喊,我成日喊(我小時花名叫 「喊包」),都冇用。唔會使我前夫擔得起頭家來養。
我都好傳統喔。我嫁雞隨雞,嫁狗隨狗。我就同人講我嫁著我前夫,就如嫁著猴子,跟住佢隨山跑。
我當年為了可以畀佢做大男人,我打工養佢,攻書,望夫成龍。點知,而家佢D學費都係我來同佢還。
我當年為了可以做小女人,遲了我份高薪,帶住退休冇收入的父母同剛出生的大女,跟佢搬去第二個州,靠佢微薄的教職過。結果我媽生日,我地連一碗雲吞麵都冇錢買畀佢食。未都兩年,佢受唔到打工仔D氣,要我頂住,打工仔D氣我來受,等佢可以辭工,再慢慢搵個第份。點知,要照顧個女,如此過了12年。我日喊,夜喊,喊到要自己LEE埋喊,唔好影響我前夫同D女。
嘈交,我冇同前夫嘈喔。冇頂佢嘴,好在佢鬧一句起,兩句止,而且好有point。反省果個係我,唔係佢,點解我會惹怒佢呢?下次點避免唔好畀人鬧呢?
Love is when the other person’s happiness is more important than your own ~ H. Jackson Brown