懷孕前後今日: 0|主題: 329674

收藏本版

發帖

返回列表

跳至頁

查看: 24793 | 回覆: 136

傳說中嘅陣痛真係攞我命三千

12 3 4 5...7

KatKatkatkathy

複式洋房

積分: 411

發表於 19-3-11 18:11 |顯示全部帖子

生bb係每個家庭都想經歷嘅過程，
每當呢個重大時刻要來臨嘅時候，會又驚又期待。
純屬為自己做一個紀錄，而好似無乜瑪麗嘅分享，等我紀錄一下先。不喜勿插！

預產期係12Dec2018
背景：period 一直都無準過，所以去婦科檢查，check到多囊卵巢症，抹片檢查定唔知咩乳線素高(其實我都唔知係咩），同埋因為婚前檢查到個抗體低咗少少，咁順便打埋德國痲疹針，真係財少身子都弱啲。打完針一個月後就有左，難以置信同擔心，因為打完針，睇左兩個醫生都話ok，仲有個醫生特登即時揾哂資料數據話無事，就唯有相信科技。

私人傳訊

KatKatkatkathy

複式洋房

積分: 411

發表於 19-3-11 18:15 |顯示全部帖子

攞我命三千。2
正題：
一直產檢都好健康，只係b鏈檢查check到有b鏈，到時生嘅時候要打抗生素。
教書關係，經常要行黎行去。
38週開始放產假，日日都希望bb快啲出黎，唔想浪費啲假，寧願生完用黎陪bb
呢一週產檢，無啦啦驗到小便有尿蛋白，量血壓又高，一直都未試過，所以要留多一個鐘check bb心跳，抽血，同再驗多次小便，因為擔心有妊娠毒血症，真係嚇我一跳，之後39週去睇驗血報告無事，小便血壓都正常返，醫生仲比定催生期我。
呢兩個星期產假都過得好爽YY
High Tea，Shopping，大條道理等老公煮飯，肆無忌彈食芝麻糊，綠豆沙，汽水薯片，因爲坐月無得食，仲要食得清過懷孕期(都係聽人講）

私人傳訊

KatKatkatkathy

複式洋房

積分: 411

發表於 19-3-11 18:15 |顯示全部帖子

攞我命三千。3
產假兩個星期無乜動靜，日日都同bb講快啲出黎，出黎就有奶奶食，咁分泌就淨係比平常多左少少分泌，無乜特別，點知預產期前一日11Dec見紅($5銀大，去完toilet抹到粉紅色)，無規律痛，心諗咁準時？唔通痛到12號生(再次感嘆科技嘅偉大，係點樣知道我12號生得？)
因為第一胎乜都唔識，第一時間覺得應該要入左院先，未必會好快生嘅，聽聞有D會隔幾日！有D又痛好耐
因為無規律痛，而又忍到，所以沖定涼等老公放工返黎，諗住睇埋愛回家大小姐就拎走佬袋上瑪麗，點知係睇tree根，咁就睇一半就走人，我仲話搭小巴，因為唔太痛，屋企去瑪麗只需5-8分鐘車程，分分鐘快過截的士。

私人傳訊

KatKatkatkathy

複式洋房

積分: 411

發表於 19-3-11 18:22 |顯示全部帖子

攞我命三千。4
去到瑪麗直上K9南產前房，老公去搞登記，我就留喺度問症，磅重，驗小便，換衫，駁機Check BB心跳同宮縮，老公出面等，因為唔係探病時間，所以無得留低。
終於係9點幾10點攪掂晒D野，可以出外面見一見老公，之後佢就返屋企抖。
而我就返去張床都攤下，聽到隔離床位媽媽又努力忍痛中，佢棧燈向住我呢邊照，陌生環境又緊張，所以瞓唔著，仲睇my tv 大帥哥(不是廣告(emoji)) 瞌下痛下(無規律7-20分鐘，有時30分鐘先痛一次) 幾經辛苦挨到6點，有姨姨同姑娘黎量體溫同血壓，7點左右就派早餐，肉碎粥，食到一半醫生黎左，循例問吓幾耐痛一次，痛密左同姑娘講。