懷孕前後

跳至

首頁

尾頁
   0


子爵府

積分: 12746

2019新春慶豚圓


發表於 19-3-12 16:50 |顯示全部帖子
chichamom 發表於 19-3-12 16:17
如果2個都係英籍唔需要喺嗰邊生咖喎!反而我依家都掙扎緊去唔去英國生,因為我老公唔係兼英籍。以前小朋友 ...

本帖最後由 Nbs 於 19-3-12 16:53 編輯

得我一個係英籍咋,我老公唔係呀。
不過我朋友兩公婆都英籍,但佢地個英籍係佢哋父母傳比佢地的,講到明只傳一代不能再傳,所以佢地小朋友要去英國生先有英籍。


洋房

積分: 88


發表於 19-3-12 16:53 |顯示全部帖子
basilmama 發表於 19-3-12 16:20
你老公係咪英藉?理應,阿仔可以申請

媽媽無,得bb爸爸有英藉,仲要係by descent,所以焗住要去嗰邊生


子爵府

積分: 10866

2019新春慶豚圓 2019勳章


發表於 19-3-12 16:57 |顯示全部帖子
lilianyin03 發表於 19-3-12 16:53
媽媽無,得bb爸爸有英藉,仲要係by descent,所以焗住要去嗰邊生

https://workpermit.com/immigration/united-kingdom/british-citizenship-descent-or-otherwise


子爵府

積分: 12746

2019新春慶豚圓


發表於 19-3-12 17:00 |顯示全部帖子
lilianyin03 發表於 19-3-12 16:14
過去生當然為呀b國藉了,老爺奶奶亦住英國,好想我過去生。。。但我又要辭工,老公又吾可以話辭左份工陪我 ...

haha 我未諗點樣幫我小朋友整英籍呀,未研究,等佢大 d 先諗啦反正d rules 又唔知會唔會轉。有英籍的話而家入學有用 (IS 的話), 但其他方面就無分別喇。
我朋友英國公家生完experience 真係麻麻,第二胎無再去喇。 英國的 NHS 同 HK 的 HA 係同一system 的。 生仔點生都好最緊要睇得緊睇得好,因為生仔可以好多突發事情。


大宅

積分: 2466

2019新春慶豚圓 2019勳章


發表於 19-3-12 17:03 |顯示全部帖子
lilianyin03 發表於 19-3-12 16:14
過去生當然為呀b國藉了,老爺奶奶亦住英國,好想我過去生。。。但我又要辭工,老公又吾可以話辭左份工陪我 ...

睇完你既理由. 我覺得你其實可以唔使諗. 一定留返香港生.
過去你指意6299幫你坐月嗎? 你有無同佢地住過先? 夾唔夾到? 另外, 如果你未係英國生活過, 一黎就要去生仔同坐月. 老公同你媽媽都唔係果邊. 有咩情緒/生活問題無人可能幫到你. 英國生活唔係你想像中咁美好 (利申, 我係果邊生活左10年, 宜家已回流返HK).
如果為國藉, 其實除非你想小朋友將來係果邊讀書長住 (讀私校交 local 學生學費, 比起國際學生係平好多), 否則英國passport 唔比HK passport 好.
有樣野你都可能要 check下. 因為人地既醫保係保佢地既公民. 佢地係可以唔使錢睇醫生 (開藥要另收錢)如果你唔係有英國國藉, 政府醫院會唔會收費好貴就唔知喇. 再者, 其實佢地都係好白鴒眼. 你一定要預左有岐視. 你唔係佢地種族膚色, 係唔會點融入到. 除非你一早識果D醫生姑娘. 否則, 同我地HK人睇大陸人/南亞人都係一樣, 覺得黎掴福利.

為自己同BB, 香港生其實好處似乎比英國多. 再想想吧.


水晶宮

積分: 53718

2019新春慶豚圓 2019勳章


發表於 19-3-12 17:56 |顯示全部帖子
如果日後全部人會英國生活我會英國生。



複式洋房

積分: 421

2019新春慶豚圓


發表於 19-3-12 18:38 |顯示全部帖子
lilianyin03 發表於 19-3-12 15:10
正煩緊去吾去英國生好吾好,但又怕英國生坐月坐得吾好,又怕英國凍,又無屋企人陪伴,好苦惱,不知大家有何 ...

我姑奶英國人,爸爸冇英藉
佢個女都有uk passport
我先生係英國人,我一定會係香港生
你係英國生完,好快叫你出院
係英國有陪月,不過好貴
我聽閒外國人生仔唔係免費
我老公話如果我係uk生
係要俾錢
好似話係冇俾過NHS medical insurance
correct me if I am wrong


洋房

積分: 88


發表於 19-3-12 19:00 |顯示全部帖子
klsabb 發表於 19-3-12 17:03
睇完你既理由. 我覺得你其實可以唔使諗. 一定留返香港生.
過去你指意6299幫你坐月嗎? 你有無同佢地住過先? ...

你講得啱,我真吾放心6299同我坐月,係嗰邊咩環境大概都想像到,我都真係吾係幾想,我過去生,無非都係為左呀b可享受local 讀書福利,除左禁無其他原因,請教下如果真係吾過去生,有無其他方法可攞國藉or享收local 讀書福利(BB爸是有英藉的)


大宅

積分: 4418

2019新春慶豚圓 2019勳章


發表於 19-3-12 19:30 |顯示全部帖子
lilianyin03 發表於 19-3-12 16:50
請問你知吾知媽媽無英藉,得爸爸有,如果媽媽過到去英國可否免費係政府生?
...
咁我明白喇爸爸喺by descent, 即bb已經係第三代如果唔係英國出生就無英籍,咁你個case就真係要考慮bb係咪要係當地出生直接攞英籍定係之後申請小朋友過英國入籍(如香港生的話),而我個case就同你相反,我要返香港生B先可以同bb攞香港身份證,雖然我哋之後都會返英國生活,但我都希望B B可以有兩個國籍!

咁不如我講講係英國嘅情況,如果喺英國想喺公立醫院(NHS)生b咁你就要去攞NHS Number, 有住址應該就攞倒,然後就預約當地醫生(當地醫生叫GP)見一見,咁GP就會refer你去NHS見midwife定期做產檢!

你將會以visitor身份入境,定你已經有dependant visa或將會申請?
你現在幾多weeks? 其實好視乎你用咩身份入境, 如你週數好大又用visitor身份入境(即使老公係英籍),咁都要小心immigration會拒絕你入境,咁你同B B都會辛苦,如你順利入境以visitor身份而又非緊急治療見公立醫生或醫院會有收費,佢哋會問你係咪喺英國住滿六個月或以上! 當然如果你有 任何一種可以長時間留英國嘅簽證,以上嘅嘢就唔係問題!另外係如果你老公不在身邊,你會否唔習慣?陀B時身邊嘅人同環境對自己都幾重要㗎,陀B都要開開心心㗎嘛,係咪!除了倫敦或曼城有地鐵外,英國其他地方都需要揸車, 你英國家人係咪會揸車同你去產檢?Mama, 你可以諗下以上啲問題先決定,我明白你的,大家都係想為B B好,加油!




洋房

積分: 88


發表於 19-3-12 21:26 |顯示全部帖子
peggy1020 發表於 19-3-12 19:30
咁我明白喇爸爸喺by descent, 即bb已經係第三代如果唔係英國出生就無英籍,咁你個case就真係要考慮bb係咪要 ...

好多謝您詳盡嘅解釋同,好好開心終於有人明白我,身邊6299親戚朋友都只顧叫我過去生,無理過我感受...真係就黎人都癲。。

我應該係以visitor嘅身份入境,亦無証據証明係英國住滿六個月以上,亦無申請過任何簽証,禁即係我係政府生都要當外國人禁收錢?你意思我係最小要生之前六個月要申請visa,生之前最小要stay 係英國六個月?禁即話係我最小要自己對住6299 5個月?! 我現在只係7weeks


大宅

積分: 2787

2019新春慶豚圓 2019勳章


發表於 19-3-12 21:41 |顯示全部帖子
lilianyin03 發表於 19-3-12 21:26
好多謝您詳盡嘅解釋同,好好開心終於有人明白我,身邊6299親戚朋友都只顧叫我過去生,無理過我感受...真係 ...

以visitor身份去英國生仔
真心叫你唔好去
先唔好講錢呢個問題
個邊d面口歧視仲差過香港


洋房

積分: 88


發表於 19-3-12 21:52 |顯示全部帖子
肥虎虎 發表於 19-3-12 21:41
以visitor身份去英國生仔
真心叫你唔好去
先唔好講錢呢個問題

明白!好多謝您嘅意見!


洋房

積分: 54


發表於 19-3-12 22:48 |顯示全部帖子
有!同樓主一樣老公係by descent(我自己冇英國國籍),所以諗住飛去英國生。好彩宜家間公司包我worldwide生仔嘅費用,所以都諗住去私家生,但係都幾無從入手,唔知應該揀邊間醫院,又唔知香港同英國嘅產檢要點樣接洽⋯


大宅

積分: 4418

2019新春慶豚圓 2019勳章


發表於 19-3-12 23:50 |顯示全部帖子
lilianyin03 發表於 19-3-12 21:26
好多謝您詳盡嘅解釋同,好好開心終於有人明白我,身邊6299親戚朋友都只顧叫我過去生,無理過我感受...真係 ...
醫生或院方會問你係唔係喺英國住滿超過6個月, 應該係釐定你係visitor定係合法逗留英國人仕,
其實你以Visitor身份入境生b係比較冒險,因為你未有合法逗留英國嘅身份就算B B係英國出生,bb都可能攞唔到英籍passport(雖然爸爸係英藉),英國唔同香港唔係話本土出生就可以攞公民身份,而且你的護照(特區或bno)逗留英國期限都只係六個月,如果你overstay咗,之後你想再入英國境就會變得好困難!喺英國呢度公民係需要畀醫保才可享用醫療福利,所以你個case一般嚟講都要收費而且唔會平!

你一個人放棄工作隻身到英國陀B,雖然話有老爺奶奶係英國照顧, 但係係咪有信心同兩個老人家相處冇問題? 而且英國啲天氣好差日日都係灰灰暗暗有陽光嘅日子係好少, 我怕你適應唔到會depress! 睇完你嘅背景後我相信以你個case 如果想申請bb入英籍正常做法係爸爸回英國生活及工作,然後再申請你同bb入籍!Mama,你唔需感到沮喪,你而家陀緊B咁就做一啲你認為開心而感到舒服嘅事,勿勉強自己!慢慢同老公再商量下利與幣,相信你身邊嘅人會諒解你的!


民房

積分: 723


發表於 19-3-13 01:05 |顯示全部帖子
我啱啱喺英國生完bb無耐,如果淨係講生bb環境,英國公立醫院真係唔差,我都唔感受到歧視。英國公立產檢制度同香港政府一樣,第一次產檢係第12週,如果你要產檢密啲,可以搵私家醫院檢查,最後可以去返公立生。生嗰陣醫院人手足夠,midwife,護士,醫生check得好密。生前有得去醫院上堂學照顧bb,生後又有breastfeeding support。

其實都係睇吓你同屋企人覺得呢個passport係咪好重要,如果係,我會喺英國生,始終如果miss咗呢個機會,之後要拎返個passport唔容易。

當然陪月/你屋企人support都好緊要,坐月係英國比較難搵到材料,有心理準備係好簡單既坐月。屋企人可唔可以過黎陪你坐月呢?


FB體驗帳戶

積分: 20


發表於 19-3-13 06:42 |顯示全部帖子
alicea 發表於 19-3-13 01:05
我啱啱喺英國生完bb無耐,如果淨係講生bb環境,英國公立醫院真係唔差,我都唔感受到歧視。英國公立產檢制度 ...

細仔英國nhs,大女香港c家生,好後悔係香港生...nhs 環境勁好可以選擇水中生產全情單人房,係西人膳食差d囉。唔覺有歧視渦midwife doctors 全部勁好勁溫柔,生完midwife 仲會親自上我屋企睇我同bb。香港個d姑娘好似我殺佢全家咁,生仔個時又催又鬧不知所謂


民房

積分: 723


發表於 19-3-13 07:06 |顯示全部帖子
ShenDelia 發表於 19-3-13 06:42
細仔英國nhs,大女香港c家生,好後悔係香港生...nhs 環境勁好可以選擇水中生產全情單人房,係西人膳食 ...

係呀!其實nhs環境真係幾好~我都係單人房呀,有獨立洗手間,又有fitball,yoga mat提供,如果想浸pool都可以。最緊要係初期陣痛開始老公已經可以陪住。最差真係伙食,但都有熱食,仲有雪糕同布甸做甜品,比我想像中好好多。生完好似你咁講,有midwife同姑娘上門磅重同教breastfeed。我都好滿意啦


洋房

積分: 88


發表於 19-3-13 09:16 |顯示全部帖子
batina 發表於 19-3-12 22:48
有!同樓主一樣老公係by descent(我自己冇英國國籍),所以諗住飛去英國生。好彩宜家間公司包我worldwide ...

你間公司禁好嘅。。。正常咩都吾包架喎


洋房

積分: 88


發表於 19-3-13 09:18 |顯示全部帖子
peggy1020 發表於 19-3-12 23:50
醫生或院方會問你係唔係喺英國住滿超過6個月, 應該係釐定你係visitor定係合法逗留英國人仕,
其實你以Visi ...

禁其實我係咪依家即刻申請dependant visa就可解决錢嘅問題同bb一定入到藉?


複式洋房

積分: 103


發表於 19-3-13 09:46 |顯示全部帖子
lilianyin03 發表於 19-3-13 09:18
禁其實我係咪依家即刻申請dependant visa就可解决錢嘅問題同bb一定入到藉?
...

現在申請dependent visa 應該要等耐啲。因為Brexit, 政府建議UK passport 期效少過一年的去Renew passport, 政府好忙。過一排可能快少少。

首頁

尾頁

跳至
你需要登錄後才可以回帖 登入 | 註冊