懷孕前後

跳至

首頁

尾頁
   41


別墅

積分: 634


發表於 19-3-14 23:41 |顯示全部帖子
今天BB順利出世,趁記憶猶新,想記錄一下給各位準備在荃灣港安醫院開刀的媽媽作參考。

由於我是在早上九時開刀,所以會在開刀前一晚九時到醫院辦手續。在入院部辦完手續後,會有一張探熱分流紙給我到急診中心護士站探熱,然後會直接上十二樓產科病房。

到產科病房後,護士跟我做一連串量血壓、量體重等等基本檢查後,然後要選擇奶粉牌子(即使預備母乳喂哺的媽媽亦要選擇奶粉),填好會否替BB做聽力測試、老公會否陪產等等文件。

待文件處理好後,就要到觀察房駁機觀察BB心跳,途中會有助理進來幫我剃下身的毛髮及抽血,觀察半小時後就會安排到病房休息,準備第二天開刀。


別墅

積分: 634


發表於 19-3-14 23:41 |顯示全部帖子
醫院會附送一大包孕婦用品及入院包,孕婦用品包括洗下身瓶、孕婦衛生巾、紙底褲及床墊等等,入院包有牙刷牙膏、沐浴用品等等梳洗用具。
各位媽咪可以按需要自行決定要帶什麼私人用品,不過我覺得記緊要帶乳墊、拖鞋、保溫瓶(焗炒米茶用),其他物品即使帶漏,也可以叫家人在開刀後帶過來。
當天晚上凌晨十二時開始禁食,然後到第二天約早上八時,護士安排我換上手術袍,八時半左右推我去手術室。
這時,老公陪產的話亦會一同跟去手術室。


別墅

積分: 634


發表於 19-3-14 23:42 |顯示全部帖子
到手術室後,會有麻醉科醫生過來解釋開刀風險及簽同意書,然後我就被推到手術室內,老公就暫時要在手術室外的梳化等候。
進入手術室後,麻醉科醫生會在我其中一邊手種上鹽水豆,然後護士幫我轉身,指示我胸口貼下巴,身體盡量呈弓型,方便麻醉科醫生在後下背打半身麻醉計。
醫生手勢很好,我只是覺得一下被針戳的感覺,就已經打完麻醉。
很快在肚皮以下的身體位置已經完全沒有感覺,護士在這時才會插尿喉,所以插尿喉過程完全沒有任何不適。
可能是我個人體質問題,打完麻醉後有些反胃作嘔,以及開始會昏昏欲睡,但還能清楚知道身邊發生什麼事。


別墅

積分: 634


發表於 19-3-14 23:42 |顯示全部帖子
一切準備好後,老公亦可以穿上保護衣入手術室陪產。
幫我開刀的是張智醫生,待張醫生來到後,護士會用一塊無菌布打直放在我胸前,所以我和老公不會看到開刀的過程。
張醫生手勢很好,約十分鐘左右就說BB準備要出來,這時麻醉科醫生幫忙在我的肚子用力一壓,我就立即聽到BB的哭聲,整個過程我一點感覺都沒有,連張醫生幫我縫好了傷口也全無感覺。
BB出世後,護士就問老公有否帶電話,可以幫BB拍照,然後護士亦會抱BB過來幫我們一家三口拍照,會有一張A4大小的照片送給我們。


別墅

積分: 634


發表於 19-3-14 23:42 |顯示全部帖子
隨後我被推到觀察房,吊上含有止痛藥的生理鹽水,老公就去了幫BB象徵式剪臍帶,由於打了麻醉藥,我在整個過程都昏昏欲睡,在觀察房睡了一會後 ,約十一時多,我就被送回病房。
送到病房後,護士給我再看多次BB,就帶BB去洗澡及等兒科醫生上來檢查。
約下午三時左右,麻醉藥效果開始慢慢退去,開刀傷口就開始隱隱作痛,但可能有止痛藥一直慢慢透過鹽水豆注入身體,我覺得這種痛是可以忍受,若果真的太痛,可以要求護士給口服止痛藥或打止痛針。
開刀後第一天不能下床,所以會有護士定時幫我清潔下體及換衛生巾,約四時多就可以嘗試喝水,若沒有反胃嘔吐的話就可以喝粥水。


別墅

積分: 634


發表於 19-3-14 23:43 |顯示全部帖子
護士亦有問我會否嘗試埋身喂母乳,在喂母乳過程中我遇到困難亦會幫手,雖然BB不太合作,今天沒有很順利喂到母乳,但護士說待明天我可以下床後,她們會再幫我埋身喂BB。
暫時覺得比較難受的是開刀傷口比想像中痛,但其他都覺得很好,麻醉科醫生及張智醫生都很好,雖然還未知道開刀傷口到底有多大,但起碼到現在為止給我的感覺都是快、靚、正。
而由急診中心到產科的護士都很有禮貌,很隨和,基本上一有需要就可以隨時找到她們來幫忙,特別是開刀後,晚上想好好睡一覺,完全不用擔心BB,因為護士會幫忙喂奶換片等等,所以可以在出院前爭取時間好好休息,回家後就要開始BB大作戰。


別墅

積分: 634


發表於 19-3-14 23:43 |顯示全部帖子
雖然說探訪時間是早上七時到晚上十時(單人房的話家人和BB都可以24小時陪身邊),但都建議媽咪們要休息夠才叫家人來探訪,因為開刀後除了很累,傷口亦會開始痛,這時間休息才是最重要。
家人若果來探BB,暫時只可以隔住玻璃看BB,始終BB剛出世抵抗力弱,也不適合讓太多人抱BB。
港安會安排攝影師到院拍家庭照,入院時護士會按排拍照時間,所以媽咪們可以病少許化妝品,和BB一起留個美麗的回憶。(開刀後的樣子太殘,雖然開刀後護士幫我們拍了很多照片,但我的樣子真的OMG)

這是我在港安醫院生產的過程,希望可以幫到準備在港安開刀的媽咪們,不用太擔心,新手爸媽一齊加油努力!


洋房

積分: 89


發表於 19-3-14 23:59 |顯示全部帖子
MokFuMaMa 發表於 19-3-14 23:43
雖然說探訪時間是早上七時到晚上十時(單人房的話家人和BB都可以24小時陪身邊),但都建議媽咪們要休息夠才 ...

恭喜曬呀樓主 黎緊6月都會係港安生 考慮緊開刀,請問幾錢埋單呀最後?


別墅

積分: 634


發表於 19-3-15 00:09 |顯示全部帖子
Wendy811 發表於 19-3-14 23:59
恭喜曬呀樓主 黎緊6月都會係港安生 考慮緊開刀,請問幾錢埋單呀最後?
...

因為未正式出院,所以唔知確實價錢,又唔知BB要唔要照燈,到正式辦左出院,有張收據再share


洋房

積分: 89


發表於 19-3-15 00:37 |顯示全部帖子
MokFuMaMa 發表於 19-3-15 00:09
因為未正式出院,所以唔知確實價錢,又唔知BB要唔要照燈,到正式辦左出院,有張收據再share
...

好呀,好好休息,恭喜曬


複式洋房

積分: 480


發表於 19-3-15 01:52 |顯示全部帖子
本帖最後由 lapcheung9x3 於 19-3-15 01:56 編輯

謝謝你既詳細資料,我都暫定9月會喺港安開刀,諗緊全麻定半麻. 請問打背脊支麻醉針痛唔痛?另外請問手術過程中,會聽到手術用具既聲嗎?仲有,請問由打麻醉針到推返出手術室大約幾耐?唔好意思,好多問題,我係第一胎驚青高齢媽媽.... 😅thanks


別墅

積分: 634


發表於 19-3-15 02:14 |顯示全部帖子
lapcheung9x3 發表於 19-3-15 01:52
謝謝你既詳細資料,我都暫定9月會喺港安開刀,諗緊全麻定半麻. 請問打背脊支麻醉針痛唔痛?另外請問手術過 ...

打麻醉針個感覺好似平時抽血咁,針吉一下咁,我覺得唔痛呀。
因為打左麻醉,會好眼訓,唔會留意到周邊既聲音,我就無聽到啲工具聲,依家記憶入面淨係記得BB出黎果下喊聲。


別墅

積分: 634


發表於 19-3-15 02:20 |顯示全部帖子
lapcheung9x3 發表於 19-3-15 01:52
謝謝你既詳細資料,我都暫定9月會喺港安開刀,諗緊全麻定半麻. 請問打背脊支麻醉針痛唔痛?另外請問手術過 ...

唔駛擔心呀!我八點半左右打麻醉,到出手術室約兩個左右。開刀過程真係一啲都唔痛,好快就見到BB,我開刀前都好緊張,但生完之後諗返又無想像中咁恐怖!所以你都唔駛咁擔心,好好養胎,BB會健健康康咁出世嫁!


複式洋房

積分: 452


發表於 19-3-15 09:51 |顯示全部帖子
MokFuMaMa 發表於 19-3-14 23:43
雖然說探訪時間是早上七時到晚上十時(單人房的話家人和BB都可以24小時陪身邊),但都建議媽咪們要休息夠才 ...

開刀傷口比想像中痛,可唔可以接受呀?
我都係搵同一個醫生呀,六月生

好好休息呀媽媽


別墅

積分: 634


發表於 19-3-15 11:21 |顯示全部帖子
zz724 發表於 19-3-15 09:51
開刀傷口比想像中痛,可唔可以接受呀?
我都係搵同一個醫生呀,六月生

唔算太痛,因為keep住食止痛藥,我覺得可以接受呀!
你好好安胎呀,仲有幾個月就見到BB


複式洋房

積分: 452


發表於 19-3-15 11:33 |顯示全部帖子
MokFuMaMa 發表於 19-3-15 11:21
唔算太痛,因為keep住食止痛藥,我覺得可以接受呀!
你好好安胎呀,仲有幾個月就見到BB
...

生完又另一個世界啦,你要加油呀
你係住邊款房,仲有冇得free upgrade?
聽人講好似可以request 薑水? 係咪真嫁,洗唔洗加錢?


複式洋房

積分: 153


發表於 19-3-15 12:01 |顯示全部帖子
zz724 發表於 19-3-15 11:33
生完又另一個世界啦,你要加油呀
你係住邊款房,仲有冇得free upgrade?
聽人講好似可以request 薑水? 係 ...

港安無薑水提供,但服務真的好好,
我一月生的,upgrade 去2人房,可以叫姑娘推BB入房系床上餵


複式洋房

積分: 274


發表於 19-3-15 12:53 |顯示全部帖子

回覆樓主:

恭喜你呀媽媽~ 加油加油!
我都會8月喺港安生呀,都係搵張醫生!
希望到時順順利利啦~


複式洋房

積分: 265


發表於 19-3-15 13:25 |顯示全部帖子
kiki903 發表於 19-3-15 12:53
恭喜你呀媽媽~ 加油加油!
我都會8月喺港安生呀,都係搵張醫生!
希望到時順順利利啦~

我都係,不過7月,請問你book左醫生時間未?


複式洋房

積分: 274


發表於 19-3-15 13:35 |顯示全部帖子
16192105 發表於 19-3-15 13:25
我都係,不過7月,請問你book左醫生時間未?

我未呀,佢話唔洗咁急,時間尚早~

首頁

尾頁

跳至