0-6個月

跳至
   1


洋房

積分: 58


發表於 19-3-15 16:36 |顯示全部帖子
我BB 2個幾月,我已經返左工成個月,呢個月每日朝早7點幾就會放低BB去我媽度,然後返工,我係公司泵2-3次,返到屋企就全埋身,而我媽咪有人奶就會餵人奶俾BB,餵晒就開奶粉。我本身奶水唔多BB又啜得唔叻,埋身食一次只頂到個半-2個鐘,所以夜晚以11pm為最後個餐,BB定時1am/ 3am/ 5am/ 7am就要起身埋身食,每次加埋掃風換片扭計都要搞成40分鐘,然後7am我就起身放低BB再返工,每日如是,我覺得自己就崩潰,好耐無試過連續瞓超過3小時,每一刻都好似要隨時瞓著咁。
有無職場媽媽分享下,返工同夜晚湊仔可以點平衡?
我老公叫我夜晚餵奶粉,但我又怕夜晚唔食人奶會愈黎愈少奶,有同事提議泵出黎餵飽D,但我試過夜晚全泵,餵完奶再洗配件再泵奶好似仲辛苦。亦聽到身邊好多職場媽媽返工就轉奶粉,令我懷疑自己係咪作緊無謂既堅持,畢竟我無姐姐幫手湊B。。。求分享


大宅

積分: 2065


發表於 19-3-15 16:57 |顯示全部帖子
wonderfuls 發表於 19-3-15 16:36
我BB 2個幾月,我已經返左工成個月,呢個月每日朝早7點幾就會放低BB去我媽度,然後返工,我係公司泵2-3次, ...

媽媽,你好叻呀!其實,無論你最後會否繼續,你已做得好好,bb頭2-3個月你已俾左好多奶他。如果你真係好攰,又想繼續,可以折衷啲,11點埋完身後,下一餐即1點時就用奶粉(呢餐老公餵)。再下一餐應該可以係4點就埋身,然後就再到6-7點埋身。一來你可以12-4呢個時間休息一下,二來又唔使一刀切唔餵。你又試下咁會否舒服一些,因為休息也會影響奶量。媽媽加油!


FB體驗帳戶

積分: 75

2019勳章


發表於 19-3-15 17:04 |顯示全部帖子
wonderfuls 發表於 19-3-15 16:36
我BB 2個幾月,我已經返左工成個月,呢個月每日朝早7點幾就會放低BB去我媽度,然後返工,我係公司泵2-3次, ...

因為一早計劃好復工後bb交俾婆婆湊,所以bb一個月大我已經轉左做全泵媽。
復工初期,樣樣都好晤慣,又掛住阿b、又擔心無奶.....
慢慢調節一日4泵,5:40am、10:00am、4:00pm、9:00pm,喺公司泵兩次,屋企泵兩次,最初都擔心奶量會跌,好好彩返工反而飲多左水keep到奶量。
上個月bb食量突然增加,我會提自己再飲多啲湯水,不斷同自己講阿b好需要媽媽奶,結果總奶量都相應提升。
Working mum不易做,要照顧好自己身體先有應力照顧bb,媽媽要努力(emoji)(emoji)


複式洋房

積分: 153


發表於 19-3-15 17:07 |顯示全部帖子
我都係十二月生左女女, 但因為女女吾肯埋身, 我都係泵出黎俾佢食, 我都係窮媽, 同埋返左工奶會越黎越少架, 你有埋身已經好好架啦, 其實人奶多少都有咩所謂, 有已經好好架啦, 吾好俾大壓力自已啦, 好多媽媽冇你甘叻, 一出世已經俾BB食奶粉, 我都係奶粉人奶都俾, BB食得飽, 健康最緊要呀, 如覺得攰咪埋少D身啦, 埋身BB係痴身D架, 可能佢吾係想食, 可能只係想啜住訓覺架咋


洋房

積分: 58


發表於 19-3-15 17:15 |顯示全部帖子
回覆 Gloriakennybb 的帖子

好犀利,一日4泵都夠食,我係咁泵都唔夠食...不過我去上過講座,又話奶水夠唔夠唔係睇每次的量而是總奶量,而我總奶量都夠所以唔算無奶,即我就是那種要密密餵少食多餐的媽媽,暈~~~我試過儲奶,遲多1-2個鐘先泵,但都唔係儲多好多,總奶量不及密密泵


洋房

積分: 58


發表於 19-3-15 17:27 |顯示全部帖子
回覆 alisavolvo 的帖子

唔知點解睇到留言有種莫名既感動,好似晃然大悟咁
因為我知道老公一直好想幫手,但佢唔知可以點幫有D無奈,我之前亦從未諗過可以叫老公半夜幫手餵奶
點解我諗唔到,或者我今晚就試下叫老公幫手餵一餐奶粉,只係一餐已經係好大既幫忙。。。咁我就可能瞓到4-5個鐘。。。原來就只係咁簡單但我就日日自尋煩惱


洋房

積分: 58


發表於 19-3-15 17:32 |顯示全部帖子
回覆 eevvaapp 的帖子

我都覺BB有D依賴,呢2星期開始有不明既扭計,換晒片又抱又un都扭計,最後都係比個胸佢,一啜就收聲瞓覺


FB體驗帳戶

積分: 75

2019勳章


發表於 19-3-15 17:33 |顯示全部帖子
wonderfuls 發表於 19-3-15 17:15
回覆 Gloriakennybb 的帖子

好犀利,一日4泵都夠食,我係咁泵都唔夠食...不過我去上過講座,又話奶水夠唔 ...

有時都晤夠食,間中都要補一餐奶粉嫁,不過我會安慰自己,呢場係持久戰,我會盡力去泵,盡力俾最好既bb。
我初期都係密密泵,阿b開餐我就會泵15分鐘,不過減泵後,我右長左時間,每次雙泵泵足30分鐘又ok喎。
不過就要留意下,有邊啲湯水、食物可以多啲奶,我飲親番茄薯仔三文魚湯,第二朝都會特別多奶,同埋我每朝早餐都會飲一大枝鮮豆漿,我自己真係好有用,你自己都可以留意下。


別墅

積分: 520

2019新春慶豚圓 2019勳章


發表於 19-3-15 19:00 |顯示全部帖子
你已經好叻, 如果係我, 一早放棄左


別墅

積分: 598

2019新春慶豚圓 2019勳章


發表於 19-3-15 19:30 |顯示全部帖子
我覺得妳要休息多d,先會有心機繼續餵人奶,至會多d奶。訓,也很重要的。


複式洋房

積分: 320


發表於 19-3-15 22:25 |顯示全部帖子
我仔仔都係兩個幾月,自己返左工成個月。
返工之後轉全泵,因為埋身要餵好耐實在太攰。依家一日5泵(7:00, 11:00, 15:30, 19:30,00:00), 因為bb已戒夜奶,我有6個鐘訓,夠訓加上飲得多水(一日約4-5L)都keep到奶量。
你每日訓咁少仲要返工,已經好叻架啦!


大宅

積分: 2574


發表於 19-3-16 00:41 |顯示全部帖子

回覆樓主:

本帖最後由 長琦良美 於 19-3-16 00:44 編輯

幾乎全泵,兩胎都餵左15個月。
5:30起身泵
11:00公司泵
4:00公司泵
11:00屋企泵(或+埋身)

做奶媽最緊要放鬆心情休息夠

由於有第一胎經驗,坐月時,未返工前就已經調節好一日四泵,同埋一開始俾bb 11pm果餐食奶粉,直至佢習慣一覺訓天光先試全母乳,奶量都keep到,加埋幸運地都叫係富媽,冰箱常爆

幸好有個合作既隊友,基本上洗奶樽泵奶parts 都係佢幫手洗。11點果轉隊友餵樽,奶媽專心泵奶


別墅

積分: 528

2019新春慶豚圓


發表於 19-3-16 03:20 |顯示全部帖子
由於放完產假要繼續返工,所以我一開始就全泵,埋身當甜品
2個半月時調節到1日4泵,7am 12noon 6:30pm 11pm ,夜晚11點幾嗰讖一直都係我老公負責,我就專心泵奶然後大家一齊12點上床瞓

我仔大食所以我得4泵係追唔到佢,而家兩日補一餐奶粉,我覺得已經好叻


複式洋房

積分: 192


發表於 7 天前 |顯示全部帖子
wonderfuls 發表於 19-3-15 16:36
我BB 2個幾月,我已經返左工成個月,呢個月每日朝早7點幾就會放低BB去我媽度,然後返工,我係公司泵2-3次, ...

我有個朋友講得好岩,餵人奶唔係要鬥多,係鬥耐!加油


複式洋房

積分: 285


發表於 7 天前 |顯示全部帖子
wonderfuls 發表於 19-3-15 16:36
我BB 2個幾月,我已經返左工成個月,呢個月每日朝早7點幾就會放低BB去我媽度,然後返工,我係公司泵2-3次, ...

開頭3個月真係無可能連續訓3個鐘,我係全泵媽,你可以買多幾套配件,甘就吾使半夜泵完又洗,真係崩潰。我宜家返工基本一日5泵,家人湊佢就日頭人奶,半夜我就喂奶粉,因為我都係窮媽媽,吾夠食,宜家都堅持左6個月了,所以你都要加油(emoji)(emoji)


複式洋房

積分: 285


發表於 7 天前 |顯示全部帖子
wonderfuls 發表於 19-3-15 16:36
我BB 2個幾月,我已經返左工成個月,呢個月每日朝早7點幾就會放低BB去我媽度,然後返工,我係公司泵2-3次, ...

同埋半夜你同老公可以輪流一人喂一餐,甘就大家都可以訓耐少少(emoji)(emoji)


大宅

積分: 2065


發表於 7 天前 |顯示全部帖子
wonderfuls 發表於 19-3-15 17:27
回覆 alisavolvo 的帖子

唔知點解睇到留言有種莫名既感動,好似晃然大悟咁

因為你人在局中,加油!


翡翠宮

積分: 91983

2019新春慶豚圓 BB防敏心得分享勳章


發表於 7 天前 |顯示全部帖子
3個月前BB都系3個鐘飲一次奶,話姐訓果餐飲奶粉,會飽D,睡眠時間長D,之後再醒返再埋身就唔好太攰

跳至
熱門主題
你需要登錄後才可以回帖 登入 | 註冊