夫婦情感

跳至

首頁
12345...12

尾頁
   6


男爵府

積分: 5639


發表於 19-3-19 00:13 |顯示全部帖子
個人背景:細b出世後做全職主婦,0收入,結婚咁多年屋企開支全部老公負責,除附屬卡外基本無現金過手。如要現金每次申手攞,每次$500-$1000,但主要係比工人買餸

我地有聯名戶口,老公每個月入錢之後再係同一個戶口供樓供車,同找各樣既數。試過幾次月底戶口剩返幾百蚊,我幫小朋友開既補習支票彈票幾次後,我唔敢再銀行提款,怕戶口唔夠錢,最近幾年索性直接申手問佢攞算

屋企開支大,老公上年失業一年,頓時失曬預算,老公從來唔透露屋企財政狀況,問佢佢只話佢搞掂,叫我唔好理。基本屋企大大少少既事都係佢話事,買屋買樓都唔會同我商量,就算問我意見我話反對佢都係照買


男爵府

積分: 5639


發表於 19-3-19 00:13 |顯示全部帖子
結婚10年一直忍忍忍,期間都鬧過離婚,見過婚姻輔導,都無咩大改變。上個月一次鬧大交,我搬走咗一個星期,頓時發覺我一離開就一無所有,個一個星期唯有投靠父母同碌卡度日。每日擔心佢cut我卡。期間佢同我講我唔可以返屋企收拾個人物品,佢會改大門密碼!我話間屋我有名,我以屋主身份入屋,佢唔可以阻止。期間我亦有同佢提過我好需要錢,我離開佢先發覺我係乜都無,好無安全感!


男爵府

積分: 5639


發表於 19-3-19 00:14 |顯示全部帖子
最後佢有氹返我返屋企,為咗小朋友我最後都返去屋企。之後無耐佢開始同我提加按既事,我第一個反應就係唸佢會唔會攞曬d錢,將來萬一要離婚我連屋既錢都無?但係呢間屋我真係一毫子都無出過,我只係付出我既青春比佢.....

今晚食飯時,銀行職員打黎,話需要我個簽名先可以幫老公做壓力測試。我好唔想簽,應該點拒絕?我唔想又同佢鬧交

老公少少背景:超級大男人,自我中心,控制欲強,對屋企人包括佢自己父母都好大脾氣,但對外人十分好。講錯說話會大發脾氣,係佢身邊壓力好大,唔知佢幾時發癲。有3次出軌紀錄,佢唔認,但女人直覺係有嘢,只係唔知去到咩程度



男爵府

積分: 5639


發表於 19-3-19 00:14 |顯示全部帖子
佢話加按原因
1)上年用曬積蓄,無咩錢剩,而家份工做咗半年但唔穩定,趁而家有份工仲可以問銀行借到錢,萬一有咩事仲可以暫時頂住
2)我地現時供樓個利息高2.x%,新loan可以低d

#簽咗我會有咩危險?
#應該點拒絕而唔會激惱佢?


男爵府

積分: 8515

2019新春慶豚圓


發表於 19-3-19 00:33 |顯示全部帖子
加桉的$,可否比一半你keep


別墅

積分: 508

畀面勳章


發表於 19-3-19 06:09 |顯示全部帖子

回覆樓主:

如果按左而又俾佢洗左d$, 咁就算之後分開左要賣樓都要減番呢條數, 所以未必有著數! 不過如果樓一向係你老公供的, 咁佢會覺得樓係佢的你只係有個名, 你又真係無得say no 唔簽


男爵府

積分: 5639


發表於 19-3-19 08:28 |顯示全部帖子
靚靚熊太太 發表於 19-3-19 00:33
加桉的$,可否比一半你keep

應該唔會
因為佢從來唔比現金我


子爵府

積分: 11704

2019新春慶豚圓 畀面勳章


發表於 19-3-19 08:31 |顯示全部帖子
你有幾多個小朋友?
你覺得你憑什麽唔簽名幫老公做壓力測試?


男爵府

積分: 5639


發表於 19-3-19 08:32 |顯示全部帖子
In2c68 發表於 19-3-19 06:09
如果按左而又俾佢洗左d$, 咁就算之後分開左要賣樓都要減番呢條數, 所以未必有著數! 不過如果樓一向係你老公 ...

所以每次鬧交,佢都會話間屋係佢既


翡翠宮

積分: 75762

2019新春慶豚圓


發表於 19-3-19 08:42 |顯示全部帖子

回覆樓主:

咁差既情況維持咁耐你竞然都吾揾野做


男爵府

積分: 6962

2019新春慶豚圓 2019勳章


發表於 19-3-19 08:42 |顯示全部帖子
jumug 發表於 19-3-19 00:13
個人背景:細b出世後做全職主婦,0收入,結婚咁多年屋企開支全部老公負責,除附屬卡外基本無現金過手。如要 ...

有工人係屋企,點解你唔返工搵錢自己洗,點解做老婆做到咁慘,好似乞佢,少少錢自己都無,佢趕你走,你真係做乞兒都似,諗辦法自己點搵錢好過喇。你個賤佬,簡直不知所謂!


大宅

積分: 4243

2019新春慶豚圓


發表於 19-3-19 08:45 |顯示全部帖子
mini1204 發表於 19-3-19 08:42
咁差既情況維持咁耐你竞然都吾揾野做

百思不解
老公財政咁唔透明,之前冇返工一年,分分鐘有債喺身tim


男爵府

積分: 5045

2019新春慶豚圓 2019勳章


發表於 19-3-19 08:54 |顯示全部帖子
jumug 發表於 19-3-19 08:32
所以每次鬧交,佢都會話間屋係佢既

其實有好多方面妳做得好危險, 對男方太信任, 有好多事情必須要想清楚才往下一步.

妳做全職主婦, 即係自廢武功, 行此步前, 必須了解對方的收入, 財政狀況, 並他願意事事透明, 而且為妳的擔心著想, 事事以妳為先, 亦有一畢固定的資產/或每月的收入給妳, 亦能夠儲蓄, 才考慮長線做全職主婦. 而唔係當妳是寵物養, 太多人養寵物, 玩厭/無能力就掉, 妳不是想結果是這樣吧.

有好多男人好重視表面, 看似風光, 但欠債累累, 如果他收埋收埋, 妳是全職兼沒有儲蓄, 真係被動到極點了.....

見妳說, 老公大男人, 連家人都鬧, 我覺得依個唔係接受的借口. 我以前脾氣都好差, 不論屋企, 朋友, 公司, 一不滿就不給人面子的, 亦會即走個種. 但人會大, 越要有負擔的能力, 學懂慢, 冷靜, 聆聽, 解決問題的根源... 年紀越大, 脾氣不改, 就真係唔化, 老左就會好難頂, 並容易走去牛角尖的.



翡翠宮

積分: 75762

2019新春慶豚圓


發表於 19-3-19 09:02 |顯示全部帖子
qee 發表於 19-3-19 08:45
百思不解
老公財政咁唔透明,之前冇返工一年,分分鐘有債喺身tim

當初無現金過手,已經應該即停做ftm, 再吾係,到佢失業就好揾工,攬炒。
而家呢一刻去到咁既地步,第一樣要做既依然係揾工!
無經濟能力,講乜都無用


男爵府

積分: 5045

2019新春慶豚圓 2019勳章


發表於 19-3-19 09:09 |顯示全部帖子
jumug 發表於 19-3-19 08:32
所以每次鬧交,佢都會話間屋係佢既

如果係咁, 妳千其唔好比佢按. 按左佢袋錢, 妳咩都無. 聯名樓賣左去, 一人袋一半,理Q佢, 妳依家都離婚邊緣啦, 仲care佢. 唔係叫妳反面, 只係大家冷靜傾下.

如果對工作前境不明朗/面對嚴重收入問題等, 必須大家一起談, 看怎樣共渡才是, 應該收入支出重組.


如房子是高人價樓, 假設一千萬, 那就賣掉改住500/600萬樓... 賺的一人一半, 樓照供.

自己出來工作, 當賺15K(當妳只找到文員, 再騎牛搵馬), 起碼妳有收入, 亦會有地位...

不要私家車,改搭公共交通, 已慳一萬幾千.... 取消旅行....

如果最後都沒辦法, 都要向小朋友埋手, 例如私樓/直資轉律貼....

馬死落地行, 只要大家一條心, 就會走出困局, 辛苦亦是開心的. 但慳老婆唔慳自己, 留戀以前的生活, 反而令家庭更快破裂, 對小朋友都不是上策.




男爵府

積分: 8183

2019新春慶豚圓 2019勳章


發表於 19-3-19 09:24 |顯示全部帖子
失業一年又有工人你都可以唔搵工,自婚後一直老公比家庭開支,其實你知唔知道佢財政,例如有無欠債?
坐低攤開大家慢慢講,了解下,你咁做於事無補,屋企有無$你都應該心中有數,傾完之後你自己都要認真諗清楚條路點行,佢一個養五個又要供樓壓力都好大。
我有個朋友又係咁,小朋友讀私幼全日,要養車養工人供樓,每日周圍去shopping 碌老公張卡,工人湊仔,老公放工要叫外賣,唔夠錢老公做多份兼職到凌晨五點


大宅

積分: 3516

2019新春慶豚圓 2019勳章


發表於 19-3-19 09:26 |顯示全部帖子
返工,養兒。多多少少都好,如果冇現金向手,我一定唔會同佢做ftm,香港地有手有腳洗乜靠人?

大男人?佢唔睇諒你根本就係睇小你。

不過佢失業左成年,佢錢從哪裏來?如果要按無可厚非,但你唔想,你就去借私貸。搵工還咪可以唔洗按,又可幫輕頭家。


男爵府

積分: 5218

2019勳章


發表於 19-3-19 09:59 |顯示全部帖子
有工人照顧家庭, 樓主應該去上班, 賺多賺少不是大問題, 起碼不要失去謀生能力.
就算日後有甚麼變化, 樓主也不至於太徬徨.


翡翠宮

積分: 88578

2019新春慶豚圓


發表於 19-3-19 10:06 |顯示全部帖子
你一向靠佢, 到佢失業成年, 你都重係坐係度諗住靠佢, 咁成年開支佢响邊度吱出黎? 你老公失業成年都自己頂所有開支, 都可能積左債响度.

D 錢你有份洗, 就有份搵, 如果有債, 你就有份還喇,


別墅

積分: 516

2019新春慶豚圓 2019勳章


發表於 19-3-19 10:19 |顯示全部帖子

回覆樓主:

當你係老婆點會每次俾次俾一千幾百,咁都仲做ftm, 利害。

首頁
12345...12

尾頁

跳至
你需要登錄後才可以回帖 登入 | 註冊