夫婦情感

跳至

首頁
12345...12

尾頁
   6


別墅

積分: 514

2019新春慶豚圓 2019勳章


發表於 19-3-19 10:21 |顯示全部帖子
本帖最後由 oayfeefee 於 19-3-19 10:43 編輯

你老公財政狀況咁差,你仲做ftm和請工人? 佢仲養車?你自己又會無錢到過1星期都要碌卡度日……佢曾經失業1年,而家份工唔穩定,已無乜積蓄,5百1千都要老婆次次申手問佢攞,但又要大男人,成日鬧你,懷疑佢出軌3次,你離家出走仲話唔比你返去收拾自己野,威脅改密碼……咁既情況你仲唔諗定後路?!

層樓唔好加按,你有名,你唔去簽名佢加唔到按,唔好比佢亂用左啲錢。真係離婚你都分到層樓一半架!你一定要出返黎做野,等你老公唔好覺得你無左佢唔得,同埋有收入至有得選擇!你同佢講加按每月還款多左,你唔想再加大開支,不如你出黎搵返野做,咁咪唔使加按囉。
另外你要開始儲私己錢,無現金到咁,太無安全感了!加油呀!


別墅

積分: 533

2019新春慶豚圓


發表於 19-3-19 10:29 |顯示全部帖子
當務之急一定係搵工,開始規劃自己財務安排,理由1)唔清楚屋企財務,有無儲備,儲備幾多都唔知,佢唔俾你知,你就要自己準備;2) 佢有出軌可能性,即係婚姻基礎薄弱,最好靠自己

搵完工,下一步攪清楚屋企支出,唔清楚屋企收入,起碼要知屋企支出,睇下有無得減,每月做預算,睇下有咩支出可以cut,然後,過多幾個月,有收入,知支出後,就可以睇點儲備應急錢。

無論男女都唔應該將自己放係被動位置,有另一半支持固然好,但都要有憂患意識,一來可以保障家庭,有咩事,例如一方失業仲有另一方,二來亦為自己,唔係到年紀大先發現,自己咩都無。


男爵府

積分: 6579

2019新春慶豚圓


發表於 19-3-19 10:39 |顯示全部帖子
睇見你真係好牙煙.....
好似樓上d jm話齋, 你識搵錢唔使問佢攞, 佢就識專重你.....
你以家可以同佢講, 既然覺得份工唔穩陣, 咁我以家出黎搵返份工先, 萬一你份工有咩問題, 我有份工可以頂住一陣.... 既可以擋住唔使佢加按, 又可以聲大大咁同佢講我地兩公婆互相支持, 如果佢唔俾你出黎搵工, 咁你就真係要諗諗仲應唔應該同佢一齊啦..... 始終....女人要有安全感~ 你以家嘅情況好牙煙....
唔好講咁多, 俾d勇氣, 搵返份工先, 有錢係手先同佢慢慢傾....


大宅

積分: 2880

2019新春慶豚圓


發表於 19-3-19 10:43 |顯示全部帖子
CCHINGC 發表於 19-3-19 10:29
當務之急一定係搵工,開始規劃自己財務安排,理由1)唔清楚屋企財務,有無儲備,儲備幾多都唔知,佢唔俾你知 ...

嘩睇完真是水浸眼眉都吾知死?失業一年等運到,你都幾老定樓主?奇實你个C6應該欠落一身債務?未洗乜叫你簽名加桉呀?


翡翠宮

積分: 84070

2019新春慶豚圓 2019勳章 2018父親節勳章 2018母親節勳章 2018復活節勳章 畀面勳章 環保接龍勳章 BK Milk勳章


發表於 19-3-19 11:13 |顯示全部帖子

回覆樓主:

離婚、加按都hold住,part time又好、長工又好搵啲錢返嚟
月光很美麗☺


男爵府

積分: 5639


發表於 19-3-19 11:24 |顯示全部帖子
PTMCYS 發表於 19-3-19 08:54
其實有好多方面妳做得好危險, 對男方太信任, 有好多事情必須要想清楚才往下一步.

妳做全職主婦, 即係自廢 ...

我知道佢搵幾多,只係唔知佢背後究竟有幾多
同埋除咗一般見到既開支,佢既卡數我就唔知洗咗去邊

佢既人工係我既4-5倍,理應好夠家庭開支,而且小朋友細,所以決定辭職留屋企做全職媽媽

你講得好啱人大左係應該要有負擔,佢嘅思想就係佢要咩起成頭家,唔想我擔心,但係我見到我哋嘅聯名戶口係冇錢嘅時候,我點會唔擔心


男爵府

積分: 5639


發表於 19-3-19 11:28 |顯示全部帖子
PTMCYS 發表於 19-3-19 09:09
如果係咁, 妳千其唔好比佢按. 按左佢袋錢, 妳咩都無. 聯名樓賣左去, 一人袋一半,理Q佢, 妳依家都離婚邊緣 ...

你講得好啱
同我父母分析嘅一樣
我都有提過唔好加按如果有問題嘅話不如買咗層樓換過間細嘅,full pay咗佢,唔使咁大壓力
但係佢唔想,佢話曬咗好多心機係間屋度


男爵府

積分: 5639


發表於 19-3-19 11:32 |顯示全部帖子
Nancy20090615 發表於 19-3-19 10:06
你一向靠佢, 到佢失業成年, 你都重係坐係度諗住靠佢, 咁成年開支佢响邊度吱出黎? 你老公失業成年都自己頂 ...

佢失業嗰陣時我有同佢講過我出去搵工做,佢同我講唔好嘥氣,因為佢成日嫌我搵得少,覺得不如將啲時間照顧小朋友

我見佢上年都仲係冇問題,我以為佢屋企有幫佢。因為我知佢媽有比過支票佢,不過佢唔係張張都cash


男爵府

積分: 5639


發表於 19-3-19 11:35 |顯示全部帖子
cherriehahaha 發表於 19-3-19 10:39
睇見你真係好牙煙.....
好似樓上d jm話齋, 你識搵錢唔使問佢攞, 佢就識專重你.....
你以家可以同佢講, 既然 ...

其實我人工連供樓都唔夠

我張大學證書,有次外家裝修搬野嘅時候搬咗入去佢個迷你倉,得佢有鎖匙
要諗辦法攞返


男爵府

積分: 5639


發表於 19-3-19 11:40 |顯示全部帖子
crystal媽咪 發表於 19-3-19 11:13
離婚、加按都hold住,part time又好、長工又好搵啲錢返嚟

我而家就係唔知點hold住加按

我感覺呢種做法好似卡冚卡數咁,好似好牙煙


複式洋房

積分: 429


發表於 19-3-19 11:40 |顯示全部帖子
mini1204 發表於 19-3-19 08:42
咁差既情況維持咁耐你竞然都吾揾野做



男爵府

積分: 5639


發表於 19-3-19 11:42 |顯示全部帖子
CCHINGC 發表於 19-3-19 10:29
當務之急一定係搵工,開始規劃自己財務安排,理由1)唔清楚屋企財務,有無儲備,儲備幾多都唔知,佢唔俾你知 ...

你講得好啱
今次出走先至發覺我太被動


翡翠宮

積分: 84070

2019新春慶豚圓 2019勳章 2018父親節勳章 2018母親節勳章 2018復活節勳章 畀面勳章 環保接龍勳章 BK Milk勳章


發表於 19-3-19 11:43 |顯示全部帖子
jumug 發表於 19-3-19 11:40
我而家就係唔知點hold住加按

我感覺呢種做法好似卡冚卡數咁,好似好牙煙

21樓唔係有人教咗你話唔去簽名就可以唔加按咩?!
28樓你自己話佢媽媽都要比支票佢。咁應該真係好唔掂,雖然佢人工高你好多。 你連畢業證書都係佢keep,真係好牙煙。搵住啲part time做住先
月光很美麗☺


翡翠宮

積分: 88616

2019新春慶豚圓


發表於 19-3-19 11:49 |顯示全部帖子
本帖最後由 Nancy20090615 於 19-3-19 11:52 編輯
jumug 發表於 19-3-19 11:32
佢失業嗰陣時我有同佢講過我出去搵工做,佢同我講唔好嘥氣,因為佢成日嫌我搵得少,覺得不如將啲時間照顧 ...

唔知對方經濟情況, 其實我都似你老公, 因為以前屋企經濟我包底, 我會賣金, 借銀行, CUT 保險黎頂住. 尼 d 我係唔會同我 ex 傾, 因為佢幫唔到手. 佢唔係公司工, 問唔到銀行借, 問朋友/親戚/財仔, 不如我自己諗掂佢. 我每次爭都係萬--幾萬, 但你老公一養五? 佢應該每个月要預幾萬, 失業一年, 無左幾十萬, 以前又有無欠落呢? 佢自己先知. 你用咭, 佢起碼知你 d 錢去左邊.

咁我開支無你老公咁大, 我諗你老公有債, 加按點都好過財仔. 佢諗加按, 應該係私貸都借唔到, 負債都唔少. 佢諗到加按, 都好緊了.

我都同意賣左轉細間 d , 但佢个諗法又有佢理由, 試下再同佢講換間細喇. 加按要還, 佢份工又唔知做到幾耐. 一無錢又係死.


男爵府

積分: 6579

2019新春慶豚圓


發表於 19-3-19 11:51 |顯示全部帖子
回覆 jumug 的帖子

我覺得有商有量, 你係坦白同佢傾, 佢想加按只係想手頭上有多d cash...而唔係欠債, 係米? 佢係咁講架麻, 佢有無講出面有欠債先, 既然無, 就要攞返張畢業証書出黎, 話要搵野做, 咁萬一佢份工有咩衫長褲短, 你都可以頂下..... (我諗唔到一個正常思想嘅人會拒絕你呢個理由), 唔好講工人都唔夠俾, 以家未到個個狀況, 你要解決你目前自身安全感先......


男爵府

積分: 8040

2019新春慶豚圓


發表於 19-3-19 11:57 |顯示全部帖子
jumug 發表於 19-3-19 00:13
個人背景:細b出世後做全職主婦,0收入,結婚咁多年屋企開支全部老公負責,除附屬卡外基本無現金過手。如要 ...
真係幾小錢都要做野,最重要係佢無比錢你,佢要你做ftm又唔比錢你,真係女人唔到八十唔好比飽飯你食咁,你又忍到,有時去買個飽要比cash都無
真係出去做小小野,幫人補習,做乜都好,起碼有小小cash.


男爵府

積分: 5063

2019新春慶豚圓 2019勳章


發表於 19-3-19 11:58 |顯示全部帖子
jumug 發表於 19-3-19 11:24
我知道佢搵幾多,只係唔知佢背後究竟有幾多
同埋除咗一般見到既開支,佢既卡數我就唔知洗咗去邊

就係佢搵咁多都唔入妳袋先衰格...... 我雖然唔及妳老公搵得多, 但好理會老婆的感受.

妳已墜進我剛才說的"被寵物的陷阱"了.

要用現存擁有的, 想出策略, 爭取回應有的/和保障.

要自己找出方法離開困局, 人總不能被動, 給人牽著鼻子走.


男爵府

積分: 6557

2019新春慶豚圓 2019勳章


發表於 19-3-19 12:17 |顯示全部帖子

回覆樓主:

失業嗰年有咁龐大嘅支出你老公九成九有負債啦,而家要加按層樓嚟還債,你好嗱嗱聲去做嘢啦,如果唔係 真係攬炒好似之前一家三口燒炭嗰單咁表面風光內裏其實乜都冇


別墅

積分: 533

2019新春慶豚圓


發表於 19-3-19 12:18 |顯示全部帖子
回覆 jumug 的帖子

搵多搵少唔係問題,最重要係開始,有翻工作經驗,接觸反多d人,有錢先可以規劃,無財點理財?開始搵少d唔係問題,同樣使少d,比如返工帶飯,自己帶水等等。
老實講,我同老公雙薪家庭,老公好顧家,我地有積蓄,但我每月都做財務預算,隨小朋友長大,有d使費多左,例如親子班,我就會著手係其他小朋友支出cut,可以用2手野盡量用2手,務求支出唔會大左,一來小朋友可以過簡單而知足生活,二來可以增加家庭經濟儲備,老公同我又可以儲自己私己錢,大家壓力無咁大,權力又平衡,互相可以做對方後盾,維持家庭和諧相對容易。


別墅

積分: 514

2019新春慶豚圓 2019勳章


發表於 19-3-19 12:54 |顯示全部帖子
樓主,你而家最重要係自保和小朋友。好似其他jm話齋,你老公好可能有欠債,如果佢加按完層樓用黎還錢,之後份工又無左咁你地一家幾口點算?到時想賣左買返層細既都唔夠,咁你地點算?

你老公搵唔少都要你5百1千咁問佢攞,都太過份了吧!你懷疑佢出軌,都唔自己儲下錢,真係太危險了。

點都唔好加按層樓。你大學畢業,之後都有工作,雖然隔左一排無搵工,應該都會搵到不太差既。佢話你搵得少,但如果佢又失業,少啲點都比連一點收入都無好吧?到時賣左你而家層樓,full pay買另一層細既,你收入頂住生活費,等佢再搵返工。如果最後都係要行離婚,你層樓有一半,你又有收入,你和小朋友生活才有保障呀!

再同老公商量下啦!你都要強硬啲先得啦

首頁
12345...12

尾頁

跳至
你需要登錄後才可以回帖 登入 | 註冊