吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 我的仁安醫院開刀記 2019年

懷孕前後今日: 17|主題: 329683

收藏本版

發帖

返回列表

跳至頁

查看: 20772 | 回覆: 85

我的仁安醫院開刀記 2019年 [複製鏈接]

12 3 4 5

Fafa921

別墅

積分: 680

1^#

發表於 19-3-27 17:20 |只看該作者 |倒序瀏覽 |打印

仁安醫院開刀記2019

2019年3月6日等待開刀手術，心情緊張又期待。姑娘黎我床邊叫我食粒胃藥，然後換上紫色手術衫，我先生已到達醫院同黎到我床前換上手術衫。大約7:15am我已上了咗手術車上，準備我既開刀生b，沿路由我房間開始出發到仁安一樓既手術室。

到咗手術室，我先生比叫停，在手術室門前等待，隔一到門，而我自己先入去準備，突然間覺得有種依依不捨嘅感覺，點解要我一個人入去呀。入到去，首先姑娘同我量血壓，問我知唔知今日做啲咩，我同佢講開刀生bb，之後麻醉師也過來跟我打聲招呼，幫我在手上種豆。網上說種豆很痛，我又唔覺得好痛覺得好似普通打針咁。

0 0 0

私人傳訊

Fafa921

別墅

積分: 680

2^#

發表於 19-3-27 17:22 |只看該作者

Fafa921 發表於 19-3-27 17:20
仁安醫院開刀記2019

2019年3月6日等待開刀手術，心情緊張又期待。姑娘黎我床邊叫我食粒胃藥，然後換上紫色 ...

之後我就俾人推入去正式嘅手術室，入到去嘅感覺見到好大嘅UFO燈光，好多嘅護士同助手喺度，成個氣氛相當緊張。之後好快我就比人枱上另一張手術床，之後打側身，麻醉師係我背脊準備打針做麻醉。有個護士捉住我，佢哋叫我扮一隻蝦咁，叫我唔好郁，如果唔係就會打咩左條針，嗰一刻好驚，忍唔住流眼淚。好快麻醉師係我背脊度打咗一針，話呢個係第一針，依家再打第二針，係深入麻醉。打完後，俾我感覺打麻醉針其實一啲都唔痛，好似普通打針咁，感覺好似有嘢注射暖暖既野係你背脊度好快下面就無哂知覺咁。

私人傳訊

Fafa921

別墅

積分: 680

3^#

發表於 19-3-27 17:24 |只看該作者

Fafa921 發表於 19-3-27 17:22
之後我就俾人推入去正式嘅手術室，入到去嘅感覺見到好大嘅UFO燈光，好多嘅護士同助手喺度，成個氣氛相當緊 ...

之後我就比人要我平訓，護士幫我插尿喉，講真插落去果下我有叫咗一聲，我覺得幾痛下。之後佢哋就將一個好長嘅布放咗喺我面前，遮住前面，而我之後咩都睇唔到啦。好快，有少少好暈既感覺，又有種突如其來嘅頭痛感覺，好似10級頭痛咁襲擊我，痛到我不停同麻醉師講我好痛好頭痛，我個頭好痛，我諗呢句說話我都講左10幾廿次。佢都好似冇咩反應咁，嗰一刻我心諗點解我要半身麻醉咁痛苦呢，之後好快我先生就入咗黎坐咗係我隔離捉住我隻手。而我雙手好似發羊吊咁不停震動，震到我先生問麻醉師我有無問題。

私人傳訊

Fafa921

別墅

積分: 680

4^#

發表於 19-3-27 17:25 |只看該作者

Fafa921 發表於 19-3-27 17:24
之後我就比人要我平訓，護士幫我插尿喉，講真插落去果下我有叫咗一聲，我覺得幾痛下。之後佢哋就將一個好 ...

聽到醫生講bb準備出黎啦，而我嘅頭痛都冇停過，我不停喊，又叫，我先生就同我講好快得架啦，又幫我抹眼淚，又同我講好快見到bb啦，而麻醉師就行咗去我前面，係我個肚度不停推呀推，左推右推，上推下推，好似推緊我啲內臟咁，之後我有種好想嘔既感覺，我又喺度嗌好想嘔呀，又隔左陣之後好快就話BB出咗嚟，即刻成個人舒服哂。

私人傳訊

Fafa921

別墅

積分: 680

5^#

發表於 19-3-27 17:26 |只看該作者

Fafa921 發表於 19-3-27 17:25
聽到醫生講bb準備出黎啦，而我嘅頭痛都冇停過，我不停喊，又叫，我先生就同我講好快得架啦，又幫我抹眼淚 ...

到尾聲縫針嗰陣又無啦啦好想嘔，有種反胃既感覺，想嘔但嘔唔出咁，之後麻醉師就幫我加咗止嘔藥係我種豆既地方，之後成個人前所未有既舒服。好快我先生就去咗幫bb剪臍帶，之後護士就將佢抱過嚟問我bb男定女，我之諗唔係女咩？我話女仔，之前佢就比我睇一睇bb下面，再用相機同我地兩個合照左一張，呢張係我地第一張我地三人合照，個一刻我又暈暈地都無咩感覺可言啦。之後就比人推咗去等候室等待半小時，無咩不良反應就返去自己房間啦。先生就離開手術室在外面等候我。

最後bb，重3.57kg，7.8磅，女女黎，好順利咁係仁安醫院出世啦！

私人傳訊