唔。。。好奇一問,你有冇喺遊樂場觀察過小朋友點玩?就算係樓梯級,有小朋友行亦有小朋友落手落腳爬。行到頂就坐喺遊樂組合(唔知係唔係咁叫)地下度玩,玩一陣先瀡落滑梯。又有唔少小朋友坐喺梯級玩。玩爬爬架嗰啲更加無可避免。總之大部分小朋友 at some points 衫或手都會接觸過其他人踏過行過嘅地方。我明白對有啲大人嚟講咁樣好難接受,但實情去遊樂場玩就係咁。我都好怕污糟,但我已經學習咗叫自己睇開啲,最多玩完洗手換衫沖涼。下下限住點玩,小朋友真係好慘好冇癮(當然前題係要安全,但亦都唔好過份緊張安全)。老實講我覺得去遊樂場玩我心安過佢地去室內 playhouse。