夫婦情感

跳至

首頁
12345...12

尾頁
   34


複式洋房

積分: 122


發表於 19-4-2 14:18 |顯示全部帖子
多謝大家回覆! 由於想慳返今日既回覆數量,我一次過REPLY啦!

1) 暖男呀仔
係呀! 佢真係好抵錫同埋係我精神支柱,過去一直都好親我架! 就算而家上左高中,佢都係成日同我傾計既小男生,好多野唔洗我煩。爆出呢單野果陣,剛好就到佢統測,我都好怕影響到佢無心機溫習。好彩近日派卷都見到佢KEEP住係前列,只係一科半科跌左,我好安慰有個咁識諗既仔。

2) 離婚
我有諗過我自己一個人係咪真係可以生活到,平常人眼中既我,係一個非常獨立既人,可能仲有D TOUGH。不過去到呢D位,真係冇得死頂。所以之前叫佢搬走,都係想自己試下可否係冇左佢之下係咪真係會過唔到活,如果係既,我就只有認命比佢蝦足一世了。

3) 男人同時愛上兩個女人
我唔知係咪真係咁,因為女人既話,一定會知道自己愛邊個,好快會決定到。

4) 好修養
絕對唔係,當晚聽到之後,我都大巴大巴打左我老公好多巴

5) 老公唔係貪玩,而係對外面女人有感情
呢個都係我擔心既野,亦讓我心入面好不安。但呢個問題我唔敢再問,因為可能會迫佢講大話,而且佢答我有定冇都好,都只會讓我傷心/唔信。

6) 守行為
暫時都行為良好,仲主動安排復活節同我行開下去玩。希望見完婚姻輔導後,我可以用返佢地所教我既方法去面對佢同埋面對自己啦!


大宅

積分: 1667


發表於 19-4-2 14:18 |顯示全部帖子

回覆樓主:

睇完你嘅故事,我自己都喊左。你老公有悔改都係好事,或者你都嘗試放過自己,唔好再loop返件事,俾多個機會佢大家試下work 唔work, 至少唔會俾自己後悔。不過我知我講就容易,俾著我都會癲左。不過唯一安慰嘅係你仔仔好好,好識諗,亦識得照顧媽咪,所以你有個咁乖嘅仔,好值得安慰,加油呀。


別墅

積分: 754


發表於 19-4-2 14:19 |顯示全部帖子
回覆 sillycandy 的帖子

你老公婚前花弗嗎?是否口甜舌滑的人?那個女人是否同你差不多大?漂亮嗎?如果你老公不是花弗的人,只是一時衝動,咁你就原諒他吧,但如果你老公一向花弗,就難保再有下次,你都要繼續check緊佢,祝福你姐妹,你以後不要將全副心思放在佢身上,努力keep fit 自己,不要摧殘自己的身體。


複式洋房

積分: 500


發表於 19-4-2 15:04 |顯示全部帖子
睇到都傷心。
你係好重要呢點係不能否認的。
但佢同個女人都成五年咁耐,都唔會話分就分到,玩咗五年忽然唔玩佢都唔慣架,佢係唔係真係會斷都要時間去證明,呢段時間你會好辛苦,係俾個機會佢先,再錯就真係要分。

你有仔女撐住,會捱得過的。


珍珠宮

積分: 30268

2020勳章 2018父親節勳章 hashtag影視迷勳章 開心吸收勳章


發表於 19-4-2 15:26 |顯示全部帖子
樓主,小三搬明唔係要錢,係要人....佢又點會咁易放手呀!你C6亦都當正自己係齊人,五年啦....話無真感情你都唔信啦!你自己真係要好好盆算條路點行落去.....加油


男爵府

積分: 5745

開心吸收勳章


發表於 19-4-2 15:47 |顯示全部帖子
加油.不要虧待自己.每天都要開開心心


複式洋房

積分: 122


發表於 19-4-2 16:39 |顯示全部帖子
lemon2005 發表於 19-4-2 14:19
回覆 sillycandy 的帖子

你老公婚前花弗嗎?是否口甜舌滑的人?那個女人是否同你差不多大?漂亮嗎?如果你 ...

佢絕對地係口甜舌滑既人,所以呢點都令我好懷疑佢,係咪真係會改到,同呢個女人斷到,定係第日一雞死一雞鳴,有第二、三、四個出現。

我老公比我大超過十年,而家佢識呢位女士同佢差唔多年紀,好似細佢幾個月,佢都KEEP得幾好。至於靚唔靚我唔識講,因為各花入各眼,我都唔敢話自己靚定唔靚,只可以話我自己BMI冇超標咁囉。

我都驚日後成日都要貓捉老鼠咁CHECK實佢,所以睇下婚姻輔導點樣令我釋懷先算了......



伯爵府

積分: 15328

2020勳章


發表於 19-4-2 17:40 |顯示全部帖子


一朝被蛇咬, 十年怕草繩, 樓主妳的反應, 係一個忠誠的老婆反應,妳深愛及信任老公, 妳現在被背叛, 個種失望, 傷心, 心痛, 動搖, 相信作為女人, 有幾大打擊, 真係點會想不到, 妳現在耍吃藥去鎮定情緒, 全部都係老公做成, 所以, 妳有任何決定, 老公亦係耍承受的, 至於他有幾多的真心去挽救, 絕非三言二語, 亦非只靠輔導, 係真心, 就算佢做幾大真心, 妳亦絕對有櫂拒絕, 選擇權在妳手, 仔女我認為, 妳可以告訴他們, 妳的心情, 至於結果, 唔知, 但希望他們能明白, 父母的身分, 絕不改變, 就算有一天, 父母不能再一起, 但我們永遠愛妳們, 樓主, 妳要錫自己 , 老公做出這種事, 係他錯, 唔係妳錯, 阿仔呈分, 好少事, 係佢動搖, 婚姻的最大犯規大和背叛


大宅

積分: 4733


發表於 19-4-2 18:48 |顯示全部帖子

回覆樓主:

樓主,睇晒妳D post, 戥妳痛之余也覺得妳好堅強,同埋仔仔也好乖好愛媽媽!我自己嗰case相比之下好小兒科,但也困擾我成一年,上年四月,我發現c6在2015開始在facebook search佢初戀女友一直到2018比我發現,我話佢知我好唔開心佢咁做,雖然佢最終search唔到,但不停search嘅record令我心碎。我明人到中年開始會懷念過去人和事,加上佢又同班中學同學聚返,月月飯聚,又玩得不知分串,又攬身攬勢,但佢工作壓力大,唔比佢去飯聚輕鬆吓又好似不好,但我堅介意,情緒也困擾。同c6傾過多次,佢係有明顯改善會顧番我感受。c6話呢D事之前還意為我係嗰種“你点走得出我手指la, 你只鍾愛我一個”嘅老婆。







大宅

積分: 1117


發表於 19-4-2 18:52 |顯示全部帖子
CMMANDY 發表於 19-4-2 17:40
一朝被蛇咬, 十年怕草繩, 樓主妳的反應, 係一個忠誠的老婆反應,妳深愛及信任老公, 妳現在被背叛, 個種失 ...
同意! D 男人真的是身在福中不知足,這樣的妻子、這樣的兒子,還不心足嗎?


大宅

積分: 3537


發表於 19-4-2 20:45 |顯示全部帖子
Iamawoman 發表於 19-4-2 18:52
同意! D 男人真的是身在福中不知足,這樣的妻子、這樣的兒子,還不心足嗎?
...

就是我地D女人俾太多安全感俾個男人,死心塌地為佢打理頭家,照顧小朋友!佢哋覺得我地沈醉其中,唔得閒理佢甘多,D男人只顧滿足自己嘅慾望!直到有日被發現,佢哋先知驚,女人先識醒,自己做左儍仔甘耐!有良心嘅,都姑且俾次機會,但係信任已失,很多感情都不復再,有錢cap錢,衰D講當佢發洩性慾嘅工具!冇良心嘅,頭也不回,重新振作,可能有更好的將來!


伯爵府

積分: 16426

2020勳章


發表於 19-4-2 20:55 |顯示全部帖子

回覆樓主:

我覺得你c6太習慣你地平淡生活方式,一時間太悶,所以出去揾女人調劑下。
而你又太無危機感,5年都唔發現。
男人就係咁,你又唔發現,另一個又唔介意。
咪兩邊都氹吓,你見到d相影得好sweet,其實你係介意&妒忌,但另一方面又諗下,係咪曾幾何是忽略了c6,無製造過驚喜,無要求過c6影d好sweet既相?
佢而家個番心返黎,你可唔可以放低條刺,從拾戀愛感覺?改變一下大家關係?
真係用心感受下,諗吓自己要點行。
唔好再睇d相,只會令自己繼續負面下去。


複式洋房

積分: 122


發表於 19-4-2 22:58 |顯示全部帖子
CMMANDY 發表於 19-4-2 17:40
一朝被蛇咬, 十年怕草繩, 樓主妳的反應, 係一個忠誠的老婆反應,妳深愛及信任老公, 妳現在被背叛, 個種失 ...

男人唔明白女人有幾苦,而家我有啲要求,都唔知佢可以守得幾耐。。。


複式洋房

積分: 122


發表於 19-4-2 23:00 |顯示全部帖子
hawflakes 發表於 19-4-2 20:45
就是我地D女人俾太多安全感俾個男人,死心塌地為佢打理頭家,照顧小朋友!佢哋覺得我地沈醉其中,唔得閒理 ...

我而家情緒其實都一直上上落落,時好時壞,唔敢做錯決定,睇左婚姻輔導先算。


複式洋房

積分: 122


發表於 19-4-2 23:03 |顯示全部帖子
longsky 發表於 19-4-2 20:55
我覺得你c6太習慣你地平淡生活方式,一時間太悶,所以出去揾女人調劑下。
而你又太無危機感,5年都唔發現。 ...

其實我都有啲驚喜比下佢,不過可能唔夠那個女士多。而家好慘既係,我不停loop, 想佢對我有如對果個女人咁sweet, 會不斷比較,好辛苦。


大宅

積分: 4040


發表於 19-4-2 23:26 |顯示全部帖子
樓主,你情緒都重係相當激動,唔好集中在以後點樣住,安頓好呢一刻個心先,否則好易做錯決定。
想喊就喊,好嬲就打下枕頭大叫大駡,行下山跑下步,有幾多情緒就發洩幾多,個人會放鬆d。唔好再攞d相黎睇啦,何苦用別人的錯來折磨自己呢?

信自己無論有冇個男人都可以好好的。做到了,先慢慢睇下當下的那個他係咪你想一齊過下半世的人。要走的人千萬不要留,浪費心力又自貶身價。他做到你要求才有機會重建關係,做唔到就請佢過主好了。
url=http://www.TickerFactory.com/]
[img][http://tickers.TickerFactory.com/ezt/d/1;20722;104/st/20100203/dt/12/k/e75b/preg.png[/img]
[/url]


男爵府

積分: 7697


發表於 19-4-3 00:29 |顯示全部帖子
我都同你一樣 年半先慢慢正常生活 成日想起個女人 好憎自己原諒佢 你有小朋友好難離婚 選擇繼續努力下去 佢都做到 一刀切
te quiero mucho mi amo


公爵府

積分: 29484

2020勳章 醒目開學勳章 畀面勳章


發表於 19-4-3 01:41 |顯示全部帖子
本帖最後由 soso1227 於 19-4-3 01:42 編輯

回覆 sillycandy 的帖子

你C6冇講大話,2揀1佢一定揀你。
應該話佢從冇諗過唔要你和個家。
樓丶錢丶仔女都在你手上,
如果離婚,佢乜都冇哂。
計落小三都近50,
應該越來越心急想坐正,
佢又送禮物又俾利是係想引你懷疑,
但偏偏你大而化之從冇追究。
我信小三威脅爆大鑊箍你C6,呢D係佢地慣技,
當然你C6都enjoy個女人當佢係寶啦,
小三唔放手丶加上你唔知,
所以才拖了5年。
佢地D 所謂sweet 相,
可能都係小三 plan和放上wechat,
根本想俾你睇,
你咁遲發現,真係激死佢。
最後小三無恥到fb你話同你一家人,
係佢垂死掙扎想刺激你,
希望你自己放棄你C6,
你千萬不要中計。
你C6係衰,但佢真係有心挽救和補償,
而佢又一向對你好,
我覺得係值得俾一次機會。







大宅

積分: 1100


發表於 19-4-3 01:46 |顯示全部帖子
唔知點解我覺得你老公同個女人係夾埋扮分開,話晒一齊5年話分就即咁順攤分開?你老公講到驚個女人爆獲俾你知所以先免強同個女人一齊呢樣已經似作野,假如個女人性格真係咁嫉妒你老公同其他女人.仲點會咁有閑情買野討好你,實同你爭到底唔放手啦,所以我覺得唔似咁簡單就完結


珊瑚宮

積分: 113213

HiPP勳章(1) 2018父親節勳章 2018復活節勳章 畀面勳章 BK猜猜猜慶中秋 hashtag影視迷勳章


發表於 19-4-3 06:58 |顯示全部帖子

回覆樓主:

樓主保重,祝雨過天晴

首頁
12345...12

尾頁

跳至
熱門主題
你需要登錄後才可以回帖 登入 | 註冊