夫婦情感

跳至

首頁
23456...12

尾頁
   34


伯爵府

積分: 16426

2020勳章


發表於 19-4-3 08:35 |顯示全部帖子
sillycandy 發表於 19-4-2 23:03
其實我都有啲驚喜比下佢,不過可能唔夠那個女士多。而家好慘既係,我不停loop, 想佢對我有如對果個女人咁 ...

唔好去睇d相,我知道係好難,同我性格一樣,一定要揾多d真相去挏自己幾刀,想自己會痛醒,但這其實對自己傷害很深,永遠都因為條刺,活得唔開心。
你選擇比個機會佢同比個機會自己,係要改變自己,扮下靚,做下運動,識下靚太,去玩吓。令c6對你另眼相看又或是有種危機感,他先會知道原來自己老婆一樣有市場價值,而唔係永遠都只識匿係屋企既老婆。


珍珠宮

積分: 36111


發表於 19-4-3 08:49 |顯示全部帖子
樓主,好明白你嘅打撃,俾自己最信任嘅人背叛,嗰仲痛可以講比死更難受!

你已經識得去求助,盡量控制自己情緒,雖然要用藥物去幫助,但都好過自己因為一時衝動而做錯決定!

首先,你先唔好責怪其他人,第一,亦係最重要,係要識得對自己好,用自己能力幫自己療傷!如果自己滿身傷痕,滿口怨言,係人都怕咗你,唔會有人同情,相反俾小三成功入位,令自己傷上加傷!

我見識過好多出軌者,有人夫丶有人妻,除咗本身婚姻有問題之外,大部分出軌嘅伴侶,好多時嘅條件都比小三好,只能講一個人要賤,只要有機會又要對象,有得食點解唔食?



複式洋房

積分: 122


發表於 19-4-3 09:05 |顯示全部帖子
rubiks 發表於 19-4-2 23:26
樓主,你情緒都重係相當激動,唔好集中在以後點樣住,安頓好呢一刻個心先,否則好易做錯決定。
想喊就喊, ...

係呀,情緒激動起上黎,真係可以好差呢! 不過有時都真係喊唔出,好似所有眼淚都流哂了。

攞佢地D相黎睇,就好似中左毒咁,希望真係好快可以戒甩佢從新上路啦!



珍珠宮

積分: 36111


發表於 19-4-3 09:09 |顯示全部帖子
有d小三,我指有部份唔係全部,本身可能都係被人背叛嘅受害者,因為一時衝動離咗婚,之後想再搵心靈寄託,誤打誤撞識咗呢d出軌男,自己唔小心由正室變成小三,呢d例子我真係見識過!

樓主面對嘅小三,絕對不會輕易放手,自己離唔離婚,睇下自己放唔放得低,設一個期限俾自己有沒有挽救嘅可能,任何決定,一定要係心平氣和經過冷靜思考後,千祈唔好一時衝動而做錯決定!


侯爵府

積分: 22204

畀面勳章


發表於 19-4-3 09:11 |顯示全部帖子
sillycandy 發表於 19-4-3 09:05
係呀,情緒激動起上黎,真係可以好差呢! 不過有時都真係喊唔出,好似所有眼淚都流哂了。

攞佢地D相黎睇, ...

本帖最後由 o_____o 於 19-4-3 09:12 編輯

好坦白,樓、錢同仔女都係你手,你C6話揀留低好大機會係因為離婚佢會乜都冇,佢唔想生活質素改變,相信你都知道佢一定係好鐘意個女人,所以唔好再睇D相,越比較你越傷心。不過你亦應該慶幸物質同人質全部係你手,你先有權選擇,現在不急於決定吧,隨心而行。


複式洋房

積分: 122


發表於 19-4-3 09:12 |顯示全部帖子
soso1227 發表於 19-4-3 01:41
回覆 sillycandy 的帖子

你C6冇講大話,2揀1佢一定揀你。

那位女士已OVER 50了。我同我老公講,話佢真係好有部署去入侵我地個屋企,但C6唔信,話佢唔係咁既人喎,所有錯都係佢自己一個人揹.....我都無言。

天主而家先比我發現,可能認為我而家先有智慧去處理呢件事,又或者先可以夠成熟去處理。不過而家睇落,我自己都好似唔係幾夠智慧,同埋未識放開手(無論對我老公放手定係放手唔睇D相)


複式洋房

積分: 122


發表於 19-4-3 09:15 |顯示全部帖子
mrslau_kat 發表於 19-4-3 01:46
唔知點解我覺得你老公同個女人係夾埋扮分開,話晒一齊5年話分就即咁順攤分開?你老公講到驚個女人爆獲俾你 ...

呢D都係我非常擔心既事,講真,日後我都真係防不勝防。面對將來,又係單靠一個「信」字......

我對C6既信任,真係完全崩潰哂,要再重新建立互信,真係要一段時間。不過我唔知我老公有冇耐性去咁做


複式洋房

積分: 122


發表於 19-4-3 09:23 |顯示全部帖子
longsky 發表於 19-4-3 08:35
唔好去睇d相,我知道係好難,同我性格一樣,一定要揾多d真相去挏自己幾刀,想自己會痛醒,但這其實對自己 ...

係呀....真係成日都忍唔住就想起D相,就算唔睇都會腦海度出現,自己都覺得自己變態,點解成日都會搵D野黎令自己FEEL BAD......

其實我都唔算係成日係屋企既女人,有時會出去做下義工,有時又同班朋友出去食飯傾緊,有時又去做運動咁樣,不過真係從無刻意打扮自己,因為我老公成日話鐘意我唔會化妝,男仔頭性格。而那位女士我睇佢都係唔會化妝,但係影起相黎好小鳥伊人,平時可能都係脾氣差D咁囉。



複式洋房

積分: 122


發表於 19-4-3 09:27 |顯示全部帖子
scheong 發表於 19-4-3 08:49
樓主,好明白你嘅打撃,俾自己最信任嘅人背叛,嗰仲痛可以講比死更難受!

你已經識得去求助,盡量控制自己 ...


真係痛徹心扉呀! 我唔食藥攪唔掂....尋日出門口前冇食藥,攪到成日係公司BAD MOOD,又搵佢D野黎睇(同埋識得開返個ACCOUNT黎呻),夜晚要去朋友度飲酒發洩先瞓到覺...

其實個人係好攰,但係凌晨4點幾又扎醒......之後瞓下醒下,6點半又起身返工了.....

我會努力戒口,唔會滿口怨言,盡力係C6面前唔好提起,學習ING



複式洋房

積分: 122


發表於 19-4-3 09:31 |顯示全部帖子
scheong 發表於 19-4-3 09:09
有d小三,我指有部份唔係全部,本身可能都係被人背叛嘅受害者,因為一時衝動離咗婚,之後想再搵心靈寄託, ...


知道,而家都係好壓抑自己,原諒佢,當係比次機會大家。

不過真係好驚佢地唔會咁易斷,攪到我成日亂諗野。話哂佢地一齊左5年,點會咁易?! 就算養隻狗仔5年,一個唔覺意突然冇左,都會好唔捨得啦!

而家我覺得我癲癲地,有時好似正能量爆燈,話同老公一齊面對。但有時就係負能量鬼上身,諗諗諗睇睇睇,之後又捉我老公問長問短....

就快連我自己都頂我自己唔順......因為我覺得佢地出軌,仲要咁多年,我都有責任。


複式洋房

積分: 122


發表於 19-4-3 09:37 |顯示全部帖子
o_____o 發表於 19-4-3 09:11
本帖最後由 o_____o 於 19-4-3 09:12 編輯

好坦白,樓、錢同仔女都係你手,你C6話揀留低好大機會係因為 ...

我又冇打算用錢/仔女去要脅佢既,因為佢都唔係咁既人,睇錢真係好開,好捨得洗錢係仔女身上。

至於比較....就真係比較到不能自拔.....

會睇到佢地去過邊,點解老公冇同我去過?

會睇到佢地咁親密影相,點解我投訴完之後,我老公都冇話要同我咁樣影下相?

會睇到佢情人節送朱古力比佢,而我開口話要收禮物,我反而係收到花之戀壽司,我唔食仲比仔女食。我老公一直覺得我男仔頭,唔係鐘意物質既人,所以好少要佢買野比我,只係今年情人節唔知發咩神經,開口叫佢買野送比我,而佢最後冇送,但又送比人。

總之好多好多點解佢乜乜乜,但我又物物物咁囉! 呢度都係心入面一條刺呢。

點評

minnng    發表於 19-4-12 18:11


翡翠宮

積分: 79099

2020勳章


發表於 19-4-3 09:50 |顯示全部帖子

回覆樓主:

你老公死都吾會離婚放心,一離佢真係訓街
你咪拖長時間慢慢諗


大宅

積分: 1719


發表於 19-4-3 09:55 |顯示全部帖子
想好奇問一下, 你和你C6平時會唔會做你係佢地相中見到既野?
如果唔會做, 係你唔願意, 還是他不願意呢?


翡翠宮

積分: 98228

2020勳章


發表於 19-4-3 10:07 |顯示全部帖子
sillycandy 發表於 19-4-3 09:37
我又冇打算用錢/仔女去要脅佢既,因為佢都唔係咁既人,睇錢真係好開,好捨得洗錢係仔女身上。

至於比較.. ...


點解大劉, 新哥, 洗米, 趙X光, 咁多女, 佢地 d 大婆都好靚好能幹, 之但係都停唔到有呀三呀四.

自己的男人同佢地有乜分別, 只係無咁有錢, 若都係有錢, 就唔止呀三呀四.

男人咪係咁囉. 有乜點解.


侯爵府

積分: 22204

畀面勳章


發表於 19-4-3 10:10 |顯示全部帖子
sillycandy 發表於 19-4-3 09:37
我又冇打算用錢/仔女去要脅佢既,因為佢都唔係咁既人,睇錢真係好開,好捨得洗錢係仔女身上。

至於比較.. ...

本帖最後由 o_____o 於 19-4-3 10:12 編輯

唔係話你用錢要脅佢,而係你老公心裡明白一離婚自己會乜都冇,你話佢睇錢好開覺得佢唔係為錢為樓留低,咁你都一直覺得佢好好,好信任佢覺得佢唔會行差踏錯,但事實佢咪出面有女人五年一直冇斷。所以,唔好"覺得"佢唔係咁既人就一定唔會咁做。總之,仔女先係至重要,而且現在錯的人是他,你不用委曲求全,人生係自己既,決定掌握係自己手,慢慢諗清楚先决定。


複式洋房

積分: 122


發表於 19-4-3 10:23 |顯示全部帖子
venf 發表於 19-4-3 09:55
想好奇問一下, 你和你C6平時會唔會做你係佢地相中見到既野?
如果唔會做, 係你唔願意, 還是他不願意呢? ...

我有話想去睇燈飾,好多年冇去,但我地冇去。睇相就見佢地2015, 2017, 2018年都有睇燈飾。

去遊山玩水,我老公放假好多時都係屋企HEA,又或者睇片/踩單車/瞓覺咁樣,冇咩同我去,我自己亦唔係話好鐘意去行山果D (懶!!!!! 怕辛苦!!!!!)

KISS影相,我唔係好接受咁影相,所以都唔會要求老公要咁做

攬到實一實影相,我有投訴過好耐冇咁樣影相,但佢冇反應話下次要咁樣同我影下。

我同佢一齊,唔會刻意迫對方做D唔想做既事,或者冇興趣想做既事,又或者,我唔會開口再迫佢吧....佢冇回應,我就當冇左件事咁囉



複式洋房

積分: 122


發表於 19-4-3 10:27 |顯示全部帖子
o_____o 發表於 19-4-3 10:10
本帖最後由 o_____o 於 19-4-3 10:12 編輯

唔係話你用錢要脅佢,而係你老公心裡明白一離婚自己會乜都冇 ...

我真係一直都覺得自己好幸福,我都有同老公講過,我覺得我真係一個好幸福既女人,我好知足架啦!

所以我真係好估唔到,所謂「幸福」既背後,原來係咁不堪一擊,如此脆弱。佢呢次係將我所有幸福感推翻,而變成無力感同埋不安全感.....

過多幾年仔女再大D,可能又另有一番光景了,我會努力對自己好D,生活得開心D。



伯爵府

積分: 16380

2020勳章 2018父親節勳章 2018母親節勳章 開心吸收勳章


發表於 19-4-3 10:44 |顯示全部帖子
我睇到都痛~~樓主加油~~


複式洋房

積分: 122


發表於 19-4-3 10:57 |顯示全部帖子
上星期,正能量滿滿果陣,打左呢篇野比我老公,好似好冷靜同好積極咁樣

這事情已過了剛好兩個星期,但我感覺,就好像過了很久一樣,你有這感覺嗎?這兩星期,我一直都活在這事情的陰霾底下,全身都被無力感,不安全感包圍。

無力感,只因我沒有把握可以把你永遠都留住,無論是你的人,或是你的心。我不知道應該再做什麼,可以讓我做一個更稱職的太太,讓你欣賞我的付出,一心一意的只愛我一個。

不安全感,只因是完全把以往對你的信任被推翻了。只要稍有找不著你的時候,我便會混身發抖,胡思亂想。究竟你是否又去找別的女人沒上班?或者在與其他女人在鬼混中而不方便接電話?

X女士是誰,我其實一點也不在乎。因為只要你仍舊貪戀偷歡與其他女士聯絡接觸,無論是A,B,C女士,亦只會相繼出現。

昨晚跟你說被熟悉的人傷害,反而會是最感痛心,確是我的感受。"熟悉的陌生人", 正是X女士在我們家中的"地位" ; 而你,更是我生命當中,最重要的人。這種近似是雙重的打擊,更令我沒齒難忘,刻骨銘心。難怪我會"朝思暮想"吧。

我記得你曾說過,為何法庭會將一些犯上欺騙罪行的人予以重判,原因就是人的誠信最可貴,亦是守護著社會秩序其中一項重要元素。

建立互信,的而且確要花很長時間,透過每次經歷一點一滴的積累。小時候聽過那幼稚的伊索寓言故事也在說教,三次被騙的人,再也不信那貪玩孩子的說話,那孩子終被自已的謊言所害,被狼咬死。而我,在這刻,實在不知道你留下的原因是為了愛我,還是為家庭盡責。因為這兩者對我來說,是有分別的。

老公,請給我時間,讓我再可以一點一滴去累積我們之間的互信,我知道你也努力的嘗試著配合。但也請你給我時間,調整自已,我很需要你的鼓勵,特別是肢體上的,就是主動簡單的給我一個吻,或是一個擁抱,都可以給予我正面的力量和肯定。

過去5年,被偷走的時間和愛實在太多了,我很想把它們追回來。我不知道我們之間還有多少年可以在一起,但未來日子不應該浪費。我們應該多出去走走,多拍點照片,共同締造更多美好回憶。到碰上死亡的那一刻,數算著一生光景的時候,能夠把遺憾減到最低。

若是有一天你不再愛我,請你斬釘截鐵的跟我說,而不是再讓我自已發現或驚覺。

最後的疼愛是手放開。。。

若是時間可以倒流,我想可以倒回在兩個星期前,我仍是那個活在蒙騙當中的幸福女人。因為我希望,你會因著愛我和家庭的勇氣,在我不知情下,主動及堅決的跟X女士斷絕關係。可惜沒如果。。。

希望你能珍惜這最後機會,更希望你能珍惜一個從16歲便義無反顧愛著你的一個女人。

我愛你!

點評

minnng    發表於 19-4-12 18:15


大宅

積分: 1117


發表於 19-4-3 11:18 |顯示全部帖子
sillycandy 發表於 19-4-3 10:57
上星期,正能量滿滿果陣,打左呢篇野比我老公,好似好冷靜同好積極咁樣

這事情已過了剛好兩個星 ...

不知怎麼説,只是由衷地偑服妳。

首頁
23456...12

尾頁

跳至
熱門主題
你需要登錄後才可以回帖 登入 | 註冊