夫婦情感

跳至

首頁
12345...12

尾頁
   40


複式洋房

積分: 122


發表於 19-4-2 09:39 |顯示全部帖子
很久冇上過BK,就連LOGIN / PASSWORD都忘記了,所以新登記了這個ACCOUNT,因為我呢次真係好痛苦,希望各位JM比D意見。

早兩個禮拜,我同朋友出去食飯,我老公就去同啲老闆食飯,誰不知佢醉哂,要人送返黎。咁我要幫佢洗返啲衫,安頓好佢,之後幫佢手機差電。

幫佢差電時,我睇到佢wechat度同一個女士X有傾 (澳門人黎的),voice msg仲叫人做老婆。個voice msg我都有叫呀仔聽,我怕我聽錯。後尾聽到C6係個廳度有D動靜,就嬲到我即時衝出廳打左佢好多巴打醒佢。我仔見到哂,佢好驚,企係房門附近唔敢出聲。

佢地個對話,就只得好少對答,即係我c6平時都delete得好乾淨,免得我check佢電話。只係今次百密一疏同埋飲醉左,先有機會比我睇到。我打醒佢之後,個女人有call黎,想睇下佢返左屋企未,因為c6都係幾個鐘都冇聯絡過佢,我就幫c6接電話,隊比佢,c6唔敢出聲,我就係旁邊大叫,「人地搵你呀,仲唔講野?」。

中間細節唔講了,只係後尾佢認左,同呢個女士已經一齊差不多5年。而我竟然從來冇懷疑過佢,佢其實平時係屋企有時都會講起佢,直頭好似一個朋友咁。所以在我黎講,真係好崩潰。而且過時過節,個女人買左好多禮物送比我兩個仔女,好似switch遊戲機、beats耳機、過年每人500蚊利是等等。而且仲會買野比我,完全真係好似一個朋友咁。

第二日清醒後,我老公佢話會同呢個人斷,仲同我講,過去一兩年,個女人因為試過幫我c6攞部電話去整後發覺除左我呢個老婆之外,c6仲會同其他女人傾計,所以開始成日嘈交,而且會要脅佢,話要爆佢大獲,所以唔敢同個女人分手,因為個女人原來靜雞雞add左佢facebook好多朋友,為免個女人咁做,攪到比我知,所以佢一直都繼續同個女人一齊。佢承認想當日都係貪玩,網上識人識著佢,係佢呃人冇老婆,唔關個女人事,有咩錯都只好怪佢自己。曾經佢想過同我講,例如一家人去台灣旅行時,個女人會不斷send msg鬧佢; 我生日,叫c6同我一齊去整蛋糕時,佢call左不下100次電話比佢,但因為我生日前幾日剛好有屋企人過身,而且生日應該係一個開心既日子,攪到佢唔敢開口提。呢次天意之下比我發現,佢都好解脫,希望我比次機會佢。

同日,個女人wechat佢,話唔好意思攪到佢屋企。因我攞左我c6部電話返工(佢有兩部我只攞左常用果部走),我就同個女人攤牌,我話我就係個太太,同佢好冷靜咁傾左陣,佢話到會離開我老公,又話佢知道我老公唔可以冇左我地一家三口等等。但夜晚個女人又send wechat msg比我老公。我見到咁,就叫佢要同佢斷既話,就留言覆佢,你想同佢斷啦,就當係做比我睇。咁我老公就打左一段說話,send out前仲比我過目左先send出去,之後就block哂佢所有既聯絡。但係未block到佢facebook前,個女人叫等等,就paste 左兩大段野過黎,其中有一句說話就係「如果你果晚肯留低句說話(意指醉酒果晚),就唔會攪成呢個局面」。我地睇完都冇覆佢,但我硬係覺得,個女人唔會咁易放手。

再過一日,個女人send facebook msg比我,解釋點解要同我老公一齊,乜乜物物,我呢次都有串下佢,唔似得第一次同佢wechat傾咁冷靜,所以佢reply左句「對唔住,保重身體」後就冇再講野了。

我係c6手機見到好多佢地一齊去玩既相save係wechat入面,好sweet、好close、仲有兩張kiss住影相、有張有介指等等,見到佢地上大陸玩,c6承認佢當時講大話呃我上廠。去露營車度玩,仲要係我比permit比佢同呢個女人去。因為我真係信任佢信得好緊要,亦冇諗過佢夠膽咁光明正大係屋企提起外面既女人,講到好似朋友咁。

剛發現時我唔想見人,瞓唔到覺,食唔到野,行屍走肉咁樣,仲要自殘發洩。就算出去睇醫生,我都要戴口罩先敢行出門口。

我對佢已經冇哂信心,但因為我仲好愛佢同埋為左對仔女(結婚17年,另加拍拖7年,一齊已24年,仔女都已上中學),選擇再一次原諒佢,但其實我每一日都過得好痛苦,唔知佢係咪真係返工(佢打自己工,好free,所以之前佢每晚可以準時返屋企,我係唔會知佢日頭去左偷情)?定係又去搵個女人?同埋,我係忍唔住每日都會睇返佢同個女人既親密照,因為我用我手機拍底左,in case離婚用得著,同時,亦好想罰自己,點解可以信個老公信到咁,點解可以蠢到差不多5年先發現? 每日就虐待自己去睇呢d相,用呢種痛去罰自己。

我老公叫我delete d相,放過自己,日後會對我好好。但我做唔到,而且佢一遲左睇電話就令我成身震哂好驚好緊張咁。所以佢叫我去見社工,因為佢都唔識點做先可以修補我地個關係,所以約左今個星期同佢一齊去見。除此之外,其實發生呢件事之後,佢兩部電話已經唔再成日跟身(以前係點都跟實怕我睇),佢遲左覆我就send 視訊比我,叫我睇到佢而家係邊等等...算係有誠意想修補關係咁.....

多謝你睇哂呢篇長文.....其實,我自己都唔知自己想點.....真係相信浪子回頭嗎? 還是一隻沒有腳既雀仔,對腳永遠都唔會生返出黎呢? 我真係好憎我自己,點解可以咁多年都唔知道? 計返佢地剛開始時,應該係呀仔考呈分試,唔知係咪我冷落左佢,推左個老公出去比人。其實平時都同佢冇咩野,亦有正常性生活,真係睇唔到咩蛛絲馬跡.....我真係好蠢呢.....



伯爵府

積分: 16139


發表於 19-4-2 10:06 |顯示全部帖子
呢2日妳一定好辛苦,但生活還是要過,

我好唔開心時,
試過一人行山,行到冇人時咆哮...
試過連續地煲劇,
上網傾訴...

妳也試下。
過好,每一天!


侯爵府

積分: 24725

認識瑞士牛牛第二回 認識瑞士牛牛第一回


發表於 19-4-2 10:07 |顯示全部帖子
加油,保重~


瑪瑙宮

積分: 127467


發表於 19-4-2 10:14 |顯示全部帖子
sillycandy 發表於 19-4-2 09:39
我老公叫我delete d相,放過自己,日後會對我好好。 ...

你咪信佢, 因為你唔想無左佢. 以後點無人知, 重剩日子唔係好多, 開開心心過埋佢好過不斷 review.


複式洋房

積分: 122


發表於 19-4-2 10:37 |顯示全部帖子
fishwawa 發表於 19-4-2 10:06
呢2日妳一定好辛苦,但生活還是要過,

我好唔開心時,

多謝你既建議,我唔係好鐘意煲劇,或者我會試下自已行山先。呢兩個幾星期,好似只有軀殼,沒有靈魂咁過活,人都唔想見。


複式洋房

積分: 122


發表於 19-4-2 10:37 |顯示全部帖子
0030 發表於 19-4-2 10:07
加油,保重~

多謝你安慰


複式洋房

積分: 122


發表於 19-4-2 10:39 |顯示全部帖子
Nancy20090615 發表於 19-4-2 10:14
你咪信佢, 因為你唔想無左佢. 以後點無人知, 重剩日子唔係好多, 開開心心過埋佢好過不斷 review.
...

可能太震憾,攪到我好有陰影。而且睇過佢啲相,好似路經佢地去過既地方都會自然諗起佢地既野,好痛苦。我就係好怕會再一次受傷。。。所以唔知應唔應該信


男爵府

積分: 7248


發表於 19-4-2 10:43 |顯示全部帖子
我覺得有2個可能,1佢想甩個女人所以扮醉自爆,呢種係玩嫌左返屋企嗰隻。2.唔小心比你知左,依家佢同個女人扮分開繼續偷得高眀。
其實佢同個女人都好賤下喎,扮哂friend 博你放下警戒,依家最傷心既係你,承受哂所有既係你,你不如趁佢有內疚攞定d資産先,佢有乜e郁你都唔會甘愁先。

點評

rainbowchuuu3    發表於 19-4-2 11:33


瑪瑙宮

積分: 127467


發表於 19-4-2 10:45 |顯示全部帖子
sillycandy 發表於 19-4-2 10:39
可能太震憾,攪到我好有陰影。而且睇過佢啲相,好似路經佢地去過既地方都會自然諗起佢地既野,好痛苦。我 ...

九成佢响出面玩得唔如意, 所以又歸番位. 如果玩得好暢快, 唔會捨得斷个小三.

係你唔想冇左佢, 唯有係信(住先囉). 佢又安慰你, 又做番 D 野比你睇, 可以比次機會, 但得一次. 如果佢唔珍惜, 下次又比你發現, 咁你知點做喇.


點評

rainbowchuuu3    發表於 19-4-2 11:33


複式洋房

積分: 122


發表於 19-4-2 10:59 |顯示全部帖子
本帖最後由 sillycandy 於 19-4-2 11:05 編輯

回覆 ncp 的帖子

其實都冇咩資產係佢身上攞,因為層樓只得我個名,佢收到既錢其實大部份都會入落我ACCOUNT比我,佢冇同我計錢銀野。如果離婚,佢就要返99度住。而我同我夫家既人關係都唔錯,我99最錫我,所以我都有答應過C6,萬一同佢分開,唔會同99講,因為佢都87歲了。
至於同個X女士,我都真係覺得「登堂入室」咁同我講,好難接受。可能方便帶佢送既野返屋企,又方便攞PERMIT同佢出去而我唔會多問。後尾X女士FACEBOOK INBOX我時,都話「我同你老公4年多,我視你地為一家人咁,我知無資格咁講,我已經搶左你一半老公係極之可恨了」。

我就REPLY佢︰「我好認同你所講,你搶我老公之後再當我係一家人,其實係好嘔心既一件事。可以登堂入室咁扮好人,送禮物比我D細路」


複式洋房

積分: 122


發表於 19-4-2 11:07 |顯示全部帖子
Nancy20090615 發表於 19-4-2 10:45
九成佢响出面玩得唔如意, 所以又歸番位. 如果玩得好暢快, 唔會捨得斷个小三.

係你唔想冇左佢, 唯有係 ...

應該係啦! 個女人係賭場做,都唔係省油的燈,可能比佢都鬧到爆 (我老公性格都火爆的)。

可憐之人必有可恨之處,我其實都好憎自己點解要咁愛佢......否則已經少好多煩惱......

已經同左佢講,機會只得一次,日後唔可以同其他女性傾計/上網識人,手機唔準成日跟身等等要求



大宅

積分: 4858


發表於 19-4-2 11:08 |顯示全部帖子
sillycandy 發表於 19-4-2 09:39
很久冇上過BK,就連LOGIN / PASSWORD都忘記了,所以新登記了這個ACCOUNT,因為我呢次真係好痛苦,希望各位J ...

男人真係好恐佈,最真同最假嘅一面可以同時間係你面前呈現!唯有同自己講唔好擺佢係最重要位置!你要明白唔係所有人都會忠誠對待另一半,唔想令自己太傷害,唯有放低對佢嘅執著,接受婚姻嘅唔完美!唔好令自己太頹,裝備自己,做運動要身體健康!如果佢仲死性不改,咪放長雙眼睇佢點折墮!


寶石宮

積分: 327949

2024年龍年勳章 2024勳章 2023年兔年勳章 虎到金來勳章 2021可愛聖誕B勳章 牛年勳章 2018復活節勳章 2018母親節勳章 2018父親節勳章 畀面勳章 環保接龍勳章 BK Milk勳章


發表於 19-4-2 11:09 |顯示全部帖子

回覆樓主:

本帖最後由 crystal媽咪 於 19-5-13 16:40 編輯

……


大宅

積分: 2717


發表於 19-4-2 11:14 |顯示全部帖子
sillycandy 發表於 19-4-2 10:59
回覆 ncp 的帖子

其實都冇咩資產係佢身上攞,因為層樓只得我個名,佢收到既錢其實大部份都會入落我ACCOUNT ...

証明你仍然很重要。
男人同你計錢時,就真係無嘜得救。
姑且去做婚姻輔導


瑪瑙宮

積分: 127467


發表於 19-4-2 11:16 |顯示全部帖子
sillycandy 發表於 19-4-2 10:59
回覆 ncp 的帖子

其實都冇咩資產係佢身上攞,因為層樓只得我個名,佢收到既錢其實大部份都會入落我ACCOUNT ...

我 ex 又係咁架, 經常提起某女人的話, 最後都係同佢有野. 自己把口又唔收, 唔提會死的?

佢試過响工場附近識左條女, 有交往, 番黎又話同呀 xx 去邊睇左戲, xx 係佢以前 d 朋友, 我知係邊个, 但佢用 xx 个名扮條女, 同我講, d 男人係咪痴根? xx 有老公仔女的, 使同你去睇戲? 條女都有老公, 同人老公去睇戲? 好得閒? 狗上瓦坑喇總之. 我發覺佢提親邊个, 都係有問題. 咁你唔好提喇, 死蠢.


複式洋房

積分: 122


發表於 19-4-2 11:18 |顯示全部帖子
hawflakes 發表於 19-4-2 11:08
男人真係好恐佈,最真同最假嘅一面可以同時間係你面前呈現!唯有同自己講唔好擺佢係最重要位置!你要明白 ...

嗯,我知情既朋友都同我講,經過呢件事之後,要將佢既重要性放後D。而我呢廿幾年來,真係睇佢為我心目中最重要,仔女有日都會大,會離開我地,所以終老時對既都只會係佢。

我會努力做運動,希望自己健康D開心D,謝謝你安慰。


男爵府

積分: 6303


發表於 19-4-2 11:20 |顯示全部帖子

回覆樓主:

你c6唔似係貪玩,似係身痕唔打算有下文點會一開始就話無老婆,可能開始覺得小三煩又甩唔到身咪比你知,如果打算原諒都要keep錢同check行蹤,比d時間自己咁近發生又點會咁快忘記到,真係太辛苦就睇心理醫生


複式洋房

積分: 122


發表於 19-4-2 11:22 |顯示全部帖子
crystal媽咪 發表於 19-4-2 11:09
係睇你點做
一齊咗五年,係咪真係可以話分就分? 小朋友都大,佢哋都知係咩事。
...

呢個都係我既擔心.....話哂5年,點可以甩就甩到?! 陣間條女要生要死又要刀仔吉大脾果陣,可能佢又心痛人要去搵人架啦! 而家就話BLOCK哂同佢既聯絡,陣間用第二個電話NUMBER打比佢,佢都可以接聽到啦! C6點做,我跟本都好被動....就睇佢自己想唔想呢頭家仲健全了.....

呀仔因知情,所以佢都好擔心我。發現後果一日,佢同我一樣,冇食過野....

呀女就講明,唔希望我地分開,因為佢唔慣我地兩個唔係一齊,以往因為一家人一齊食飯一齊講笑係好開心的


水晶宮

積分: 73645


發表於 19-4-2 11:22 |顯示全部帖子
明白背叛的痛!人生有很多的痛!但你要保持身體健康先!我也這樣堅強自己!
自由太多會令世人失去平衡


複式洋房

積分: 122


發表於 19-4-2 11:26 |顯示全部帖子
LittleCS 發表於 19-4-2 11:14
証明你仍然很重要。
男人同你計錢時,就真係無嘜得救。
姑且去做婚姻輔導

嗯,婚姻輔導都係佢叫搵,就睇下點樣講先,因為其實自己都唔係好過到自己果關

雖然佢唔想返99度,但以佢經濟能力,絕對可以自己搬出去的....我亦叫過佢搬,因為我想試下冇左佢生活係咪真係唔得,但佢死唔肯走,因為佢想修補關係....

首頁
12345...12

尾頁

跳至