嬰兒醫護

跳至

首頁

尾頁
   22


男爵府

積分: 5035


發表於 19-4-9 17:58 |顯示全部帖子

我想分享一下之前帶仔仔去睇牙醫的經驗,等日後有需要的JM作參考。但好長…

話說仔仔12月說牙痛,佢又未睇過牙醫,說帶佢去C6睇開的牙醫檢查一下先,牙醫話佢有蛀牙需要杜牙根,而且有隻蛀牙有缺齒問題 (即這個位沒有恆齒),建議我們睇兒童齒科。

我聽到要杜牙根個心即時離一離,想搵多個牙醫睇睇,加上由於仔仔第一次睇牙醫,個人已經有些不安,所以我同C6都想留在大埔睇(我們住大埔的)多次,免得仔仔在車程途中已扭計。當然,由於仔仔只有5歲,打去幾間口碑好的牙科就只有一間肯睇,又聲明小朋友要合作先處理啦。

仔仔最後在第二間大埔牙醫睇,結論是都有蛀牙蛀得好深,呢個大埔牙醫如果唔想杜牙根都肯嘗試同仔仔補,補的過程首先落麻醉膏再打局部麻醉針再補牙,基本上仔仔都好合作 (起碼醫生肯做),前後去左兩次牙醫話佢都有信心補完應該唔痛。點知到了近聖誕,仔仔的牙又痛起來又發低燒,我們即時又去返牙醫度佢就幫佢照一次全棚牙的X-RAY及檢查多次,話沒有蛀牙,可能仔仔本身有病就開了消炎藥,並都懷疑仔仔有缺齒問題,REFER了我們去中環的姓戚的兒童齒科。

我當然同時不停在BK爬文,知道兒童齒科中大家都對張虹莉的評價比較好,要平的話可以嘗試菲臘牙科,或旺角的羅國棟都比較相宜,至於這個姓戚的就好少聽人講。當由於近聖誕,張牙醫那裡已休息,留言留WHATSAPP都沒有人回覆,而菲臘牙科最後都要排到27/12…果幾日聖誕假就天天陪仔仔食白粥了……去到菲臘牙科佢最後都唔肯收仔仔,就REFER我們去另一個部門(那兒是牙醫碩士生)BOOK期都要去到1月尾,等唔到,我本身都知道兒童齒科杜牙根好貴,都預要幾萬埋單,心中的底線就是盡量唔想佢要全身麻醉,因仔仔已經睇左幾次牙醫之後好合作,基本上牙醫叫佢做什麼都好聽話,知道牙醫先可以幫佢解決到牙痛問題,所以杜牙根錢都是其次,我同C6都唔想佢要全身麻醉,應該沒有這個需要。

我本來都想搵旺角的羅國棟(私心想平D),但C6話人家REFER了戚牙醫度就去啦,費事有起事來要搵返大埔個牙醫佢問起,我們又沒有去佢REFER的兒童齒科度就俾人話。甘我就照帶佢去。第一次1月初去戚牙醫度要檢查及報價先,佢話仔仔有6隻蛀牙要補,1隻要(就是痛那隻牙)杜牙根,至於缺齒問題就要再大D先可以確定,因男仔的恆齒形成的比較慢,要等多一兩年先知,仲俾左張同齡的女仔X-RAY片比較,所以個心都定D,又即時要同我個仔洗牙,睇下佢定唔定,這次檢查及洗牙就2千幾(我只記得洗牙要$1700)。之後有姑娘解釋俾我聽小朋友杜牙根的過程,同我在網上SEARCH的都差不多,報價就補牙要3000一隻(6隻補牙要18000),杜牙根連牙套要9000幾,如果要麻醉就另計(加多萬幾至2萬不等),我同C6商量過之後,其實杜牙根都唔算貴 (C6是那些經常要睇牙醫的人),要想速戰速決,都打算在戚牙醫度做,但戚牙醫就INSIST要補左牙一次(補兩隻)先,循序漸進,看小朋友的反應,我即時問可以補完一次牙,之後就杜牙根,之後再來兩次補埋果4隻牙,姑娘話順利的都可以。

我們就聽佢意見,就俾佢補左牙再做杜牙根(即先處理唔痛的牙先,再處理痛的隻牙),錢都係預左俾人賺,佢肯下個APPOINTMENT盡快處理好仔仔痛果隻牙就算啦,雖然心裡都覺得點解唔幫我處理左痛果個先!!

之後114C6帶仔仔去戚牙醫度補牙,之後C6簡直一肚氣,話醫生同仔仔補兩隻牙什麼麻醉膏/藥都沒有落,仔仔都盡量沒有郁,只咿咿呀呀了幾聲,就話仔仔唔合作,話仔仔不如全身麻醉就杜牙根+補埋余下的牙,不然就繼續補牙再決定如何杜牙根,仲話仔仔可能有牙齦膿腫的問題。

當時我同C6都深深覺得這個戚牙醫根本就想全身麻醉一次個做晒,普通牙科幫小朋友都會落下麻醉膏,你什麼都唔落我個仔只是咿咿呀呀了幾聲咪好囉,唔伸你兩腳算偷笑,邊個唔知全身麻醉個小朋友唔識郁你做起來就最EASY! 這次甘就俾左6000

心想就算俾佢試補牙補多次(用多6000補兩隻佢話蛀但我個仔沒有話痛的牙),難保佢都是說要全身麻醉先肯處理隻會痛的牙!我同C6都要返工要特登請假陪個仔睇牙醫,俾你DUMDUM多幾次我們連AL都蝕埋!加上又近新年,我唔想新年又同個仔食白粥,所以我就建議轉去睇羅國棟,今次C6都同意了!

我又即時BOOK117日去羅牙醫處檢查,佢畫了圖說邊隻牙之前蛀左有補過,邊隻要再處理,痛果隻要杜牙根,其他有蛀的已補過,唔痛的話可以唔處理,缺齒問題就同戚醫生解釋一樣,男仔的恆齒形成的比較慢,要等多一兩年先確定到。

我問:仔仔有沒有牙齦膿腫的問題

羅:未見有。

(我即刻個心定一定。)

我問:杜牙根可以唔全身麻醉嗎?

羅:客人可決定,唔想全身的話可以先試局部麻醉

我問:可以下次局部麻醉及先做杜牙根整左痛果隻牙嗎?

羅:可以,客人可決定

之後就同我仔仔說下次處理牙齒有5個步驟(其實主要是落麻醉藥,在要處理的牙齒上套上藍色布以慎防補牙或杜牙根時會整親其他牙齒,最後就補牙或杜牙根了) 之後又提我其實補牙或杜牙根都有這5個步驟 (我之後問C6戚牙醫補牙時有沒有做過這些,C6堅決地說:沒有,什麼都沒有!),要日日同仔仔洗腦,等佢無甘驚,這次檢查大概500600,並報了價,補牙一隻1000, 杜牙根3000,牙套就2500,我就即時BOOK24/1的期。

24/1又是我帶了仔仔去,大概1個小時左右,醫生有播卡通,又每做一個步驟解釋俾仔仔聽「拿,呢個係第幾個步驟了」最後佢幫仔仔補了兩隻牙及杜了牙根,我問:是否現在要做埋牙套?

羅:不, 現在已做了好耐,差不多一個鐘,仔仔要休息,可以下次做。不過我依家在杜牙根上的牙齒是用了補牙料,都可以用一段日子,牙套你可以決定做定唔做,而且做都是做金屬牙套,仔仔要時間適應

言下之意就是唔做都得,我就同C6商量(佢有杜牙根經驗我沒有),佢都話其實多了個牙套真的無甘自然,而且仔仔都是乳齒,只是用多幾年,佢都覺得可以唔做!

最後羅醫生這裡就用了5000, 完成。現在4月,起碼仔仔沒有再叫痛。

講真,羅醫生應該唔係果D好溫柔好會氹小孩的兒童齒科(我爬文時見到有JM盛讚某某牙醫好溫柔好識同小朋友溝通),佢個診所都是一般旺角比較細的診所 (戚牙醫的中環甲級寫字樓就寬闊多了),不過佢都算係個有醫德的醫生,起碼沒有需要的就不會堅決要你整,又知道要整痛的牙先,能夠在新年前完成,同仔仔開開心心過新年,我已經好感恩!當然,由現在開始更要多督促仔仔好好刷牙!

多謝大家讀畢甘長的分享!


點評

浪漫滿天星    發表於 21-7-29 16:02


大宅

積分: 1179


發表於 19-4-9 18:24 |顯示全部帖子
fishcmy 發表於 19-4-9 17:58
我想分享一下之前帶仔仔去睇牙醫的經驗,等日後有需要的JM作參考。但好長… 話說仔仔12月說牙痛,佢又未睇 ...

我小朋友前半年都需要做杜牙根,不過我比你好彩,我遇到1個好好嘅牙醫。都係兒科嘅。
佢嘅收費應該同你嗰幾間差唔多。上次佢都話full哂,但聽到我小朋友嘅情況,就即刻插位睇。總共有8隻牙有問題,其中1隻要杜。
當時個牙醫話小朋友4歲太細。所以就1日安排做1隻。連每次嘅見e生錢都唔使收。淨係收補牙錢。計返1000蚊1隻。杜牙根就7000蚊。做麻醉的。
我囡見完後都無驚咗,到依家keep住覆診,佢都ok丫。


男爵府

積分: 6231


發表於 19-4-13 15:38 |顯示全部帖子
fishcmy 發表於 19-4-9 17:58
我想分享一下之前帶仔仔去睇牙醫的經驗,等日後有需要的JM作參考。但好長… 話說仔仔12月說牙痛,佢又未睇 ...

你好呀我嘅經驗同你差唔多 囡囡5y牙痛 去睇普通科牙醫就咁幫佢補咗 之後佢keep住有嗌痛 我再睇嗰個牙醫已經話隻牙唔得要杜牙根 一係脱左去 我後悔當初點解唔搵專業嘅兒童齒科醫生 之後再搵多個牙醫問意見 第二個牙醫話 幫我女脫 脫脫下我個女係咁掙扎 推開支針 隻牙已經叫鬆咗 但有剝唔到 之後我個女對牙e都有恐懼 再去睇兒童齒科 佢要(文)氣麻醉 隻牙已經鬆咗想要都到唔到 要直接脫牙 仲有四隻蛀牙 埋單12100


男爵府

積分: 6231


發表於 19-4-13 15:41 |顯示全部帖子
fishcmy 發表於 19-4-9 17:58
我想分享一下之前帶仔仔去睇牙醫的經驗,等日後有需要的JM作參考。但好長… 話說仔仔12月說牙痛,佢又未睇 ...

羅醫生幫佢杜牙根有冇落麻醉?係(文)氣麻醉定係就咁打針麻醉? 如果就咁打針麻醉 佢五歲都算好叻呀


男爵府

積分: 5035


發表於 19-4-13 15:53 |顯示全部帖子
maggielmy 發表於 19-4-13 15:41
羅醫生幫佢杜牙根有冇落麻醉?係(文)氣麻醉定係就咁打針麻醉? 如果就咁打針麻醉 佢五歲都算好叻呀
...

羅醫生先落麻醉膏再打麻醉針, 其實本身大埔個普通牙醫都是如此先進行補牙, 所以我先甘不滿中環那個戚牙醫什麼都唔做跟住就話我個仔唔乖要我個仔全身麻醉


男爵府

積分: 5035


發表於 19-4-13 15:55 |顯示全部帖子
maggielmy 發表於 19-4-13 15:38
你好呀我嘅經驗同你差唔多 囡囡5y牙痛 去睇普通科牙醫就咁幫佢補咗 之後佢keep住有嗌痛 我再睇嗰個牙醫 ...

我前前後後都睇左4個牙醫


男爵府

積分: 6231


發表於 19-4-13 15:58 |顯示全部帖子
fishcmy 發表於 19-4-13 15:55
我前前後後都睇左4個牙醫

我都睇咗三個, 但我真係好後悔點解一開頭就咁畀個牙醫補咗就算,應該一早要去睇兒童齒科,可能佢隻牙仲有得救 , 去睇第二個牙醫 ,佢幫佢剝 , 剥到半路勁激動, 而家去一要坐喺牙醫診所嗰張床佢,佢就會不其然地企起身坐起身 , 無論檢查定係乜嘢佢都勁緊張


男爵府

積分: 5035


發表於 19-4-13 16:13 |顯示全部帖子
maggielmy 發表於 19-4-13 15:58
我都睇咗三個, 但我真係好後悔點解一開頭就咁畀個牙醫補咗就算,應該一早要去睇兒童齒科,可能佢隻牙仲 ...

甘你囡囡依家攪掂未?


男爵府

積分: 6231


發表於 19-4-13 16:41 |顯示全部帖子
fishcmy 發表於 19-4-13 16:13
甘你囡囡依家攪掂未?

已攪掂,但到我要攪


男爵府

積分: 5035


發表於 19-4-13 16:45 |顯示全部帖子
maggielmy 發表於 19-4-13 16:41
已攪掂,但到我要攪

甘大人就選擇多好多。而羅牙醫那裡我都見有大人去睇,講真,補牙1000蚊一隻唔算太貴,我仔仔本身在大埔補牙就收2000蚊一隻,唔知是否因他是小朋友就貴d


男爵府

積分: 6231


發表於 19-4-13 16:51 |顯示全部帖子
fishcmy 發表於 19-4-13 16:45
甘大人就選擇多好多。而羅牙醫那裡我都見有大人去睇,講真,補牙1000蚊一隻唔算太貴,我仔仔本身在大埔補牙 ...

但我失敗了,要找專科


男爵府

積分: 6231


發表於 19-4-13 16:53 |顯示全部帖子
fishcmy 發表於 19-4-13 16:45
甘大人就選擇多好多。而羅牙醫那裡我都見有大人去睇,講真,補牙1000蚊一隻唔算太貴,我仔仔本身在大埔補牙 ...

我同女都係比呢個牙醫搞成咁,大角咀沈x成,你地自己小心


男爵府

積分: 5035


發表於 19-4-13 16:54 |顯示全部帖子
maggielmy 發表於 19-4-13 16:51
但我失敗了,要找專科

希望你快d搵到合適的牙醫


男爵府

積分: 5035


發表於 19-4-13 16:57 |顯示全部帖子
maggielmy 發表於 19-4-13 16:53
我同女都係比呢個牙醫搞成咁,大角咀沈x成,你地自己小心

本帖最後由 fishcmy 於 19-4-13 16:57 編輯

對。我在這裡分享就希望大家唔好中伏,我信合適的牙醫應該是人夾人,未必有一定,但差的牙醫應該對個個人都差


男爵府

積分: 6231


發表於 19-4-13 17:16 |顯示全部帖子
fishcmy 發表於 19-4-9 17:58
我想分享一下之前帶仔仔去睇牙醫的經驗,等日後有需要的JM作參考。但好長… 話說仔仔12月說牙痛,佢又未睇 ...

我想講你呢個醫生呢都算收得貴 ,同係兒童牙科醫生 ,佢整隻牙要3000蚊起跳,我個女都係剝牙呀 千一, 補牙千五,麻醉另計


男爵府

積分: 5035


發表於 19-4-13 20:31 |顯示全部帖子
maggielmy 發表於 19-4-13 17:16
我想講你呢個醫生呢都算收得貴 ,同係兒童牙科醫生 ,佢整隻牙要3000蚊起跳,我個女都係剝牙呀 千一, ...

其實貴都是其次,我明白佢在中環一出地鐵站就係,甲級寫字樓, 除了接待處及診治室, 仲有會議室及其他, 租都貴好多,仲有幾個好大的高清電視, 收得貴都正常。而C6又是成日蛀牙要杜牙根的人, 所以佢見到個仔牙痛要杜牙根身同感受, 而佢一見到我想疑似格價以致拖慢少少都開始黑我面,所以我本身都真的預左3至4萬埋單的(心中其實都好肉赤)。但由於個牙醫真的唔處理痛那隻牙,連我C6都激嬲埋, 所以先毅然唔再睇佢, 再激起我在此分享。


別墅

積分: 670


發表於 19-6-16 03:26 |顯示全部帖子
fishcmy 發表於 19-4-9 17:58
我想分享一下之前帶仔仔去睇牙醫的經驗,等日後有需要的JM作參考。但好長… 話說仔仔12月說牙痛,佢又未睇 ...

多謝分享
我仔5歲年頭又係嗌牙痛
第一次我帶咗佢去我睇開嗰個牙醫
話有三隻牙要補,一隻杜牙根,要全身麻醉,refer咗去張虹莉
我唔肯於是搵左另外一個
嗰個只係幫佢補咗兩隻蛀牙
佢話佢都冇乜信心心幫佢做杜牙根
雖然阿仔全程好合作,連登記個姑娘都讚佢
隔咗兩個月後今日佢又話好痛
我諗星期一我要打去約羅醫生了

再次多謝你嘅分享


男爵府

積分: 5035


發表於 19-6-16 07:52 |顯示全部帖子
vivianii 發表於 19-6-16 03:26
多謝分享
我仔5歲年頭又係嗌牙痛
第一次我帶咗佢去我睇開嗰個牙醫

點解唔去張虹莉?我見呢度d JM對佢的評價都好好, 只不過是我book唔到。不過去羅醫生度最好的就是平(尤其以兒童齒科計), 祝你小朋友快點好返!


別墅

積分: 714


發表於 19-6-20 11:36 |顯示全部帖子
回覆 fishcmy 的帖子

請問張虹莉醫生好嗎?我見好多JM都有介紹


男爵府

積分: 5035


發表於 19-6-20 11:38 |顯示全部帖子
saronald 發表於 19-6-20 11:36
回覆 fishcmy 的帖子

請問張虹莉醫生好嗎?我見好多JM都有介紹

我都唔知,我果時都book唔到

首頁

尾頁

跳至