少年成長今日: 0|主題: 15845

收藏本版

發帖

返回列表

跳至頁

查看: 6847 | 回覆: 0

孩子的平常心

csir3290

子爵府

積分: 10906

發表於 19-4-14 12:35 |顯示全部帖子

前幾日阿仔終於經歷咗佢第一次嘅鋼琴表演。其實都唔係啲乜嘢好重要嘅表演，只不過係佢嘅鋼琴老師定期幫佢啲學生做嘅表演。但係對於阿仔嚟講我就覺得係重要嘅一步，因為老師已經唔係第一次叫佢表演，因為阿仔都已經學琴學咗差唔多兩年，但係佢一路自己都話唔想。其實阿仔一路對彈琴都冇乜信心，雖然佢同埋家姐一齊學，家姐都已經表演過幾次亦考過試，但係阿仔都一路冇乜信心參加表演。所以佢今次終於肯主動話參加我哋都覺得對佢嚟講係好重要嘅一步。

記得初初學琴嘅時候，阿仔表現到好似唔係好大興趣咁，但係開始之前其實我哋有問過阿仔學唔學，阿仔話學我哋先畀佢學，可能佢見到家姐學所以佢又一齊跟住話想學。所以開始之前我哋都問清楚佢，同埋定咗兩個條件就係每一日都要練琴同埋要學半年以上我哋先幫佢報名。開頭佢可能跟得唔係咁好，所以佢好似冇乜心機學，好多時都要我坐埋喺佢側邊陪佢一齊同佢一齊數拍子一齊練習。我同老婆都知道興趣呢啲嘢冇得心急亦都冇得迫，所以我哋從來唔會迫佢考琴亦都唔會逼佢表演。每一次老師叫佢我哋都會問佢自己想唔想，佢唔想我哋就算數。當然你問我想唔想佢表演，作為父母梗係想見到自己嘅仔女表演啦！但係我哋知道愈係迫佢，佢只會覺得越唔開心。可能冇乜心理壓力，我哋又成日讚佢，我哋發覺佢多咗時間彈一啲老師冇教佢嘅歌。喺練琴嘅時候佢會攞學校自己上堂嘅音樂書出嚟自己試彈咁。我同老婆聽到自然一定會讚佢啦！可能都係讚得多，所以佢自己覺得越彈越有信心亦都慢慢習慣咗每一日都要練琴。練琴嘅時間其實我哋都係要佢每日由初學時嘅每日十分鐘，慢慢加到宜家嘅15分鐘。其實我有時都覺每一日練10至15分鐘係咪真係短一啲，但係我發覺原來阿仔開始有咗興趣之後好多時佢練琴自己練吓練吓都會多過15分鐘。阿仔由開頭唔係好想到慢慢適應習慣信心越嚟越強，所以而家基本上我哋都唔使提佢佢每一日都會自己練。

其實學琴方面家姐都已經考咗鋼琴試，做咗兩三次升級匯報，但係阿仔一次都未試過，連老師有陣時都會問佢考唔考琴試，我哋都係同老師講唔好迫佢，由佢自己想考我哋先畀佢考。所以今次老師問佢肯唔肯表演佢竟然主動話肯表演同埋自己揀首歌去表演，我哋梗係開心啦！但係我哋都要表現到好似平時咁，令佢覺得表演係一件好平常嘅事，爸爸媽媽唔會特別覺得緊張而要迫佢加強練習。正如我成日都講其實興趣最緊要係玩得開心，小朋友只要佢覺得嗰樣嘢係開心嘅佢就自自然然會做。

佢表演嗰日，我同老婆都一路睇住佢仲幫佢拍埋片，但係我印象最深刻嘅就係佢一表演完鞠躬之後就即刻走埋嚟攬住我哋。跟住我問佢緊唔緊張，佢竟然答我話一啲都唔緊張。呢啲正正就係我哋大人成日都講嘅平常心。小朋友做好多嘢其實佢哋都可以好平常心去應對，做唔到平常心嘅只不過係家長，家長越在意越緊張只不過係令到細路仔嘅心理壓力越大，其實細路仔佢越係能夠平常心面對就越容易做出成績。其實而家嘅細路仔好多時佢都要面對好多嘅競爭，如果連興趣班家長都唔能夠用平常心去幫小朋友發展佢嘅興趣，咁我哋嘅仔女只不過係不停會喺壓力之下好難會玩得開心。

私人傳訊

跳至頁

返回列表

回覆

發帖

頻道

討論區

熱門搜尋：

少年成長 今日: 0|主題: 15845

少年成長今日: 0|主題: 15845