吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 入祈廉氏育嬰園，定比姐姐湊好？

懷孕前後今日: 3|主題: 329685

收藏本版

發帖

返回列表

跳至頁

查看: 11641 | 回覆: 22

入祈廉氏育嬰園，定比姐姐湊好？ [複製鏈接]

snow888

複式洋房

積分: 367

1^#

發表於 19-5-6 20:10 |只看該作者 |倒序瀏覽 |打印

本來諗住育嬰園排好耐，所以請姐姐，但而家佢話8月有位(阿b到時4個月大),好爭扎入育嬰園定請姐姐好？

0 0 0

私人傳訊

katielbaby

大宅

積分: 3000

2^#

發表於 19-5-6 20:43 |只看該作者

回覆 snow888 的帖子

我係過來人, 當年我都好爭扎, 但最後我2個小朋友都係託兒園大, 我覺得好好。
大女出世時屋企太細, 又唔習慣屋企多個外人, 所以無請工人, 送咗個女託兒園, 頭嗰年成日病, 唔係流鼻涕就肚疴, 我份工重要請唔到假湊佢, 病住都要送佢返學, 我喊咗好耐, 諗緊係咪做錯。捱過咗一年, 囡囡身體開始好咗好多, 有時發燒, 過一晚自己好番, 醫生都唔洗睇。有次中咗甲型流感, 晚咗3, 4日, 留咗一晚院, 藥都無食過就好番。去到幼稚園, 見到囡囡D同學頭一年又係勁病, 我就明白, 如果當年囡囡唔去託兒園, 唔洗病, 而家就會因為無抗體而病, 病係群體生活一定會發生嘅事, 只係遲早發生。另外, 因為有託兒園幫手, 我完全唔洗煩, 老師到時候就會幫我轉固體食物, 幫我囡囡試有無食物敏感, 又同佢戒片。我個女入幼稚園時已經戒咗片, 會自己食飯, 自理能力好好。

直到細仔出世, 湊2個, 搞唔掂, 於是請咗工人, 但係我都送咗仔仔去託兒園, 因為我信唔過工人。託兒園定時有老師換片, 早, 午餐, 有下午茶, 有湯, 有水果, 工人點會做得咁足吖。對住工人困又悶, 託兒園有老師講故事, 陪佢玩, 學到好多嘢。

私人傳訊

snow888

複式洋房

積分: 367

3^#

發表於 19-5-6 21:54 |只看該作者

回覆 katielbaby 的帖子

謝謝你的回覆，很詳細啊。我想請問你女女同仔仔係幾大入育嬰園呀？

私人傳訊

terry9013

別墅

積分: 975

4^#

發表於 19-5-7 06:19 |只看該作者

katielbaby 發表於 19-5-6 20:43
回覆 snow888 的帖子

我係過來人, 當年我都好爭扎, 但最後我2個小朋友都係託兒園大, 我覺得好好。

點搵育嬰園既資料？謝謝

私人傳訊

Nbs

水晶宮

積分: 55794

5^#

發表於 19-5-7 09:15 |只看該作者

回覆樓主:

我姑仔個仔有由三個月大開始到兩歲都係去育兒院，我見佢真係長期兩行鼻涕，不過就冇發燒亦冇聽過佢話要睇醫生或者住醫院。比較起我個女喺屋企工人湊，淨係返playgroup同n班，又真係病得多過我女好多。

自理能力方面就真係唔錯，可以自己食嘢瞓覺，唔使點樣tum。

如果同我個女比，因為我個女喺屋企我哋同佢中文英文都有講，所以我個女中英文都識，但係我姑仔個仔就淨係識中文。因為我target國際學校，所以呢樣嘢對我嚟講好大分別。

私人傳訊

qqyanyan

男爵府

積分: 8352

虎到金來勳章牛年勳章 MommyPanel勳章

6^#

發表於 19-5-7 10:24 |只看該作者

其實兩者都有兩者嘅好同壞嘅。

育嬰園好處係可以早Ｄ俾ＢＢ學習團體生活，而且生活有規律，自理能力會比較快
唔好處當然係好容易病，有Ｄ病到自己都會好內疚。同埋唔好expected育嬰園老師會教好英文，三文兩語啦。

請姐姐好處係可以照顧周到，ＢＢ係自己屋企點都比較放心，而且如果請菲姐組仲可以學埋英文添（好似樓上JM所講）
唔好處就唔講啦。

私人傳訊

redbus

大宅

積分: 2908

7^#

發表於 19-5-7 11:08 |只看該作者

請姐姐就可以夜晚有餐飯食囉，但係如果俾我我寧願辛苦啲，始終育嬰院嘅姑娘係有專業訓練，相對來講我覺得學嘢會多個工人囉，工人可能學到英文嘅，但係其他嘢呢？自理能力社交都係一個重要因素，同埋最重要係一定唔會虐待小朋友

私人傳訊

magmagbbg

複式洋房

積分: 222

8^#

發表於 19-5-7 11:09 |只看該作者

snow888 發表於 19-5-6 20:10
本來諗住育嬰園排好耐，所以請姐姐，但而家佢話8月有位(阿b到時4個月大),好爭扎入育嬰園定請姐姐好？ ...

Hello, 我囝囝讀緊祈廉士，兩個月大入學(一個月大已可以入學，不過當時我放產假，想陪佢耐啲), 老師們真係好好，跟得好足，令我哋好放心。有咩問題佢哋亦會即日用電話跟進

囝囝係易病，但亦好快病好。相比其他bb，我覺得佢無咁怕生，我尤其喜歡學校嘅規律，會對小朋友成長有良好影響

另外學校搞好多家長活動，又會用手語教學，bb用唔到言語表達，但會不知不覺間，用手語表達自己需要

私人傳訊

katielbaby

大宅

積分: 3000

9^#

發表於 19-5-7 12:36 |只看該作者

snow888 發表於 19-5-6 21:54
回覆 katielbaby 的帖子

謝謝你的回覆，很詳細啊。我想請問你女女同仔仔係幾大入育嬰園呀？ ...

我囡囡3個月就入育嬰園, 仔仔就6個月先入, 因為要等到1/9開學先有位。

私人傳訊

Bearbearsharon

大宅

積分: 2570

10^#

發表於 19-5-7 19:02 |只看該作者

katielbaby 發表於 19-5-6 20:43
回覆 snow888 的帖子

我係過來人, 當年我都好爭扎, 但最後我2個小朋友都係託兒園大, 我覺得好好。

Same here, 細B岀世後都會交比育嬰園，姐姐主力湊哥哥。

私人傳訊

sarah_cy

大宅

積分: 1276

11^#

發表於 19-5-8 11:46 |只看該作者

我個仔都係讀緊祈廉士wor，由佢3個月大開始讀。當初我話要放阿仔入去個陣，都有不同人提出過擔心，包括我自己的父母。
但事實令佢地都對入育嬰園改觀。

首先關於生病方面，一開始頭幾個月係無乜病過，之後因為病而請假的日子都唔算好多，最多個次係佢中咗手足口，咁耐而黎(即由3個月到依家歲幾) 既病假總日數前前後後唔多過一個月。

另外，好似其他JM咁講，育嬰園老師會協助小朋友各方面成長，又會有成長的checklist俾返家長，等我地知道自己小朋友既進度，有乜野我地家長可以配合。特別我呢個係第一胎，好多時都唔係好清楚幾時可以開始去train小朋友一D自理方面既野。阿仔未夠一歲已經會自己收拾玩具，而由一歲打後已經可以自己拎食具食飯，唔駛人餵 (雖然去到我父母屋企，佢地會忍唔住餵)。依家佢係園入面就有toilet training。

社交方面，可能阿仔咁細個就入去，見開唔同大人同小朋友，所以唔係太怕生，就算去到陌生環境唔需要好長時間先可以適應到，而且又會肯同其他小朋友玩。去面試n班個陣就更加睇得到佢表現穩定。

私人傳訊

snow888