想生BB 今日: 1 | 主題: 109050

積分: 446

1^#

發表於 19-5-9 02:51 |只看該作者 |倒序瀏覽 |打印

我哋已經結婚十幾年, 呢十年我都有同老公提過生bb嘅問題, 但次次都俾我老公以各種理由推搪，唔係話經濟唔得，就話我唔溫柔，唔適合做人阿媽。

我本身有經痛問題困擾多年, 以前後生時無諗過以生仔嚟解決經痛, 反正都唔想28歲前生bb。但呢十年M痛越嚟越嚴重, 次次都食好多止痛藥加敷熱水袋都解決唔到, 次次痛到暈痛到嘔，返工都返唔到, 每次嚟M時都痛到想自殺

, 真係痛不欲生!

0 0 0

私人傳訊

積分: 446

2^#

發表於 19-5-9 02:57 |只看該作者

回覆樓主:

次次睇婦科醫生, 個醫生都勸我早啲生bb, 希望透過懷孕呢段時間嚟恢復身體, 話無月經可以令子宮內膜枯萎, 希望咁樣治癒到m痛。不過都唔係百分百得, 只是都唔少人靠生bb嚟醫好痛經。如果再唔生bb都無乜機會喇, 因為已快40。一係就索性切除子宮, 但問題係一直都無驗到咩瘤, 只係醫生擔心係最嚴重麻煩嘅肌腺症, 咁樣最麻煩, 分分鐘連懷孕都難, 更莫說生b。

私人傳訊

積分: 446

3^#

發表於 19-5-9 03:07 |只看該作者

回覆樓主：

本帖最後由秋天楓葉於 19-5-9 03:09 編輯

肌腺症最恐怖就係可以睇唔到，因為啲組織喺子宮肌肉層入面, 而且係好多細細碎碎啲點點, 不是一定一個個大瘤, 不能逐個切除到, 每次嚟m都會喺肌肉層裡面流血, 諗緊都驚。

但如果唔決定生b就要繼續痛到收經, 如果50幾先收經, 再痛多十幾二十年, 咁樣痛法我一個月都捱唔住喇, 更何況要再捱多二十年。其實已經捱咗十幾年呢種痛, 真係生不如死。

私人傳訊

積分: 446

4^#

發表於 19-5-9 03:13 |只看該作者

回覆樓主:

一係就切除子宮, 但如果純粹M痛而切除子宮, 而我又未生過真係好擔心。所以我好想生bb, 但我老公日日見我痛到死去活來也無動於衷，一個月M痛都痛足7, 8日佢都可以由我繼續。

佢完全無諗過要生bb,即使同佢講話成個子宮切除會好大影響, 可能將來更加多病痛, 同佢講話我好驚將來唔知變成點, 但佢依然唔肯計劃生b, 不斷話經濟壓力大, 話今時今日根本好難養小朋友。我話兩個人辛苦養大一個小朋友好多人都係，到時煮到埋嚟先食, 諗太多只會更加縮沙, 但佢始終唔肯行動。

我仲可以點? 唔通等有一日痛到忍唔住跳落樓??

私人傳訊

lovelywww

男爵府

積分: 9576

5^#

發表於 19-5-9 04:18 |只看該作者

秋天楓葉發表於 19-5-9 03:13
一係就切除子宮, 但如果純粹M痛而切除子宮, 而我又未生過真係好擔心。所以我好想生bb, 但我老公日日見我痛 ...

你地一開始無共識？唔可以因為經痛呢個問題逼男人要bb，你越逼越反感，生兒育女係好大責任，唔係求其有咗先算，或者佢根本就唔想
你有無嘗試睇多幾個婦產科醫生，搵多個舒緩經痛方法

私人傳訊

fa9bb

別墅

積分: 902

6^#

發表於 19-5-9 08:15 |只看該作者

如果因為經痛而生bb
何不試下睇中醫、從飲食著手改善經痛？
懷孕過程有好多複雜因素影響你嘅身體
又可能有外在因素影響你坐月
未必完全改善到
生bb係一世責任
2公婆冇共識好難實行
除左改善經痛有咩原因促使你想有bb?
試下同老公傾下你嘅諗法

私人傳訊

cavy0511

男爵府

積分: 9959

7^#

發表於 19-5-9 09:16 |只看該作者

秋天楓葉發表於 19-5-9 02:51
我哋已經結婚十幾年, 呢十年我都有同老公提過生bb嘅問題, 但次次都俾我老公以各種理由推搪，唔係話經濟唔得 ...

咁睇你地之前係咪有共識唔生? 婚前應該呢樣野有共識喎, 就算結婚十幾年, 係你呢刻轉軚想要?
我又睇唔透你到底係因為想要小朋友而生小朋友? 定因為經痛想生bb, 睇完我只感覺係後者, 其實如果單純係因為後者, 咁你應該睇多幾個中西醫去試下解決問題, 唔係制造一個小朋友幫你解決問題, 養一個人仔唔係抱一隻貓仔狗仔返黎咁簡單, 你有咁既年歲應該明白.....

私人傳訊

積分: 4819

8^#

發表於 19-5-9 09:32 |只看該作者

秋天楓葉發表於 19-5-9 02:57
次次睇婦科醫生, 個醫生都勸我早啲生bb, 希望透過懷孕呢段時間嚟恢復身體, 話無月經可以令子宮內膜枯萎, 希 ...

明白知嘅苦惱。你係好想生BB, 但老公唔配合，你又到40 呢個臨界點，唔可無止境等佢改變心意。你提及嘅經痛，應該係想表示，你為了生B 保留子宮而痛不欲生，但老公還是不動搖。當中你好沮喪挫敗，而你亦到了臨界點。

我覺得你要冷靜落黎去諗清楚了。我40, 係39 尾時做ivf, 我慢慢知道我開始得太遲，現在已受孕不易，所以你並沒有時間可以再等待了，要生，你要趕喺42 前，因之前卵巢會進一步衰退，你會難上加難。

你要諗能不能接受無小孩的生活。沒有小孩，現在應該無乜苦惱。主要分別是老時，無小孩，會是兩公婆相依為命，而最後會留番其中1個人獨自活在世上。你要和老公認真傾下。

私人傳訊

積分: 4819

9^#

發表於 19-5-9 09:41 |只看該作者

秋天楓葉發表於 19-5-9 03:13
一係就切除子宮, 但如果純粹M痛而切除子宮, 而我又未生過真係好擔心。所以我好想生bb, 但我老公日日見我痛 ...

(續）如果你諗完，真係好想有小朋友，咁就要大家互相遷就。兩個人，總有一個要就另一個。到我地呢個年紀，好難純粹因為佢唔體貼而離婚，因為大家相處耐，有感情。看看能否在商討中，你遷就佢一d 嘢，而令佢可以同意你有小孩。我本身也是自己想生，老公中意事業無特別想要。而ivf 要洗好多錢，及要佢付出心機。所以我就放棄事業跟佢喺外地等佢發展自己事業，而佢亦要支持我生BB, 因我同佢講無BB 會係令我非常遺憾會好一世好唔開心嘅事。咁人人情況不同。你看看能否和他心情好好地，出去食餐靚飯時，傾下點做。最緊要唔好太激動，男人唔中意女人激動的語氣，佢覺得無理取鬧及迫佢。

私人傳訊

duckie919

積分: 4064

10^#

發表於 19-5-9 10:52 |只看該作者

秋天楓葉發表於 19-5-9 03:13
一係就切除子宮, 但如果純粹M痛而切除子宮, 而我又未生過真係好擔心。所以我好想生bb, 但我老公日日見我痛 ...

完全明白你感受
但係如果你老公真係因為經濟壓力，或者係暫時冇經濟壓力但係生左之後會有未知嘅經濟壓力，而你嘅諗法只係船到橋頭自然直嘅話，只會令佢更加大壓力，代表唔理三七廿一有咗先算，不如睇吓有冇實質行動，有一啲計劃，真正傾下將來

呢樣野的確要互相遷就如果唔係你又會怨佢搞到你冇仔女，冇共識就生，將來經濟有啲乜嘢，佢都可能會埋怨，都會影響夫婦感情

私人傳訊

積分: 446

11^#

發表於 19-5-9 11:56 |只看該作者

lovelywww 發表於 19-5-9 04:18
你地一開始無共識？唔可以因為經痛呢個問題逼男人要bb，你越逼越反感，生兒育女係好大責任，唔係求其有咗先 ...

唔係完全無共識的，亦唔係從來無計劃下, 更加唔係諗住生出嚟先算。

我哋未結婚時佢應承過將來結婚會生生小朋友, 只是想等經濟好啲先會生。亦諗過點養小朋友。只係估唔到結完婚後佢就一年推一年, 一推就十幾年。

私人傳訊

ununfatfat

積分: 4426

12^#

發表於 19-5-9 11:58 |只看該作者

回覆秋天楓葉的帖子

好明白你感受，我和我先生都結婚十年，一直都等他，希望他慢慢地接受有小孩，我很想有自己兒女，但怎麼多年他都不明白，當中為了這個問題，吵架無數次，更鬧到差不多離婚，終於我們達成協議，但是我年紀大，接近40，自然也自然不到，現在只好做ivf，上年38歲時做了一次，失敗了，今年再做第二次，好後悔之前不好好打算，現在都不知道什麼事候成功，如果你真係好想要小孩，真的要同你先生好好溝通下，生小孩，女人是有限期，男人是沒有，不要令到自己將來後悔。

私人傳訊

積分: 446

13^#

發表於 19-5-9 11:58 |只看該作者

lovelywww 發表於 19-5-9 04:18
你地一開始無共識？唔可以因為經痛呢個問題逼男人要bb，你越逼越反感，生兒育女係好大責任，唔係求其有咗先 ...

乜都做晒，就係無辦法解決, 只係越嚟越痛。次次都痛到想自殺。

私人傳訊

積分: 446

14^#

發表於 19-5-9 12:02 |只看該作者

fa9bb 發表於 19-5-9 08:15
如果因為經痛而生bb
何不試下睇中醫、從飲食著手改善經痛？
懷孕過程有好多複雜因素影響你嘅身體

其實我一直都鍾意bb, 結婚一定會想生bb。只是想28歲後先打算, 但我老公就結婚後反而藉口多多, 宜家咪變咗好似得得一個想。一個喺結婚前口口聲聲應承會俾好生活會生兒育女嘅男人, 我一百信任佢先會嫁, 點知宜家變成係我迫佢，我完全唔知點

私人傳訊

積分: 446

15^#

發表於 19-5-9 12:10 |只看該作者

cavy0511 發表於 19-5-9 09:16
咁睇你地之前係咪有共識唔生? 婚前應該呢樣野有共識喎, 就算結婚十幾年, 係你呢刻轉軚想要?
我又睇唔透你 ...

可能我表達得唔好, 其實未結婚前我哋有共識會生小朋友, 只是當時結婚仲好後生, 無話即刻想生, 想等經濟好啲先諗。但結婚後我俾咗十幾年時間我老公去諗，佢都係咁。我本身好鍾意小朋友, 結婚前到宜家心態都係一定會生。一嚟宜家年紀大咗再唔生趕唔到尾班車, 二嚟加上我月經痛問題更加令我想生。只係我痛到咁佢都無動於衷令我好灰。並唔係單純因為經痛而迫佢生。

私人傳訊

積分: 446

16^#

發表於 19-5-9 12:17 |只看該作者

yhyeung 發表於 19-5-9 09:41
(續）如果你諗完，真係好想有小朋友，咁就要大家互相遷就。兩個人，總有一個要就另一個。到我地呢個年紀， ...

我試過好多次冷靜咁同佢商討, 但無論點都好佢依然堅決咁話經濟壓力大唔想生, 責任大要付出好多心機時間。佢未必想犧牲個人自由, 宜家都無人管人自由, 宜家佢都仲好似單身咁生活。我諗唔係個個男人會心軟想要小朋友。

私人傳訊

babybeans

積分: 3054

17^#

發表於 19-5-9 12:22 |只看該作者

秋天楓葉發表於 19-5-9 12:17
我試過好多次冷靜咁同佢商討, 但無論點都好佢依然堅決咁話經濟壓力大唔想生, 責任大要付出好多心機時間。 ...

唔好意思
其實你地夫婦嘅關係係咪唔太好?你話佢好似單身生活咁~
定真係經濟能力好差?

雖然我唔想咁講但怕係咁嘅環境生出黎
可能反而對bb唔係咁好

你有無做過宮腔鏡檢查搵出經痛原因?

私人傳訊

積分: 446

18^#

發表於 19-5-9 12:23 |只看該作者

duckie919 發表於 19-5-9 10:52
完全明白你感受
但係如果你老公真係因為經濟壓力，或者係暫時冇經濟壓力但係生左之後會有未知嘅經濟壓力， ...

生出嚟先算呢個諗法只係我家人見我結婚咁多年都唔生先咁同我講, 佢哋話無壓力點會有動力。做人唔可以怕壓力而唔生, 話我老公自私。所以我一激動時先話生咗先算, 但其實每個人生小朋友都唔知將來會點, 只是經濟上穩定就感覺會俾到好嘅生活小朋友, 但我認為心機同時間都重要, 所以會諗點樣先令小朋友生活開心, 唔係單靠物質。

私人傳訊

積分: 4819

19^#

發表於 19-5-9 12:34 |只看該作者

秋天楓葉發表於 19-5-9 12:17
我試過好多次冷靜咁同佢商討, 但無論點都好佢依然堅決咁話經濟壓力大唔想生, 責任大要付出好多心機時間。 ...

我個人比較心急，如果係我，我要問佢"點為知有經濟基礎", 仲要幾多年。我會買一本生育書show 埋比佢睇，女性年齡及懷孕成功率。我會忍唔住話佢知我而家已經到咗一個燃眉之急無得再等。如果佢都係唔肯，就無得迫了。因授孕呢樣嘢無mood 做唔到。

喺咁情況你要諗，你覺得繼續一齊二人生活開心d, 還是自己一人生活下去開心d。你想要伴侶，還是要有小孩。如果要小孩，未必一定要有丈夫才可以。某d 地方可以接受單身人工授孕，或者領養。即係你要選責無小孩的夫妻關係，還是沒父親的子女關係。

私人傳訊