吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 在職全職› 做part time 不是想像中咁，更遇上不平等待遇 ...

在職全職今日: 111|主題: 47924

收藏本版

發帖

返回列表

跳至頁

查看: 9296 | 回覆: 13

[在職媽媽] 做part time 不是想像中咁，更遇上不平等待遇 [複製鏈接]

bear曾

大宅

積分: 1751

1^#

發表於 19-5-11 14:45 |只看該作者 |倒序瀏覽 |打印

本帖最後由 bear曾於 19-5-11 18:02 編輯

自從阿女升小1後，就由全職工轉為半職。至今，先後做了2間公司，我做的是文職。
半職不但是以前人工3份1，福利也沒有，同工不同酬，還要半日做全日工作，日日做到趕頭趕命。
我做的第1間公司是大公司，每天返5小時，但事實上5小時是不夠，甚至食飯時間也沒有，邊食邊做。這個位前身是全職位，經常要ot,因為請唔到人，就請part time。後來搵到第2份part time,返半日(之前都是全職位來的)，就冇做第1間公司了。
本來以為搵到個好boss,又話自己係爸爸，好理解媽媽需要，口頭話小朋友考試放假需要請假，可補假，即第2天返全日，又話做哂d野可以早少少走，即放1點半，做哂野1點走都冇問題，講到好有彈性。
結果，當然係冇，每日返到公司，一入門口未坐底就叫我做野，去廁所耐少少(1個字)就問去左邊，阿女打電話黎(都係放假時打黎問我可否睇電視之類事，講5分鐘到)，老細就借呢借路問呢d果d野做完未，其實d野唔急。
我是做文職的，如果果日冇咩單入，就要打掃，抹地，出街買野，更甚的倉同事出左街就叫我搬貨。這根本不是工作範圍，我忍，因為份工有時間可照顧屋企。
我之前約1個月請1天假幫學校做義工，一向都是第2天補返種。剛過去的復活節假期，小朋友放假我就請假，但老細蝦我，話由復活節開始冇得補假。這是甚麼道理，我是做part time的，已沒享有甚麼福利。冇返工果日，d野第日咪又係自己做返，依家要4個鍾做返之前放假既野，又唔可以補鍾，明明自己講過既野(可補鍾)，又反口。只有佢著數，冇人著數。
我從來都冇諗過要咩著數(做哂野可以早走)，只要準時放工就心滿意足。但1開始返第2間公司，每日放工都俾老細hold我半小時以上，問埋d唔急既野，有1次更留到3點鍾(放1點半)，朋友跟我說要同老細講補返1個半小時早走，否則老細會變本加厲，我第2天上班，終於開口，他竟說我那天是2點走，經過一輪爭議，終於補返1.5小時鍾俾我，至此，他就不敢放工再叫我留底。公司已經沒有廁紙提供，做公司野打電話要用自己私人電話，這樣都算。加上還有很多不平等待遇，如公司唔開冷氣，但冇窗，被老細開櫃，開電腦，cctv收音等。我終於忍唔住，辭職了。

我問自己做part time原意是甚麼，就是想多點時間照顧屋企，夠鍾就收工，唔會有太大壓力。就係因為咁，做part time就成為僱主俾不平等條約給僱員嗎?佢地諗 “”依家市場少part time工,班c9為左可以湊仔，人工可以壓，福利可以壓，佢地出面好難搵part time, 欺負佢地都冇所謂，反正1個c9唔做，重有千千萬萬c9等住做。“”

不只我一個人經歷無良僱主，身邊做過part time的媽媽朋友都試過。結果，她們不是做回ftm,就重回全職工作生捱。

我辭職那天，老細還說依家唔難請人。唉！

0 0 0

私人傳訊

Emmaflower

洋房

積分: 70

2^#

發表於 19-5-11 20:30 |只看該作者

算啦, 唔好咁勞氣, 東家唔打咪打西家, 或者搵其他home office既工, 做咩要辛苦自己?

私人傳訊

Bonbeeb

洋房

積分: 41

3^#

發表於 19-5-12 09:33 |只看該作者

我為左多啲時間湊b,又係由全職轉左半職，人工同大假都少左一半，但係工作量完全無減，開始做唔哂啲野，但係又唔想ot, 開始驚緊唔係我自己辭職，而係會俾老闆炒

私人傳訊

babywoman

男爵府

積分: 7211

4^#

發表於 19-5-12 13:35 |只看該作者

樓主“遇人不淑”，再揾過，仲有好多好好的老細。

我自亞仔讀小學，返過三份PT文職，第一份，9--1點，地點離家遠，但當時好少PT文職可揾，所以做左一年半。當時主要係入單，生意好都比較忙，大部分時間要忙足4個鐘，但到鐘我就可以走，如果未做完，有其他全職同事會跟返。
第二份近少少家，做會計+Admin，返9--3點，一個鐘食飯時間，都算忙，全職嘅嘢5個鐘內做曬, 但唔會OT , 因老細知道我要趕返去接仔放學，仲試過放長假帶仔一起返工。
第三份現職，都近家，返9--1，但我多數送完仔返學就返公司，所以，好多時8點多些就返到公司，有時都會OT,但都會計翻鐘畀我，我有時要請假一兩鐘，老細就話唔當請假，照放，話我經常咁早返到公司。
我可能算好好彩，三份PT都好遷就到我，三份PT都係全職的一半人工，有年假，有雙糧。所以，樓主加油，繼續揾。

私人傳訊

Handsomewoman

男爵府

積分: 8510

5^#

發表於 19-5-13 08:19 |只看該作者

babywoman 發表於 19-5-12 13:35
樓主“遇人不淑”，再揾過，仲有好多好好的老細。

我自亞仔讀小學，返過三份PT文職，第一份，9--1點，地點 ...

請問文職part time 點搵？多數有熟人介紹？

私人傳訊

babywoman

男爵府

積分: 7211

6^#

發表於 19-5-13 08:47 |只看該作者

回覆 Handsomewoman 的帖子

第一份係朋友介紹，其餘兩份喺勞工處揾架。

私人傳訊

Handsomewoman

男爵府

積分: 8510

7^#

發表於 19-5-13 09:11 |只看該作者

babywoman 發表於 19-5-13 08:47
回覆 Handsomewoman 的帖子

第一份係朋友介紹，其餘兩份喺勞工處揾架。

本帖最後由 Handsomewoman 於 19-5-13 09:14 編輯

thanks

咁返半日屋企有冇人幫手湊小朋友和家務？
我成日諗返半日入息少左唔請人幫手變左自己一個點handle? 尤其突發或學校長假？要返半日咁點屋企野同小朋友點？

私人傳訊

kunn

大宅

積分: 1454

8^#

發表於 19-5-13 15:34 |只看該作者

我而家都係做緊home office 文職，由舊公司full time 轉做home office contract, 人工比以前冇左一大半，福利冇曬。都係做返以前的工作範疇，間中要做同事吾願做的狗屎骨project, 但勝在時間彈性，可睇到屋企

想問下home office 文職而家平均幾錢時薪？

私人傳訊

py84ko

子爵府

積分: 11430

好媽媽勳章畀面勳章 hashtag影視迷勳章

9^#

發表於 19-5-17 11:47 |只看該作者

回覆樓主:

樓主,
我都返咗文職PT 半年左右, 如果計時薪, 照計唔使有補鐘這個問題, 因為做幾多計幾多, 其實我自己做 PT 文職原意都係壓力冇咁大, 有時間照顧小朋友接放學, 我都會早返及遲放工, 都係照計時薪的

點評

wcpcelia

發表於 19-6-2 10:22

私人傳訊

miaccp

大宅

積分: 1109

10^#

發表於 19-5-30 16:45 |只看該作者

回覆樓主:

我4月頭辭咗full time 工作，好彩地搵到份part time 工作接住做落去。工作比以前輕鬆 (職位低咗，人工都比以往少60%，每星期工作3.5天)。

本身我係有計劃地轉part time, 因為小朋友K2, 想準備考小一和陪佢升小一適應，所以打算轉part time 2年。我都想問下大家如小朋友升小後，有無打算轉返做full time?